Categories
Këshilla

Për të ndërtuar muskuj ju duhen 8 perime kryesore, lexoni listën!

Dietat e zakonshme për ndërtimin e muskujve në trup konsistojnë gjithmonë një shumë të mishit, sepse mishi përmban shumë proteina dhe proteina që ndërtojnë muskujt. Por çfarë mund të konsumoni nëse nuk e pëlqeni mishin apo nuk e konsumoni atë për arsye etike apo mjedisore?

A do të thotë kjo që nuk jeni në gjendje të ndërtoni muskuj ashtu si doni? Absolutisht jo!

Një dietë e pasur me mish nuk është e vetmja mënyrë për të arritur masën e dëshiruar të muskujve. Janë të shumta mënyrat përmes të cilave mund të merrni ushqyesit e nevojshëm për ndërtimin e muskujve të fortë, të shëndetshëm dhe shumë prej tyre janë me bazë bimore. Nëse jeni duke kërkuar për disa ushqime që me të vërtetë do t’ju forcojnë muskujt, atëherë konsumoni perimet e mëposhtme.

1. Panxhari dhe perimet e familjes së tij

Përfitimet e panxharit dhe zarzavateve të familjes së tij janë të shumta, por mbase ju nuk e dini se përmbajnë shumë nitrate dietike dhe antioksidantë. Këta ushqyes luajnë një rol të veçantë për t’iu ndihmuar gjatë periudhave kur keni pak oksigjen në trup, si në momentet kur bëni stërvitje me intensitet të lartë.

Nitratet dietike konvertohen në oksid nitrik në trup, i cili ndihmon për të përmirësuar funksionin kardiovaskular, që nga ana tjetër ju ndihmon për të qenë në gjendje të trajnoheni më shumë dhe për më gjatë. Kjo është një mënyrë e sigurt për të ndërtuar inde muskujsh të shëndetshëm.

2. Jeshilllëqet dhe lakra e kuqe

Janë plot me fitonutrientë anti-inflamatorë dhe ndihmojnë organizmin për të absorbuar aminoacidet nga proteinat. Disa prej këtyre fitonutrientëve, duke përfshirë glukorafanin dhe sulforafanin, ndihmojnë për rimëkëmbjen e muskujve.

3. Spirulina

Është një ndër ushqimet që përmendet tepër së fundi. Një pluhur me ngjyrë të fortë të gjelbër, që cilësohet si ushqim i shëndetshëm, spirulina është një lloj alge në ngjyrë blu-jeshile që përmban disa aminoacide të rëndësishme për metabolizmin. Spirulina është gjithashtu një burim i madh i vitaminës B6, që së bashku me aminoacidet ndihmojnë në shpërbërjen e karbohidrateve, proteinave dhe yndyrnave, duke i kthyer në energji të përdorshme për trupin.

Diçka e tillë është e rëndësishme për ndërtimin e muskujve, sepse sa më shpejt trupi juaj t’i metabolizojë këto yndyrna, karbohidrate dhe proteina në energji, aq më shumë mund të shtyni veten për t’u trajnuar më shumë dhe për të ndërtuar më shumë muskuj.

4. Elbi dhe bari i grurit

Është koha që mbase elbin dhe grurin t’i provoni në formën e tyre si barishte. Këto zarzavate fibroze përmbajnë minerale esenciale, të tilla si kalciumi, hekuri dhe magnezi, si dhe karotenoide të fuqishme, të cilat janë antioksidantë që i mbajnë qelizat e indeve të shëndetshëm dhe të fortë. Këto minerale ndihmojnë në funksionimin e muskujve si dhe rrisin aftësinë e gjakut për të mbartur oksigjen drejt muskujve.

5. Bizelet

Bizelet ofrojnë disa përfitime të mahnitshme edhe për ndërtimin e masës muskulare. Ato janë një burim i mahnitshëm i proteinave bimore që treten lehtë. Ato janë gjithashtu një burim i shkëlqyer i disa aminoacideve plus glutaminës, që ndihmojnë në ndërtimin e muskujve.

6. Klorela

Nëse nuk keni dëgjuar më parë për klorelën, ajo është një mikroalgë japoneze e rritur në pellgje të ujërave të ëmbla, fillimisht në Japoni, por tani rritet edhe në Kinë, në Tajvan dhe në Kore, pasi kërkesat për të janë në rritje. Edhe pse klorela është e ngjashme me spirulinën, ajo ka disa veçanti.

Ajo përmban vitamina, aminoacide dhe acide nukleike, të cilat ndihmojnë në rigjenerimin e qelizave tona. Kjo është e rëndësishme për rritjen e muskujve dhe shërimin e tyre pas një stërvitjeje të lodhshme. Chlorella gjithashtu përmban të gjithë nëntë aminoacidet esenciale, duke e bërë atë një proteine ​​të plotë.

7. Spinaqi

Për vite me rradhë na është thënë se spinaqi ka hekur dhe na bën të fortë dhe pavarësisht ekzagjerimeve, në këto fjalë ka diçka të vërtetë! Spinaqi është i pasur në aminoacidin arginin, i cili stimulon hipofizën për të prodhuar hormonin e rritjes te njeriu. Spinaqi shërben në këtë mënyrë në ndërtimin e muskujve të fortë dhe në zhvillimin e tyre.

8. Majdanozi, preshtë, qepujkat jeshile

Barishtet janë të mënyrë shumë e mirë për shtuar aromë dhe shije në ushqimin tuaj, por disa prej tyre, si majdanozi, preshtë dhe bishtat jeshilë të qepëve kanë një dobi të madhe ushqyese. Ato janë një burim i madh i lysine, një aminoacid thelbësor që ndihmon me rritjen dhe shërimin e indeve lidhës në tendina dhe në kërc. Kjo do të thotë se lysine është shumë e dobishme për nyjet dhe i ndihmon të shërohen më shpejt.

Categories
Lajme

Lëngu i majdanozit ka 5 efekte të mrekullueshme për shëndetin tuaj

Majdanozi është një erëz e pasur me shumë lëndë ushqyese, por kur konsumohet si lëng rritet përthithja e këtyre mineraleve dhe vitaminave.

Nëse do të pini një gotë nga lëngu që do ju tregojmë më poshtë, ju do të ndiheni të ngopur për shkak të përmbajtjes së madhe të fibrave , por do të merrni gjithashtu enzimat, antioksidantët, mineralet dhe elementët e tjerë të dobishëm. Këtu janë 5 përfitimet shëndetësore të lëngut të majdanozit!

Kundër erës së keqe të gojës – Vuani nga halitoza ose era e keqe e gojës? Majdanozi mund të ndihmojë! Majdanozi është i pasur me klorofil, i cili ndihmon në neutralizimin e baktereve duke bërë që fryma juaj të jetë e freskët.

Shëndeti i kockave – Majdanozi përmban nivele të larta të vitaminës K, një lëndë ushqyese thelbësore që parandalon frakturat dhe ruan e densitetin e kockave.

Përmirëson tretjen – Vaji esencial i majdanozit dhe majdanozi, përdoren për trajtimin e çrregullimeve dhe simptomave të ndryshme gastrointestinale, duke përfshirë konstipacionin, fryrjen e barkut dhe ndjesinë e të vjellës.

Shëndeti kardiovaskular – Lëngu i majdanozit mbron zemrën tuaj. Kjo për shkak të sasisë së saj të lartë të vitaminës C, vitaminës E, beta-karotenit dhe antioksidantëve të ndryshëm. Radikalet e lira neutralizohen duke u ulur kështu rreziku i zhvillimit të sëmundjeve të zemrës.

Gjithashtu, lëngu i majdanozit është një burim i mirë i folateve, një element kimik që kundërvepron përhapjen dhe efektet e molekulave të homocisteinës, të cilat mund të shkaktojnë dëme të konsiderueshme në enët e gjakut. Njerëzit që pinë lëng majdanozi në mënyrë të rregullt janë më pak të prirur për atake të papritura në zemër.

Ilaç për infeksionet e veshkave – Majdanozi mund të përdoret edhe për të trajtuar inflamacionin e fshikëzës, gurëve në veshka etj.

Receta: 2 lugë gjelle mjaltë, 1 lugë çaji rrënjë xhenxhefili të freskët, 1 mollë, lëngu i një limoni, 1 tufë majdanoz, 1/4 filxhan uji

Përgatitja: Kombinoni mollën, majdanozin, lëngun e limonit, xhenxhefilin dhe mjaltin në një blender me 1/4 gotë ujë. Shtrydheni derisa të formohet një masë homogjene dhe konsumojeni.

Categories
Këshilla

Keni variçe në këmbë? Këto janë 4 metodat natyrale për t’i hequr

Më shumë se 48% e njerëzve në moshën e mesme vuajnë nga variçet. Të njohura ndryshe si venat varikoze, këto të fundit janë vena të zgjeruara të cilat mund t’i shihni nëpër lëkurë. Ato janë zakonisht të kaltra, të fryra dhe të përdredhura.

Më tepër se një shqetësim sipërfaqësor, variçet rrezikojnë seriozisht shëndetin, duke rritur ndjeshëm rrezikun e mpiksjes së gjakut, ndaj trajtimi i tyre në kushte shtëpie do të parandalonte përkeqësimin e tyre.

1. Uthulla e mollës trajton venat me variçe në sajë të aftësisë së saj për të eleminuar depozitat e kalciumit në enët e gjakut. Ajo që duhet të bëni është të masazhoni këmbët me uthull molle dhe brenda dy javësh do të vini re përmirësime.

2. Speci djegës. Përbërësi aktiv i specit djegës capsaicin, është një tjetër përforcues i qarkullimit të gjakut . Nëse vuani nga venat me variçe, provoni të bëni një paste nga përzierja e specit të kuq me lëngun e aloe veras dhe aplikojeni direkt në këmbët tuaj.

3. Hudhra redukton inflamacionin lidhur me venat me variçe. Ju mund të bëni një krem nga përzierja e hudhrës me karafil e pak alkool. Aplikojeni këtë krem në zonën e prekur nga variçet 4 herë në javë.

4. Majdanozi përmban shumë vitaminë C, vitamine e cila riparon venat dhe forcon kapilarët – strukturat që transportojnë gjakun në venat tuaja.