Categories
Këshilla

5 karbohidratet që nuk duhet t’ia mohoni trupit tuaj për një jetë të shëndetshme

Karbohidratet jo vetëm që plotësojnë shijen, por janë të domosdoshëm për funksionin normal të organizmin. Ato furnizojnë qelizat me glukozë dhe si rrjedhojë truri dhe muskujt janë më energjikë. Në kategorinë e parë bëjnë pjesë buka e bardhë, biskota, ëmbëlsira dhe makaronat, ndërsa në kategorinë e dytë qëndrojnë karbohidratet më të shëndetshme në formën e tyre më të plotë.

Karbohidratet komplekse çlirohen në qarkullimin e gjakut në një ritëm më të ngadaltë dhe sigurojnë një energji të qëndrueshme dhe afatgjatë në trupin e njeriut.

Patatet – Shumë njerëz e përdorin pataten si zëvëndësues të denjë për ushqime plot kalori siç janë paninet. Në të vërtetë, patatet janë të mbushura me vitaminë C dhe kalium. Të besohet ose jo, patatet janë një burim i pazakontë proteine. Për më tepër, nëse e konsumoni pataten me gjithë lëkurë, do të përfitoni prej saj shumë fibër, do të ndiheni më të ngopur dhe sistemi tretës do të funksionojë siç duhet.

Drithërat e plotë -Drithërat e përpunuar humbasin shumë përbërës të çmuar siç është fibra e cila ndodhet tek krundet. Zhveshja e drithrave nga këta elementë të shëndetshëm e transformon këtë ushqim në një karbohidrat të tretshëm shpejt që automatikisht rrit nivelin e sheqernave në gjak. Që nga tërshëra, gruri, elbi, meli, misri e të tjerë, konsumatorit i duhet veç të zgjedhë.

Super frutat siç janë bananja, pjepri dhe rrushi – Të gjitha frutat përmbajnë fruktozë. Rekomandohet që të konsumoni nga 1 deri në 2 racione frutash në ditë. Kujdesuni me racionet nëse jeni duke përgatitur lëng të plotë me fruta dhe perime sepse sheqeri mbetet sheqer edhe në variantin natyral. Nëse po përgatisni lëng me fruta dhe perime, përdorni nga ½ deri në ¾ e një gote (matëse) me fruta dhe sigurohuni të përfshini në lëng ushqime që përmbajnë proteina në mënyrë që sheqeri të tretet më ngadalë.

Bishtajoret – Bishtajoret nuk ia dalin të jenë në listën e ushqimeve të preferuara të konsumatorëve, të paktën kështu ndodh në shumicën e rasteve. Njerëzit e kanë më të lehtë të shmangin thjerrëzat, fasulet e zeza apo qiqrat sepse mendojnë që këto ushqime janë të pasura me karbohidrate. Ndonëse ky pretendim mund të jetë i vërtetë, bishtajoret janë një burim i jashtëzakonshëm fibre dhe proteinash. Për më tepër, bishtajoret mund t’i përfshini në sallatën e drekës për një dozë të lartë energjie që do të zgjasë deri në orët e vona të pasdites.

Perimet me niseshte – Bizelet ofrojnë proteinë ndërsa misri dhuron fibër. Ndaj është e domosdoshme që t’i përfshini ato në gatimet tuaja pavarësisht përmbajtjes së lartë të niseshtesë. Është e udhës t’i konsideroni misrin dhe bizelet si pjesë e një kategorie tjetër ushqimore kundrejt perimeve siç janë kale apo karrotat.

Leave a Reply

Your email address will not be published. Required fields are marked *