Categories
Receta

RECETA: Puding orizi, gatim i freskët e pasditeve verore

Një recetë që vjen nga Toskana, pudingu i orizit, një përbërje kremoze dhe perfekte për ditët e verës, është një alternativë e mirë krahasuar me ëmbëlsirat e paketuara që shpesh u japim fëmijëve. Me aromë të mirë dhe intensive, pudingu i orizit është i thjeshtë dhe i shpejtë për t’u përgatitur edhe kur kemi pak kohë për t’iu përkushtuar kuzhinës. Nëse jeni veganë, mund ta përgatisni edhe me qumësht vegjetal.

Përbërësit: 250 gr oriz integral, 500 ml qumësht, 100 gr rrush i thatë, 2 lugë gjelle mjaltë, 50 gr gjalpë, 2 lugë stika pishe, pak kripë, vaj ulliri, kanellë pluhur

Përgatitja: Lani orizin integral dhe vendoseni të ziejë në një tenxhere me 500 ml qumësht dhe 500 ml ujë. Ziejeni për 30 minuta. Vendosni rrushin e thatë të zbutet në një gotë me ujë. Kur orizi të jetë zier, hiqeni nga zjarri, shtoni rrushin e thatë të zbutur të cilit i keni kulluar ujin, stikat e pishës, gjalpin dhe kripën.

Përziejini mirë dhe shtoni mjaltin. Vazhdoni përzierjen derisa të përbërësit të homogjenizohen. Merrni format e budingut dhe lyejini me vaj ulliri. Shtoni në to budingun. Lërini të ftohen në temperaturë ambienti dhe më pas lërini në frigorifer për dy orë. Para se t’i shërbeni, spërkatini me kanellë.