Categories
Këshilla

Nga brokoli te domatja, kjo është lista me disa ushqime të mira për prostatën

Lëngjet – Pini shumë ujë. kushdo me prostatë duhet të pijë shumë ujë apo lëngje, ndërkohë që duhet të reduktojnë në maksimum alkoolin. Gjithashtu, kafeina dhe Domate dhe brokolibirra duhet të përdoren në sasi të vogla.

Perimet – Perimet si brokoli, lakra apo lulelakra janë shumë të mira për të qenë mbrojtëse. Janë edhe më pozitive për faktin që kanë shumë antioksidantë.

Domatja dhe shalqiri – Një studim i kryer tek 47 mijë persona tregoi që përdorimi i shalqirit dhe domates reduktoi 35 për qind rrezikun e shfaqjes së kancerit të prostatës. Përdorimi i salcës së domates (burim kryesor i kësaj substance) shoqërohet me reduktimin shumë të madh të rrezikut për CaP.

Silazhi – Të dhënat e para klinike sugjerojnë që seleniumi që gjendet në silazhin e freskët, ul rrezikun për t’u prekur nga kanceri i prostatës. Ka rol antioksidant të padiskutueshëm.

Vitamina E – Vitamina E ul rrezikun për t’u prekur nga kjo sëmundje në 32 për qind, në krahasim me ata që nuk e marrin (ushqime që përmbajnë vitaminë E janë sallata jeshile, spinaqi, lakrat e ndryshme, arrat, mëlçitë, qumështi, gjiza, mishi, veza, rrushi, bajamet etj.)

Categories
Këshilla

Keni probleme me rrudhat? Këto janë 6 ushqimet që sugjerohen

Dieta jonë ka ndikim edhe në plakjen e lëkurës. Rrudhat janë shenjat e para të plakjes dhe kur shfaqen, na shqetësojnë shumë. Ne përpiqemi t’i parnadalojmë ato sa më shpejt të mundemi duke përdorur trajtime të ndryshme, por edhe metodat e gjysheve tona. Megjithatë, edhe dieta ka një rol të rëndësishëm. Nëse duam të parandalojmë rrudhat dhe t’i sigurojmë vetes një lëkurë të shëndetshme e plot shkëlqim, duhet të përfshijmë në regjimin tonë edhe ushqimet me efekt antirrudhë. Le të zbulojmë cilat janë ato! Çfarë të hamë për të parandaluar rrudhat:

Fara lini. Ato parandalojnë shenjat e plakjes sepse përmbajnë Omega 3. Shtojini në vaktet tuaja, që nga suprat e deri te smoothie-t!

Bajamet. Ato janë të pasura me vitaminë E, substanca më e mirë për të parandaluar rrudhat. Mund t’i hani ato në mëngjes ose si një vakt i ndërmjetëm pasdite.

Çokollata e zezë. Është një nga ushqimet më të mira për të parandaluar rrudhat, por duhet të jetë e zezë! Është e pasur në polifenole, lufton radikalet e lira dhe përmban antioksidantë. Mënyra më e shijshme për të luftuar rrudhat.

Portokallet. Lëngu i portokallieve të shtrydhura është perfekt për të marrë vitaminë C, e cila është një nga substancat më të mira kundër shenjave të plakjes. Kjo vitaminë stimulon prodhimin e kolagjenit dhe përmirëson qarkullimin e gjakut.

Çaji jeshil. Shumë njerëz e quajnë atë eliksirin e jetës, pasi përmban shumë veti që i japin trupit përfitime pa fund. Shtojeni atë në dietën tuaj antirrudhë.

Shafran Indie. Me këtë mrekulli të natyrës mund të bëjmë çajra të ndryshëm ose ta shtojmë në ushqime. Ka një fuqi të pabesueshme anti-inflamatore dhe parandalon shenjat e plakjes. Herët apo vonë, të gjithë do të kemi rrudha. Me një dietë rigoroze, mund të shtyjmë shfaqjen e tyre si dhe të kemi një lëkurë me shkëlqim e të shëndetshme për shumë gjatë.

Categories
Këshilla

Cili është ushqimi më i mirë i vjeshtës për të humbur peshë

Është ajo periudhë e vitit kur ideja për t’u çlodhur mund të tingëllojë pak më tërheqëse sesa të filloni të ushtroheni për të rënë nga pesha. Por në fakt, a do të mund t’a besonit që ekziston një ushqim i caktuar i kësaj stine, që mund të jetë një mënyrë shumë e mirë për të ngrënë dhe për të mos shtuar peshë?! Po, ai ekziston dhe është pikërisht kungulli! Ky ushqim mund t’ju ndihmojë të qëndroni në formë dhe ndërkohë korrni edhe shumë përfitime shëndetësore.

Vetëm 1/2 filxhani me copëza kungulli përmban: 40 kalori, 0 g yndyrë, 0 mg kolesterol, 5 mg natrium, 10 g karbohidrate, 3 g fibra, 4 g sheqerna, 0 g sheqerna të shtuar, 1 g proteina. Këto fakte janë një fillim i shkëlqyer për të kuptuar se pse kungulli mund të konsiderohet si një ndihmë e vlefshme për ata që duan të bien nga pesha. Në paraqitje, një kungull i qëruar mund t’ju ngjasojnë me një pjepër dhe njëjtë si pjepri ai përmban shumë ujë. Pikërisht ky element i bën kungujt shumë të dobishëm për humbjen e peshës. Shtojini kësaj përmbajtjen e fibrave dhe sheqerin e ulët, ju mund të shihni se si kungulli është një ushqim që jep shumë të mira dhe gjithashtu shpëlan trupin tuaj nga toksinat.

Si mund t’i konsumoni kungujt? – Pjekja e një kungulli është relativisht një proces i lehtë. Provoni ta prisni në pjesë të vogla, hiqni farat më pas vendosni pjesët e tij në një tavë me pak ujë për të ruajtur lagështinë ndërsa piqet. Kur t’a nxirrni nga furra, bëjeni pure dhe shërbejeni si një shoqërues në ndonjë nga vaktet tuaja.

Ju gjithashtu mund t’i shtoni pjesët e tij në një sallatë zarzavatesh. Farat e kungullit nuk ka pse të shkojnë dëm! Piqni dhe shtojini në sallatë ose gatime të ndryshme, pasi edhe ato përmbajnë lëndë ushqyese të dobishme për organizmin.

Categories
Këshilla

Aktori i madh i “Cukur” vjen ne Tirane, nje projekt ne horizont…

Projektet e reja e risollën për herë të dytë në Shqipëri aktorin e famshëm turk, Ercan Kesal, apo “Baba Idrizin” ashtu siç e njeh publiku shqiptar.

Ai ka bere figure te madhe përmes rolit të tij emblematik në serialin “Çukur” që transmetohet në Tv Klan. Adhurues të çdo grupmoshe e pritën ardhjen e artistit në “Javën e filmit turk në Tiranë”.

Vetë artisti nuk e fsheh ndjesinë e rikthimit në Tiranë. “Kandidati për kryetar” është libri e njëherësh filmi i tij më i fundit, që e gjen Ercan Kesal në rolin e shkrimtarit, regjisorit dhe protagonistit kryesor.

E për këtë ka një arsye të rëndësishme. Për mikrofonin e Tv Klan aktori i njohur turk zbulon projektet e radhës dhe nuk i ka aspak te pakta, pasi ka shume per te treguar.

E për këtë ka një arsye të rëndësishme. Projektet nuk jane te paktat dhe mendohet se mund te kete dhe ndonje ide per ndonje serial ne realitetin shqiptar, shpresohet ne fakt, por kushtet jane te veshtira.

Cukur eshte telefilmi qe transmetohet te shtune dhe te diel ne televizionin Klan. Ai ka mbajtur te mberthyer shume shikues me fotot e forta.

Categories
Këshilla Shëndeti

Pse duhet panxhari? Ka 6 arsye kryesore pse i nevojitet organizmit

Panxhari njihet për vetitë e tij ushqyese esenciale si hekuri, bakri, mangan, magnez, kalium dhe vitamina B, por gjithashtu është edhe burim i madh i sheqerit natyral dhe kështu i sjell mjaft përfitime shëndetësore trupit tuaj. Panxhari rregullon qarkullimin e gjakut, ndihmon në uljen e presionit të lartë të gjakut dhe stabilizon presionin e ulët të gjakut, kështu duke qenë vërtetë shërues natyral.

Mbush trupin me energji – Panxhari është mjaft efektiv në mbushjen e trupit me energji dhe rritjen e qëndrueshmërisë trupore tek të gjithë njerëzit. Një studim i bërë tek çiklistët ka rezultuar se ata që pinin lëng sheqeri kishin 15% më pak lodhje sesa të tjerët.

Nxit funksionin e trurit – Truri juaj funksionon më mirë me konsumin e panxharit pasi përmban “Betainë”, një substancë që përdoret shpesh për trajtimin e depresionit dhe çrregullimeve të tjera të shëndetit mendor. Thjesht, relakson, qetëson dhe nxit funksionin e trurit.

Pastron mëlçinë – Panxhari gjithashtu ndihmon për të pastruar mëlçinë dhe parandalon grumbullimin e yndyrës në mëlçi.

Ndihmon në luftimeve e sëmundjeve – I pasur me vitamina dhe minerale, panxhari është një antioksidant dhe anti-inflamator i shkëlqyer që ndihmon në luftimin e disa sëmundjeve kronike.

Përmirëson shikimin – Vitamina A dhe Beta-karotina, janë shumë efikas në parandalimin e degjenerimit makular dhe përmirsimin e shikimit.

Rregullon funksionin e zemrës – Panxhari mbush mungesat e kaliumit që janë shkaktari kryesor për sulmet në tru e gjithashtu rregullon edhe funksionin e zemrës në përgjithësi.

Categories
Këshilla

Nga lëngu i domates deri tek ai i spinaqit, këto janë pijet energjike që sugjeroj

Jeni të lodhur dhe doni të rikuperoni forcat sa më shpejt? Pijet energjike për momentin kanë shumë publicitet dhe premtojnë se ju sigurojnë energjinë për të cilën keni nevojë përmes substancave të ndryshme stimuluese.

Në nivel botëror, pijet energjike janë komercializuar në më shumë se 165 vende, përfshirë shtetet e Bashkimit Europian. Megjithatë, vitet e fundit është vënë në diskutim dëmi, në termat e shëndetit, që derivon nga përdorimi i papërgjegjshëm i këtyre pijeve.

Pijet energjike, përveç ujit që është përbërësi me prezencën më të madhe, përmbajnë stimulantë, sheqerna, aroma dhe ndonjëherë edhe vitamina e kripëra minerale.

Aspekti kryesor negativ i pijeve energjike është doza e substancave të tyre të cilat, krahasuar me atë të ushqimeve të tjera është joproporcionale dhe mund të shkaktojë efekte të padëshirueshme shëndetësore. Konsumi i tepërt i kafeinës për shembull, sidomos në mesin e konsumatorëve në moshë të re mund të ndërhyjë në aktivitetin e sistemit nervor normal, duke shkaktuar nervozizëm, acarim dhe rritim.

Pije energjike natyrale – Përsa i përket pijeve energjike, nuk mungojnë edhe alternativat natyrale. Mund të zgjedhim pije të realizuara me përbërës natyralë që kanë të paktën 3 avantazhe: kushtojnë më pak, mund t’i përgatisim në shtëpi dhe nuk kanë efekte anësore. Le të shohim së bashku cilat janë dhe si na ndihmojnë të ‘rikarikojmë bateritë’.

Ujë kokosi. Një pije energjike e thjeshtë, por e pasur me substanca ushqyese: kalium, fosfor, magnez, kalcium e kripëra. Gjithashtu, uji i kokosit është i varfër në sheqerna e yndyra, kështu që mund ta integrojmë edhe në një dietë hipokalorike.

Lëng domatesh. Nëse dëshirojmë një pije për të rikuperuar forcat, pas një stërvitjeje të gjatë, mund të zgjedhim lëngun e domateve. Mund të duket një zgjidhje e rrezikshme, por substancat e gjendura tek domatet, sipas një studimi të kryer në Greqi, ndihmojnë për të rikuperuar energjinë e muskujve shumë më shpejt se pijet tradicionale energjike.

Lëng spinaqi. Siç ju kujtohet, personazhin ‘Braccio di ferro’, spinaqi e ndihmonte të rikuperonte energjitë falë prezencës së hekurit. Lëngu i spinaqit prezanton një coktail natyral, të thjeshtë për t’u përgatitur që kërkon vetëm tre përbërës: tre kërcej selinoje, 2 asparagë dhe një domate ose karotë.

Lëngu i ngrohtë i mollës (brulee molle). Përveç të qenit një ilaç fantastik kundra kollës dhe dhimbjes së fytit, lëngu i nxehtë i mollës ka një aksion depurativ dhe antioksidues në organizmin tonë. Vetitë e tij na ndihmojnë të jemi të përqendruar dhe na mbrojnë nga disa sëmundje degjenerative siç është për shembull demenca senile.

Frulato bananesh. Banania është një prej frutave të preferuara nga atletët për të rikuperuar energjitë dhe për të parandaluar ngërçet muskulore gjatë stërvitjes. Për të përgatitur një frulato bananesh ju duhen: 2 banane, një lugë mjaltë, gjysmë gote qumështi dhe 2 kube akullli. Në këtë moment, gjithçka që duhet të bëni është t’i centrifugoni mirë dhe të pini lëngun.

Categories
Këshilla

“Më larguan nga puna, shkova si hamall”, aktori korçar tregon vështirësitë

Kohët e fundit, kanë dalë në dritë disa dosje, të cilat bartin të dhëna biografike të aktorëve, që kanë ushtruar aktivitetin e tyre gjatë periudhës së komunizmit.

Dhimitër Orgocka, Reshat Arbana, Robert Ndrenika, janë disa nga aktorët që i është bërë biografia. I ftuar kohë më parë në studion e emisionit “Shqipëria live”, ishte aktori tashmë i ndjerë, Dhimitraq Orgocka.

Aktori i njohur, tha se ka hyrë në teatër në moshë më të re. Por kur i vëllai iu fut në burg, atë filluan ta shqetësonin. Fillimisht për gjashtë muaj, e larguan nga teatri dhe e punësuan hamall. Pas një kalvari të gjatë në punë të ndryshme, Dhimitëri thotë se e rikthyen përsëri në teatër.

Për të shpëtuar nga thashethemet, aktori pati thënë se detyrohej që të punonte trefish më shumë. Ndërsa theksoi se të gjithë regjisorët e vlerësonin së tepërmi punën e tij si aktor.

“Unë kam hyrë shumë i ri në teatër, nuk i dija këto gjëra, mësova kur vëllai im hyri në bu rg. Këtu filluan shqetësimet e mëdha, punova nja gjashtë muaj hamall.

U riktheva në pallatin e kulturës në Maliq dhe më pas më rikthyen në teatër. Atëherë kur bënim zboret dhe një të dielë edhe unë bëja zbor. Një oficer më tha s’kemi roje dhe një tjetër tha ja ku e keni, është këtu, ai njeriu që ti i ke shkruajtur letër Enver Hoxhës.

Më vonë e mora vesh këtë gjë. Ankesa kishte shkuar në dorën e Enver Hoxhës, këtu në teatrin që po flas tani, ishte mbledhja e partisë, sekretari i partisë tha po lexojmë letrën për atë djalin tonë, do të punojë siç ka punuar, ne do e vlerësojmë. Kështu kishte shkruar Enver Hoxha për mua. Njerëzit në sallë duartrokitën dhe nuk më shqetësuan më.

Unë filloja punën me gruan dhe heshtja nga të gjitha fjalët që më thoshin. Shumë probleme i zgjidhnim me organizatën e partisë. Ndiqja me këmbëngulje direktivat e regjisorëve dhe punoja tre fish më tepër, që të mos i lejoja të tjerët të flisnin keq për mua.

Nuk e di, regjisorët që kanë punuar këtu më kanë vlerësuar për punën që kam bërë dhe kjo për mua ishte e vlerësueshme”, tha aktori.

Categories
Këshilla

Lista e ushqimeve që nuk duhet të hani pas aktivitetit fizik, ndiqni këshillat

Aktiviteti fizik është tepër shpërblyes për trurin dhe për të gjithë organizmin. Gjatë kryerjes së tij, në tru rriten dhe zhvillohen qeliza të reja që përmirësojnë forcën dhe aktivitetin e tij. Aktiviteti fizik i çdo lloji i bën mirë kujtesës, sepse nxit prodhimin e qelizave që janë përgjegjëse për të. Aktiviteti fizik e bën imunitetin më të fortë, që do të thotë se njerëzit që e kryejnë atë sëmuren më pak.

Nga fillimi në fund, përfitimet që merr njeriu nga aktiviteti fizik janë të larmishme, por i gjithë suksesi varet nga ajo që bëni, ose më saktë hani dhe pini, pas një stërvitjeje. Ju mund të ndiheni fitimtarë dhe keni nevojë për stimul, por stimuli kurrsesi nuk mund të jetë një picë, apo edhe një perime. Në fund të stërvitjes, njeriu ka nevojë për ushqim që të rikthejë nivelet e energjisë, të ushqejë muskujt e të përmirësojë metabolizmin, por nëse zgjedh psionet e gabuara, atëherë nuk ka arritur suksesin e duhur.

Njerëzit që merren me aktivitet fizik në fund të tij nuk duhet të hanë ushqime që treten me vështirësi, me sheqer apo yndyrna të ngopura që bëjnë shumë dëm në një kohë kur trupi ka nevojë të rimëkëmbet. Duke pasur këtë në mendje, ekspertët ofrojnë më poshtë listën e ushqimeve dhe pijeve që nuk duhen konsumuar kurrë pas një stërvitjeje apo një aktiviteti fizik.

Ato janë: ushqimet pikante, pijet e gazuara, mish të kuq, ushqime të skuqura e me yndyrë, cokollatë, sufllaqe e hamburger, bukë të bardhë, perime të pagatuara, ushqime me shumë fibër, lëng kumbulle, fasulet e zeza, vezë të skuqura, alkool.

Problemi me këto alternativa qëndron tek tretja që ngadalësohet, prania e lartë e sheqerit dhe yndyrës dhe pamundësia për të ofruar ushqyesit e nevojshëm për muskujt e lodhur. As uji nuk është alternativa më e mirë, pra nuk duhet të mjaftoheni vetëm duke pirë ujë.

Frutat janë një burim i shkëlqyer karbohidratesh për të cilat ka nevojë trupi pas lodhjes. Ekspertët sugjerojnë luleshtrydhet, avokadot, bananet, boronicat dhe kivit si më të mirat për t’i dhënë trupit mbështetje dhe forcë. Sipas tyre, pas një stërvitje, trupi ka nevojë për magnez, të cilin mund ta gjeni tek barishtet, qumështi, bajamet, farat e susamit, avokado dhe salmoni i egër. 1 orë pas stërvitjes, organizmi kërkon karbohidrate cilësore dhe proteinë dhe sidomos pushim.

Categories
Këshilla

Merrni peshë në zonën e barkut? Kjo është receta që do ju heqë dhjamin e tepërt

Shpesh njerëz të ndryshëm shëndoshen në pjesë të ndryshme të trupit. Disa në zonën e këmbëve disa në zonën e barkur apo diku tjetër. Nëse jeni nga ato që shëndetin e tepërt e merrni në pjesën e barkut kemi një recetë për ju që do t’ju shfryjë dhe do t’ju ndihmojë të hiqni kile më shpejt:

Përbërësit që ju duhen: një limon, një tufë majdanoz dhe një gotë me ujë

Përgatitja: Duke përdorur përpunuesit e ushqimit, përzijeni mirë majdanozin dhe pastaj shtrydhni lëngun e limonit dhe përzijeni mirë me majdanozin. Në fund, shtoni një gotë ujë në përzierje me majdanoz dhe lëng limoni dhe përzijeni përsëri për disa sekonda. Koha më e mirë për të pirë këtë lëng është në mëngjes, në stomak të zbrazët, për gjashtë ditë me radhë.

Kjo recetë do t’ju ndihmojë juve të digjni shumë kalori pa pasur nevojë të largoni nga dieta juaj ushqimet e preferuara dhe të kaloni orë të gjata në palestër Majdanozi është jashtëzakonisht efektiv sepse ju përmirëson tretjen. Lëngu i limonit është agjent i fuqishëm antioksidantë që do të ju ndihmojë t’i largoni nga trupi toksinat.

Categories
Këshilla

Maska me tërshërë: Aplikoje dhe zhdukjen e shpejtë të akneve mund ta bësh vetë

Në një moment të caktuar të jetës, edhe pse e ke kaluar periudhën e adoleshencës, mund të gjendesh para pasqyrës me një puçërr në fytyrë që të prish qetësinë. Është krejtësisht normale që ende të përjetojmë çrregullime të tilla të lëkurës herë pas here. Të bezdisshme janë, të gjithë e dimë, por jo e pamundur për t’i eliminuar.

Kjo maskë fytyre që prezantohet më poshtë nuk është vetëm zgjidhja e shpejtë e zhdukjes së puçrrave, por shërben edhe për një pastrim dhe hidratim të mirë të lëkurës, madje të përgatit për të gjithë javën.

Maskë me tërshërë – Tërshëra nuk është vetëm një ushqim i mirë për mëngjes, por edhe për lëkurën e fytyrës gjithashtu. Ashtu siç mban të ngopur stomakun, tërshëra ushqen dhe pastron edhe lëkurën. Për më tepër, është edhe qetësuese, kështu që do të të ndihmojë në eliminimin e skuqjeve të lëkurës. Shtimi i mjaltit në këtë recetë është mjaft efikas, sepse mjalti vret bakteret që formojnë shpërthimin e lëkurës në puçrra.

Shënim: Kjo maskë përdoret shpesh sipas nevojës. Është shumë e butë për lëkurën, ushqyese, kështu që mund ta përdorësh edhe çdo ditë.

Çfarë të nevojitet: 1/2 filxhan me ujë të ngrohtë (jo i nxehtë), 1/3 filxhan tërshërë, 2 lugë gjelle kos i thjeshtë, 2 lugë gjelle mjaltë, 1 e bardhë veze

Përdorimi: Përziej ujin dhe tërshërën dhe lëri bashkë për dy deri në tri minuta. Shto kosin, mjaltin dhe të bardhën e vezës në përzierje. Aplikoje lehtësisht të gjithë masën në fytyrë dhe mbaje rreth 10 deri në 15 minuta. Pastroje maskën me ujë të ngrohtë. Për këtë hap, është jashtëzakonisht e rëndësishme të vendosësh një filtër në lavaman, në mënyrë që të mos e bllokosh.