Categories
Receta

RECETA: Si të përgatisni pasta me arra e majdanoz

Përbërësit: makarona gruri, 2/3 filxhan me arra të copëtuara, 1/4 filxhan vaj ulliri, 5 thelpinj hudhre, gjethe majdanozi, 1/2 lugë çaji piper i freskët i zi, 1/2 lugë çaji kripë, djath i shkrirë, rukola

Si përgatitet: Merrni makaronat dhe vërini të ziejnë në tenxhere për 10-12 min. Ndërkohë merrni arrat dhe vërini në tigan të skuqen për 5 minuta, duke i përzier gjatë gjithë kohës. Hiqni makaronat nga tenxherja dhe kullojini.

Në tenxhere shtoni vaj ulluri dhe hudhër dhe vërini të skuqen pak. Më pas merrni makaronat dhe hidhini tek tenxherja me vaj e hudhra. Njëkohësisht shtoni edhe arrat, kripë, piper, majdanoz dhe përzijini mirë. Lërini në zjarr për 2-3 min duke i përzier që të mos digjen.

Hiqini nga zjarri dhe shërbejini në pjata me gjethe të rukolas, majdanozit dhe djath të shkrirë. Këshillohet të shërbehen të nxehta. Ju bëftë mirë!

Categories
Këshilla

Si ta hiqni erën e keqe të gojës, edhe kur keni larë dhëmbët dhe jeni të pastër?

Pikërisht kur nuk duhet, ndjen që diçka nuk shkon me frymëmarrjen tënde. Problem i madh, padiskutim. Edhe pse je i rregullt me larjen e dhëmbëve e gjithçka tjetër, aroma e pakëndshme e gojës është sërish aty. A ka ndonjë metodë tjetër që na ndihmon të shpëtojmë prej saj?

Mos lini asnjë vakt. Edhe pse dieta mund të mos ju duket e lidhur me freskinë e gojës, në fakt nëse ju lini një vakt pa konsumuar, stomaku fillon të punojë duke qënë bosh. Kjo shkakton çlirimin e lëngjëve gastrike të cilat mund të provokojnë aromën e rënduar të frymës.

Higjiena orale. Edhe pse mund të duket paksa banale, ky rregull duhet të ndiqet me rigorozitet. Larja e gojës mbas çdo vakti është e rëndësishme si për të shmangur aromën e pakëndshme, por edhe për tu kujdesur për shëndetin e dhëmbëve. Nëse ‘goditeni’ papritur, provoni të përdorni një sprucues frekues me efekt antibaktrerial.

Tharja e gojës. Kur goja nuk është e hidratuar sa duhet, fryma mund të bëhet e rëndë dhe e pakëndshme. Përpiquni të pini sa më shumë ujë gjatë ditës për ta evituar atë.

Majdanoz. Nëse gjendeni papritur në një situatë të tillë, provoni të përtypni disa gjethe të vogla majdanozi. Do t’ju kalojë për pak minuta. Mente. Do t’ju ndihmojë të ruani një frymëmarrje të freskët gjatë gjithë ditës.

Sherebelë. Edhe gjethet e sherebelës mund të përdoren për të njëjtin qëllim. Vitamina C. Ushqimi është më i rëndësishmi. Përpiquni të konsumoni ushqime të pasura me vitamin C për të patur gjithmonë një frymë të freskët dhe pa aromë të pakëndshme.

Categories
Këshilla

Kjo është pija natyrale që rinon zemrën tuaj – Si ta përgatisni

Nga kjo erëz e cila përdoret çdo ditë në kuzhinë ofron “pijen magjike” për zemrën. Majdanozi ka përfitime për organizmin dhe mjekët e mjekësisë popullore e rekomandojnë edhe si ilaç kundër sëmundjeve të ndryshme. Ky ilaç natyral përdoret kur ndieni çfarëdo vështirësie të zemrës si p.sh. therje, dridhje, kërcime për shkak të stresit. Është efikas edhe te angjina pektoris.

Përbërësit: 10 degë majdanozi pa rrënjë, një litër verë të zezë apo të bardhë shtëpiake, 2 lugë uthull vere, 300 gramë mjaltë natyral.

Përgatitja: 10 degë të freskëta majdanozi bashkë me fletët qitni në një litër verë natyrale të pastër dhe shtoni 1–2 lugë të mëdha uthull të pastër vere. Zieni 10 minuta në zjarr të ulët (kushtoni kujdes, mund të shkumëzojë).

Shtoni 300 gramë mjaltë natyral bletësh dhe lini që të zihen ngadalë edhe 4 minuta. Verën e nxehtë kullojeni dhe të nxehtë qiteni në shishe, të cilat më parë i keni shpëlarë me alkool të fortë. Mbyllni mirë. Shtresa e cila krijohet nuk është e dëmshme dhe lirisht mund ta pini. Pini çdo ditë nga një lugë supe derisa të pushojnë problemet. Për sëmundje të rëndë nevojitet ta përdorni një periudhë kohore më të gjatë.

Categories
Këshilla

Kura natyrale me majdanoz, mjaltë dhe limon, si ta përgatisni

Deri tani ndoshta e keni përdorur si garniturë, pa e ditur se majdanoz ka një numër të lartë përfitimesh shëndetësore. Një nga më të njohurat, është se kjo barishte mund të përmirësojë ndjeshëm shëndetin tuaj të përgjithshëm.

Përfitimet shëndetësore të majdanozit: Parandalon kan cerin: Majdanozi përmban myristicin, një kompleks natyror që në mënyrë efektive mund të zvogëlojë shpejtësinë e rritjes së kan erit në stomak dhe mushkëri.

Trajton dëmtimet nervore: – Në shumicën e rasteve, neurotoksimi është shkaku i dëmtimit të nervave, që do të thotë dëmtimin e trurit ose të sistemit nervor periferik të shkaktuar nga substancat toksike si pesticidet apo metalet e rënda.

Këto toksina janë jashtëzakonisht të dëmshme në tru dhe mund të prishin apo edhe të dëmtojnë disa nerva thelbësore për transmetimin dhe përpunimin e informacionit në tru dhe në pjesë të tjera të sistemit nervor. Një studim ka provuar se lëngu i majdanozit është shumë i dobishëm për përmirësimin e simptomave të shkaktuara nga neurotoksimin.

 

Redukton inflamacionin: – Konsumi i rregullt i majdanozit mund të ndihmojë në trajtimin e artritit dhe osteoartritit. Majdanozi ka një përmbajtje të pasur të vitaminës C gjë e cila ndihmon në kurimin e këtyre problemeve.

Si ta përgatisni çajin me majdanoz: 4-5 degë majdanozi. Një e katërta ose gjysma e një limoni, 1 lugë çaji mjaltë, 3 gota uji. Së pari, vloni ujin. Shtoni majdanoz dhe limon në një gotë dhe derdhni ujë të zier në të. I lini për 5 minuta. Pastaj, hiqni majdanozin shtoni limon dhe mjaltë.

Categories
Këshilla

Si të shpëtoni nga variçet në kushte shtëpie

Variçet kanë tendencën të krijohen dhe zhvillohen kur valvula të vogla brenda variçeve tona nuk e kryejnë më funksionin e tyre të mëparshëm. Venat janë struktura të buta, nuk kanë mure mbrojtëse dhe presioni i ushtruar shkakton zgjerimin e tyre ndërsa kalon gjaku. Por si mund t’i kurojmë ato në mënyrë natyrale?

Farat e domateve – Pjesa e brendshme e domates bën efektin e aspirinës dhe nëse e aplikoni çdo ditë në variçet tuaja do të parandaloni zhvillimin apo përkeqësimin e tyre. Lyejini këmbët rreth 4 herë në ditë për të paktën 2 muaj me radhë.

Vaj ulliri – Mes qindra përfitimeve që marrim nga vaji i ullirit, roli i tij si anti-inflamator është posaçerisht për kurimin e variçeve. Në përbërje të tij ka vitaminë E, minerale dhe Omega 3.

Limon, hudhër dhe vaj ulliri – Merrni disa thelpinj hudhër dhe shtypeni derisa të kthehen në formë mase. Pastaj hidhni pak vaj ulliri dhe limon. Lërini për 10-12 orë dhe më pas me anën e një pambuku aplikojeni në atë zonë 2 herë në ditë për të paktën 1 muaj.

Lakra – Lakra ndihmon gjithashtu në përmirësimin dhe forcimin e venave. Merrni 3 shtresa të saj dhe vendosini në një blender. Me lëngun që do të përftohet lyejini këmbët 3 herë në ditë.

Majdanoz dhe ujë trëndafili – Merrni një dorë majdanoz dhe vendoseni në një tigan. Shtoni pak ujë aty dhe lërini të ziej për 5 minuta. Hiqeni nga soba, mbulojeni dhe lëreni ashtu derisa të ftohet pak. Merrni lëngun e lëshuar nga majdanozi dhe miksojeni me ujin e trëndafilit. Me pambuk lyeni zonën më të dukshme me varçe për rreth 2 herë në ditë për muaj. Më pas shpëlajeni këmbën me ujë të vakët.

Categories
Receta

Receta nga Anila Kalleshi për të humbur kilogramë dhe shkrirë yndyrat në trup

Kêta pêrbëres nëse përdoren përpara se të flemë gjumë, do të na ndihmojnë të përmirësojmë metabolizmin dhe natyrisht tê humbasim peshê.

Konsumojeni 1 orë para se të shkoni për gjumë. Ajo do të stimulojë tretjen e yndyrës dhe largimin e kileve të tepërta që mund të keni grumbulluar në trupin tuaj.

Përbërësit: ½ lugë gjelle uthull molle, ½ lugë kafeje kanellë, lëngu i gjysëm kokrre limoni, 1 lugë çaji mjaltë organik, 1 lugë çaji xhinxher i grirë imët ose pluhur, 10 degë majdanoz.

Categories
Këshilla

Maska me majdanoz, fantastike për lëkurën tuaj

Mënyra më e mirë për të pasur një lëkurë të paraqitshme por mbi të gjitha të shëndetshme, është ushqyerja Produktet natyrale dhe bimore janë tepër miqësore me lëkurën dhe i japin atë për të cilën ajo ka nevojë. Një prej produkteve më të mira bimore për shëndetin e lëkurës së fytyrës dhe jo vetëm është majdanozi.

Me këtë barishte të shëndetshme ju mund të bëni një maskë të shkëlqyer që rikthen nuancat e shëndetshme të saj. Në këtë artikull do të mësoni përgatitjen e një maske të thjeshtë me tre përbërës: majdanoz, uthull molle dhe kos. Maska është shumë e dobishme dhe e mbron lëkurën.

Uthulla e mollës – Uthulla e mollës parandalon shfaqjen e akneve. Sipas informacioneve ajo funksionon edhe si tonik dhe eliminon qelizat e vdekura të cilat formojnë një shtresë të thatë të lëkurës.

Kosi – Përfitimet e kosit për bukurinë janë të panumërta. Aplikimi i kosit në lëkurë e zbut atë dhe e bën më të lëmuar. Kosi lufton shenjat e plakjes dhe i jep lëkurës një paraqitje më rinore.

Majdanozi – Majdanozi shërben si antioksidant dhe lufton inflamacionin e lëkurës. Ai përdoret kundër të nxirave, njollave, të djegurave dhe pickimeve.

Maska me majdanoz për lëkurën – Në një tas të thellë përzieni gjysëm gote uji me majdanoz të grirë hollë. Shtoni dy lugë gjelle me uthull molle dhe tre lugë gjelle me kos. Përziejini përbërësit mirë deri sa të krijohet një masë homogjene.

Vendoseni maskën në fytyrë dhe shmangni zonat e ndjeshme si ajo e syve. Mbajeni maskën për 20 minuta dhe më pas lajeni fytyrën me ujë të ngrohtë. Sugjerohet që maskën me majdanoz mund ta bëni dy herë në javë vetëm nëse fytyra juaj nuk është e ndjeshme ndaj kësaj barishteje.

Categories
Këshilla

Ja si trajtohet depresioni me kura natyrale

Depresioni është një shqetësim emotiv që mund të ketë efekte në shëndetin fizik dhe mendor. Është një gjendje trishtimi i thellë dhe personi që vuan humb çdo interes drejt aspekteve të jetës që ishin të rëndësishme më parë. Por ka disa kura natyrale për të trajtuar depresionin.

Maja e birrës – Dhe pse nuk ka një shije fort të kënaqshme majaja përmban sasi të madhe të vitaminave të grupit B, magnez, aminoacid që rregullojnë aktivitetin e sistemit nervor. Këta përbërës favorizojnë prodhimin e hormoneve të mirëqenies, endorfinën dhe serotoninën, që kontrollojnë ankthin dhe trishtimin që shoqërojnë depresionin.

Për këtë ju duhet vetëm një lugë maja dhe një gotë ujë e vakët. Konsumoheni 30-40 minuta pasi keni ngrënë mëngjes. Përsëriteni çdo ditë derisa të vini re përmirësimet.

Limon dhe fara chia – Një pije e tillë ka veti qetësuese të sistemit nervor duke ndihmuar në kontrollin e depresionit. Hidhni lëngun e një limoni në ujë, shtoi farat e chia-s dhe lëreni të pushojë për 10 minuta. Pijeni këtë dy herë në ditë për tre javë rresht.

Majdanoz dhe valerian – Është ideale për të favorizuar mirëqenien fizike dhe mendore, pasi rregullon efektet e stresit oksidues. Gjithçka që ju duhet është një lugë majdanoz, një lugë valerian dhe një gotë ujë. I shtoni në ujë që zjen majdanozin dhe valerianën, lëreni të pushojë për 10 minuta dhe filtrojini. Pijeni në darkë para gjumit, pasi të jep përgjumje. Konsumojeni këtë pije për dy javë rresht.

Sallata jeshile – Lëngu i sallatës jeshile është një shërues natyral që redukton simptomat e depresionit falë raportit të saj interesant të përbërësve të rëndësishëm. 6 gjethe të lara sallatë jeshile kalojini në frulator me 100 ml ujë. Piheni tre javë resht me stomakun bosh.

Categories
Këshilla

Përzierja natyrale me dy produkte në kuzhinën tuaj që ua bën verën më të thjeshtë

Nëse keni një problem me pickimet e mushkonjave, ekziston zgjidhja Tani mund të bëni vetë në shtëpi një mjet kundër mushkonjave, nga i cili ato do të ikin brenda pesë minutash.

Ju duhen vetëm dy përbërës që ndoshta tashmë i keni në kuzhinë. Ka në çdo dyqan, në treg … Thjesht, në vetëm një enë!

Merrni një tufë majdanoz të freskët dhe uthull molle. Rrihni majdanozin mirë në një havan, në mënyrë që bima të lirojë vajrat esencialë.

Mund të përdorni edhe majdanoz të thatë, por më pas duhet të shtoni disa lugë erëza të thata për ta bërë efektin më të fortë. Derdhni sipër uthull molle dhe përziejeni mirë, pastaj mbushni një shishe me spërkatëse dhe përdoreni si një mjet kundër mushkonjave

Categories
Këshilla Lajme Shëndeti

Ke shqetësime në veshka? Bima mjekësore ideale për ty është majdanozi

Majdanozi është një nga bimët mjekësore më të mira për shëndetin e veshkave. Majdanozi i bën ato më të forta dhe parandalon formimin e gurëve. Kjo bimë e shëndetshme i pastron ato në mënyrë natyrale nga toksinat dhe të gjitha substancat e dëmshme që kërcënojnë shëndetin e veshkave.

Në këtë artikull do të mësoni më shumë për tri kura natyrale që ndihmojnë në pastrimin e veshkave nga toksinat dhe substancat e dëmshme.

Përbërësit: një tufë e vogël majdanoz, 3 gota me ujë

Përgatitja: Ngroheni ujin në një çajnik dhe përpara se të marrë valë hiqeni nga zjarri. Shtoni tufën e majdanozit dhe lëreni të rrijë në ujë për 15 minuta dhe më pas kullojeni. Mund të pini dy-tri gota me çaj majdanozi çdo ditë sidomos pas çdo vakti. Mund ta pini për 30 ditë e ta përsërisni nëse është e nevojshme.

Lëng kastraveci dhe majdanozi – Veshkat punojnë fort që të pastrojnë gjakun, të eliminojnë kripën dhe elementë të tjerë të dëmshëm. Puna e tyre është shumë e vështirë, ndaj duhet t’u japim të gjithë ndihmën e mundshme. Sipas të dhënave të AgroWeb.org, duke konsumuar majdanoz çdo ditë, ne ndihmojmë veshkat të pastrojnë organizmin nga toksinat.

Përbërësit: 1 kastravec, 1 tufë me majdanoz, 2 gota me ujë

Përgatitja: Përzieijini të gjithë përbërësit në një mikser deri sa lëngu të jetë kompakt dhe hollojeni sipas dëshirës. Më pas pini dy gota nga ky lëng, një në mëngjes esëll dhe një përpara se të bini për të fjetur. Pijeni për 20 deri 30 ditë.

Lëng ananasi dhe majdanozi për pastrimin e veshkave

Përbërësit: 3 feta ananasi, 2 tufa me majdanoz, 1 litër ujë

Përgatitja: Përziejini përbërësit në një mikser për 4 minuta. Lëngun mos e kulloni dhe pijeni të gjithin përgjatë gjithë ditës. Pijeni për 20-30 ditë. Majdanozi përmban minerale si kalciumi, hekuri dhe sulfuri. Ai është një burim i shkëlqyer i vitaminës C dhe shumë vitaminave të tjera të dobishme. Konsumi i majdanozit ndihmon në forcimin e sistemit imunitar.