Categories
Lajme

Futet nga stoli dhe shënon golin e fitores, lojtari i njohur shqiptar hero në Rumani

Realdo Fili ka bërë heroin, në ndeshjen e sotme ndaj Poli Iasit, ku me golin e tij në minutat e fundit, i dhuroi triumfin 0-1 Botoshanit në transfertë.

Futbollisti fierak, u aktivizua në minutën e 80-të të sfidës, teksa vetëm 9 minuta i mjaftuan për të gjetur rrugën e rrjetës. Ky ishte goli i dytë në kampionat për ish-futbollistin e Apolonisë, Partizanit, Kamzës, Skënderbeut dhe Luftëtarit.

Pavarësisht se minutat kanë qenë me pikatore këtë sezon, sulmuesi i talentuar është përpjekur të japë gjithmonë maksimumin, kur trajneri e ka aktivizuar. Kujtojmë që te skuadra e Botoshanit, aktivizohet edhe mesfushorit tjetër shqiptar, Papa, i cili ishte titullar në këtë takim.

 

Leave a Reply

Your email address will not be published. Required fields are marked *