Lukaku e preku topin vetëm 7 herë, Tuchel i thotë të gjitha…

Koha leximit:1 Minute, 3 Second

Romelu Lukaku i ka ditët e numëruara te Chelsea dhe ka nisur që tani të mendojë për largimin në verë, pasi nuk dëshiron që viti tjetër ta gjejë sërish me blutë e Londrës.

Nëse më parë ishte kritikuar për performancat me londinezët, në ndeshjen e sotme kundër Crystal Palace është shfaqur si një fantazmë e vërtetë.

Besojeni ose jo, por sipas “Opta Joe”, faqe që merret me statistikat konkrete të ndeshjeve, Lukaku ka rënë kontakt në topin vetëm 2 herë në 45 minutat e para.

Këtu është llogaritur dhe nisja e topit nga pika e mesit të fushës, në sekondën e parë. Pra Lukaku e ka prekur vetëm njëherë topin në pjesën e parë.

Ndërkohë në të dytën, sulmuesi belg e ka prekur sferën edhe 5 herë të tjera, duke e dërguar numrin total në 7, shifër e pabesueshme për një lojtar të kalibrit të tij.

Kjo është shifra më e ulët e rregjistruar në Premier League nga një lojtar që luan për 90 minuta që nga sezoni 2003-2004.

Tuchel – Trajneri Thomas Tuchel ka folur pas ndeshjes për një moment të tillë: “Lukaku preku topin vetëm 7 herë gjatë ndeshjes. Nuk di cfarë të them, vetëm se nuk ishte i përfshirë në lojë. Nuk e di, s’dua të them më tepër…”

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %