Categories
Receta

Receta e ditës: Makarona të ftohta me bizele dhe kunguj

Përbërësit: 300 g makarona, 350 g bizele, 2 domate, 2 kunguj. Lëvozhgë limoni. Majdanoz. Vaj ulliri. Kripë. Ziejmë bizelet në ujë të bollshëm me kripë për 10 minuta pasi janë gatuar i transferojmë në një tas me ujë të ftohtë.

Presim kungujt përsëgjati në feta të holla dhe i pjekim në një piastër për pak minuta nga secila anë. Kur të jenë ftohur i presim në copa. Në ujin ku ziejmë bizelet vendosim makaronat.

Në enën ku do të servirni makaronat hidhni pak vaj ulliri dhe dy copë lëvozhgë limoni. Bashkoni bizelet dhe kungujt ,hidhini kripë i marinojmë për disa minuta.

Në një enë tjetër presim domatet në copë të vogla shtojmë majdanozin dhe kripë.  Kullojmë makaronat dhe e përziejmë me miksin e bizeleve dhe kungujve ,më pas shtojmë dhe domatet. Nëse ju del e lëngshme mund të shtoni bukë të thekur.

Categories
Këshilla

Për të ndërtuar muskuj ju duhen 8 perime kryesore, lexoni listën!

Dietat e zakonshme për ndërtimin e muskujve në trup konsistojnë gjithmonë një shumë të mishit, sepse mishi përmban shumë proteina dhe proteina që ndërtojnë muskujt. Por çfarë mund të konsumoni nëse nuk e pëlqeni mishin apo nuk e konsumoni atë për arsye etike apo mjedisore?

A do të thotë kjo që nuk jeni në gjendje të ndërtoni muskuj ashtu si doni? Absolutisht jo!

Një dietë e pasur me mish nuk është e vetmja mënyrë për të arritur masën e dëshiruar të muskujve. Janë të shumta mënyrat përmes të cilave mund të merrni ushqyesit e nevojshëm për ndërtimin e muskujve të fortë, të shëndetshëm dhe shumë prej tyre janë me bazë bimore. Nëse jeni duke kërkuar për disa ushqime që me të vërtetë do t’ju forcojnë muskujt, atëherë konsumoni perimet e mëposhtme.

1. Panxhari dhe perimet e familjes së tij

Përfitimet e panxharit dhe zarzavateve të familjes së tij janë të shumta, por mbase ju nuk e dini se përmbajnë shumë nitrate dietike dhe antioksidantë. Këta ushqyes luajnë një rol të veçantë për t’iu ndihmuar gjatë periudhave kur keni pak oksigjen në trup, si në momentet kur bëni stërvitje me intensitet të lartë.

Nitratet dietike konvertohen në oksid nitrik në trup, i cili ndihmon për të përmirësuar funksionin kardiovaskular, që nga ana tjetër ju ndihmon për të qenë në gjendje të trajnoheni më shumë dhe për më gjatë. Kjo është një mënyrë e sigurt për të ndërtuar inde muskujsh të shëndetshëm.

2. Jeshilllëqet dhe lakra e kuqe

Janë plot me fitonutrientë anti-inflamatorë dhe ndihmojnë organizmin për të absorbuar aminoacidet nga proteinat. Disa prej këtyre fitonutrientëve, duke përfshirë glukorafanin dhe sulforafanin, ndihmojnë për rimëkëmbjen e muskujve.

3. Spirulina

Është një ndër ushqimet që përmendet tepër së fundi. Një pluhur me ngjyrë të fortë të gjelbër, që cilësohet si ushqim i shëndetshëm, spirulina është një lloj alge në ngjyrë blu-jeshile që përmban disa aminoacide të rëndësishme për metabolizmin. Spirulina është gjithashtu një burim i madh i vitaminës B6, që së bashku me aminoacidet ndihmojnë në shpërbërjen e karbohidrateve, proteinave dhe yndyrnave, duke i kthyer në energji të përdorshme për trupin.

Diçka e tillë është e rëndësishme për ndërtimin e muskujve, sepse sa më shpejt trupi juaj t’i metabolizojë këto yndyrna, karbohidrate dhe proteina në energji, aq më shumë mund të shtyni veten për t’u trajnuar më shumë dhe për të ndërtuar më shumë muskuj.

4. Elbi dhe bari i grurit

Është koha që mbase elbin dhe grurin t’i provoni në formën e tyre si barishte. Këto zarzavate fibroze përmbajnë minerale esenciale, të tilla si kalciumi, hekuri dhe magnezi, si dhe karotenoide të fuqishme, të cilat janë antioksidantë që i mbajnë qelizat e indeve të shëndetshëm dhe të fortë. Këto minerale ndihmojnë në funksionimin e muskujve si dhe rrisin aftësinë e gjakut për të mbartur oksigjen drejt muskujve.

5. Bizelet

Bizelet ofrojnë disa përfitime të mahnitshme edhe për ndërtimin e masës muskulare. Ato janë një burim i mahnitshëm i proteinave bimore që treten lehtë. Ato janë gjithashtu një burim i shkëlqyer i disa aminoacideve plus glutaminës, që ndihmojnë në ndërtimin e muskujve.

6. Klorela

Nëse nuk keni dëgjuar më parë për klorelën, ajo është një mikroalgë japoneze e rritur në pellgje të ujërave të ëmbla, fillimisht në Japoni, por tani rritet edhe në Kinë, në Tajvan dhe në Kore, pasi kërkesat për të janë në rritje. Edhe pse klorela është e ngjashme me spirulinën, ajo ka disa veçanti.

Ajo përmban vitamina, aminoacide dhe acide nukleike, të cilat ndihmojnë në rigjenerimin e qelizave tona. Kjo është e rëndësishme për rritjen e muskujve dhe shërimin e tyre pas një stërvitjeje të lodhshme. Chlorella gjithashtu përmban të gjithë nëntë aminoacidet esenciale, duke e bërë atë një proteine ​​të plotë.

7. Spinaqi

Për vite me rradhë na është thënë se spinaqi ka hekur dhe na bën të fortë dhe pavarësisht ekzagjerimeve, në këto fjalë ka diçka të vërtetë! Spinaqi është i pasur në aminoacidin arginin, i cili stimulon hipofizën për të prodhuar hormonin e rritjes te njeriu. Spinaqi shërben në këtë mënyrë në ndërtimin e muskujve të fortë dhe në zhvillimin e tyre.

8. Majdanozi, preshtë, qepujkat jeshile

Barishtet janë të mënyrë shumë e mirë për shtuar aromë dhe shije në ushqimin tuaj, por disa prej tyre, si majdanozi, preshtë dhe bishtat jeshilë të qepëve kanë një dobi të madhe ushqyese. Ato janë një burim i madh i lysine, një aminoacid thelbësor që ndihmon me rritjen dhe shërimin e indeve lidhës në tendina dhe në kërc. Kjo do të thotë se lysine është shumë e dobishme për nyjet dhe i ndihmon të shërohen më shpejt.

Categories
Lajme

Të mira apo të këqija, si janë karbohidratet për organizmin tonë?

Sa karbohidrate duhet të hani në ditë? Karbohidratet janë thelbësore si pjesë e një diete të shëndetshme dhe të ekuilibruar dhe duhet të përbëjnë midis 45% – 60% të konsumit të përgjithshëm të energjisë (7,9).

Burimet më të përshtatshme të karbohidrateve janë perimet, frutat, perimet jeshile dhe bishtajoret për shkak të përmbajtjes së tyre të fibrave dietike 29,43. Aktualisht rekomandohet të hani midis 25 dhe 38 gramë fibra dietike në ditë për të rriturit ndërsa për fëmijët sasitë e rekomanduara ndryshojnë në varësi të grupmoshës.

Për sa i përket sheqernave, OBSH rekomandon fuqimisht mbajtjen e konsumit nën 10% të konsumit total të energjisë për të zvogëluar rrezikun e prishjes së dhëmbëve, mbipeshes dhe zhvillimit të kancereve. Pra, çfarë do të thotë kjo në kuptimin e të ngrënit të ushqimit? Një dietë optimale përmban 45% deri në 60% të energjisë nga karbohidratet në ditë për të gjithë personat mbi moshën dy vjeç.

Disa vende të BE rekomandojnë të konsumoni më së shumti 25 g sheqer në ditë (ose 5% të energjisë së përgjithshme): kjo është rreth 6 lugë sheqer. Të rriturit duhet të synojnë të konsumojnë të paktën 25 g fibra dietike në ditë. Këtu janë disa shembuj të ushqimeve të pasura me fibra:

3 lugë fasule = 3 g fibra; 75 g spageti me grurë të plotë = 9 g fibra
3 lugë lakër = 2 g fibra; 3 lugë bizele = 4 g fibra
1 mollë = 4.4 g fibra; 1 gotë thjerrëza = 15.6 g fibra; 1 fetë bukë integrale = 2 g fibra

Një gamë e gjerë ushqimesh që përmbajnë karbohidrate duhet të konsumohen në mënyrë që dieta të jetë e mjaftueshme në lëndë ushqyese thelbësore dhe fibra dietike: mendoni për arrat, thjerrëzat dhe produktet integrale, krahas frutave dhe perimeve të freskëta.

Categories
Receta

Bizelet provoni t’i piqni në furrë dhe do të merrni një shije të re

Përbërësit: 1 kg bizele, 1-2 lugë gjelle vaj ulliri, 1 lugë çaji kripë, 1/2 lugë çaji piper të freskët

Ngrohni furrën në 200 ° C. Lani, thani mirë dhe rregulloni bizelet. Vendosni bizelet në një tavë dhe shtoni vaj ulliri. Marinojini me kripë dhe piper për shije.

Me duar përzijini mirë në mënyrë që të gjitha bizelet të vishen me shtresën e kripës. Piqini për 20-25 minuta, duke i kthyer pas 15 minutash, derisa bizelet të thahen dhe të marrin ngjyrë kafe. Shërbejini të ngrohta.

Categories
Receta

Receta e ditës: Troftë me karota të vogla dhe bizele

Një pjatë e dytë e cila nxjerr në pah një mënyrë për të shijuar maksimalisht këtë peshk lumi, perfekt për drekat. Trofta me karota ‘bebe’ dhe bizele është e thjeshtë për t’u përgatitur, e shijshme, me mish të butë të cilit lëngu i limonit i jep shije dhe nëse doni mund ta shijoni me një gotë verë të bardhë.

Përbërësit: 4 fileto trofte, 250 gr karota ‘bebe’, 250 gr bizele të ngrira, vaj ulliri, kripë, 1 limon, pak miell, 8 qepujka, brodo perimesh, 1 qepë e njomë, piper

Kaloni në miell filetot e troftës të cilave u keni hequr lëkurën. Qëroni karotat e vogla. Prisni në feta pjesën e bardhë të një qepe të njomë dhe hidheni në një tigan me një lugë brodo perimesh. Shtoni karotat dhe bizelet, mbulojini dhe gatuajini në zjarr të ulët për 10 minuta duke i shtuar herë pas here nga pak brodo nëse është e nevojshme. Shtoni qepujkat (mund të jenë dhe turshi), kripë, piper dhe pak ujë.

Ngrohni pak vaj në një tigan që nuk ngjit, skuqni filetot nga 2 minuta për secilën anë, hidhni kripë e piper e hiqini nga tigani. Hidhni lëngun e limonit tek filetot dhe pas dy minutash bashkojini me perimet dhe lëngun e tyre. Lërini të marrin shije për një minutë dhe shërbejini.

Categories
Shëndeti

Doni të bëni muskuj? Këto janë 8 perimet më të mira për këtë

Dietat e zakonshme për ndërtimin e muskujve në trup konsistojnë gjithmonë një shumë të mishit, sepse mishi përmban shumë proteina dhe proteina që ndërtojnë muskujt. Por çfarë mund të konsumoni nëse nuk e pëlqeni mishin apo nuk e konsumoni atë për arsye etike apo mjedisore?

A do të thotë kjo që nuk jeni në gjendje të ndërtoni muskuj ashtu si doni? Absolutisht jo! Një dietë e pasur me mish nuk është e vetmja mënyrë për të arritur masën e dëshiruar të muskujve. Janë të shumta mënyrat përmes të cilave mund të merrni ushqyesit e nevojshëm për ndërtimin e muskujve të fortë, të shëndetshëm dhe shumë prej tyre janë me bazë bimore. Nëse jeni duke kërkuar për disa ushqime që me të vërtetë do t’ju forcojnë muskujt, atëherë konsumoni perimet e mëposhtme.

1. Panxhari dhe perimet e familjes së tij – Përfitimet e panxharit dhe zarzavateve të familjes së tij janë të shumta, por mbase ju nuk e dini se përmbajnë shumë nitrate dietike dhe antioksidantë. Këta ushqyes luajnë një rol të veçantë për t’iu ndihmuar gjatë periudhave kur keni pak oksigjen në trup, si në momentet kur bëni stërvitje me intensitet të lartë.

Nitratet dietike konvertohen në oksid nitrik në trup, i cili ndihmon për të përmirësuar funksionin kardiovaskular, që nga ana tjetër ju ndihmon për të qenë në gjendje të trajnoheni më shumë dhe për më gjatë. Kjo është një mënyrë e sigurt për të ndërtuar inde muskujsh të shëndetshëm.

2. Jeshilllëqet dhe lakra e kuqe – Janë plot me fitonutrientë anti-inflamatorë dhe ndihmojnë organizmin për të absorbuar aminoacidet nga proteinat. Disa prej këtyre fitonutrientëve, duke përfshirë glukorafanin dhe sulforafanin, ndihmojnë për rimëkëmbjen e muskujve.

3. Spirulina – Është një ndër ushqimet që përmendet tepër së fundi. Një pluhur me ngjyrë të fortë të gjelbër, që cilësohet si ushqim i shëndetshëm, spirulina është një lloj alge në ngjyrë blu-jeshile që përmban disa aminoacide të rëndësishme për metabolizmin.

Spirulina është gjithashtu një burim i madh i vitaminës B6, që së bashku me aminoacidet ndihmojnë në shpërbërjen e karbohidrateve, proteinave dhe yndyrnave, duke i kthyer në energji të përdorshme për trupin. Diçka e tillë është e rëndësishme për ndërtimin e muskujve, sepse sa më shpejt trupi juaj t’i metabolizojë këto yndyrna, karbohidrate dhe proteina në energji, aq më shumë mund të shtyni veten për t’u trajnuar më shumë dhe për të ndërtuar më shumë muskuj.

4. Elbi dhe bari i grurit – Është koha që mbase elbin dhe grurin t’i provoni në formën e tyre si barishte. Këto zarzavate fibroze përmbajnë minerale esenciale, të tilla si kalciumi, hekuri dhe magnezi, si dhe karotenoide të fuqishme, të cilat janë antioksidantë që i mbajnë qelizat e indeve të shëndetshëm dhe të fortë. Këto minerale ndihmojnë në funksionimin e muskujve si dhe rrisin aftësinë e gjakut për të mbartur oksigjen drejt muskujve.

5. Bizelet – Bizelet ofrojnë disa përfitime të mahnitshme edhe për ndërtimin e masës muskulare. Ato janë një burim i mahnitshëm i proteinave bimore që treten lehtë. Ato janë gjithashtu një burim i shkëlqyer i disa aminoacideve plus glutaminës, që ndihmojnë në ndërtimin e muskujve.

6. Klorela – Nëse nuk keni dëgjuar më parë për klorelën, ajo është një mikroalgë japoneze e rritur në pellgje të ujërave të ëmbla, fillimisht në Japoni, por tani rritet edhe në Kinë, në Tajvan dhe në Kore, pasi kërkesat për të janë në rritje. Edhe pse klorela është e ngjashme me spirulinën, ajo ka disa veçanti. Ajo përmban vitamina, aminoacide dhe acide nukleike, të cilat ndihmojnë në rigjenerimin e qelizave tona. Kjo është e rëndësishme për rritjen e muskujve dhe shërimin e tyre pas një stërvitjeje të lodhshme. Chlorella gjithashtu përmban të gjithë nëntë aminoacidet esenciale, duke e bërë atë një proteine ​​të plotë.

7. Spinaqi – Për vite me rradhë na është thënë se spinaqi ka hekur dhe na bën të fortë dhe pavarësisht ekzagjerimeve, në këto fjalë ka diçka të vërtetë! Spinaqi është i pasur në aminoacidin arginin, i cili stimulon hipofizën për të prodhuar hormonin e rritjes te njeriu. Spinaqi shërben në këtë mënyrë në ndërtimin e muskujve të fortë dhe në zhvillimin e tyre.

8. Majdanozi, preshtë, qepujkat jeshile – Barishtet janë të mënyrë shumë e mirë për shtuar aromë dhe shije në ushqimin tuaj, por disa prej tyre, si majdanozi, preshtë dhe bishtat jeshilë të qepëve kanë një dobi të madhe ushqyese. Ato janë një burim i madh i lysine, një aminoacid thelbësor që ndihmon me rritjen dhe shërimin e indeve lidhës në tendina dhe në kërc. Kjo do të thotë se lysine është shumë e dobishme për nyjet dhe i ndihmon të shërohen më shpejt.

Categories
Këshilla

Bizelet janë ideale kundër depresionit, Anila Kalleshi ju tregon si

Bizelet përmbajnë sasi të madhe të vitaminave të grupit B, por edhe vitaminë A e C. Problemi është se këto vitamina  mund të largohen me një zierje të tejzgjatur, prandaj duhet të bëni kujdes me gatimin.

Mes mineraleve që gjenden te bizelja, ai me sasinë më të madhe është kaliumi (shumë i nevojshëm për të riekuilibruar diurezën, sidomos te kardiopatikët), i ndjekur më pas nga fosfori, magnezi, kalciumi, hekuri, seleni dhe zinku.

Dy mineralet e fundi janë antioksidantë shumë të fuqishëm. Përqendrimi i lartë i ujit që gjendet te bizelja pakësohet gradualisht me rritjen dhe zhvillimin e bimës dhe vendin e tij e zënë karbohidratet, rreth 12 gramë çdo 100 gramë bizele të pastruara nga mbështjellësja. Sasia e fibrave është 4-6%.

Edhe vlera proteinike është goxha e lartë (6 g për kile). Për këtë arsye bizelet, e kombinuara me karbohidrate (oriz, ose makarona) janë zëvendësuesit më të mirë të mishit.

Bizelet kunder depresionit? Po, tamam keshtu. Antioksidantët dhe folatettek biezelet kanë një impakt tepër pozitiv në shëndetin mendor dhe ulin riksun për depresion.

Por bizelet perdoren dhe për të forcuar imunitetin janë një burim i mirë i vitaminës C, që mbron qelizat nga efektet e dëmshme të radikaleve të lira. Bizelet janë gjithashtu të pasura me hekur, kalcium, zink, bakër, manganese etj. që forcojnë sistemin imunitar.

Categories
Këshilla

Receta e shijshme: Supe me bizele dhe me mente

Kjo recetë e lehtë supe me bizele dhe mente është ajo që do ta bëni herë pas here kur jeni në nxitim. Perberesit: 1 lugë gjelle vaj ulliri. 1 selino dege. 1 qepë të vogël.

1 thelpinj hudhër. 2 kube koncentrat perimesh 800 ml ujë, 400 g bizele të freskëta, 1 tufë nenexhik. Kripë, piper.

Pergatitja – Vendosni vajin e ullirit në një tenxhere të thellë, shtoni qepën dhe selinon e prerë në kubikë të vegjël, gatuajeni derisa të marrin ngjyrë dhe më pas shtoni hudhër të grirë.

Shtoni ujë dhe kubikët e koncentratit të perimeve dhe lëreni të ziejë për 10 min. Shtoni bizele të freskëta, shtoni piper, lëreni të ziejë disa minuta dhe më pas shtoni gjethet e mentës. Me një blender dore përzieni supën dhe shërbejeni të ngrohtë.

Categories
Këshilla

Vetitë e bizeleve, gjithçka që duhet të dini për të mirat ndaj organizimit tuaj

Bizelja është një bimë me origjinë aziatike. Bizelet përmbajnë sasi të madhe të vitaminave të grupit B, por edhe vitaminë A e C. Problemi është se këto #vitamina mund të largohen me një zierje të tejzgjatur, prandaj duhet të bëni kujdes me gatimin!

Mes mineraleve që gjenden tek bizelja, ai me sasinë më të madhe është kaliumi (shumë i nevojshëm për të riekuilibruar diurezën, sidomos te kardiopatikët), i ndjekur më pas nga fosfori, magnezi, kalciumi, hekuri, seleni dhe zinku. Dy mineralet e fundi janë antioksidantë shumë të fuqishëm.

Përqendrimi i lartë i ujit që gjendet tek bizelja pakësohet gradualisht me rritjen dhe zhvillimin e bimës dhe vendin e tij e zënë karbohidratet, rreth 12 gramë çdo 100 gramë bizele të pastruara nga mbështjellësja. Sasia e fibrave është 4-6%. Edhe vlera proteinike është goxha e lartë (6 g për kile).

Për këtë arsye bizelet, e kombinuara me karbohidrate (oriz, ose makarona) janë zëvendësuesit më të mirë të mishit. Me një pasuri të tillë prej përbërësve të shëndetshëm, vlen të thuhet se bizelet janë zëvendësues shumë të mirë. Po ashtu janë një ushqim shumë i rëndësishëm për të forcuar mbrojtjen natyrore të organizmit, duke nxitur diurezën, funksionimin e duhur intestinal dhe duke riekuilibruar punën e zemrës.

Si kurë: konsumoni 100 g bizele në ditë. Bizelet ndihmojnë që të mbajnë në formë të mirë aparatin kardiovaskular duke kontrolluar nivelet e kolesterolit LDL (atij të “keq”) që qarkullon në gjak. Të konsumosh çdo ditë për të paktën 3 javë 80-140 gramë bizele mund të ulni kolesterolin e keq LDL 8 mg/dl.

Dihet që sasitë e larta të kolesterolit mund të shkaktojnë formimin e depozitave të yndyrës në enët e gjakut. Përfitimet shëndetësore që kemi nga bizelet:

– Konsumimi i tyre këshillohet në dietat për humbjen e kileve të tepërta. Për sistemin digjestiv. Për kocka më të forta. Për shëndetin e zemrës. Për një lëkurë me shkëlqim.

Categories
Receta

Gjella e stinës: Si të gatuani bizelet në një mënyrë mjaft të shijshme

Përbërësit: 500 gr bizele, 1 tufë qepë të njoma, 2 thelpinj hudhër, 3 domate mesatare, 2 lgj salcë domate, 2 tableta koncentrat pule, 1 tufë koper, 1 tufë majdanoz, kripë, piper i zi, 4 lugë vaj ulliri.

Vendosim tenxheren në zjarr me vaj ulliri dhe kaurdisim qepët dhe hudhrat e grira hollë për 3-4 minuta. Më pas shtojmë domatet të prera në kubikë, i trazojme dhe e mbulojmë tenxheren me kapak që domatet të zbuten.

Pasi domatet të jenë shpërbërë shtojmë pak salcë domateje dhe bizelet. I përziejmë derisa bizelet të marrin pak nxehtësi dhe më pas shtojmë ujë me dy bustina koncentrat derisa bizelet të mbulohen plotësisht. Vendosim kapakun dhe i lemë të ziejnë në temperaturë mesatare për 15 minuta. Në fund shtojmë pak kripë, piper të zi dhe erëzat e grira.