Shqiptarët sapo fituan betejën e parë: Nafta ulet me 40 lekë brenda ditës

Koha leximit:1 Minute, 0 Second

Kriza botërore e rritjes së çmimeve të karburantit dhe të produkteve të tjera ka prekur prej ditësh dhe Shqipërinë, ashtu si edhe pritej.

Situata në Ukrainë ka ndikuar qartas dhe në Shqipëri. Çmimet rekord të ditëve të fundit kanë shkaktuar shqetësim te qytetarët. Fakt është që çmimi i naftës në bursën ndërkombëtare është rritur gjatë ditëve të fundit. Dhe kjo gjë, siç ndodh zakonisht është reflektuar dhe në Shqipëri.

Megjithatë stabilizimi i tregjeve ndërkombëtare ka nisur të sjellë ndryshime dhe në çmimin e karburanteve në vendin tonë. Nga sot dhe në vazhdim, vlera e një litri karburant në treg do të jetë ndryshe: Diezel 223 lekë, Benzine 95 223 lekë, Benzinë 100 245 lekë, kurse gazi nuk ndryshon.

Qeveria nga ana e saj ka njoftuar ngritjen e një bordi të posaçëm që do të kryeje monitorime dhe do të marrë masa për moslejimin e abuzimeve me çmimin e karburanteve.

Pasojat e Ukrainës kanë ndikuar ndjeshëm dhe në çmimet e produkteve të tjera, kryesisht ato ushqimore për të cilat Shqipëria është e varur nga eksportet ndërkombëtare.

Këto pasoja kanë nisur të ndihen qartas në Europë dhe në vendet e Ballkanit, ndërsa çmimet kanë pësuar rritje të ndjeshme në disa shtete.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %