Categories
Lajme Shëndeti

Mjaftojnë disa lule kamomili, si të bëni qumësht natyral për fytyrën

E dinit që kamomili nuk është vetëm një lule me veti të mëdha kurative dhe medicinale, por ka edhe veti të fuqishme kozmetike? Bëhet fjalë për një përbërës perfekt për përgatitjen e një qumështi pastrues të bërë vetë.

Mjaftojnë vetëm disa lule kamomili për të përftuar një qumësht pastrues natyral dhe me kosto të ulët krahasuar me ato që gjenden në treg dhe që janë të një cilësie të lartë:

Përbërësit: 150 ml qumësht (i skremuar), një lugë kafeje me lule kamomili të thata, një lugë gjelle gjethe menteje, një lugë mjaltë

Përgatitja: Hidhni në një tenxhere të vogël ujë dhe vendoseni të ziejë. Merrni qumështin, lulet e kamomilit, gjethet e mentes dhe vendosini në një enë qelqi në mënyrë që të përgatisni një banjëmari.

Lëreni përbërjen në banjëmari për gati gjysmë ore në mënyrë të tillë që qumështi t’i përthithë mirë të gjithë elementet ushqyes të mentes e kamomilit dhe herë pas here, përziejini. Më pas, kulloni përbëjren me një sitë të imët dhe lëreni të ftohet. Shtoni një lugë mjaltë, përziejeni dhe qumështi juaj pastrues është gati, i realizuar në shtëpi me përbërës natyralë.

Ai mund të ruhet në frigorifer deri në 3-4 ditë, pasi është i realizuar me përbërës natyralë dhe nuk përmban konservues.

Leave a Reply

Your email address will not be published. Required fields are marked *