Shqiptari më i shtrenjtë në botë shtang anglezët: “Isha i shkurtër, por u zgjata me qumësht”

Koha leximit:59 Second

Armando Broja ka bërë një rrëfim në faqen zyrtare të klubit. Sulmuesi ka folur për pjesën e veçantë sesi një lojtar me gjatësinë e tij arrin që të ketë shpejtësinë që tregon në fushën e lojës.

“Kam qenë gjithmonë i shpejtë, që që kur isha fëmijë. Ka qenë një nga pikat e mia të forta. E di që është e vështirë të besohet pasi jam shtatlartë dhe i kam këmbët e gjata.

Nuk dukem i shpejtë, por do të them se është një nga cilësitë e mia, mund të shkëputem nga mbrojtësit e mund të vrapoj me topin. Është pak e çuditshme, por kështu është.

Isha i shkurtër kur isha më i ri në moshë dhe mendoj se rreth 16-17 vjeç u rrita me shumë shpejtësi. Mendoj se kam pirë shumë qumësht (qesh), nuk e di çfarë ishte.

Por u rrita shumë shpejt dhe u zgjata. Edhe prindërit e mi u çuditën shumë se sa shpejt u rrita, apo edhe te akademia e Çelsit ku gjendesha atëherë, u çuditën gjithashtu”, tha Broja.

20-vjeçari është duke mahnitur të gjithë, ku në 27 paraqitje këtë sezon, ka gjetur rrjetën nëntë herë dhe ka dhuruar një asist.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %