Categories
Lajme

Mjeku Koni: Covid, një ndër pasojat është edhe ereksioni tek meshkujt

Ende nuk ndihen plotësisht pasojat e Covid-19 tek njeriu, edhe pse mjekët bazuar në studimet ndërkombëtare edhe në rastet me të cilat punojnë çdo ditë kanë evidentuar disa problematika, pasojat e të cilave nuk dihet nëse do të jenë afatshkurtra apo afatgjata.

Në një intervistë, mjeku urolog Artan Koni ka folur për ndikimin e Covid-19 tek organet gjenitale të meshkujve. Ai ka shpjeguar në detaje pasojat që sjell koronavirusi.

Mjeku Koni: “Covidi i shkakton këto probleme kur gjen një terren të mirë le të themi, për sa i përket problemit të ereksionit, psh kur jemi më të shëndoshë se ç’duhet, kur jemi me diabet, ose në moshë të thyer, apo mos të jemi të vaksinuar”.

“Ky do të ishte terreni ideal që kur i mbivendoset edhe Covidi, krijon probleme me ereksionin. Kjo është e para, e dyta është kur i ndodhin këto probleme pacientit, njerëzit në përgjithësi fokusohen vetëm tek problemi që ndjejnë, ndërkohë që problemet me Covidin janë probleme të përgjithshme”.

“Kjo, sepse është një sëmundje që prek damarët e vegjël, të cilat siç ndodhen në organin seksual, ndodhen edhe tek sytë, sic kanë ndodhur edhe shumë raste të tjera, që pacientët kanë pasur probleme me sytë, iu është rritur numri i syzeve, problemet me dhëmbët me lëkurën e kështu me rradhë”.

Komentet e mjekut të njohur shqiptar kanë dalë në shumë portale ditët e fundit. Ka njerëz që kanë qeshur me këto argumente, ka të tjerë të cilët i kanë marrë seriozisht si fakte shkencore.

Categories
Lajme

Danimarka vendi i parë që ofron dozën e katërt të vaksinës, a do e bënit ju?

Danimarka u bë vendi i parë në Europë që shpalosi të mërkurën planet për të ofruar një dozë të katërt të vaksinës kundër Covid-19. Shumë vende po e konsiderojnë aplikimin e dozës shtesë për të luftuar rritjen globale të infektimeve me koronavirus, pavarësisht se mungojnë provat për efektivitetin e një doze shtesë.

Ky vend do të ofrojë dozën e katërt për “qytetarët më vulnerabël”, tha të mërkurën Magnus Heunicke, ministri i shëndetësisë i Danimarkës gjatë një konference për shtyp. Përveҫ Danimarkës, Kili dhe Izraeli janë dy vendet e vetme që kanë njoftuar aplikimin e dozave të katërta, të cilat kanë filluar të administrohen në të dyja këto vende te pjesa e popullsisë që plotëson kushtet për dozën shtesë.

Sipas Reuters, Heunicke nuk specifikoi se cilët qytetarë danezë do të kualifikohen për dozën e katërt dhe as se kur do të fillojë procesi i aplikimit të këtyre dozave.

Marco Cavaleri, përgjegjës për shpërndarjen e vaksinave në agjencinë rregullatore të barnave të Bashkimit Europian, tha të martën se miratimi i dozës së katërt të vaksinës ” nuk është një strategji e qëndrueshme dhe afatgjatë”.

CEO i Pfizer, Albert Bourla, kompania e të cilit prodhon vaksinën Pfizer-BioNTech të Covid-19, shprehu gjithashtu dyshime ditën e hënë për miratimin e një doze të katërt, duke thënë se doza e katërt është “diçka që duhet të testohet”.

Danimarka raportoi 23,142 raste të reja të infektimeve me Covid-19 të mërkurën, sipas të dhënave të Universitetit Johns Hopkins. Kjo shifër është më shumë se 15 herë më e lartë se numri i rasteve të reja të raportuara në këtë vend më 12 dhjetor, sepse varianti tepër i transmetueshëm Omicron po përhapet anembanë vendit.

Ekzistojnë shumë pak studime për efektet e dozës së katërt, por rezultatet paraprake të një studimi në Izrael zbuluan se antitrupat te njerëzit u rritën me më shumë se 500% një javë pas administrimit të dozës së katërt të vaksinës.

Categories
Këshilla

Jeni me koronavirus? Këto 3 përbërës do ju pastrojnë mushkëritë

Pastrimi ose detoksifikimi i organizmit janë procese të detyrueshme, të cilat forcojnë imunitetin dhe largojnë të gjitha toksinat nga organizmi. Pikërisht, për këto arsye ju duhet të detoksifikoni trupin dhe pastroni mushkëritë dhe mëlçinë me preparate dhe ushqime natyrale.

Xhenxhefil – Është i pasur me vitamina C dhe B, magnez, bakër, mangan dhe minerale të tjera. Enzimat e tij tretëse ndihmojnë në largimin e toksinave të grumbulluara në mëlçi.

Gjithashtu, është vërtetuar se xhenxhefili ka një efekt të dobishëm në dëmtime të ndryshme të mëlçisë, veçanërisht në “mëlçinë e dhjamosur”, sepse zvogëlon rezistencën ndaj insulinës dhe mund të parandalojë inflamacionin. Xhenxhefili gjithashtu ka një efekt pozitiv në mushkëri sepse eliminon ndotësit që arrijnë në kanalet e mushkërive.

Shafran i Indisë – Shafrani i Indisë ka veti të forta antioksiduese, anti-inflamatore, antivirale, antibakteriale, antifungale dhe antikancerogjene. Ndihmon tretjen dhe lehtëson zbërthimin e yndyrave në trup. Tek njerëzit që vuajnë nga mëlçia e yndyrshme, shafrani i Indisë redukton gjendjen inflamatore të qelizave të mëlçisë.

Hudhra – Falë squfurit, alicinës dhe selenit, hudhra stimulon prodhimin e enzimave të rëndësishme të mëlçisë që kontribuojnë në eliminimin e toksinave nga trupi. Ka efekt anti-inflamator, pra ndihmon me astmën, dhe në të njëjtën kohë ul rrezikun e kancerit të mushkërive.

Përveç kësaj, përdorimi i hudhrës redukton zhvillimin e sëmundjeve kardiovaskulare, redukton rritjen e LDL – kolesterolit të keq, parandalon mpiksjen e gjakut dhe zvogëlon rritjen e presionit të gjakut.

Categories
Lajme

Konfirmohet rasti i parë me mutacionin Omicron në Europë! Nuk ka ardhur nga Afrika e Jugut

Pritej prej disa ditësh si lajm dhe fatkeqësisht tashmë ka ndodhur, është fakt. Mutacioni më i ri i Covid-19, Omicron, i konfirmuar fillimisht në Afrikën e Jugut. Sipas informacioneve të para dyshohej që mund të ishte përhapur dhe në Hong Kong dhe Evropë.

Dyshimet janë konfirmuar dhe rasti i parë është zbuluar sot, në Belgjikë. Lajmin e konfirmoi Ministri i Shëndetësisë së vendit, Frank Vandenbroucke. “Ne kemi një rast që tani është konfirmuar nga ky variant”, tha ai. “Është dikush i ardhur nga jashtë, që ka rezultuar pozitiv në 22 nëntor, i cili nuk është vaksinuar.”

Kryevirologu i vendit, Mark Van Ranst, tha se varianti u zbulua te “një udhëtar që po kthehej nga Egjipti”. Problemi është se po përhapet shpejt.

Categories
Art

“Po si nuk u ankove një herë moj shpirt”, Agron Llakaj humbet njeriun e zemrës

Aktori i njohur i humorit, Agron Llakaj ka humbur motrën e tij, si pasojë e Cov id-19. Lajmin e trishtë e ka dhënë vetë ai përmes një postimi në Instagram, ku ka publikuar një foto të motrës. Sakaq, Agroni ka treguar edhe vuajtjet që ajo ka kaluar deri në ndarjen nga jeta.

“Moter moj! Bardhe moj! Pse na e vr ave shpirtin?! Sa emër te bukur qe kishe moj moter por fatin jo, kovidi i pa bese ta preu jeten ne mes.

Sa vuajte moj shpirt, sa lengove moj moter. Ne mengjes kur folem me the “jam mire, por kam ftohte !”Ah, pse s’mu ankove njeher moj zemer, ah! Ike moter, ike, jemi te pafuqishem para fatit qe na ka caktuar Zoti! Lamtumire motra ime! Lamtumire o shpirt!

Me fal, por s’munda! Qofsh e Zotit, e parajses sic vet zemren kishe!”, ka shkruar ai krahas fotos.

Categories
Lajme

Kjo është makina e parë në botë me filtra anti-Covid, si funksionon

“Është vërtetuar shkencërisht – shpjegojnë teknikët britanikë – se teknologjia e avancuar nanoe redukton në mënyrë të ndjeshme viruset dhe bakteret, duke përfshirë edhe virusin SARS-CoV-2. Kjo teknologji inteligjente është aktive në ajër, në këtë mënyrë grimcat e dëmshme nuk duhet të kalojnë përmes një filtri për t’u bllokuar dhe për t’u neutralizuar.

Funksionon duke kondensuar lagështinë nga ajri i kabinës dhe duke e kthyer atë në nanogrimca të ngarkuara elektrike. Pajisja prodhon triliona radikale hidroksil (OH) të mbështjella me molekula uji me madhësi nanometrike, të cilat reagojnë me ndotësit në ajër. Sistemi ofron 20 herë më shumë radikale hidroksil se në të kaluarën, me një njësi të dytë për pasagjerët prapa, që ndihmon në ruajtjen konstante të cilësisë së ajrit në të gjithë kabinën”.

Këto nuk janë teknika apo teori të çmendura të shtëpive automobilistike: testet e pavarura kanë treguar se përdorimi i Cabin Air Purification Pro për më shumë se 30 minuta është 97% efektiv në eliminimin e viruseve, baktereve dhe substancave ndotëse. Dhe se Nanoe ka treguar eliminim mbi 99% të Covid-19.

“Sistemi i ri i pastrimit të kabinës – shpjegojnë teknikët – shfaq nivelet e cilësisë së ajrit PM2,5, brenda dhe jashtë, në ekranin qendror me prekje (touchscreen). Për të përmirësuar cilësinë e ajrit të kabinës, ai përfshin edhe menaxhimin e CO2, që funksionon në harmoni me funksionin Purify, i cili mund të aktivizohet nëpërmjet ekranit me prekje. Këto funksione ndërveprojnë me termorregullatorin e kabinës për të gjetur ekuilibrin më të mirë midis pastërtisë së ajrit dhe komoditetit të pasagjerëve.

Funksioni i CO2 Management është një përmirësim i sistemit të pastrimit të kabinës. Ai monitoron përqendrimin e dioksidit të karbonit në kabinën e pasagjerëve dhe fut në mënyrë selektive ajër të pastër, i cili ndihmon në ruajtjen e përqendrimit të shoferit.

Klienti mund ta përdorë gjithçka nga jashtë, përpara se të hyjë në makinë, me aplikacionin e dedikuar, falë funksionit “spastrimi i kabinës” dhe “pastrimi i kabinës”.

Categories
Lajme

Të hënën nis doza e tretë e vaksinës anti-Covid, sa prej jush duan të vaksinohen?

Të hënën në vend do të nisë doza e tretë anti-Covid për të gjithë të moshuarit mbi 60 vjeç. Në vendimet e tij të fundit, Komiteti Teknik i Ekspertëve u ka rekomanduar të gjithë të moshuarve mbi këtë moshë të marrin një dozë përforcuese të vaksinës anti-Covid.

Edhe të rinjtë mbi 16 vjeç do të mund të marrin vaksinën anti-Covid. Ndërsa fëmijët mbi 12 vjeç do i nënshtrohen vaksinimit me autorizimin e prindërve dhe vetëm nëse kanë probleme shëndetësore. Ndërkohë Tv Klan ka mësuar se për të rritur mbulesën vaksinale grupet e vaksinatorëve do të vijojnë të qëndrojnë nëpër universitete.

Deri tani është vaksinuar 35 % e popullsisë, ndërsa janë imunizuar plotësisht me të dyja dozat 31 % e popullsisë shqiptare. Aktualisht në Shqipëri po vaksinohet me vaksinat Pfizer, Astra Zeneca dhe Coronavac.

Deri tani në vendin tonë kanë mbërritur mbi 2 milionë e 500 mijë vaksina anti-Covid. Vaksinimi është i hapur për të gjithë qytetarët mbi 18 vjeç.

Categories
Lajme

Gishti i Covid-it, simptoma e pazakontë e virusit që kanë zbuluar shkencëtarët

Shkencëtarët besojnë se ata mund të shpjegojnë pse disa njerëz që infektohen me Covid, zhvillojnë disa anomali në lëkurë, në pjesën e gishtërinjëve. E kanë cilësuar si ‘Gishti i Covid’, i cili është një tjetër efekt anësor, që sipas ekpertëve ndodhë në raste të rralla.

Studiuesit thonë se ata kanë identifikuar pjesët e sistemit imunitar që duket se janë të përfshira. Gjetjet, në British Journal of Dermatology, mund të ndihmojnë me trajtimet për të lehtësuar simptomat.

Çfarë është ‘Gishti i Covid’? – Mund të ndodhë në çdo moshë, por prek fëmijët dhe adoleshentët më shpesh. Për disa është pa dhimbje, por ndonjëherë skuqja e lëkurës mund të jetë jashtëzakonisht e dhimbshme dhe të shkaktojë kruajtje, si dhe flluska apo ënjtje.

Pse ndodh? – Këto gjetje të fundit të studimit, të bazuara në testet e gjakut dhe lëkurës, sugjerojnë se dy pjesë të sistemit imunitar mund të jenë në lojë. Të dy përfshijnë mekanizma që trupi përdor për të luftuar koronavirusin. Njëra është një proteinë antivirale e quajtur interferoni i tipit 1, dhe tjetri është një lloj antitrupi që sulmon gabimisht qelizat dhe indet e vetë personit, jo vetëm virusin pushtues.

Studiuesit shpresojnë se gjetjet do të ndihmojnë pacientët dhe mjekët të kuptojnë më mirë gjendjen. Dr. Veronique Bataille, një dermatologe konsulente dhe zëdhënëse për Fondacionin Britanik të Lëkurës, tha se kjo simptomë u shfaq shumë shpesh gjatë fazës së hershme të pandemisë, por ka qenë më pak i zakonshëm në valën aktuale të variantit Delta.

Kjo mund të jetë për shkak të vaksinimit të më shumë njerëzve ose mbrojtjes kundër Covid nga infeksionet e kaluara.

Categories
Lajme

Anglia miraton ilaçin që parandalon COVID-19 dhe trajtimin spitalor

Një trajtim i ri që lufton COVID-19 është miratuar në Mbretërinë e Bashkuar. Trajtimi i zhvilluar nga Regeneron, një firmë në Nju Jork, përdor një kombinim të dy antitrupave monoklonalë të prodhuara në laborator të cilat imitojnë antitrupat natyrorë të prodhuar nga trupi dhe sulmojnë virusin.

Këto antitrupa janë proteina të sistemit imunitar dhe testimet tregojnë se ilaçi përmirëson rezistencën e pacientëve me COVID-19, parandalon infeksionin dhe zvogëlon nevojën për trajtim spitalor. Gjithashtu, ilaçi administrohet me injeksion ose me infuzion intravenoz.

Një studim i bërë në spitalet britanike zbuloi se trajtimi shpëtoi jetën e shumë prej atyre që nuk kishin antitrupa. Individë të tillë përbënin rreth 1/3 e rreth 10 mijë pacientëve që janë testuar për këtë trajtim të ri. Megjithatë, trajtimi është shumë i shtrenjtë dhe ka të ngjarë të rezervohet për ata që rrezikojnë më shumë të sëmuren rëndë nga koronavirusi.

Nga ana tjetër, edhe kompania AstraZeneca po teston një trajtim me antitrupa. Të dhënat e kompanisë paraqesin se nga testimet e bëra trajtimi e ka ulur rrezikun tek personat që shfaqin simptoma të COVID-19 deri në 77%. Krahas vaksinave anti-COVID, testimet e këtyre trajtimeve po i japin shpresa personave që kanë reagim të dobët ndaj imunizimit.

Categories
Lajme

A është normale rënia e flokëve nga Covid-19? Detajet që duhet të dini

Ethet janë një simptomë e zakonshme e COVID-19. Disa muaj pasi kishin ethe ose u rikuperuan nga një sëmundje, shumë njerëz vënë re rënie të ndjeshme flokësh. Një grusht flokë mund të bien kur bëni dush ose kur lani flokët. Kjo rënie e flokëve mund të zgjasë për gjashtë deri në nëntë muaj para se të ndalet. Shumica e njerëzve atëherë shohin që flokët e tyre fillojnë të duken normalisht përsëri dhe ndalojnë së rëni.

Eluviumi telogjen shkakton rënie të dukshme të flokëve – ‘Telogen effluvium’ është një gjendje ku flokët mbeten në fazën telogjene (derdhje natyrale) të ciklit të rritjes. Kjo bën që më shumë flokë të bien, ndonjëherë në masë shumë më të lartë se e zakonshmja.

Nëse keni një skuqje të lëkurës, kruarje të kokës ose djegie, mundet që të jetë diçka tjetër përveç telogen effluvium që po shkakton humbjen e flokëve, kështu që është koha të vizitoheni në një dermatolog.

Stresi mund të shkaktojë rënie të përkohshme të flokëve – Edhe nëse nuk keni zhvilluar kurrë ethe ose COVID-19, përsëri mund të shihni rënien e flokëve. Stresi emocional, gjithashtu, shkakton rënie të flokëve më shumë se zakonisht. Përsëri, rënia e flokëve fillon rreth dy ose tre muaj pasi fillon stresi.

Duke parë që flokët bien në masë dhe mund të shtojnë stresin, është e rëndësishme të përpiqeni të qetësoni veten. Vetëm kur mbaron stresi, rënia e tepërt e flokëve do të ndalet.

Shkak i rënies së flokëve janë ethet, sëmundjet ose stresi. Flokët priren të kthehen në normalitet vetë. Thjesht duhet t’i jepni kohë. Nëse dyshoni se humbja e flokëve është shkaktuar nga diçka më shumë sesa efluviumi telogjen nga stresi ose ethet, bisedoni me një ekspert ose dermatolog.