Categories
Lajme

“Më fejuan në moshën 8-vjeçare dhe nuk më pyeti kush”, flet mësuesja shqiptare

Meleqe Reja, mësuesja e parë rome në vendin tonë, tregoi për “Shqipëria Live” sfidat e saj të jetës duke nisur që nga fëmijëria.

Ajo tregoi se si në moshën 8-vjeçare e kishin fejuar dhe në moshën 11-vjeçare kishin tentuar ta martonin, ndërsa dëshira e saj ishte shkollimi.

“Unë kisha frikë për atë që do të bëhej. Nuk më pyeti njeri fare”, u shpreh mësuesja, duke shprehur qartë pendesën për hapat kryesorë të jetës së saj.

Familja kishte bërë çdo gjë, ndërsa ajo ishte vetëm në klasën e katërt. Koha në të cilën ajo ka jetuar e pengonte të shkollohej pasi nuk kishte organizata që ndihmonin në shkollimin e tyre.

Ngjarje të tilla nuk janë të pazakonta në Shqipëri. Në fshatrat e thella ose në disa qyteza në periferi të vendit, ka plot histori si kjo.

Vajzat dhe gratë shqiptare gjithmonë kanë qenë në harresë për fenomene të tilla. Ndodh shumë pak herë, që një shoqatë të tregojë seriozitet në trajtimin e këtyre ngjarjeve. Kryesisht janë fonde që merren dhe nuk kthehen në punë.

Categories
Lajme

Flor Binaj tregon videon nga protesta në Tiranë: Shihni ç’bën policia

Florjan Binaj, i cili ka qenë ndër pjesëmarrësit e shumë protestave në vend, si këto të ditëve të fundit, ka reaguar në lidhje me protestën që kanë zhvilluar sot studentët e Universitetit Bujqësor të Tiranës.

Përmes një mesazhi në rrjetet sociale, Binaj thekson me ironi se 7 makina policie ndjekin studentët, sikur të ishin keqbërës. Kjo është e papranueshme.

“7 makina policie për studentë të pafajshëm, sikur po ndjekin keqbërës”, shkruan Binaj, i cili ka postuar videon, që duket mëse qesharake për vitin 2022. SHIKO VIDEON KETU

Me thirrjen “Poshtë pushtetarët”, studentët e Universitetit Bujqësor të Tiranës janë ende duke marshuar drejt Bashkisë së Tiranës.

Protestës së tyre u janë bashkuar dhe qytetarët të cilët brohorasin njëzëri: Duam vetëm bukë! Studentët kanë më shumë se dy orë që janë në rrugë.

Ata janë nisur nga ‘Rrethrrotullimi i Kamzës’ drejt Bashkisë së Tiranës në shenjë proteste kundër rritjes rekord të çmimeve në vend.

Categories
Lajme

Kim Kardashian u ankua se nuk gjen staf, reagon ish-punonjësja e saj: “Me rrogën tënde me zor blija bukë”

Kim Kardashian ka dhënë një këshillë për të gjitha vajzat dhe gratë, që është komentuar mjaft në rrjet. “Kam këshillën më të mirë për gratë në biznes. Ngrini prapanic*n dhe punoni. Duket sikur këto ditë askush nuk do të punojë”, u shpreh Kim në intervistën për “The Variety”.

Pikërisht kjo deklaratë bëri xhiron e rrjetit, por një ish-punonjëse e saj nuk ka ngurruar të reagojë për fjalët e saj, duke u treguar shumë e sinqertë.

Jessica DeFino, ka bërë disa deklarata që me siguri yllit të “KUËTK” nuk do t’i pëlqejnë. Ajo ka treguar se punonte në kompaninë e Kim dhe është paguar me një shifër qesharake.

“Unë isha redaktore në aplikacionet Kardashian në 2015 në LA, punoja ditë e natë dhe fundjavave, mund të përballoja vetëm produkte ushqimore nga dyqani ’99 Cents Only’.

Më është dashur të mungoj duke pretenduar se jam sëmurë, pasi nuk kisha para për të mbushur makinën me benzinë”, ka shkruar Jessica DeFino në një postim në Twitter, që ka mbledhur më shumë se 1 milion pëlqime.

Me këtë deklaratë, Kim Kardashian ngjan me oligarkët e Shqipërisë, të cilët ankohen se askush nuk do të punojë, por rrogat që ofrojnë janë si në Shqipërinë e vitit 2002.

Categories
Lajme

“E kam mik Alban Skënderajn, por kurrë nuk do bëj këngë me të”

Xuxi është një ndër artistët shqiptarë më të njohur në vend. Ai së fundmi ka folur edhe për zhvillimet në skenën muzikore. Në një lidhje me “Skype” për “ABC e Mëngjesit”, ai ka treguar se ka vite që nuk merret se me këngë, që nga koha e “The Voice” kur ishte në juri me Alban Skënderajn.

Madje ka treguar se ka një shoqëri shumë të afërt me këtë të fundit, por nuk do të bashkëpunonte sepse janë të ndryshëm në zhanre.

“Projekti i fundit ka qenë kënga që kam pjesë në “Festivalin shqiptar”, gjatë kohës që isha pjesë e jurisë së “The Voice of Albania” me Alban Skënderajn.

Me Albanin jam shumë i afërt, përveç ne të dy edhe bashkëshorten tona janë mike. Nuk e mendoj se do bënim një bashkëpunim se nuk mendoj se flem bashkë në të njëjtin zhaner muzikor. Ai është pak më i butë, ndërsa unë jam te këngët më të forta”, tha Xuxi.

Më tej, ai zbuloi se vazhdimisht është i përditësuar me të dhënat e fundit, ku u shpreh se Ronela Hajati nuk mund të fitojë Eurovisionin.

“Ronela është shumë simpatike, po këngën e kam dëgjuar vetëm një herë nuk mund t’i jap një vlerësim. I uroj suksese. Nuk besoj se do të ketë mundësinë Shqipëria të fitojë Eurovizionin të paktën tani për tani. Se nuk e keni mundësinë ta zhvilloni se Shqipëria nuk ka salla aq të mëdha sa për ta organizuar”, tha ai.

Categories
Lajme

Holanda refuzon Ukrainën në BE: “A e dini se Shqipëria ka 10 vjet që pret?”

Samiti i liderëve të BE-së në Versajë të Parisit hyn sot në ditën e dytë, por tashmë nga takimi i parë u mësua qartë se një anëtarësim i shpejtë i Ukrainës në bllok europian, refuzohet nga disa prej kryetarëve të shteteve dhe të qeverive të vendeve anëtare.

Holanda, një prej vendeve që dikur bëheshin pengesë për anëtarësimin e vendit tonë, tashmë duket se është kthyer në avokate të Shqipërisë. Kryeministri holandez, Mark Rutte, kujtoi sesi disa vende të Ballkanit Perëndimor po përpiqen prej dhjetë vjetësh të bëhen anëtarë të BE-së. “Kini parasysh Shqipërinë dhe Maqedoninë e Veriut”, u shpreh ai.

Mark Rutte: Holanda ishte një nga vendet e para që ofroi mbështetje ushtarake, një nga të parat që kërkuan paketë sanksionesh, prandaj nuk duhet të ketë asnjë dyshim se qëndrojmë krah për krah me Ukrainën. Por nuk aderim të shpejtë në BE, një gjë e tillë nuk ekziston.

Presidenti francez Emmanuel Macron theksoi se për më tepër tani, nuk mund të happen procedurat me një vend që është në lu.ftë, por as nuk do ta mbyllin derën e të thonë “kurrë”. Në deklaratën e përbashkët liderët e BE-së u zotuan ta afrojnë më shumë Ukrainën me bllokun politikisht.

“Në pritje të kësaj dhe pa vonesë, ne do të forcojmë më tej lidhjet tona dhe do të thellojmë partneritetin tonë për të mbështetur Ukrainën të ndjekë rrugës së saj drejt Bashkimi Europian. Ukraina i përket familjes sonë europiane”, theksohet aty.

Përtej debatit për anëtarësimin, presidentit i Këshillit Europian Charles Michel prezantoi dhe propozimin për t`i siguruar Ukrainës 500 milionë euro ndihmë shtesë, ndërsa udhëheqësit e bllokut premtuan gjithashtu të ndihmojnë rindërtimin e vendit.

Categories
Lajme

Babai përcjell mes lotësh vajzat e vogla, momente pikante nga metrotë e Kievit

Metrotë e Kievit janë bërë dëshmitare të skenave te trishtimit të qytetarëve, që përcjellin fëmijët e të afërmit dhe vetë qëndrojnë për të luftuar kundër pushtuesit rus.

Mijëra ukrainas largohen nga kryeqyteti i vendit, pak orë përpara nisjes së ofen.sivës ruse ndaj qytetit. Gazetari Artur Bibe ka sjellë pamjet nga treni që niset për lviv, një rrugë e konsideruar si e sigurt sipas autoriteteve vendase.

Një udhëtim në të pa diturën! Ata do t’i drejtohen kufirit për të vazhduar udhëtimin drejt një vendi europian, ku do të mund të strehohen larg bom.bave. Lejohen të largohen vetëm gratë dhe fëmijët.

Në bankinën e stacionit shihen shpesh herë prindër që dërgojnë fëmijët në një zonë të sigurt dhe në vazhdim kthehen në frontin e perballjeve.

Autoritetet kanë improvizuar kënde lojërash, ku fëmijët mund të luajnë dhe të argëtohen për të harruar faktin e luftës.

Fotot që po shohim këto ditë tregojnë qartë se ajo që po ndodh në Ukrainë nuk duhet toleruar kurrsesi. Eshtë një fakt që po e sheh gjithë bota dhe perëndimi duhet të reagojë.

Categories
Lajme

“Sot zbulohet e dashura e re e Donaldit”, e vetmja mënyrë për të bashkuar shqiptarët

Sot pritet të mbahet dita e tretë e protestës te Kryeministria, ku qytetarë do dalin për të kërkuar uljen e çmimit të naftës dhe produkteve ushqimore.

Ndërkohë që të enjten u mblodhën shumë qytetarë, të cilët paralajmëruan se këto protesta do të vazhdojnë deri në marrjen e vendimeve.

Teksa në rrjetet sociale, po qarkullojnë ‘meme’ të ndryshme, të cilat nxisin qytetarë të shumtë nga e gjithë Shqipëria për t’u bashkuar në shesh. Ato madje kanë pasur në qendër edhe mesazhe gazmore për të tërhequr sa më shumë vëmendje.

Më e fundit, që po bën xhiron e rrjetit, është një ‘meme’ që lidhet me Donald Veshajn, i cili është personazhi më i komentuar i momentit në showbiz.

“Zbulohet e dashura e re e Donaldit”, shkruhet te thirrja për qytetarët, pasi aktori është kthyer në kryefjalën e momentit pas ndarjes nga Trixa dhe Bora.

“Tani që kam vëmendjen tënde. Sot protestohet për rritjen e çmimeve. Mos mungo ora 17:00 tek Kryeministria”, vijon thirrja.

Categories
Lajme

Shitësi i furrës bukës mashtron me peshën, nisin gjobat 1000 euro!

Drejtoria e Inspekcionit në Gjilan ka njoftuar se gjatë inspektimit në sektorin e bukës, në një furrë në qytet është konstatuar se pesha e bukës nuk përputhej me deklaracionin.

“Inspektorët kanë ndërmarrë veprimet e duhura ligjore dhe subjektit ekonomik i kanë shqiptuar një gjobë në shumë 1000 euro”.

“Arsyeja eshte se kanë vërtetuar se buka që shitej për 500 gramë peshonte 70 deri në 80 gramë më pak”, thuhet në një komunikatë për media”

Drejtoria e Inspekcionit komunal në Gjilan i siguron qytetarët se ankesat dhe kërkesat e tyre do të shqyrtohen me seriozitet të plotë dhe se nuk do të tolerojë mashtrime në dëm të konsumatorit, thuhet tutje në komunikatë.

Një market në Skenderaj është dënuar me 1000 euro për rritjen e çmimit të vajit. Këtë e ka bërë të ditur vet kryetari i Skenderajt, Fadil Nura, me anë të një postimi në Facebook, shkruan lajmi.net.

“Nuk do të lejojmë të shfrytëzohet rasti për përfitim të paligjshëm, siç është rasti i sotëm në një prej qendrave tregtare, ku 1 litër vaj është shitur me çmim prej 3.49 euro, pavarësisht çmimit shumë më të lirë të furnizimit”, ka thënë Nura.

Categories
Lajme

A do futet në politikë? Florian Binaj është gati nëse plotësohet 1 kusht

Florian Binaj ka qenë i pranishëm në shumë protesta të qytetarëve në Shqipëri, përfshirë edhe protestat e fundit për rritjen e çmimit të naftës (dhe jo vetëm).

I ftuar në emisionin “Të Paekspozuarit” në MCN TV, aktori Binaj u pyet nëse ka ndërmend të futet në politikë, për të avancuar kauzat ku beson.

“E kam thënë që ditën që politika do të bëjë për shqiptarët, atë që bën arti dhe humori, atëherë do të mendoj ta fus veten në një parti.

Ne kemi politikanët që kanë këtu, që kur ka qenë Bushi i parë në qeveri. Erdhi Bushi tjetër, Obama, Trumpi, Biden. Këta janë akoma këtu. Në gjithë botën janë ndërruar liderët dhe ne kemi po këta.

Do të bëja një apel për ju që keni emisione politike dhe flitet vetëm për politikë dhe harrohen hallet e popullit. Si do t’i vijë halli atij fshatari që jeton në Konispol. Duhet të bëhen emisione për hallet e popullit”, tha Binaj.

Ndërkohë protesta do të vazhdojë edhe ditën e sotme në Tiranë dhe në disa qytete të tjera të Shqipërisë në orën 17:00.

Categories
Lajme

“Urbani po shkon 800 lekë, sufllaqja 2 mijë lekë, çfarë do hamë ne?”

Prej dy ditwsh vijojnë të protestojnë kundër rritjes së çmimeve që kanë shënuar rekorde në të gjithë vendin. Një pjesë e qytetarëve protestues janë ende në rrugët kryesore të kryeqytetit duke protestuar por kanë hasur në ndërhyrjen e efektivëve të policisë të cilët janë përpjekur t’i largojnë.

Protestuesit janë shprehur të revoltuar nga ndërhyrja e policisë dhe kanë thënë se ndaj tyre po silleshin si rusët në Ukrainë.

Një prej të rinjve protestues tha: “Jo more vlla ne nuk jemi në Ukrainë që të vuajmë kështu. Policia këtu po sillet siç sillen rusët në Ukrainë”.

Në çdo vend qeveria ka marrë masa, ndërsa neve këtu nuk po bëjnë asgjë sepse nuk prodhojmë asgjë. As miell nuk prodhojmë, siç prodhon Serbia këtu që e mbylli direkt eksportin.

Po çfarë po bëhet këtu? Nuk ka mbetur asgjë. Fshatrat kanë mbetur të shkretuar. I ka përzënë të gjithë të rinjtë. Neve këtu nuk po na tepron asgjë nga rroga jonë. Ndërsa Rama dhe të tjerët që marrin miliona lekë në muaj na thonë shtrëngoni dhëmbët.

Bileta e urbanit po shkon 800 lekë, sufllaqja 2 mijë lekë, çfarë do hamë ne, jemi studentë, ç’të bëjmë, si do t’ia dalim në jetë? Ejani protestoni me ne.”- dëgjohet të thotë studenti.