Emigranti shqiptar nga Amerika: “Këtu 95% bëjnë shumë lekë, por humbin familjen dhe miqësinë”

Koha leximit:1 Minute, 23 Second

Selmon Bojku nga Isniqi i Deçanit ka thënë se jeta përtej Atlantikut është vetëm punë. Bojku u shpreh se të gjithë ata që janë në Amerikë mund të bëhen të pasur, por nuk kanë kohë për familjen.

Sipas tij, secili nga mërgimtarët që ka arritur të bëj para, ka humbur diçka tjetër. “Me mujt, krejt çka janë në Kosovë i bi këtu. Veç punë, si unë si ai tjetri”.

“Këtu nuk ki kohë me shpenzu me familje. Nashta fola pak shumë, por e kam prej mllefit, unë jam ka foli në përgjithësi, nashta nuk po ia qëlloj, por po e foli çka e ndjej si mërgimtar në shpirt, edhe kujtoj që qysh jam unë ka shumë mërgimtarë tjerë se mërgimi është send i rëndë”, u shpreh ai.

“95% e mërgimtarëve bëjnë pare, por humbin diçka tjetër, familjen, vlerat e tyre dhe lidhjen me njerëzit e tyre të afër. Nuk asht mirë kështu”, shtoi Bojku.

Ai theksoi se mërgimi është shumë i vështirë. Bojku tha se ka shumë mërgimtar të zotët në Amerikë dhe secilit duhet t’i jepet vendi që e meriton. “Ne kemi nevojë të gjithë me shku në Kosovë, me i dërgu atje e me i përdorë njerëzit e dijshëm. Nuk po du me ju dhënë këshilla atyre se as për vete nuk di shumë, por jam duke fol prej këndit si i shoh gjërat unë”.

“Kurrgjë mu nuk më duket interesant, as Evropa, se thonë dojnë me hy në Evropë. Çka ke me lyp në Evropë. Anglia ke në Evropë edhe vet dul. Kam shpresë të madhe në Amerikën, ne kemi njerëz të zotët, por duhet me ia dhënë vendin atij që e meriton”.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %