Roza Lati detyron Dagzin dhe PM të bëjnë tatuazh në emision live!

Koha leximit:56 Second

Dj PM dhe Dj Dagz janë nga dyshet më të pëlqyera të momentit. Dyshja artistike pas daljes nga shtëpia e Big Brother u shpërblyen me një simpati të madhe nga publiku në Shqipëri e Kosovë.

Gjatë qëndrimit brenda shtëpisë së BBV1 ata kishin dhënë një premtim për realizimin e një tatuazhi të njëjtë. Së fundmi, ishin të ftuar në emisionin “Why not” me Roza Latin.

Dyshja teksa folën për angazhimet e momentit, përvojën në Big Brother dhe të dashurat e tyre, realizuan tatuazhet direkt në emision.

“I’ts PM to the DAGZ now ( Janë PM dhe DAGZ tani)”, shkruhej në tatuazhin e dy DJ-ve, një shprehje të cilën ata e përdorin edhe në performancat dhe projektet e tyre të përbashkëta muzikore.

Ndryshe, pas daljes nga BBV dyshja kanë lansuar këngën “Hana” në bashkëpunim me këngëtaren, Fifi, që u prit mirë nga publiku dhe deri tani ka grumbulluar mbi 4 milionë klikime në YouTube.

Dj Dagz vijon të shijojë kohën e tij me të dashurën Einxhel që krijoi marrëdhënie në momentin që doli nga Big Brother, e njëjta gjë për Pm që vazhdon të shijojë marrëdhënien me Sarën.