Categories
Këshilla

A është e vërtetë se duhet të flini 8 orë për të qenë të shëndetshëm?

Sa kohë duhet të shpenzoni në krevat? Ju duhet 6 orë gjumë, 7, 8 apo 10? Rekomandimi i përhershëm në lidhje me këtë çështje është fjatja e 8 orëve gjumë çdo natë. Në këtë mënyrë do të mund të çlodhni dhe mbroni trurin e trupin tuaj.

Por kjo nuk është e thënë të jetë e vërtetë për këdo. Cikli i gjumit varet ngushtë nga gjenet tuaja dhe ka disa mënyrë se si mund ta merrni vesh se cilit grup “gjumashësh” i përkisni.

Sa orë duhet të flini? – Rekomandimet për gjumin janë të njejta si ato për konsumin e ujit. Është e shëndetshme ajo çfarë ju bën jut ë ndihemi më mirë. Askush nuk mund ta di me ekzaktësi nëse ka një rekomandim të vetëm mbi këto çështje apo disa. E teksa shumica e ekspertëve rekomandojnë 8-9 orë gjumë çdo natë, të tjerë thonë të kundërtën.

Sipas terapistes Annie Miller, ciklet e gjumit tek njeriu kanë ngjyshuar përgjatë periudhave të ndryshme historike për t’u përshtatur me jetesën. Standarti i 8 orarëshit nuk është i vlefshëm për të gjithë, pasi disa nejrëz mund të ngopen edhe me 5-6 orë gjumë.

Në vitin 2019 shkencëtarët arritën të zbulonin edhe një gen të veçantë që lidhet me këtë. Quhet “geni i pagjumësisë” dhe njërëzit të cilët e mbartin kanë nevojë vetëm për 6.5 orë në natë pa pasur efekte anësore negative. Ky zbulim i Institutit nacional të Shëndetit në Amerikë (NIH), është një provë e vogël mbi këtë çështje, por provon teorinë se jo të gjithë njerëzit kanë nevojë për të njejtën sasi gjumi.

A mund të ndodhë e kundërta? – Nga na tjetër ekspertët nuk kanë evidentuar deri tani ndonjë gen përgjegjës për përgjumjen e vazhdueshme. Sipas terapistëve dhe psikologëve gjumi varet shumë tek gjenetika e gjithësecilit prej nesh. Ndaj nuk është çudi që të mund të keni një sistem gjumi të personalizuar që ju përshtatet vetëm ju dhe jo 8- orarëshit të rekomanduar kaq shumë.

Categories
Këshilla

Nëse vuani nga pagjumësia, duhet të provoni patjetër këtë çaj

Gjumi cilësor është jetik për shëndetin tuaj të përgjithshëm. Sidoqoftë, stili i jetesës moderne i cili zakonisht nënkupton stres, pasivitet dhe mënyrë të ushqyerit jo të shëndetshme, mund të ndikojë seriozisht për të keq në cilësinë e gjumit.Nëse kjo vazhdon për një kohë të gjatë, mund të shkaktojë disa probleme shëndetësore duke filluar nga mungesa e vëmendjes, hipertensioni e të tjera.

Edhe pse shumica e njerëzve përdorin pilula gjumi ose produkte të ngjashme për të luftuar pagjumësinë, nuk ka mundësi më të sigurt dhe më të mirë se sa trajtimet natyrale. Një nga recetat më të preferuara është kjo që e gjeni më poshtë.

Ju duhen 1 banane, 1 gotë ujë dhe kanellë. Vendosini të gjitha në një enë, shtoni ujë dhe lëreni të zihet për 10 minta. Kullojeni lëngun dhe shtoni kanellë për më shumë shije. Konsumojeni këtë lëng një orë para gjumit, rezultatet do të jenë të jashtëzakonshme dhe për më tepër do të keni edhe përfitime shëndetësore.

Categories
Receta

Si të ulni tensionin e lartë me lëngun e limonit

Limonët kanë aftësinë të ruajnë fleksibilitetin dhe funksionet e enëve të gjakut duke ulur kështu tensionin. Prandaj ju sugjeroj një kurë të thjeshtë në kushtet e shtëpisë për të gjithë ju që vuani nga hipertensioni.

Shpeshherë ilaçet që përdoren mund t’ju japin komplikacione të tilla si probleme me muskujt, pagjumësi apo marrje mendsh. Kjo kurë natyrale është jashtëzakonisht efikase kundër tensionit të lartë.

Çfarë ju nevojitet: 1 gotë ujë, 1 limon. Udhëzime: Shtrydheni lëngun e një limoni në një gotë me ujë dhe pijeni atë çdo mëngjes përpara se të konsumoni ushqimin.

Categories
Këshilla

Nga brokoli te domatja, kjo është lista me disa ushqime të mira për prostatën

Lëngjet – Pini shumë ujë. kushdo me prostatë duhet të pijë shumë ujë apo lëngje, ndërkohë që duhet të reduktojnë në maksimum alkoolin. Gjithashtu, kafeina dhe Domate dhe brokolibirra duhet të përdoren në sasi të vogla.

Perimet – Perimet si brokoli, lakra apo lulelakra janë shumë të mira për të qenë mbrojtëse. Janë edhe më pozitive për faktin që kanë shumë antioksidantë.

Domatja dhe shalqiri – Një studim i kryer tek 47 mijë persona tregoi që përdorimi i shalqirit dhe domates reduktoi 35 për qind rrezikun e shfaqjes së kancerit të prostatës. Përdorimi i salcës së domates (burim kryesor i kësaj substance) shoqërohet me reduktimin shumë të madh të rrezikut për CaP.

Silazhi – Të dhënat e para klinike sugjerojnë që seleniumi që gjendet në silazhin e freskët, ul rrezikun për t’u prekur nga kanceri i prostatës. Ka rol antioksidant të padiskutueshëm.

Vitamina E – Vitamina E ul rrezikun për t’u prekur nga kjo sëmundje në 32 për qind, në krahasim me ata që nuk e marrin (ushqime që përmbajnë vitaminë E janë sallata jeshile, spinaqi, lakrat e ndryshme, arrat, mëlçitë, qumështi, gjiza, mishi, veza, rrushi, bajamet etj.)

Categories
Këshilla

Merrni peshë në zonën e barkut? Kjo është receta që do ju heqë dhjamin e tepërt

Shpesh njerëz të ndryshëm shëndoshen në pjesë të ndryshme të trupit. Disa në zonën e këmbëve disa në zonën e barkur apo diku tjetër. Nëse jeni nga ato që shëndetin e tepërt e merrni në pjesën e barkut kemi një recetë për ju që do t’ju shfryjë dhe do t’ju ndihmojë të hiqni kile më shpejt:

Përbërësit që ju duhen: një limon, një tufë majdanoz dhe një gotë me ujë

Përgatitja: Duke përdorur përpunuesit e ushqimit, përzijeni mirë majdanozin dhe pastaj shtrydhni lëngun e limonit dhe përzijeni mirë me majdanozin. Në fund, shtoni një gotë ujë në përzierje me majdanoz dhe lëng limoni dhe përzijeni përsëri për disa sekonda. Koha më e mirë për të pirë këtë lëng është në mëngjes, në stomak të zbrazët, për gjashtë ditë me radhë.

Kjo recetë do t’ju ndihmojë juve të digjni shumë kalori pa pasur nevojë të largoni nga dieta juaj ushqimet e preferuara dhe të kaloni orë të gjata në palestër Majdanozi është jashtëzakonisht efektiv sepse ju përmirëson tretjen. Lëngu i limonit është agjent i fuqishëm antioksidantë që do të ju ndihmojë t’i largoni nga trupi toksinat.

Categories
Lajme

Rënia e flokëve në vjeshtë: Vitaminat dhe mineralet që ju ndihmojnë

Flokët bien më shumë në vjeshtë dhe kjo është shumë e vërtetë e deri diku normale. Megjithatë kjo nuk do të thotë që kjo eksperiencë është e këndshme apo se nuk duhet të bëni asgjë për ta ndalur. Vjeshta fillon që me 1 Shtatorin e zgjat deri në 30 Nëntor, e në të gjithë këtë kohë flokët bien me intensitet të lartë.

Në këta muaj bien 50-70 fije floku çdo ditë si një proces tërësisht fiziologjik. Nëse edhe ju jeni në grupin e persona që vuani, sidomos në muajt Tetor dhe Nëntor, ka një zgjidhje. Ekspertët në këtë artikull rendisin disa vitamina të cilat ndihmojnë në parandalimin e rënies së flokëve. Ndiqni këshillat mëposhtë që të shpëtoni menjëherë nga ky problem.

Çfarë të bëni – Siç thamë edhe më lart, flokët në këtë periudhë bien si pasojë e një procesi fiziologjik i cili fillon në vjeshtë dhe rigjenerohet në pranverë. Kjo ndodh për shkak të klimës që ndryshon menjëherë. Kështu që mund të qetësoheni nëse vini re hollim të flokëve në këtë periudhë. Gjithsesi disa masa mund t’i merrni për ta parandaluar këtë proces. Nuk ka nevojë të drejtoheni menjëherë tek shampot që parandalojnë rënien e flokëve, kremrat apo maskat e posaçme.

Mjafton të merrni vitaminat e duhura dhe flokët tuaj do të qëndrojnë të shëndetshëm. Përsa i përket ushqimit, gjatë vjeshtës kujdesuni të konsumoni shumë ushqime të pasura me omega 3, bulmet, vezë dhe bishtajorë. Gjithashtu në këtë fazë të vitit flokët nuk duhen larë shumë shpesh, por mesatarisht tre herë në javë. Edhe pse nuk ishte këshilla e parë, mund të përdorni shampo kundër rënies së flokëve me veprim të butë e delikat mbi flokun. Përtej këtyre këshillave ekspertët vënë theksin tek disa vitamina të veçanta për këtë rast.

Vitaminat dhe mineralet që ju duhen – Këtë rënie masive të flokëve mund ta parandaloni fare lehtë edhe duke marrë vitaminat e duhura. Ekspertët sugjerojnë të përdorni vitaminën B, E, C dhe zinkun. Më konkretisht, vitaminat e grupit B janë shumë të rëndësishme për strukturën dhe mbrojtjen e plotë të flokëve. Vitamina E është shumë ushqyese dhe plot vlera për flokët, ndërsa vitamina C funksionon si një antioksidant i shkëlqyer i cili forcon rrënjën e flokëve.

Zinku është një mineral që në bashkëpunim me vitaminën C vepron si një kurë e natyrale, si për lëkurën ashtu dhe për flokët, duke i forcuar ata nga majat tek rrënja. Këshillohuni me mjekun tuaj që në këtë periudhë të vitit të konsumoni disa nga këto vitamina e minerale të rëndësishme. Në këtë mënyrë do të evitoni shumë probleme me flokët tuaj. Gjithashtu kini parasysh të kini një stil jetese të shëndtshëm pa duhan, pije alkolike apo ushqime të dëmshme./

Categories
Këshilla

Mbingrënia dhe varësia nga ushqimi kanë zgjidhje: 10 këshilla që do ju ndihmojnë shumë

Ka disa hormone në trupin tonë që, siç vërtetohet nga shkencëtarët, janë përgjegjëse për varësitë. Mbingrënia është gjithashtu një varësi, pasi disa njerëz mund të kenë shumë pak ose aspak kontroll mbi atë që hanë. Kjo jo vetëm që çon në shëndoshje, por edhe në çrregullime të caktuara mendore, si për shembull depresioni.

Më poshtë ju sjellim në vëmendje 10 pika që do ju ndihmojnë për të “luftuar” me varësinë ndaj ushqimit:

1.Zëvendësoni ushqimet e përpunuara dhe ëmbëlsuesit me alternativa më të ushqyeshme:
Shumë studiues thonë se produktet që përmbajnë nivele të larta sheqeri, ëmbëlsues artificialë dhe yndyrna shkaktojnë varësi, duke shkaktuar reaksione kimike në trup. Ushqimet e përpunuara kryesisht i përmbajnë pothuajse të gjitha ato. Kjo është arsyeja pse është e rëndësishme të blini produkte më të shëndetshme. Për ta bërë më të lehtë, bëni një listë para se të bëni pazar, në mënyrë që të qëndroni në të dhe të mos bëni blerje të papritura.

2.Kontrolloni porcionet tuaja
Nëse nuk mund të përjashtoni plotësisht ushqimin jo të shëndetshëm nga menuja juaj, nutricionistët thonë se ju mund të zvogëloni varësinë tuaj ndaj tij duke ngrënë vetëm një sasi të caktuar. Për shembull, nëse doni të hani patate të skuqura, blini paketën më të vogël, një herë në javë. Nëse jeni akoma të uritur pas një pjese, prisni rreth 30 minuta para se të merrni një tjetër. Gjatë kësaj kohe dëshira juaj për të ngrënë me siguri do të kalojë.

3.Konsumoni vakte të rregullta të shëndetshme
Ju mund të zvogëloni dëshirat tuaja ndaj produkteve specifike nëse plotësoni nevojat tuaja ushqyese përmes vakteve të ekuilibruar. Të gjithë kemi dëgjuar se mëngjesi është vakti më i rëndësishëm i ditës. Për më tepër, disa profesionistë të shëndetit mendor thonë se nëse zgjidhni ushqim të shëndetshëm në fillim të ditës, zakonisht do të kontribuoni në përfshirjen e strategjive të shëndetshme në rutinën tuaj.

4.Ndryshoni zakonet tuaja sociale
Ndryshimi i rutinës suaj të përditshme mund të jetë një ndihmë e shkëlqyeshme për të hequr qafe zakonet tuaja të pakëndshme ushqimore. Mundohuni të kaloni më shumë kohë duke u përfshirë në aktivitete që nuk përfshijnë ngrënie. Për shembull, në vend që të dilni me miqtë për darkë, mund të shkoni të shikoni një film.

5.Uluni në tryezë teksa hani, përqendrohuni në ushqim dhe përtypni ngadalë
Hormonet tona janë përgjegjëse për kontrollin e oreksit dhe konsumit të kalorive dhe duhen rreth 20 minuta që ato të dërgojnë sinjalet në trurin tuaj që keni ngrënë dhe se jeni tashmë të plotësuar. Kështu që ngadalësimi do të zvogëlojë në masë të madhe shanset tuaja për mbingrënie dhe për të fituar peshë.

6.Kushtojini vëmendje ngrënies emocionale
Shumë njerëz mendojnë se të ngrënit shumë teksa jeni të mërzitur ose të stresuar mund t’ju ndihmojë. Por kjo vetëm rrit dëshirat tuaja ushqimore dhe nuk ka asnjë lidhje me zgjidhjen e problemeve. Së pari, ngrënia emocionale shoqërohet më së shumti me zgjedhje jo të shëndetshme të ushqimit si karamele, pasta, pica, etj. Mund ta shmangni këtë duke gjetur mënyra të shëndetshme për të përballuar stresin. Meditimi, joga, stërvitja, biseda me një mik, madje edhe leximi apo shikimi i serialeve televizive, nëse bëhet rregullisht, mund t’ju ndihmojnë shumë për të ulur stresin si dhe për të humbur kilet.

7.Shmangni kafeinën
Gjumi i mirë është shumë i rëndësishëm për të qëndruar të shëndetshëm. Kafeina, duke qenë një stimuluese, mund të shqetësojë shumë gjumin tuaj të nevojshëm. Për më tepër, siç tregojnë studimet, ekziston një lidhje midis mungesës së gjumit dhe shtimit të peshës. Kështu që ulja e konsumit tuaj ndaj kafeinës mund t’ju ndihmojë ndjeshëm të humbni peshë.

8.Gatuani ushqime në shtëpi
Ushqimi në shtëpi është më i shëndetshëm për ju sepse ju jep shumë më shumë kontroll, siç thonë ekspertët. Kur e dini saktësisht sesa kripë, sheqer ose yndyrë po hyjnë në gjellën tuaj, mund të keni një ide më të mirë sesi të arrini qëllimet tuaja ushqyese dhe kalorike.

9.Kujdesuni për trupin tuaj
Studimet sugjerojnë që masazhi mund të jetë një pjesë e dobishme e programit tuaj për humbjen e peshës. Për shembull, një masazh suedez është shumë i mirë për qarkullimin e gjakut dhe muskujt. Ai ndikon në zonat problematike të trupit dhe përmirëson sensin tuaj të përgjithshëm të mirëqenies. Ju gjithashtu mund të përdorni kremra të veçantë për vetë-masazh në zonat me probleme si barku, këmbët dhe ijet.

10.Kërkoni ndihmë profesionale
Nëse mendoni se keni një çrregullim të ngrënies, flisni menjëherë me një mjek. Trajtimi për këto çrregullime shpesh përfshin terapi, grupe mbështetëse dhe disa ilaçe gjithashtu.

Categories
Këshilla

Filloni mëngjesin me një banane dhe një gotë ujë të nxehtë, do befasoheni

Miratimi i këtij zakoni do t’ju ndihmojë të humbni peshë, pavarësisht nga zakonet tuaja të tjera të të ngrënit. Çfarë përfshihet; Një mëngjes i përbërë nga një banane dhe një gotë ujë në temperaturën e dhomës.

Arsyeja pse kjo dietë funksionon është sepse banania aktivizon tretjen dhe përshpejton metabolizmin. Një tjetër pozitive është se bananet janë të pasura me niseshte, e cila ka një indeks të ulët glicemik, ngadalëson tretjen, jep ndjenjën e ngopjes për një kohë të gjatë dhe bllokon përthithjen e hidrokarbureve! Banania dihet se është e mirë. Ajo ndihmon trupin tonë, na jep energji dhe është gjithashtu një pleh shumë i mirë për bimët tona. Por a e dini se ka një përdorim tjetër për të na bërë të ndihemi më të bukur?

Receta e sotme do t’ju heqë si shijet ashtu edhe energjinë tuaj. Me kombinimin e bananes, arrës dhe mjaltit do t’i jepni super stimulim metabolizmit tuaj. Mund ta shijoni menjëherë pas stërvitjes ose si një mëngjes i mrekullueshëm, i shpejtë dhe shumë gjallërues!

Këshilla: Në rast se nuk jeni adhurues i arrave mund t’i zëvendësoni me bajame ose lajthi. Në çdo rast, rezultati do të jetë po aq i mrekullueshëm! Ndërsa ju sugjerojmë të provoni një pije me kungull dhe kanellë për ditët e ftohta!

Përbërësit për 1 vakt: 150 gr. Kos i kulluar me pak yndyrë, 300 ml qumësht bajame (pa sheqer), banane, 24 gram arrat e bluara.

Udhëzime për 1 vakt – Pasi të keni shtuar të gjithë përbërësit e mësipërm, duke lënë vetëm pak arra për përfundimin në blender i rrahim shumë mirë derisa të bëhen një masë homogjene. Më pas hidheni këtë përzierje në një gotë të madhe dhe spërkateni me arrat e mbetura. Hapat janë të thjeshtë, kënaqësia është e madhe! Ndani përvojën tuaj me ne dhe na tregoni mendimin tuaj!

Të ushqyerit: Energjia: 434 kcal Proteinat: 26,9 g Karbohidratet: 30.6 g Yndyrë: 22 gr. Kombinimi i dietës dhe ushtrimeve do t’ju japë një rezultat të shpejtë dhe korrekt në mënyrë që të merrni një trup më të fortë dhe të ruani peshën tuaj!

Categories
Lajme

Uji i ftohtë kundrejt ujit të ambientit? Zbuloni cili është më i mirë

Uji është shumë i rëndësishëm për shëndetin e njeriut. Ai nevojitet për tretjen e ushqimit, për transportin e ushqyesve në qeliza dhe për të ulur temperaturën e trupit.

Uji është një përbërës kryesor i muskujve dhe organeve. Këto janë disa prej arsyeve përse hidratimi është shumë i rëndësishëm. Lexoni më poshtë të dhënat se çfarë uji duhet të përdorni në raste të ndryshme.

Përmirëson tretjen – Sipas studimeve, ju duhet të pini një gotë ujë në temperaturë ambienti herët në mëngjes. Kështu do të aktivizoni sistemin tretës. Gjithashtu ndihmon në stimulimin e qarkullimit të gjakut.

Detoksifikon trupin – Ndihmon trupin tuaj të heqë toksinat e dëmshme. Pirja e ujit me temperaturë ambienti parandalon aknet dhe probleme të tjera të lëkurës. Për të përmirësuar më tej efektin e tij, shtrydhni një gjysmë limoni në ujë.

Për frymëmarrjen – Jo shumë njerëz janë të vetëdijshëm për faktin se uji i ambientit është i mirë për njerëzit që vuajnë nga bllokimet e hundës dhe të fytit. Ai vepron si një pastrues natyral i traktatit respirator.

Kundër dhimbjeve – Ndërsa uji i ambientit rrit qarkullimin e gjakut, ai mund të shërbejë si një ndihmë e shkëlqyer natyrore për të siguruar lehtësim nga dhimbja. Prandaj, nëse jeni duke përjetuar dhimbje të shpeshta koke apo trupi, pini ujë ambienti.

Pas aktivitetit fizik – Është një fakt i njohur se gjatë stërvitjes, temperatura e trupit tuaj rritet. Për të ulur temperaturën e trupit pas stërvitjes, rekomandohet të pini ujë të ftohtë.

Lufton drobitjen nga vapa – Pirja e ujit të ftohtë gjatë verës është e mirë për shëndetin tuaj. Uji i ftohtë absorbohet shpejt nga trupi në krahasim me ujin e ngrohtë.

Për humbje në peshë – Parimi kryesor për humbje peshe është të rrisni metabolizmin tuaj. Duke pirë ujë të ftohtë ju digjni më shumë kalori, madje edhe banjot me ujë të ftohtë nxisin metabolizmin tuaj.

Uji i ftohtë kundrejt ujit të ambientit – Studimet e fundit nuk rekomandojnë të pini shumë ujë të ftohtë, pasi ai shkakton tkurrje të muskujve. Nga ana tjetër, pirja e ujit të ambientit rrit qarkullimin e gjakut së bashku me mbrojtjen e organeve nga dëmtimi. Kjo është arsyeja pse shumica e mjekëve rekomandojnë ujin në temperaturë ambienti për shëndetin. Megjithatë, në një ditë të nxehtë, ju mund të pini ujë të ftohtë pasi freskon temperaturën e trupit tuaj më shpejt.

Disa këshilla – Mos pini kurrë ujë të ftohtë kur hani ushqim. Kur pini ujë të ftohtë menjëherë pas ngrënies ose së bashku me një vakt, trupi juaj shpenzon shumë energji. Kjo ngadalëson procesin e tretjes. Shmangni pirjen e ujit të ambientit pas stërvitjes. Ndërsa temperatura e trupit tuaj është tashmë e lartë pas stërvitjes, pirja e ujit të ftohtë do të ulë temperaturën e trupit tuaj.

Categories
Këshilla

Sugjerimet për muajin nëntor: Këto janë frutat dhe perimet që duhet të blini

Nga shporta e frutave do të veçonim mandarinën e cila është burim i mirë i vitaminave A dhe C. Mandarinat janë të shijshme dhe nuk kanë nevojë për ndonjë shoqërues shtesë. Ngjyra të ngrohta dhe të forta, frutat dhe perimet që mund të gjenden në nëntor, na ndihmojnë për ta bërë më të gëzuar këtë muaj, gjatë të cilit temperaturat ftohen e humori bie.

Për të përmirësuar gjendjen, duhet të marrim fibra, minerale dhe vitamina, që të parandalojmë sëmundjet e para sezonale, por edhe për të shmangur depresionin tipik të këtij sezoni melankolik. Një nga blerjet tipike të vjeshtës është lulelakra, e pasur në vitaminë C, vitaminë A dhe B. Rekomandohet për këdo që vuan nga anemia sepse është burim i shkëlqyer i hekurit dhe mineraleve të tjera, të tilla si kaliumi, acid folik dhe magnezi.

Kopra, me shije relativisht të fortë, është ideale për ata që ndjekin një dietë për të humbur peshë. Mund të përdoret edhe si çaj i nxehtë; kështu rregulloni sistemin tretës.

Nga shporta e frutave do të veçonim mandarinën e cila është burim i mirë i vitaminave A dhe C. Mandarinat janë të shijshme dhe nuk kanë nevojë për ndonjë shoqërues shtesë.

Në shportën tuaj të perimeve për këtë muaj duhet të vendosni: patatet e reja, panxharin, qepët, selinon, sallatën jeshile, spinaqin, radhiqet, çikoren, rrepat, bathët, kërpudhat, kungulin e verdhë, lulelakrën dhe brokolin. Nga frutat mos harroni të blini hurmat, dardhat, rrushin, kivit, shegët, gështenjat, mollët, mandarinat dhe portokajt.