Legjenda e futbollit shqiptar merr dy lojtarë nga Ukraina për t’i strehuar në Shqipëri

Koha leximit:46 Second

Rusia nisi një ofensivë ndaj Ukrainës dhe kampionati është pezulluar në këtë vend të goditur tanimë. Lojtarët dhe stafet e ekipeve janë duke kërkuar largimin dhe strehimin për të qenë në vend të sigurt.

Ndërkohë ish-lojtari i Kombëtares, Andi Lila, ka ftuar dy ish-shokët e ekipit që luajnë në Ukrainë. Bëhet fjalë për Vladislav Naumets dhe Orest Kuzik.

Andi Lila mësohet se ka qenë shok skuadre me ta më parë. “Në këtë gjendje që po kalon Ukraina, është koha për të treguar solidaritet dhe humanizëm”.

“Unë personalisht fola me dy miq të ngushtë nga Ukraina, Orest Kuzik, Vladislav Naumets. I ftova në Shqipëri me familjet e tyre”.

“Kjo është gjithçka që mund të bëj për momentin, vetëm solidariteti njerëzor mund të fitojë në këtë situatë”, shkruan Lila.

E gjithë bota sot po flet për situatën në Ukrainë, pas rusët mësynë në mëngjesin e sotëm dhe priten zhvillime të reja orët në vijim.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %