Categories
Lajme

A keni dëgjuar për kefirin, pijen e jetëgjatësisë?

Kefiri njihet si një nga ushqimet më të shëndetshme, që është përdorur ndër shekuj. Vlerat e kefirit – e njohur ndryshe dhe si pija e jetëgjatësisë – janë të pafundme. Ka të njëjtën vlerë ushqyese si qumështi, pra është burim i pasur me proteina, karbohidrate, kalcium, magnez, fosfor dhe vitamina A, B12, B1 dhe C.

Përdorimi i shpeshtë i kefirit mund të ndihmojë në krijimin e një sistemi tretës të shëndetshëm, për shëndet dhe jetëgjatësi optimale. Gjithashtu, studimet kanë treguar se njerëzit që janë intolerantë ndaj laktozës mund të konsumojnë kefir pa frikë pasi përmban sasi të vogla të laktozës.

Ky produkt rekomandohet të përdoret kundër sëmundjeve nervore, sklerozës, pagjumësisë por dhe kundër anemisë. Kefiri gjendet në lloje të ndryshme dhe mund të kombinohet me mjaltë, arra ose drithëra.

Categories
Këshilla

Dieta me kefir: Humbisni kilogramë për një kohë të shkurtër

Vetëm për tri ditë mund të humbni dy kilogramë, sepse kefiri në mënyrë drastike ul apetitin dhe gjatë mban ndjenjën e ngopjes. Pija nga qumështi është e pasur me kalcium dhe vitaminë D, ndërkaq përmban edhe nivel të lartë proteinash.

Dieta me kefir eliminon nga organizmi helmet të cilat shfaqen për shkak të shtresimit të ushqimit në zorrë, ndërkaq kilogramët e tepërt i eliminon shumë shpejt.

Kjo pije është e pasur me minerale dhe vitamina. Ka mjaft kalcium dhe vitaminë D, gjithashtu përmban nivel të lartë proteinash dhe pak hidrokarbure.

Përmirëson qarkullimin e gjakut dhe punën e sistemit nervor dhe ndihmon në punën normale të zorrëve dhe i gjithë trakti gastrointestinal. Kefiri, gjithashtu përmirëson gjendjen e flokëve dhe thonjve dhe rinovon lëkurën, duke i dhënë asaj elasticitet.

Kjo pije tret dhjamin nga trupi, gjë që çon në humbje më të shpejtë të peshës. Hulumtimet kanë treguar se ky produkt ndihmon në luftimin e osteoporozës, artrozës, dhe gjithashtu rekomandohet për ata që vuajnë nga depresioni, sepse ka një efekt pozitiv në psikikën dhe të gjithë sistemin nervor. Kefiri i bërë në shtëpi ka veti shumë më të mira se ai i blerë, kështu që nëse keni kushtet, është më mirë ta bëni vetë.

DITA E PARË: Mëngjesi: 2 vezë të ziera, trangull të vogël, kafe. Vakti i ndërmjetës: 3 dl kefir. Dreka: Supë pule, 100 gr mish të bardhë, karotë të zier, sallatë me panxhar, një rriskë bukë. Vakti i ndërmjetëm: 3 dl kefir. Darka: 150 gr peshk në skarë, sallatë të gjelbër, një gotë çaj.

DITA E DYTË: Mëngjesi: Jogurt. Vakti i ndërmjetëm: 3 dl kefir. Dreka: Gjellë nga kërpudhat dhe sallatë me lakër. Vakti i ndërmjetëm: 3 dl kefir. Darkë: Patate të pjekur, një gotë çaj me mjaltë.

DITA E TRETË: Mëngjesi: 2 vezë të ziera, një rriskë bukë të thekur, një gotë çaj. Vakti i ndërmjetëm: 3 dl kefir. Dreka: Sallatë me lakër dhe speca. Vakti i ndërmjetëm: 3 dl kefir. Darka: Peshk dhe patate.