“E vendosa aty ku ka vendin”, Donaldi mban premtimin në Kosovë!

Koha leximit:58 Second

Donald Veshaj është një nga banorët më të dashur të Big Brother VIP dhe vështirë se dikush tjetër do prodhojë lajme sa ai në media gjatë 4 muajve papushim.

Gjatë qëndrimit të tij për 136 ditë në Big Brother Vip, ai ka treguar edhe talentin e tij si piktor. Këtë e ka bërë në dy raste, në fakt, dhe në të dyja rastet për figura të shquara kombëtare.

Me rastin e festës së 28-nëntorit. Donaldi kishte pikturuar portretin e Ismail Qemailit, i cili u shit në ankand dhe të gjitha lekët shkuan për bamirësi.

Kurse më 17 shkurt, kur Kosova festoi 14-vjetorin e Pavarësisë, Donaldi realizoi portretin e Adem Jasharit. Ishte një portret mjaft i realizuar dhe i bukur.

Bashkë me vëllain e tij Romeon dhe mikun e tij nga Kosova, Arbër Zekën, sot ai shkoi te familja Jashari për ta dërguar portretin e heroit Adem Jashari aty ku e ka vendin, siç tha edhe Donaldi.

Ata po ashtu realizuan edhe një foto së bashku me Bekim Jasharin, i biri i heroit Hamzë Jashari. Më bukur se kaq nuk ka. Ka, vetëm nëse ai do kishte edhe trofeun 100 mijë euro, sigurisht.