“E marim për ekipin Primavera…” | Kalulu, çfarë basti nga Milani: sa kushtoi realisht dhe sa vlen sot. Gati rinovimi

Koha leximit:2 Minute, 5 Second

Mes të rinjve që Stefano Pioli po arrin të promovojë ne kete cikel te nisur është padyshim edhe Pierre Kalulu. Pasi zbarkoi në heshtje në Milano në verën e vitit 2020 dhe u mendua se do te ishte fuqizim per ekipin Primavera ne disa ndeshje, mbrojtësi i lindur në vitin 2000 po i bind të gjithë me paraqitje të mira…

Kur mbërriti në Itali, disa dyshuan se ai nuk kishte bërë kurrë debutimin e tij në ekipin e parë të Lyonit. Kishte nga ata që besonin se ky faktor mund të vinte në dyshim vlerën e tij dhe për rrjedhojë operacionin e kryer nga klubi kuqezi. Megjithatë, lojtari po dëshmon se e meriton fanellën që vesh!

I vendosur si mbrojtës i krahut apo si qendërmbrojtës, ka qenë gjithmonë gati, sigurisht edhe duke bere disa gabime.

Duke marrë parasysh moshën e re dhe mungesën e përvojës, duhen lejuar disa të meta. Por siç e ka theksuar shpesh Pioli, francezi ka një personalitet të madh dhe kur gabon di të reagojë menjëherë!

Kalulu u përball shumë mirë ndaj një sulmuesi shumë të fortë si Victor Osimhen në javen e fundit të kampionatit. Ndeshja e madhe Napoli-Milan ishte një terren shumë i rëndësishëm për francezin. i cili u tregua absolutisht i gatshëm. Nuk është më një surprizë.

Edhe në derbin e Kupës së Italisë, kur hyri ne fushe ne vend te te demtuarit Alessio Romagnoli, ai anuloi kundërshtarët e nivelit të larte si Lautaro Martinez dhe Edin Dzeko. Dhe në disa raste të tjera ai ka treguar se cfare brumi ka. Pioli e di se mund të mbështetet tek ai.

Milani ka bërë një marrëveshje të madhe me nënshkrimin e Kalulu, i cili mbërriti pothuajse në një transfertë të lirë. Vetëm 480 mijë euro i shkuan Lyonit si kontribut i parashikuar nga FIFA për rritjen e tij në sektorin e rinisë.

E përditshmja Tuttosport shkruan se vlera e kartonit sot është të paktën 20 milionë euro dhe është e destinuar të rritet, nëse performanca vazhdon të jetë e shkëlqyer!

Klubi i Milan ka nisur tashmë kontaktet me agjentin për të depozituar detajet që duhet të çojnë në rinovimin e kontratës në një kohë të shkurtër.

Marrëveshja aktuale skadon në qershor 2025 dhe duhet të zgjatet deri në vitin 2026. Paga do të rritet nga 500 mijë euro neto e sotme në të paktën 1 milion euro plus bonuse, qe mund te kapin 1.5. Një vleresim i drejtë për një djalë që po bën gjëra të mira për kuqezinjtë.