Categories
Lajme

“Më fejuan në moshën 8-vjeçare dhe nuk më pyeti kush”, flet mësuesja shqiptare

Meleqe Reja, mësuesja e parë rome në vendin tonë, tregoi për “Shqipëria Live” sfidat e saj të jetës duke nisur që nga fëmijëria.

Ajo tregoi se si në moshën 8-vjeçare e kishin fejuar dhe në moshën 11-vjeçare kishin tentuar ta martonin, ndërsa dëshira e saj ishte shkollimi.

“Unë kisha frikë për atë që do të bëhej. Nuk më pyeti njeri fare”, u shpreh mësuesja, duke shprehur qartë pendesën për hapat kryesorë të jetës së saj.

Familja kishte bërë çdo gjë, ndërsa ajo ishte vetëm në klasën e katërt. Koha në të cilën ajo ka jetuar e pengonte të shkollohej pasi nuk kishte organizata që ndihmonin në shkollimin e tyre.

Ngjarje të tilla nuk janë të pazakonta në Shqipëri. Në fshatrat e thella ose në disa qyteza në periferi të vendit, ka plot histori si kjo.

Vajzat dhe gratë shqiptare gjithmonë kanë qenë në harresë për fenomene të tilla. Ndodh shumë pak herë, që një shoqatë të tregojë seriozitet në trajtimin e këtyre ngjarjeve. Kryesisht janë fonde që merren dhe nuk kthehen në punë.

Categories
Milan

Pedulla: Romagnoli larg Milanit! Filozofia e klubit ka shpjegim logjik mbi kapitenin

Ne fund te sezonit pritet nje mini-revolucion te Milani sa i perket disa futbollisteve jashte planeve teknike, por edhe ato qe kane kontratat drejt skadimit te tyre. Mes tyre sigurisht qe eshte edhe kapiteni Romagnoli, por qe vazhdon te jete pjese e grupit dhe jape kontributin. Sigurisht, nuk eshte i vetmi.

Franck Kessie është shembulli më konkret. Një titullar i palëkundur i Milanit, i cili në teori kishte premtuar lidhje dhe besnikëri ndaj ngjyrave kuqezi kur ishte ne Olimpiaden e Tokyos, por qe kur mberriti ne Itali dhe Milano nisi nje heshtje e cila vazhdon edhe sot dhe ka refuzuar oferten e Maldinit per rinovim…

Duke iu kthyer Romagnolit, i cili megjithatë ka humbur prestigjin dhe titullaritetin vitet e fundit, mbrojtësi i lindur ne Anzio ka nje kontrate deri ne qershor dhe sot qe jemi ne gjysmen e marsit ende nuk ka nje rinovim me Milanin, duke qene se oferta e kuqezinjve eshte ndalur ne 2.8 mln euro dhe bouse.

E ardhmja e tij nese nuk pranon kushtet kuqezi, me shume mundesi do te jete diku tjeter. Në orët e fundit ishte gazetari Alfredo Pedullà, fytyra e njohur e kanalit Sportitalia, ai qe ka dhene përditësimet më të fundit. Sipas Pedullà, presioni i Lazios ndaj Romagnolit do të ishte gjithnjë e më i fortë. Një takim mes palëve që nisi shtatorin e kaluar, kur nisën të flitej për vështirësitë e rinovimit të kapitenit të Milanit. Por tani hyjmë në fazën e nxehtë të negociatave.

Dialogjet që së shpejti do të marrin jetë. Romagnoli është një objektiv i Lazios së Maurizio Sarri, i cili do të humbasë dy mbrojtës pa kosto gjatë verës: Luiz Felipe tashmë ka një paramarrëveshje me Betis Sevilla, ndërsa Patric është në fjalë me Valencia për një kthim në shtëpi.

Milani për momentin mbetet i vendosur në bindjet e tij. Kuqezinjtë kanë vënë tashmë në pjatë një propozim me ulje rroge per Romagnolin: kontrate 3 vjeçare prej 2.8 milionë eurosh në sezon, pothuajse gjysma e asaj që percepton aktualisht numri 13 i Milanit. Sipas Maldini & Co, Romagnoli eshte nje rezerve te Milani dhe si i tille nuk mund te paguhet po aq sa titullaret…

Lazio tenton seriozisht dhe shpreson të bindë Romagnolin duke luajtur edhe në aspektin sentimental. Mbrojtësi në fakt ka qenë gjithmonë një tifoz i Lazios. Por kujdes edhe për konkurrencën: Juventusi mund te perfshihet ne muajt e ardhshem pasi te kete zgjidhur situatat kontraktuale qe ka me Dybala, Cuadrado, De Sciglio dhe Perin.

Categories
Milan

“Më tremb Empoli, jo Juventusi! Djemve u kam thënë se…”

Nesër në mbrëmje në San Siro do te luhet Milan-Empoli, me Djallin që do të tentojë të marre 3 piket dhe t’i jape rendesi fitores se madhe ne Napoli. Kjo jave mund te jete shume e rendesishme edhe per moralin e skuadres dhe vazhdimesine. Kuqeiznjte aktualisht komandojnë renditjen me 60 pikë.

Megjithatë, ky angazhim me toskanët nuk do të jetë i lehtë, pasi këtë sezon djemte e Andreazzolit tashmë kanë dëshmuar se jane nje kocke e forte per kedo dhe jo me kot kane fituar ndaj Juventusit dhe Napolit. Ne San Siro do te mberrijne per te bere nje paraqitje te madhe dhe bezdisur kuqezinjte.

Trajneri Stefano Pioli doli ne konferencen e zakonshme per shtyp dhe foli per kete ndeshje. Ai u ndal te euforia e tifozerise dhe entuziazmi i gjetur, pasi ne San Siro do te jene 50 mije tifoze ne Milan-Empoli, edhe pse e shtune ne mbreje. Pyetja e pare ishte pikerisht kjo per Stefano Piolin…

E ndjeni entuziazmin e fansave?

“Patjeter qe po. Kënaqësia më e madhe është të shohësh tifozët tanë të lumtur dhe kur e bëjmë këtë jemi të kënaqur. Shpresojmë t’i shohim kaq të nxehtë nesër….”

A keni bërë hapin vendimtar me Napolin?

“Hapi i fundit do të jetë ndeshja e radhës. Duhet të jemi të lidhur me të tashmen dhe me ndeshjen e nesërme. Kam parë një ekip të përqendruar. Nuk eshte thjesht gare ndaj Interit, por nje gare e gjithenashme deri ne fund dhe nuk do te jete aspak e lehte”.

Çfarë prisni në këtë fund?

“Pothuajse të gjitha skuadrat përballë janë ndalur. Unë ende mendoj se pesë vendet e para janë të gjithë shumë të fortë dhe mund të bëjnë një seri fitoresh. Por Seria A është shumë konkurruese dhe nuk do të jetë e lehtë për askënd. Kete e kam menduar dhe e mendoj, sido qe te shkoje ndeshja jone”.

A është i frikshëm Juventusi? “Kam frikë nga Empoli për të nesërmen dhe nuk dua te flas per ekipet e tjera tashme”

Thjesht duhet fitore, pa menduar se si? “Po, edhe pse është gjithashtu e rëndësishme të luash mirë. Duhet të fitojmë edhe lojëra të pista, të sakrifikojmë shumë veten dhe të besojmë në cilësitë tona”.

A ka presion tani? “Unë shoh një ekip të vendosur dhe të bindur, gati për këtë finale të kampionatit. Çdo ndeshje duhet të përballet me përqendrimin dhe vendosmërinë e duhur”.

Me pas, Pioli u pyet edhe për Real Madrid-Psg, e luajtur ne Champions League dhe me nje rezultat qe deri ne pjesen e dyte po fliste per Mbappe dhe shoke por me pas u permbys: “Një ndeshje e madhe. Dëshmi se ka shumë ndeshje në një ndeshje. Skuadrat që kanë aftësinë t’i përjetojnë më mirë, me cilësi dhe përqendrim, kanë shanse më të mira për të fituar”.

A do të bëni zgjedhje bazuar edhe në rikuperimet e lojtarëve të ndryshëm? “Tash e tutje kemi një ndeshje në javë. Me siguri një javë e rregullt ju lejon të plotësoni të gjithë metodën e punës. Do të duhet të punojmë më shumë dhe do të duhet të jemi të mirë në menaxhimin e situatave individuale”.

A ju shtynë gabimet e së shkuarës të paralajmëroni ekipin për nesër? “Nuk ka nevojë të shpjegohet se sa e rëndësishme është ndeshja e nesërme. Tani është e kotë të shikojmë prapa dhe duhet të përqendrohemi tek e nesërmja”.

Rreth Giroud dhe Ibrahimovic: “Më pëlqen gjithçka rreth Olivier, si luan dhe si punon për ekipin. Ai di të lidhë lojën, di të ushtroje presion dhe të sulmojë thellësinë. Më pëlqen veçanërisht si njeri: ai është një person i qetë dhe i këndshëm. Zlatan i jep gjithçka ekipit, në çdo gjë që bën, për karizmën, personalitetin dhe cilësinë e tij. Ai është padyshim pak më mirë fizikisht dhe do të na japë diçka më shumë”.

Sa është përmirësuar Milani me aftësitë teknike të Maignan? “Mike po përdor mirë të gjitha burimet që ka, si lojën e shkurtër ashtu edhe atë të gjatë. Kjo na ndihmon të jemi më të paparashikueshëm. Di te luaje me kembet dhe nuk e zbulojme sot”.

Si po paraqiten mesfushorët? Tonali është mirë, ashtu si Kessie, Bennacer dhe Diaz. Ne kemi lojtarët e duhur për të nisur lojën dhe ata të duhurit për t’u aktivizuar gjate saj. Jam i kenaqur me zgjedhjet qe kam dhe organiken te ky Milan”.

Si e prisni Empolin? “Është një ekip i paparashikueshëm që mund të luajë bukur dhe di të përshtatet. Ata janë shumë pranë objektivit sezonal dhe duhet të përgëzojmë Andreazzolin për punën që ka bërë. Te sigurosh mbijetesen perpara fundit eshte gjithmone nje burim qetesie per lojtaret”.

Dëshironi të theksoni diçka për punën tuaj? “Entuziazmin që kam kur flas me lojtarët e mi dhe ai që më ka dhënë ky ambient. Ne kemi nevojë për emocione dhe jo vetëm për cilësi teknike. Ku do te luaja nese do isha te Milani si futbollist? Nuk kam qene lojtar per Milanin, por jo edhe aq i dobet… Me mire te luajne djemte”

Categories
Milan

Romagnoli i rikuperuar totalisht, por Kalulu…! Trajneri tregohet diplomatik te formacioni

Ka më shumë se një dyshim për formacionin te Milani për ndeshjen e nesërme. Stefano Pioli nuk ka zgjedhur ende se kush do të jetë njëmbëdhjetëshja që do të startojë nga minuta e parë kundër Empolit të Andreazzolit. Por, megjithate, trajneri ne mendjen e tij e ka gati ate formacion “ne leter”, pertej surprizave te ndryshme…

Të panjohurat më të mëdha kanë të bëjnë me vijën mbrojtëse. Në të majtë nuk do të jetë Theo Hernandez për shkak të skualifikimit dhe në vend të tij do të përshtatet Florenzi. Nuk dihet ende se kush do të jetë partner me Tomorin në qendër: mbrojtësi anglez është i vetmi i sigurt ne vendin e tij dhe përkrah tij ka një balotazh mes Romagnolit dhe Kalulu.

Trajneri i kuqezinjve foli në një konferencë për shtyp pak më parë dhe tha diçka për zgjedhjet e tij në mbrojtje. Këto janë fjalët e tij për dyshimin në qendër të mbrojtjes: “Nesër do të bëj një zgjedhje teknike mes Romagnolit dhe Kalulu. Mundohem të jap formacionin më të mirë. Këdo që unë e shoh më të mirë mes të dyve, do ta fus që si titullar”.

Pioli më pas shtoi: “Është e qartë se Romagnoli ka qëndruar jashte për disa kohe, por tani ai është mirë. Unë do të vendos nesër”. Ndaj është e vështirë të përcaktohet se kush do të hyjë në fushë nga fillimi: italiani apo francezi. Në ndeshjen e fundit ndaj Napolit, Kalulu luajti shumë mirë dhe perpara tij kishte nje klient te hidhur si Osimhen.

Por, ish-lojtari i Lyon tregoi pjekuri dhe rritje te pabesueshme dhe ne derbin e Kupes se Italise. Pikerisht i hedhur ne vend te Romagnolit qe u demtua, ai me Tomorin u moren vesh shume mire dhe dhane me te miren e tyre bashke, duke ndaluar Dzeko-Lautaro-Sanchez-Correa, sipas aktivizimeve te Inzaghit.

Kundër Empolit, cilësia teknike e Romagnolit mund të jetë e nevojshme në fazën e ndertimit, për të shmangur presionin e toskanëve. Por, agresiviteti i Kalulu mund te lejoje Milanin qe te shtyje perpara edhe ekipin dhe gjithashtu qe Empoli te shtypet mbrapa. Të gjitha vlerësimet që trajneri do t’i ketë bërë tashmë…

Categories
Milan

Milan-Empoli, Florenzi apo Calabria në të majtë? Pioli sqaron dhe ngel në klasë përfundimisht lojtarin

Nesër në mbrëmje në orën 20:45 kuqezinjtë presin Empolin e Andreazzolit për të vazhduar garën drejt Scudettos. Stefano Pioli ka folur së fundmi në konferencën për shtyp para ndeshjes, duke shuar disa dyshime në stërvitje. Ne fakt, sot ishte prova gjenerale e Milanit perpara ndeshjes se rendesishme ndaj Empolit, qe vjen pas suksesit ne Napoli.

Kundër skuadrës toskane, kuqezinjtë do të duhet të bëjnë pa Theo Hernandez. Francezi është i skualifikuar dhe në krahun e majtë i takon dikujt tjetër që ta zërë vendin e tij. Aktualisht ka dy zgjidhje: Davide Calabria ose Alessandro Florenzi, prandaj të dy do të përshtateshin. Ballo Toure, edhe pse eshte ne dispozicion, nuk bind absolutisht.

Afrikani i afruar ne merkaton e veres nga Monaco duket se ne fund te sezonit mund te beje valixhet pasi kontributi i tij ka qene thuajse zero dhe ne skemat e Piolit nuk eshte pershtatur absolutisht. Keshtu qe Maldini dhe Massara mund te gjejne nje destinacion te ri per te.

Trajneri Pioli tashmë ka në mendje zgjidhjen më të mirë dhe kështu iu përgjigj një pyetjeje konkrete për këtë temë: “Më pëlqeu shumë Florenzi në të majtë me Sampdoria, për momentin preferoj Calabria në të djathtë dhe Florenzin në të majtë. Por do të shohim nesër”. Praktikisht, fjalia e tij eshte nje verdikt dhe zgjedhje tashme e bere.

Trajneri i Milanit nuk deshiron te permbyse skuadren dhe te ndryshoje rolin e Calabria ne krahun e djathte, duke qene se ne te majte zevendes kapiteni i Milanit ka treguar jo paraqitje te mira kur eshte provuar. Florenzi ishte përdorur tashmë në atë rol në ndeshjen kundër Sampdorias, përsëri për të zëvendësuar Theo Hernandez dhe kishte performuar shumë mirë.

Kuqezinjtë nuk kishin pësuar gol në atë rast dhe në përgjithësi moren pak rreziqe në mbrojtje. Zgjedhjen përfundimtare Pioli do ta marrë vetëm nesër por tashme dihet qe zevendes Theo Hernandez, nje lojtar qe thuajse i luan te gjitha ndeshjet e sezonit, eshte Florenzi sivjet.

Categories
Lajme

Flor Binaj tregon videon nga protesta në Tiranë: Shihni ç’bën policia

Florjan Binaj, i cili ka qenë ndër pjesëmarrësit e shumë protestave në vend, si këto të ditëve të fundit, ka reaguar në lidhje me protestën që kanë zhvilluar sot studentët e Universitetit Bujqësor të Tiranës.

Përmes një mesazhi në rrjetet sociale, Binaj thekson me ironi se 7 makina policie ndjekin studentët, sikur të ishin keqbërës. Kjo është e papranueshme.

“7 makina policie për studentë të pafajshëm, sikur po ndjekin keqbërës”, shkruan Binaj, i cili ka postuar videon, që duket mëse qesharake për vitin 2022. SHIKO VIDEON KETU

Me thirrjen “Poshtë pushtetarët”, studentët e Universitetit Bujqësor të Tiranës janë ende duke marshuar drejt Bashkisë së Tiranës.

Protestës së tyre u janë bashkuar dhe qytetarët të cilët brohorasin njëzëri: Duam vetëm bukë! Studentët kanë më shumë se dy orë që janë në rrugë.

Ata janë nisur nga ‘Rrethrrotullimi i Kamzës’ drejt Bashkisë së Tiranës në shenjë proteste kundër rritjes rekord të çmimeve në vend.

Categories
Sport

Chelsea nuk i lejohet të blejë yje, Armando Broja automatikisht titullar në 2023?

Skuadra e Chelseat për sezonin 2022/23 pritet të ketë shumë ndryshime, me ardhje dhe largime të reja shkaku i sanksioneve të vendosura nga Mbretëria e Bashkuar për klubin shkaku i pronarit rus, Roman Abramovich.

Çfarë do të ndodhë me klubin e futbollit Chelsea? Kjo është pyetja që të gjithë po bëjnë të enjten pasi u zbulua se pronari Roman Abramovich është sanksionuar nga qeveria e Mbretërisë së Bashkuar.

Askush nuk e di vërtet, edhe pse Chelsea ende mund të luajë futboll dhe mund të ekzistojë si klub. Nk dihet se sa do të jetë Chelsea në këtë gjendje të paralizuar, por formacioni i sezonit të ardhshëm pritet të jetë shumë ndryshe nga ky i sezonit aktual.

Me pamundësinë për të nënshkruar ndonjë lojtar ose për t’i ofruar kontrata të reja emrave si Antonio Rudiger, Andreas Christensen dhe Cesar Azpilicueta, të cilët do të largohen gjatë verës me skadimin e marrëveshjeve të tyre aktuale, Blutë do të fokusohen të lojtarët që i kanë në huazim.

Talentë të mëdhenj si shqiptari Armando Broja, Connor Gallagher, Billy Gilmour dhe lojtari i njohur belg, Michy Batshuayi, pritet të kthehen në klub nga huazimet e tyre.

Në formacion, portieri dhe mbrojtja do të jenë nga sezoni aktual, në mesfushë pritet t’i shtohet Callagher dyshes Jorginho dhe N’Golo Kante, ndërsa në sulm Broja do të luajë me Kai Havertz dhe Mason Mount. Formacioni i mundshëm i Chelseat për sezonin e ri:

Categories
Lajme

Kim Kardashian u ankua se nuk gjen staf, reagon ish-punonjësja e saj: “Me rrogën tënde me zor blija bukë”

Kim Kardashian ka dhënë një këshillë për të gjitha vajzat dhe gratë, që është komentuar mjaft në rrjet. “Kam këshillën më të mirë për gratë në biznes. Ngrini prapanic*n dhe punoni. Duket sikur këto ditë askush nuk do të punojë”, u shpreh Kim në intervistën për “The Variety”.

Pikërisht kjo deklaratë bëri xhiron e rrjetit, por një ish-punonjëse e saj nuk ka ngurruar të reagojë për fjalët e saj, duke u treguar shumë e sinqertë.

Jessica DeFino, ka bërë disa deklarata që me siguri yllit të “KUËTK” nuk do t’i pëlqejnë. Ajo ka treguar se punonte në kompaninë e Kim dhe është paguar me një shifër qesharake.

“Unë isha redaktore në aplikacionet Kardashian në 2015 në LA, punoja ditë e natë dhe fundjavave, mund të përballoja vetëm produkte ushqimore nga dyqani ’99 Cents Only’.

Më është dashur të mungoj duke pretenduar se jam sëmurë, pasi nuk kisha para për të mbushur makinën me benzinë”, ka shkruar Jessica DeFino në një postim në Twitter, që ka mbledhur më shumë se 1 milion pëlqime.

Me këtë deklaratë, Kim Kardashian ngjan me oligarkët e Shqipërisë, të cilët ankohen se askush nuk do të punojë, por rrogat që ofrojnë janë si në Shqipërinë e vitit 2002.

Categories
Lajme

“E kam mik Alban Skënderajn, por kurrë nuk do bëj këngë me të”

Xuxi është një ndër artistët shqiptarë më të njohur në vend. Ai së fundmi ka folur edhe për zhvillimet në skenën muzikore. Në një lidhje me “Skype” për “ABC e Mëngjesit”, ai ka treguar se ka vite që nuk merret se me këngë, që nga koha e “The Voice” kur ishte në juri me Alban Skënderajn.

Madje ka treguar se ka një shoqëri shumë të afërt me këtë të fundit, por nuk do të bashkëpunonte sepse janë të ndryshëm në zhanre.

“Projekti i fundit ka qenë kënga që kam pjesë në “Festivalin shqiptar”, gjatë kohës që isha pjesë e jurisë së “The Voice of Albania” me Alban Skënderajn.

Me Albanin jam shumë i afërt, përveç ne të dy edhe bashkëshorten tona janë mike. Nuk e mendoj se do bënim një bashkëpunim se nuk mendoj se flem bashkë në të njëjtin zhaner muzikor. Ai është pak më i butë, ndërsa unë jam te këngët më të forta”, tha Xuxi.

Më tej, ai zbuloi se vazhdimisht është i përditësuar me të dhënat e fundit, ku u shpreh se Ronela Hajati nuk mund të fitojë Eurovisionin.

“Ronela është shumë simpatike, po këngën e kam dëgjuar vetëm një herë nuk mund t’i jap një vlerësim. I uroj suksese. Nuk besoj se do të ketë mundësinë Shqipëria të fitojë Eurovizionin të paktën tani për tani. Se nuk e keni mundësinë ta zhvilloni se Shqipëria nuk ka salla aq të mëdha sa për ta organizuar”, tha ai.

Categories
Lajme

Holanda refuzon Ukrainën në BE: “A e dini se Shqipëria ka 10 vjet që pret?”

Samiti i liderëve të BE-së në Versajë të Parisit hyn sot në ditën e dytë, por tashmë nga takimi i parë u mësua qartë se një anëtarësim i shpejtë i Ukrainës në bllok europian, refuzohet nga disa prej kryetarëve të shteteve dhe të qeverive të vendeve anëtare.

Holanda, një prej vendeve që dikur bëheshin pengesë për anëtarësimin e vendit tonë, tashmë duket se është kthyer në avokate të Shqipërisë. Kryeministri holandez, Mark Rutte, kujtoi sesi disa vende të Ballkanit Perëndimor po përpiqen prej dhjetë vjetësh të bëhen anëtarë të BE-së. “Kini parasysh Shqipërinë dhe Maqedoninë e Veriut”, u shpreh ai.

Mark Rutte: Holanda ishte një nga vendet e para që ofroi mbështetje ushtarake, një nga të parat që kërkuan paketë sanksionesh, prandaj nuk duhet të ketë asnjë dyshim se qëndrojmë krah për krah me Ukrainën. Por nuk aderim të shpejtë në BE, një gjë e tillë nuk ekziston.

Presidenti francez Emmanuel Macron theksoi se për më tepër tani, nuk mund të happen procedurat me një vend që është në lu.ftë, por as nuk do ta mbyllin derën e të thonë “kurrë”. Në deklaratën e përbashkët liderët e BE-së u zotuan ta afrojnë më shumë Ukrainën me bllokun politikisht.

“Në pritje të kësaj dhe pa vonesë, ne do të forcojmë më tej lidhjet tona dhe do të thellojmë partneritetin tonë për të mbështetur Ukrainën të ndjekë rrugës së saj drejt Bashkimi Europian. Ukraina i përket familjes sonë europiane”, theksohet aty.

Përtej debatit për anëtarësimin, presidentit i Këshillit Europian Charles Michel prezantoi dhe propozimin për t`i siguruar Ukrainës 500 milionë euro ndihmë shtesë, ndërsa udhëheqësit e bllokut premtuan gjithashtu të ndihmojnë rindërtimin e vendit.