Categories
Lajme

5 ushqime të shëndetshme që ju bëjnë dëm nëse i konsumoni më shumë seç duhet

Mund të mendoni se gjërat që ju bëjnë mirë, ju bëjnë vetëm mirë, por jo. Gjithçka ka masë dhe nëse masa nuk respektohet, përballemi me efektin e kundërt. Nëse mendoni se mund të konsumoni pafund fruta, perime dhe fibra sa të doni, gaboheni! Ka disa ushqime që sado mirë t’ju bëjnë nëse i konsumoni më shumë nga ç’duhet mund t’ju bëjnë dëm.

1.Bananet – Duke ngrënë më shumë banane seç duhet, do të keni probleme me dhëmbët! Njësoj si sheqeri, ky frut mund të prodhojë një lloj bakteri që shkakton prishjen e dhëmbëve. Nëse jeni fansa të tyre, duhet të dini që numri i artë është deri në 2.

2.Tërshërë – Nëse e teproni me tërshërën, mund të keni ndjesi fryrjeje dhe probleme me zorrët. Madje, një tjetër studim ka arritur në përfundimin se shumë tërshërë në dietën tuaj limiton përthithjen e kalciumit, magnezit dhe zinkut. Shumë tërshërë e kombinuar me elementë të tjerë mund t’ju bëjë të shtoni në peshë, prandaj tregohuni të kujdesshëm me sasinë.

3.Djathi – Askush s’do ta donte ta shihte në këtë listë, por e vërteta është kështu. Porcionet e mëdha dhe të shpeshta të djathit rrisin rrezikun e problemeve me zemrën.

4.Orizi – Pavarësisht shijes dhe vlerave ushqyese, orizi përmban shumë pak vitamina. Nëse konsumoni shumë, e limitoni veten nga marrja e llojeve të tjera të vitaminave. Zakonisht niorma e duhur është rreth 90 gram oriz i pagatuar.

5.Boronica – Boronicat mund të ulin sheqerin në gjak përtej vlerave normale, gjë që është e rrezikshme për diabetikët. Në të njëjtën kohë, konsumimi në masë i tyre hollon gjakun, prandaj bëni kujdes, aq më tepër nëse jeni duke marrë ilaçe dhe i kombinoni me to. Mund të vini re frymëmarrje të pazakontë, duke qenë se boronicat janë të pasura me vitaminë K.

Categories
Lajme

Djersiteni gjatë gjithë kohës? Kjo tregon diçka pozitive për shëndetin

Djersitja është një proces shumë normal dhe i nevojshëm për trupin. Dihet që gjatë stinës së nxehtë trupi djersit më shpejt dhe më shumë, për shkak të përballjes me temperaturat e larta. Megjithatë, djersitja e tepërt mund të jetë bezdisëse.

Por a është mirë apo jo të djersitni shumë? Djersitja është një mënyrë natyrale për të liruar toksinat nga trupi. Çdo ushtrim që bëni, bën që të djersiteni dhe kjo siguron qarkullim më të mirë të gjakut.

Ja që nuk keni pse ankoheni nëse djersitni shumë dhe shpesh. Nëse vërtet ju ndodh kështu, mund ta konsideroni veten me fat, sidomos në jeni në moshë të re. Kjo do të thotë se nuk ka asnjë arsye për t’u shqetësuar.

Categories
Receta

RECETA: Pastiço me dy lloje djathrash dhe pana

Përbërësit: 500 gr makarona të shkurtra, 20 gr gjalpë, 30 gr miell, 250 ml qumësht, 250 ml pana, 300 gr djathë i grirë që shkrihet, 5 lugë gjelle djathë parmixhano i grirë + 1 grusht për spërkatjen, kripë, piper, arrë moskat.

Si përgatitet: Ndezim furrën në 200˚. Në një tenxhere me flakë të ulët shkrijmë gjalpin, hedhim miellin dhe e skuqim pak, sa të marrë ngjyrë të lehtë, duke e përzier gjatë gjithë kohës me rrahësen me dorë. E largojmë nga zjarri dhe shtojmë qumështin dhe panën dalëngadalë, duke e përzierë me rrahëse pa pushim, për të mos lejuar të formohen kokrra mielli.

Shtojmë djathin të prerë në kubikë dhe parmixhanon e grirë. E përziejmë deri sa djathërat të shkrihen krejtësisht Shtojmë sipas dëshirës, kripë, arrë moskat dhe piper dhe e lemë mënjanë. Ziejmë makaronat dhe i heqim 2 minuta më parë se të arrijne pikën e zierjes dhe ruajme pak nga uji i zierjes.

Lyejmë me gjalpë tavën, hedhim makaronat, 1 lugë gjelle nga uji i zierjes dhe salcën me djathëra. Përziejmë mirë makaronat me salcën. Spërkasim sipërfaqen me galetë dhe djathë të grirë. I pjekim në furrë për 25 minuta ose derisa të shohim që salca ka marrë ngjyrë dhe në sipërfaqe është bërë krokante. I shërbejmë menjëherë.

Categories
Shëndeti

E shihni këtë frut? Dijeni se ju pastron gjakun, përmirëson tretjen dhe zgjidh problemet me veshkat

Kulumbria është një frut i të njëjtës familjes botanike ku bën pjesë edhe kumbulla. Lulet dhe frutat e bimës së egër të kulumbrisë përdoren në mjekësinë popullore. Këto fruta kanë vlera të shumta dhe i bëjnë mirë stomakut dhe gjakut. Gjithashtu ato janë të pasura me antioksidantë. Frutat nxisin nxjerrjen e lëngjeve me toksina nga trupi, djersitjen e rrjedhimisht largojnë papastërtitë dhe ulin temperaturën.

Kulumbria është pjesë e koleksionit shqiptar të bimëve mjekësore dhe përdoret në vend, por një pjesë e konsiderueshme e mbledhjeve të kësaj bime eksportohen nga kompanitë e bimëve medicinale Lulet e bimës së kulumbrisë janë në ngjyrë të bardhë ndërkohë që frutat janë të një ngjyre blu në të zezë. Frutat kanë një diameter 2 centimetër dhe një shije të thartë. Kur janë të pjekura, këto kokrra përdoren për përgatitjen e shurupit, reçelit dhe ëmbëlsirave të tjera. Ju tregojmë se duke qenë se janë tejet të tharta si fruta, kulumbritë vështirë se mund të konsumohen të gjalla, megjithatë në variantin e thatë, gjethet dhe frutat përdoren për çaj.

Pastron gjakun – Lulet, gjethet dhe lëkura e kulumbrisë ndihmojnë në pastrimin e gjakut dhe largojnë toksinat dhe papastërtitë nga trupi. Sipas burimeve, lulet në veçanti janë të pasura me rutinë dhe kuercitinë që bëjnë punën kryesore në pastrimin e gjakut.

Përmirëson tretjen – Kulumbria përmirëson tretjen, lufton konstipacionin, fryrjet, dhe diarenë veçanërisht tek fëmijët. Për më tepër, çaji bimor përgatitet duke hedhur dy lugë me kulumbri të thatë në një filxhan me ujë. Në këtë formë, do të keni mundësi të stimuloni oreksin. Nëse konsumoni reçel kulumbrie ose marmalade, atëherë do të zgjidhni problemin e mostretjes ose të stomakut në përgjithësi.

Zgjidh problemet me veshkat – Lulet e bimës prunus spinosa mund të përdoren për të zgjidhur problemet e akumulimit të lëngjeve në trup, për të tretur gurët në veshka dhe problem të tjera të këtij organi. Ato ndihmojnë kundër dhimbjeve të stomakut dhe ato nervore.

Largon inflamacionin e gojës dhe fytit – Nëse keni probleme të tilla mund të bëni gargarë me lëngun e frutit të freskët, ose me lëngun e gjetheve të kulumbrisë, të cilat shërojnë bajamet e acaruara. Rekomandohet një mënyrë si të përfitoni nga kulumbria. Vendosni katër gjethe të kulumbrisë në gjysëm litri ujë dhe ziejini për 10 minuta. Kullojeni lëngun dhe bëni gargare 2 ose tre herë në ditë. Me kulumbrinë mund të bëni edhe shurup. Shtoni 450 gramë sheqer të bardhë dhe 2 lugë të mëdha me gonxhe lulesh të kulumbrisë në 4.5 litra ujë. Ziejini së bashku. Kur shurupi të ftohet hidheni në shishe të sterilizuara. Mund ta holloni me ujë dhe ta përdorni për gargarë për të trajtuar bajamet dhe laringun e acaruar. Këtë lëng mund ta shtoni edhe në kos.

Trajton problemet me frymëmarrjen – Lulet e kulumbrisë përdoren për të trajtuar problem me traktin respirator, sepse luftojnë simptomat e të ftohtit dhe kollës. Lëkura e vetëm bimës së kulumbrisë përdoret për të ulur temperaturën.

Përdoret në produktet e bukurisë – Tuli i kulumbrisë së pjekur përdoret në industrinë e kozmetikës për prodhimin e maskave të fytyrës dhe të bukurisë. Ju mund të përdorni edhe ekstraktin e kulumbrisë për të ruajtur elasticitetin e lëkurës, sepse ky frut është i pasur me vitaminë C dhe taninë. Vaji i kulumbrisë përdoret edhe kundër strijave (shenjave të lëkurës) dhe njollave.

Largon lodhjen dhe dobësinë fizike – Nëse pini ujë të përzjerë me ekstraktin pluhur të kulumbrisë kur jeni të acaruar, do të përjetoni një qetësim të menjëhershëm të nervave. Për më tepër, do të ndiheni më të shplodhur dhe plot gjallëri.

Categories
Këshilla

Nëse je mashkull mbi 50 vjeç, këto janë veprimet që duhet të bësh për të jetuar sa më gjatë

Nëse jeni mashkull mbi 50 vjeç, efektet e moshimit fillojnë të ndjehen ndaj është koha e duhur për të marrë në konsideratë këshillat e vlefshme për shëndetin. Mos prisni derisa të keni tension të lartë të gjakut ose shtoni 5 kilogram peshë për të filluar të jetoni më shëndetshëm. Zakonet e shëndetshme dhe zgjedhjet e mençura të jetesës mund të bëjnë të dukeni dhe të ndjeheni mjaft vite më të rinj. Dhe, më e rëndësishmja, të jetoni më gjatë.

Pakësoni konsumin e kripës për të ruajtur shëndetin e zemrës – Një në 10 vdekje tek të rriturit e vendeve perëndimore është e lidhur me konsumin e tepërt të kripës. Madje 60% e këtyre vdekjeve ndodhin tek meshkujt. Shumë kripë ul nivelet e kaliumit në organizëm dhe ngre tensioni e gjakut, një kontribues i madh në sëmundjet e zemrës. Ulja e konsumit të kripës dhe ushqimeve të përpunuara arrin të ulë rrezikun. Shtoni më shumë zarzavate dhe barishte në ushqimin tuaj dhe merrni më shumë kalium përmes ushqimeve të tilla si bananet.

Kujdesuni për shëndetin e trurit – Dëshironi të mbani mendjen tuaj në formë pavarësisht moshës? Një ushqyerje që përfshin drithërat, perimet, sallatat, arrat, fasulet, manaferrat, shpendët dhe peshkun arrin të ulë rrezikun e sëmundjes Alzheimer në vitet e mëvonshme. Studimet gjithashtu tregojnë rëndësinë e ngrënies së yndyrnave të shëndetshme, si vaji i mirë i ullirit.

Ruani dhe kujdesuni për kockat tuaja – Osteoporoza nuk nuk prek vetëm femrat. Edhe Meshkujt fillojnë të humbin masën kockore pas moshës 50 vjeçare. Keni nevojë për kalcium dhe probiotikë në ushqimin tuaj. Një studim i Revistës së Fiziologjisë Qelizore gjeti një lidhje midis probiotikëve dhe rritjes së dendësisë së eshtrave tek meshkujt. Rezultatet tregojnë se probiotikët ndihmojnë në trajtimin e osteoporozës në të ardhmen, përveç ndihmës në shëndetin e tretjes.

Probiotikët mund të gjenden edhe tek ushqimet e fermentuara dhe produktet e qumështit me enzima të gjalla aktive. Qumështi dhe kosi i freskët janë të pasura me probiotikë, mos prisni t’i gjeni tek qumështi i superpërpunuar me afate skadence shumë-vjeçare.

Categories
Lajme

Kjo sëmundje e kohëve moderne mund të jetë arsyeja pse ju bien flokët

Përveç diabetit, sëmundjeve kardiovaskulare dhe shumë faktorëve të tjerë, edhe obeziteti mund të çojë në rrallimin e flokëve. Studimi, i botuar në revistën “Nature”, zbuloi se qelizat burimore brenda folikulave të flokëve tek minjtë që kishin një dietë me yndyrë të lartë silleshin ndryshe nga ato në minjtë me një dietë standarde.

Obeziteti dëmton pothuajse çdo funksion fiziologjik, por gjithashtu mund të shkaktojë humbjen e flokëve përmes inflamacionit dhe stresit oksidativ që shteron qelizat burimore të folikulave të flokëve (HFSCs), përveç se bllokon folikulat e flokëve nga rigjenerimi. Kjo përfundimisht rezulton në humbje të përhershme të flokëve.

Obeziteti i shkaktuar nga dietat me yndyrë të lartë mund të shkaktojë ndryshime dramatike në strukturën e qelizave dhe të çojë në mosfunksionim të indeve, përfshirë rënien dhe rrallimin e flokëve. Procesi i plakjes gjithashtu mund të shkaktojë humbje të flokëve më shpejt në mesin e popullatave obeze.

Categories
Lajme

INSTAT: Shqiptarët po lindin më pak fëmijë, popullsia po shkon drejt plakjes

Popullsia shqiptare po shkon drejt plakjes. Sipas të dhënave të publikuara nga INSTAT, numri i lindjeve për tremujorin e dytë të 2021 është 5,993 duke shënuar një rënie me 10,6% krahasuar me tremujorin e dytë të 2020. Sipas qytetarëve, çiftet e reja kanë frikë të sjellin në jetë një bebe, pasi kushtet ekonomike janë kundra dëshirës së tyre.

Bonusi i bebes prej 40 mijë Lekësh, nuk i ka nxitur çiftet e reja të krijojnë familje të mëdha. Sipas Numbeo-s, kostos e jetës në Tiranë për një familje prej 4 anëtarësh afërsisht janë 178,033 mijë Lekë, ndërkohë që paga mesatare e një individi në Shqipëri është 56,7 mijë Lekë.

Pra, të dy prindërit në total arrijnë të sigurojnë 113,4 mijë Lekë, familjet shqiptare marin 60 mijë lekë më pak se sa të ardhurat që i duhen për të mbuluar shpenzimet mujore. Sipas sociologut Zyhdi Dërvishi, shteti duhet të rihartojë politikat mbështetëse për çiftet e reja.

“Pa rini nuk ka jetë. Shifra janë alarmante shteti duhet të mendojë për nënat e reja. Duhet t’i mbështesë ato gjatë periudhës së shtatzënisë dhe pas. Duhet të dimë diçka se për femrën shqiptare shkolla e lartë është bërë 5-vjeçare, që do të thotë ajo hyn e madhe në tregun e punës dhe si fillim keqpaguhet ç’ka e bën atë të ketë frikë të krijoj familje. Femra shqiptare duhet mbështetur, ekonomi i bën çiftet e reja te kenë frikë të krijojnë familje”, thotë sociologu.

Categories
Receta

RECETA: Sallatë me lakër jeshile, e preferuara e ditëve të vjeshtës!

Përbërësit: 2 kilogramë lakër jeshile, kërcet e hequra, 4 lugë gjalpë pa kripë, 4 thelpinj hudhër të grirë, 1/4 lugë çaji spec djegës të kuq, 1/2 lugë çaji kripë, 1 lugë lëng limoni të freskët

Si përgatitet: Vini një tenxhere të madhe me ujë të ziejë. Vendoseni lakrën jeshile në ujë dhe ziejini për 8 minuta. Kullojeni dhe më pas shtrydhni ujin e tepërt. Shkrini gjalpin në një tigan. Shtoni hudhrën dhe specat e kuq djegës dhe gatuajeni derisa të ketë aromë, rreth 45 sekonda.

Shtoni lakrën jeshile të gatuar dhe gatuajeni, duke e trazuar herë pas here, për 20-25 minuta derisa të bëhet jeshile e thellë dhe e butë. E heqim nga zjarri dhe e rregullojmë me kripë dhe e përziejmë me lëng limoni. Shërbejeni.

Categories
Lajme

Çfarë i ndodh trupit tuaj nëse hani patate çdo ditë?

Lëkura e patates është e pasur me kalium që e mban zemrën të shëndetshme. Përveç kësaj patatet përmbajnë fosfor, magnez, kalcium, natrium, hekur dhe zink. Patatet gjithashtu përmbajnë shumë vitaminë C (rreth 45% të normës ditore në një copë). Por pjesa më e madhe e saj shkatërrohet kur nxehet, prandaj rekomandohet që t’i hani të ziera, e jo të skuqura. Gjithashtu, patatet përmbajnë fibra që janë fantastike për shëndetin e zorrëve.

Patatet nuk përmbajnë kolesterol. Por në varësi të asaj sesi i gatuani ato (për shembull me vaj), ju mund të “shtoni” kolesterolin e keq në patatet e skuqura. Patatet mund të përmirësojnë shëndetin e lëkurës, ndihmojnë me depresionin dhe stresin.

Patatet e ziera mund t’ju bëjnë të ndiheni më të ngopur. Si rezultat, ju hani më pak, por qëndroni të plotë për një kohë më të gjatë dhe mund të humbni peshë më shpejt. Por ndonjëherë, ngrënia e patateve mund të çojë në fitimin e peshës. Sidomos nëse ato janë të skuqura ose shërbehen me shtesa yndyrore si djathi. Por për të pasur probleme serioze shëndetësore, duhet t’i hani këto ushqime shpesh dhe në sasi të mëdha. Njerëzit me diabet duhet të jenë shumë të kujdesshëm ndaj patateve. Shumë lloje patatesh kanë një indeks glikemik shumë të lartë.

Por çfarë ndodh nëse hani vetëm patate çdo ditë?

Në 2016, Andrew Taylor nga Melbourne vendosi të gjejë vetë përgjigjen e kësaj pyetjeje. Australiani filloi të shkonte në dyqan dhe të blinte 6 kg patate. Sipas tij, ai mori 99% të të gjitha kalorive nga patatet. Dhe 1% tjetër ishte nga erëzat, salcat, hudhrat apo qumështi i sojes etj.

Andrew donte gjithashtu të luftonte peshën dhe të humbiste varësinë ndaj ushqimit. Ai u përpoq të trajtonte ushqimin vetëm si lëndë djegëse për trupin, në vend që ta trajtonte atë si shpërblim ose ngushëllim. Më parë, ai mësoi shumë për këtë perime dhe u konsultua me dietologun e tij. Ata vendosën që do të ndalonin eksperimentin nëse Andrea do të ndihej keq.

Andrew vendosi të sfidonte veten dhe ishte në dietë për një vit. Deri në fund të saj, ai kishte humbur 50 kilogramë. Ai doli disa herë në shfaqje televizive dhe shkroi 2 libra: Një libër recetash dhe një libër për mënyrën se si e kapërceu varësinë e tij ndaj ushqimit.

Pavarësisht nga suksesi i tij personal, shkencëtarët nuk ishin shumë optimistë për dietën e tij. Nëse jeni në një dietë me patate, ushqimi juaj bëhet shumë i kufizuar. Trupi nuk merr vitamina A, E dhe K, kalcium dhe selen. Gjithashtu, patatet kanë shumë pak proteina dhe acide yndyrore. Proteina është e domosdoshme për sistemin imunitar dhe të dyja ndihmojnë në rregullimin e peshës së trupit dhe rritjen e peshës së muskujve.

Categories
Lajme

10 shkaktarët e sëmundjeve të veshkave, përpiquni t’i mënjanoni

Veshkat janë ndër organet më të rëndësishme në trupin e njeriut pasi kryejnë funksione jetësore, prandaj, është thelbësore që ashtu si për çdo organ tjetër të kujdesemi edhe për mirëfunksionimin tyre. 10 shkaqet kryesore të shfaqjes së problemeve të veshkave, të cilët duhen mënjanuar, janë:

Mbajta e urinës – Një nga shkaqet kryesore të dëmtimit të veshkave është moszbrazja e fshikëzës në momentin e ndjesisë për të urinuar.

Konsumi i pamjaftueshëm i ujit – Veshkat mund të dëmtohen rëndë nëse nuk pini ujë mjaftueshëm.

Konsumi i kripës në sasi të larta – Konsumi i tepërt i kripës, rëndon funksionin e veshkave duke qenë se do t‘i duhet të punojnë shumë më tepër për të nxjerrë kripën e tepërt nga organizmi.

Përdorimi i rregullt i analgjezikëve – Shumë persona marrin analgjezikë për të ulur inflamacionin si dhe për të kontrolluar dhimbjet por marrja e rregullt e tyre mendohet se është e dëmshme për veshkat.

Konsumi i ushqimeve me përmbajtje të larta proteinash – Konsumi i ushqimeve me përmbajtje të lartë proteinash nxit glomerulat deri në hiperfiltrim duke rritur ngarkesën metabolike të veshkave.

Konsumi i alkoolit – Nga konsumi i tepruar i alkoolit, acidi urik do të mbetet në tubat renalë, duke rritur kështu rrezikun e dështimit renal.

Duhanpirja – Duhanpirja shkakton ngushtim të enëve të gjakut në veshka duke përshpejtuar humbjen e funksionit të veshkave.

Konsumi i tepërt i kafeinës – Konsumi i tepërt i kafeinës, rrit presioni arterial e për pasojë rëndon funksionin e veshkave.

Neglizhenca ndaj infeksioneve të zakonshme – Mostrajtimi i infeksioneve, viruseve apo baktereve mund të shkaktojë dëme të parikuperueshme.

Mungesa e gjumit – 6 deri në 8 orë gjumë janë thelbësore për shëndetin e çdo individi pasi gjatë këtij procesi rigjnerohen indet e organeve.