Categories
Lajme

Getinjo: “Ju shqiptarë rrini gjithë ditën në kafe dhe pastaj flisni për naftën”

Ngritja e ndjeshme e çmimit të karburanteve ka krijuar një kaos të madh në shoqëri. Ka pasur reagime të shumta nga qytetarët, të cilët kërkojnë ndërhyrjen e shtetit.

Mes tyre ka qenë edhe reperi i njohur Getinjo, i cili përmes një postimi në ‘Instastory’ ka ironizuar të gjjithë ata të cilët rrinë në kafe e ankohen për çmimin e naftës dhe të benzinës.

“Ton diten rrin nëpër kafe dhe ia nis ankohet per naften edhe benzinën”, ka shkruar Getinjo. Ndërkohë nafta nuk ka ndërmend të ndalet. Luigj Aliaj, drejtuesi i shoqatës së hidrokarbureve e ka paralajmëruar diçka të tillë në daljen televizive në Top Channel.

Ai paralajmëroi se pronarët e karburanteve kanë marrë furnizimet e reja dhe do të ketë sërish rritje nafte, pasi nuk kanë mundësi të tjera.

Shqiptarët më në fund kanë reaguar dhe do të organizojnë një protestë për rritjen e çmimit të naftës. Ata do të organizohen dhe do të mblidhen sot.

Protesta është paralajmëruar sot në orën 17:00. Njerëzit do të grumbullohen para kryeministrisë për të ngritur zërin për këtë rritje abuzive të çmimit.

Categories
Shëndeti

Pse duhet të shtoni kanellë në kafenë tuaj të përditshme?

Një numër i madh studimesh tregojnë se vërtet kafeja ka një numër të madh përfitimesh, por kur kalon në varësi duhet patur kujdes. Pra që të jemi të qartë, kafeja është e mirë për ju vetëm nëse konsumohet në mënyrën dhe sasinë e duhur!

Kafeja është një stimulant dhe kjo është arsyeja pse kjo pije është bërë kaq popullore. Këshillohet që të shmangni konsumin e kafes pas orës 14:00 ose 15:00.

Kjo është një lëvizje e zgjuar e cila do ju sigurojë një gjumë të mirë. Mundohuni që pas këtij orari të pini një çaj pasditeve për tu qetësuar akoma edhe më shumë.

Pse duhet të shtoni pak kakao ose kanellë në kafen tuaj? Kakao është jo vetëm i pasur në antioksidantë, por është gjithashtu i dobishëm për të ulur nivelin e sheqerit në kafenë tuaj.

E njëjta gjë vlen edhe për kanellën, supër ushqim i pasur me antioksidantë, që ndër të tjerash i shton shijen kafesë suaj. Është e rëndësishme që mëngjesi juaj të mos jetë vetëm një filxhan kafe.

Kjo, pasi konsumi i saj në stomak bosh mund të shkaktojë dhimbje koke apo probleme me tretjen. Gjithmonë hani diçka, sado të vogël, para se të konsumoni kafe

Categories
Lajme

A e dini çfarë ndodh me mëlçinë nëse pini 2 filxhanë kafe në ditë?

Ka ditë kur mëngjesi nis me aq vrull sa një filxhan kafe nuk mjafton dhe menjëherë rrufit të dytin.Kafeja është një nga pijet më popullore në botë, duke patur në konsideratë faktin se çdo vit njerëzit pijnë plot 450 miliardë filxhanë kafe.

Kafeja është e pasur me antioksidantë dhe mund të jetë e dobishme për mëlçinë. Mëlçia është shpesh e rrezikuar nga ciroza hepatike, një sëmundje kronike që shkakton bllokimin e qarkullimit të gjakut në mëlçi.

Por të dhënat tregojnë se nëse pini dy filxhanë kafe në ditë mund të pakësoni gjasat e cirozës hepatike. Një studim i vitit 2016 zbuloi lidhjen e fortë mes konsumit të kafesë dhe rrezikut të cirozës. Sipas shkencëtarëve, kafeina metabolizohet në një substancë që parandalon zhvillimin e cirozës së mëlçisë.

Kafeja dhe mëlçia – Ndërkohë, shkencëtarë të tjerë Amerikanë janë të mendimit se pirja e dy filxhanëve me kafe në ditë ul rrezikun e prekjes së mëlçisë nga Hepatiti C. Sipas tyre, kafeja përmban 100 përbërës aktivë përfshirë antioksidantët, polifenolët dhe kafeinën.

Kjo e fundit luan një rol kryesor në rrezikun e kancerit të mëlçisë. Një studim i vitit 2005, i publikuar në Revistën Ndërkombëtare Të Tumorëve nxorri në pah se sasia e kafesë ka lidhje të drejtpërdrejtë me uljen e gjasave të shfaqjes së sëmundjeve të mëlçisë. Nga ana tjetër, kafeja luan një rol të fortë parandalues kundër hepatitit C, një sëmundje ngjitëse që prek mëlçinë.

Plot 150 milionë njerëz në botë vuajnë nga kjo sëmundje, sipas Organizatës Botërore Të Shëndetësisë. Shumë studime të kryera në vitet 2009 dhe 2011 treguan se kafeina ka një rol mbrojtës të mëlçisë kundër shumë sëmundjeve kronike. Sipas tyre, progresi i këtyre sëmundjeve ngadalësohet falë konsumit të dy ose tre filxhanëve me kafe në ditë.

Vlera të tjera të kafesë: ul shanset e sklerozës së shumëfishtë, ndihmon per stresin, mbron nga diabeti i tipit 2, përmirëson performancën fizike, ndihmon në rënien në peshë.

Këto përfitime vlejnë nëse ju pini më pak se tre filxhanë në ditë. Në të kundërt, kafeja mund të kthehet në një armik të organizmit. Kafeja nuk duhet pirë me stomak bosh sepse shkakton një rënie të menjëhershme të sheqerit në gjak dhe rrit nepsin për ëmbëlsira. Ju nuk duhet të pini kafe pas orës 14:00 dhe shoqërojeni me pak kanellë pluhur për një shije më të mirë.

Categories
Lajme

Pse kafja është e nevojshme për njerëzit që vuajnë nga veshkat?

Një raport i ri, mbi kafen konfirmon se konsumi ditor i kafesë përmirëson ndjeshëm shëndetin e veshkave. Pas shumë studimesh të ndryshme kërkimore u arrit në përfundimin se konsumimi i rregullt i kafes ndihmon në shëndetin e mirë të veshkave. Studiuesit përmblodhën të gjithë rezultatet e studimeve në një raport të vetëm, sipas të cilit konsumi i kafes parandalon dhe ul ndjeshëm rrezikun nga sëmundjet e veshkave dhe në disa raste stopon progresin e tyre.

Sipas raportit, norma e konsumit të kafeve në ditë për personat që vuajnë nga veshkat nuk mund të kalojë 2 apo 3 kafe në ditë. Megjithatë, të gjithë personat me problemet me veshkat nuk duhet të harrojnë kujdesin që duhet të tregojnë sidomos me reduktimin e pirjes së alkolit, regjimin ushqimor, konsumin e ujit si dhe ushtrimet fizike. Në krahasim me njerëzit që konsumojnë pak kafe, ata që pijnë shumë nga ky stimulant janë 25 përqind më pak të rrezikuar nga vdekja e parakohshme.

Gjetjet e studimit u publikuan në revistën Nephrology Dialysis Transplantation. Sipas të dhënave, pirja e kafesë përfaqëson një alternativë të thjeshtë, mirëbërëse dhe të lirë për shëndetin. Kjo mund të ndodhë sepse kafeja përmirëson funksionin e enëve të gjakut nëpërmjet oksidit nitrik, një substancë që konsiderohet kyçe për shëndetin e arterieve. Kafja ofron shumë përfitime të tjera.

Sëmundjet e zemrës – Deri pak kohë parë, mendohej se personat që vuanin nga sëmundjet e zemrës nuk duhet të konsumonin kafen, pasi i përkeqësonte gjendjen. Por në studime serioze mjekësore të viteve të fundit, rezulton se personat që pinin deri në 3 filxhanë me kafe në ditë, parandalonin krijimin e kalcifikimit të enëve të gjakut.

Ishemia – Ky komplikim ndodh kur një pjesë e trurit nuk arrin të furnizohet me gjak dhe konsumimi i sasisë me kafe apo çaj ul mundësitë që kjo të ndodhë. Të dhënat tregojnë se kafja ul inflamacionin dhe kontrollon nivelin e sheqerit në gjak.

Diabeti – Kafja ka lidhje me uljen e rrezikshmërisë së shfaqjes së kësaj sëmundje. Kafja përmban disa antioksidantë që e mbajnë nivelin e sheqerit në trup në ekuilibër dhe të qëndrueshëm. Më e mira është që ajo të konsumohet pa ëmbëlsues.

Mëlçia – Ky është një tjetër organ që përfiton nga konsumimi i një filxhani me kafe. Nëse pini 3 filxhanë në ditë, ju ulni rrezikun e shfaqjes së sëmundjeve të mëlçisë si cirroza apo dhe rasteve të tjera të rënda.

Categories
Shëndeti

E ke pyetur veten pse duhet të pish ujë pas kafesë?

Për shkak të përmbajtjes së lartë të kafeinës, kafeja rrit efikasitetin dhe përqendrimin. Megjithatë, kafeja ka edhe efekte anësore: dehidraton trupin, shfaqen njolla në smaltin e dhëmbëve dhe mund të shkaktojë rritje të menjëhershme të presionit të gjakut. Për t’u mbrojtur nga këto pasoja të pakëndshme, mjafton të pini një gotë ujë pas kafesë.

Si funksionon dhe pse është e rëndësishme? Së pari, kafeina ka një efekt të fortë diuretik, i cili dehidraton shumë trupin.

Dehidratimi mund të çojë në shumë pasoja, ndaj është e nevojshme të monitorohet niveli i lëngjeve në trup. Nëse pini një gotë ujë menjëherë pas kafesë, rivendosni ekuilibrin e ujit dhe ulni rrezikun e dehidrimit.

Së dyti, kafeja është e pasur me ngjyra bimore që mund të ndryshojnë ngjyrën e smaltit të dhëmbëve, veçanërisht nëse pini shpesh. Edhe këtë herë, uji vjen si shpëtim. Në këtë mënyrë, parandalojmë reagimin e ndërveprimit midis acideve të kafesë dhe smaltit të dhëmbëve.

Përveç kësaj, kafeina mund të rrisë në mënyrë dramatike presionin e gjakut, i cili mund të jetë i rrezikshëm për njerëzit që vuajnë nga hipertensioni.

Uji hollon kafen, e cila zvogëlon ngarkesën në zemër dhe enët e gjakut dhe zvogëlon rrezikun e një rritje të madhe të presionit të gjakut.

Categories
Shëndeti

Ky zakon i thjeshtë në mëngjes herët do t’ju ndihmojë të humbni peshë

Nëse po tentoni të humbisni peshë, përpiquni të kaloni pak kohë në natyrë menjëherë pasi jeni zgjuar. Në këtë mënyrë do të humbni peshë, sugjeron një hulumtim i fundit.

Ekspertët nga Shkolla Mjekësore e Universitetit të Northwestern u kërkuan 54 të anketuarve, me një moshë mesatare 30 vjeç, të mbanin një monitor rreth kyçit të dorës që mat ekspozimin e tyre ndaj diellit të mëngjesit.

U zbulua se njerëzit që kalonin më shumë kohë në diellin e mëngjesit kishin një indeks më të ulët të masës trupore, pavarësisht nga niveli i aktivitetit të tyre gjatë ditës, mosha ose marrja e kalorive.

Ekspozimi në diellin e hershëm të mëngjesit, ndryshe nga më vonë gjatë ditës, është një impuls me të cilin sinkronizohet bioritmi ynë i brendshëm.

Kjo lehtëson krijimin e një rutine gjumi, e cila ndihmon metabolizmin të funksionojë në mënyrë më efikase. Si një arsye tjetër, studiuesit përmendin cilësinë e dritës së mëngjesit: është më e fortë se drita e pasdites sepse përmban më shumë dritë blu. Janë këto rreze blu që kanë ndikimin më të fortë në bioritmin tonë. Sa kohë duhet të kaloni në diellin e mëngjesit?

Përpiquni të pini kafen e mëngjesit në ballkon ose tarracë – 20 deri në 30 minuta rreze dielli nga ora 8 e mëngjesit deri në mesditë janë të mjaftueshme. Më e mira nga të gjitha, kaq shumë kohë i mjafton trupit tonë për të sintetizuar vitaminën D nga rrezet e diellit.

Categories
Lajme

Sheqer kaf apo i bardhë, cili është më i shëndetshëm?

Sheqeri kaf është një produkt ekstrakt i kallam sheqerit, nga ngjyra e artë dhe shija më pak e ëmbël se sheqeri i bardhë i rafinuar. Shumë njerëz e zgjedhin për përdorim të përditshëm pasi konsiderohet më natyrale dhe me shumë vlera, por nuk është ekzaktësisht kështu. Sheqeri i errët, i përpunuar ose jo, nuk është më i shëndetshëm se sheqeri i bardhë. Ndryshimet mes sheqerit të bardhë dhe atij kaf E nisim nga fillimi. Të dy produktet lindin nga përpunimi i bimëve të ndryshme.

Sheqeri i bardhë derivon nga përpunimi i panxharit të sheqerit, ndërsa ai kaf nga kallam sheqeri. Ekziston edhe sheqeri i bardhë i derivuar nga sheqeri kaf që purifikohet. I bardhë apo kaf, sheqeri është gjithmonë i përbërë nga sakaroza, e cila ka brenda dy lloje sheqeri; fruktozën dhe glukozën.

Ndërsa sheqeri i bardhë kalon në një sërë proceses para se të bëhet i pastër dhe më i imët, ai kaf është më natyral. Mes sheqeri të bardhë dhe atij kaf të papërpunuar nuk ekzistojnë ndryshime të veçanta nga pikëpamja nutricionale. Sheqeri kaf integral në të vërtetë është më natyrale dhe si rrjedhojë dhe më e shëndetshme.

Sheqeri i karamelizuar – Lexoni gjithmonë etiketat kur blini sheqer kaf. Në një produkt të mirë nuk duhet të ketë gjurmë të E150c një ngjyrues sintetik që i bën kokrrat më të errëta, të ngjashëm me sheqerin integral kaf. Bëhet fjalë për një produkt të përpunuar me produkte kimike për ta bërë të ngjajë sa më shumë me origjinalin.

Mineralet – Sheqeri i papërpunuar dhe ai kaf përmbajnë më shumë minerale se sheqeri i bardhë, por mineralet janë aty si pasojë e melasës. Sheqeri kaf mund t’ju ofrojë pak kalcium, kalium, hekur dhe magnez, por sasitë janë shumë të vogla për të gjeneruar ndonjë përfitim shëndetësor.

Në një lugë çaji me sheqer kaf gjenden 0.02 miligram hekur, një sasi aspak domethënëse në nevojën ditore prej 8 miligramësh për meshkujt dhe 18 miligramësh për femrat në moshën e pjekurisë.

Në krahasim me sheqerin me ngjyrë kafe që në vetvete është thjesht sheqer i bardhë i ngjyrosur me melasë, sheqeri i papërpunuar ose i përpunuar pjesërisht është kokërrmadh dhe krokant. Ai ka një ngjyrë kafe të çelët dhe prodhohet nga kristalet e para që dalin gjatë përpunimit të lëngjeve të kallam sheqerit.

Categories
Lajme

8 shenja që tregojnë se po pini shumë kafe, më tregoni cilat keni dhe cilat jo

Në doza të moderuara, studimet kanë treguar se kafeina ka efekte pozitive për njerëzit që e konsumojnë, por nuk ndodh gjithmonë kështu. Nëse sasia e kafeinës në organizëm është më e madhe se zakonisht, atëherë trupi reagon përmes disa shenjave.

An-kthi: Ndonëse në doza të ulëta deri në mesatare, kafeina mund të rrisë vigjilencën, sasitë më të mëdha mund të çojnë në ankth ose nervozizëm. Monitoroni trupin në mënyrë që të përcaktoni se sa mund të toleroni.

Pagjumësia: Kafeina mund t’ju ndihmojë të qëndroni zgjuar gjatë ditës, por mund të ndikojë negativisht në cilësinë dhe sasinë e gjumit. Mos konsumoni kafeinë pasdite vonë për të shmangur problemet me gjumin.

Probleme me tretjen: Megjithëse sasitë e vogla deri në mesatare të kafeinës mund të përmirësojnë sistemin tretës, doza më të mëdha mund të çojnë në diarre.

Varësia: Mungesa e kafesë per disa orë shkakton probleme psikologjike ose fizike. Presioni i lartë i gjakut: Kafeina duket se rrisë presionin e gjakut kur konsumohet në doza të larta ose para stërvitjes.

Rrahje të shpejta të zemrës: Doza të mëdha të kafeinës mund të rrisin rrahjet ose ritmin e zemrës tek disa njerëz. Nëse ndodh kështu, reduktoni sasinë.

Lodhje: Kafeina ju siguron energji, por mund të ndiheni të lodhur kur efektet e saj zhduken. Urinimi i shpeshtë: Studimet kanë treguar se kafeina në sasi të mëdha mund të ndikojë te urinimi.

Categories
Lajme

Kafen e pini të nxehtë apo të ftohtë? Ju tregoj se cili variant është më i mirë

Shumica prej nesh zgjohen në mëngjes me kafe. Madje, që në pik të sabahut, duke mos pritur fare për ta shoqëruar me ndonjë biskotë apo ushqim tjetër tipik për mëngjesin.

Ky është gabim i madh, por besoj se kemi folur mjaftueshëm për këtë temë me lajme të tjera që kam shkruar. Disa preferojnë ta pinë kafen menjëherë, ndërsa të tjerë e preferojnë të ftohtë.

Një studim zbuloi se kafeja inkurajon ndjenjat e mirësisë dhe lumturisë. Kokrrat e kafesë përmbajnë vitamina B, kalium, riboflavinë dhe komponime të ndryshme bimore.

Kafeja është një burim i shkëlqyer i antioksidantëve. Cila është më e shëndetshme, kafeja e nxehtë apo e ftohtë? Kafeja e ftohtë ka tendencë të jetë më pak acide dhe më e butë për sistemin tuaj të tretjes.

Për shkak të aciditetit më të ulët, kafeja e ftohtë ndihmon nëse keni refluks në stomak ose ndonjë problem me tretjen. PH e kafesë së nxehtë dhe të ftohtë është pothuajse e njëjtë dhe varion nga 4,85 në 5,13.

Prandaj, kafeja më e ftohtë rekomandohet për ata që kanë probleme me stomakun, ndërsa në raste të tjera është më mirë të pini kafe të nxehtë. Mos e harroni këtë sugjerim, apo mos e merrni si ultimatum.

Categories
Shëndeti

Jeni konsumatorë të kafes? Mësoni një lajm të mirë nga shkenca!

Kafeja mund të zgjasë jetën dhe të luftojë disa sëmundje, nëse pihet në një mënyrë të caktuar. Cilido që ka dyshuar ndonjëherë në vetitë pozitive të kafesë, tani është e vërtetuar se ky dyshim ishte pa baza shkencore. Prandaj, kafeja jo se është vetëm shoqëruese në shtëpi, zyre, kafe, bistro, restorant në çdo bisedë, takim, konferencë apo ndeje dhe shoqërim, por është edhe e shëndetshme.

Të dhënat shkencore dhe ato të shumta në një meta-analizë të fundit të 127 studimeve ne krahasim zbuluan se pirja e një deri në katër filxhanë kafe çdo ditë mund të ketë përfitime të mëdha shëndetësore.

Kafeja mund të zvogëlojë rrezikun e kancerit deri në 20 për qind, rrezikun e diabetit të tipit 2 me 30 për qind, rrezikun e sëmundjes së Parkinsonit me 30 për qind dhe rrezikun e sëmundjeve të zemrës me 5 për qind. Kafeja ndihmon gjithashtu edhe ne metabolizmin e mëlçisë.

Për ta gëzuar efektin pozitiv të kafes për shëndetin tonë, edhe pse kafeja konsumohet me kënaqësi dhe disa herë në ditë, duhet ditur se si konsumohet ajo.

Mund të supozohet se vetëm maksimumi, pra një e treta e konsumatorëve e pinë kafenë e tyre të zezë, pa sheqer, shurup, qumësht, kremose aromatizues artificialë. Si rezultat, reduktimi i mundshëm i sëmundjeve të zemrës më pak se 5 përqind, është përdorimi i sheqerit në përbërjen e kafes.

Kafeja e ftohët (Ice coffe) zakonisht përmban shumë sheqer. Sipas Shoqatës Amerikane të sëmundjeve të zemrës, një femër mesatare nuk duhet të konsumojë më shumë se gjashtë lugë çaji sheqer në ditë, ndërsa një mashkull mesatar, i cili është më i gjatë, duhet të kufizohet në nëntë lugë çaji sheqer në ditë.

Konsumimi më i lartë i sheqerit rrit rrezikun e diabetit dhe kështu ul efektin potencialisht të dobishëm të kafesë në parandalimin e sëmundjeve të zemrës. Për shembull, një moka me çokollatë të bardhë Starbucks përmban rreth 18 lugë çaji sheqer – aq sa dy kënaçe Coca-Cola të ëmbël.

Produktet e qumështit të shtuara gjithashtu mund të mohojnë vetitë pozitive. Në veçanti, shumë kafe nga seksioni i kafes së ftohtë në supermarket ose pikë karburanti përmbajnë jo vetëm shumë sheqer, por edhe vajra pjesërisht të hidrogjenizuara dhe yndyra trans, të cilat të dyja janë të rrezikshme për trupin. Aroma artificiale – e zakonshme në kafetë e bluara të paketuara – është gjithashtu problematike.

Kafeja me sheqer dhe qumësht, mundet gradualisht dhe me dëshirë të kthehet në atë të zezë. Nëse dëshira dhe shija për kafe me sheqer dhe qumësht ende është e fortë, atëherë duhet të paktën t’i kushtohet vëmendje dozës së sheqerit dhe e qumështit.

Kjo ndihmon gjithashtu për t’iu afruar ngadalë kafesë së zezë, për shembull duke e reduktuar fillimisht sheqerin pjesë-pjesë, që do të thotë se qumështi tashmë perceptohet si dukshëm më i ëmbël. Pas kësaj, ju gjithashtu mund të zvogëloni sasinë e qumështit nëse është e nevojshme. Një këshillë tjetër është një “kafe antiplumb”, e cila është e mbushur me vaj natyral kokosi dhe kakao dhe erëza.

Prandaj e tëra na mëson, të konsumohet kafeja në dozën e kufizuar dhe në shoqërinë e mirë sipas mundësisë me fare pak sheqer dhe qumësht.