Albin Kurti nuk fshihet: “Serbia po përdor shembullin e Rusisë për të tentuar territoret tona”

Koha leximit:1 Minute, 12 Second

Duke parë atë që po ndodh në Ukrainë, vlera thelbësore si paqja dhe siguria në vend janë vënë në pikëpyetje. Për këtë arsye, kryeministri i Kosovës, Albin Kurti, ka thënë se Kosova duhet të marrë të gjitha masat për sigurinë e vendit.

Sipas tij, qeveria duhet të jetë e përgatitur për çdo skenar. Gjatë mbledhjes së 46-ë të Këshillit të Lëvizjes Vetëvendosje, Kurti tha se situata Rusi-Ukrainë ka bërë të qartë riskun që vjen nga diktatorët.

“Ka kohë që ne edhe në dialogun në Bruksel kemi ngritur alarmin për problemin nga fqinji verior, i cili nuk është penduar dhe nuk ka kërkuar falje për ato që kanë ndodhur në të kaluarën”, tha Kurti.

Kurti tha se është e qartë se Serbia po mban anën e Rusisë, duke mos i vënë asaj asnjë sanksion, por madje duke organizuar tubime përkrahëse në Beograd.

“Sigurisht se presidenti i Serbisë nuk e ka fuqinë as për së afërmi të atij të Rusisë, por e ka mbështetjen e tyre, dhe siç e kemi parë në disa raste, ata mundohen të përdorin analogjitë e paqena, me pretekste false për të arsyetuar mësymjet për territore të reja”, u shpreh Kurti.

Kurti po ashtu tha se dënojnë mosvënien e sanksioneve nga Serbia, e cila kësisoj po i bashkohet Bjellorusisë. “Nëse deri dje disa besonin se duke i ledhatuar autokratët zbuten ca e ndoshta edhe bëhen demokratë, tashmë duhet ta kenë marrë secili mësimin”, shtoi kryeministri i Kosovës.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %