Tag: receta

Categories
Receta

Fasule në furrë me piper të kuq, do bëhet e preferuara e këtij sezoni

Përbërësit: 4 gota fasule, ujë, 3 lugë vaj, 1 qepë e madhe, 2 speca të kuq djeges, kripë, piper, majdanoz i prerë hollë, 2 lugë spec i kuq.

Vendosni fasulet në një tenxhere ose tigan dhe mbulojini me ujë. Shtoni 3 lugë vaj, qepet dhe specat e kuq të thatë. Gatuajini fasulet për 1 orë e gjysëm deri në 2 orë në zjarr të mesëm. Ngrohni furrën në 200 gradë.

Kur fasulet të jenë bërë, në një tigan shtoni gjysmën e gotës së vajit dhe piperin e kuq në zjarr të mesëm. Trazojeni deri sa të miskohet tamam dhe piperi i kuq të jetë kombinuar me vajin.

Shtojeni këtë në tenxheren me fasulet dhe trazojeni mirë. Marinojeni me kripë dhe piper dhe lereni të vlojë për rreth 3 minuta. Të gjitha fasulet hidhini në një tavë të thellë dhe shtoni ujë deri sa të mbulohen fasulet.

Vendosni qepë dhe specin e kuq për dekor. Piqeni në furrë për 30 minuta. Lereni të piqet 15 minuta dhe shtoni majdanozin.

Uroj që kjo recetë t’ju ketë pëlqyer dhe ta provoni në shtëpitë tuaja. Nëse do e gatuani, pres sugjerimet dhe vërejtjet tuaja në komentet këtu ose me mesazh privat në faqet e mia zyrtare.

Categories
Receta

Ravioli të bëra në shtëpi me gjizë dhe spinaq – Receta e ditës

Për makaronat: 200 gr miell, 100 gr miell me krunde (miell i trashë), 3 vezë. Për mbushjen: 300 gr gjizë pa kripë, 400 gr spinaq të freskët, të grirë hollë, 6 lugë djathë kaçkavall të grirë, 1 vezë, kripë, piper i zi, 2 lugë gjelle gjalpë, 5-6 gjethe sherebele.

Për të përgatitur raviolit me gjizë dhe spinaq, fillimisht përgatisim brumin me vezë. Në tavolinën e punës ose në një tas të madh hedhim 2 llojet e miellit të situr, i hapim një gropë në mes dhe shtojmë vezët lehtësisht të rrahura me pirun.

E punojmë brumin fillimisht me gishta duke bashkuar avash avash vezët me miellin që gjendet rreth e qark derisa të formohet një top brumi të cilin e punojmë në tavolinën e lyer me miell për të paktën 10 minuta derisa të rezultojë elastik.

Në rast se brumi rezulton pak i fortë shtojmë 2 – 3 lugë ujë të ngrohtë apo në rast se rezulton pak i butë shtojmë edhe pak miell. E mbështjellim brumin me letër transparente dhe e lemë të pushojë për 1 orë në frigorifer.

Ndërkohë përgatisim mbushjen: Përziejmë në pak vaj ulliri spinaqin e pastruar dhe të grirë hollë, i vendosim kapakun dhe e lemë derisa të avullojë i gjithë uji. E transferojmë në një tas në të cilin shtojmë edhe gjizën, djathin kaçkavall të grirë, vezën, pak kripë e piper të zi duke i përzierë mirë.

E hedhim mbushjen në një qese pastiçerie dhe e lëmë mënjanë. Kur brumi të jetë gati e ndajmë në dy pjesë të barabarta dhe pjesën që nuk e përdorim e mbështjellim serish me letër transparente. Kjo për shkak se në kontakt me ajrin, brumi thahet dhe formon një kore të hollë e cila e prish lëmueshmërinë që duhet të kenë makaronat.

E vendosim gjysmën e brumit në tavolinën e punës të lyer me miell krundesh dhe e hapim në fillim me pëllëmbën e dorës më pas me okllai të lyer me pak miell në mënyrë që të mos ngjisë. Me ndihmën e një thike me majë të mprehtë, e presim brumin në drejtëkëndësha.

Vendosim një lugë të vogël mbushje me gjizë dhe spinaq në mes, i lyejmë anët me ujë dhe e palosim raviolin duke i shtypur mirë anët në mënyrë që të eleminojmë ajrin në brendësi dhe mbushja të mos dalë gjatë gatimit. I japim formë raviolit duke perdorur një rrotë të dhëmbëzuar për makarona.

Me një pjesë brumi duhet të dalin 8-10 ravioli. Procedojmë në të njëjtën mënyrë edhe me pjesën tjetër të brumit. Ndërkohë në një tigan shkrijmë gjalpin në zjarr të ulët dhe skuqim për 3-4 minuta gjethet e sherebelës.

Pasi të kemi përgatitur të gjithë raviolit, i ziejmë në ujë të bollshëm me kripë për 4 minuta, i kullojmë mirë dhe i vendosim nëpër pjata. Siper i spërkasim me gjalpin e aromatizuar me sherebelë dhe pak djathë kackavall të grirë. I sherbejmë menjëherë të dekoruara me ndonjë gjethe sherebele.

Categories
Receta

Rizoto me lakër të kuqe, recetë si kjo ndoshta nuk keni lexuar kurrë

Përbërësit për 2 racione: 200 gram lakër e kuqe, vaj ulliri, 1 qepë të vogël, të prerë imët, 2 lugë gjelle gjalpë, 160 gr oriz për rizoto, 1/4 gote verë të bardhë, 2 lugë djathë të grirë parmixhano, 700 ml lëng perimesh.

Përzijeni lakrën me pak vaj ulliri për rreth 15 min deri sa të zbutet. Më pas, kalojeni në mikser që të bëhet si krem. Përzijeni qepën me 1 lugë gjalpë sa të zbutet, shtoni orizin dhe gatuajeni për 1 minutë.

Shuajeni me verë dhe lëreni të avullojë. Shtoni pak lëng perimesh sa të mbulohet orizi. Lëngu duhet të jetë gjithë kohën i nxehtë dhe duhet shtuar pak nga pak.

Në mes të gatimit, shtoni kremin e lakrës dhe pak lëng. Kur orizi të jetë gati dhe të ketë akoma pak lëng e fikni zjarrin, shtoni 1 lugë gjelle gjalpë, djathin e përzieni dhe e mbyllni me kapak duke e lënë të pushojë 2 min para se ta shërbeni.

Do isha shumë e lumtur, nëse më tregoni se si do dalë kjo recetë për ju dhe familjet tuaja. Provojeni dhe pres përshtypjet tuaja me komente ose me një mesazh privat.

Faqet e mia zyrtare në rrjetet sociale janë me emrin tim në Facebook dhe Instagram. Ju bëftë mirë kjo recetë, nëse do e provoni thjesht se e keni lexuar këtu.

Categories
Këshilla

Hani hudhër me banane, prisni 15 minuta dhe mësoni çfarë i ndodh trupit

Ju duket e çuditshme kombinimi i bananes me hudhrën? Nëse i hani këto të dyja do të ndiheni perfekt dhe veçanërisht nëse keni dhimbje të fytit! Është më e mira për shëndetin tuaj!

Një nga simptomat kryesore të viruseve të dimrit është dhimbja e fytit, e cila zakonisht e vështirëson të folurin dhe gëlltitjen. Ju mund të tundoheni të vraponi menjëherë te mjeku juaj, por disa ilaçe shtëpiake shkojnë përtej veprimit të pilulave , vëren Jeff Ledgery, një mjek në Spitalin Brigham dhe Boston. Ndër të tjera, mund të provoni ilaçet e mëposhtme në shtëpi:

Hudhra: Me veprim të fortë antibakterial, hudhra ofron lehtësim të menjëhershëm nga dhimbja e fytit apo ndonjë infeksion i fytit. Mund të përtypni disa thelpinj hudhër të papërpunuar ose thjesht t’i shtoni në supën tuaj për të qëndruar të shëndetshëm. Përndryshe, hudhrën mund ta përdorni në pjata të ndryshme që gatuani.

Bananet kanë fituar një reputacion negativ në Indi kur bëhet fjalë për ftohjet dhe kollën. Shumë indianë shmangin ngrënien e bananeve bazuar në besimin se mund të shkaktojë ftohjen e zakonshme ose të përkeqësojë kollën.

E vërteta është se bananet janë të pasura me vitaminë C si rezultat i së cilës mbrojnë sistemin imunitar. Është gjithashtu i pasur me vitaminë B6 dhe minerale si kaliumi dhe kalciumi.

Duke qenë i butë nga natyra, është mjaft i lehtë për t’u gëlltitur. Uroj që ta provoni këtë sugjerim dhe të më tregoni se si ka rezultuar për shëndetin tuaj.

Categories
Lajme

Receta e ditës – Makarona me lakër dhe pançetë, një mrekulli e kuzhinës

Përbërësit: 4 feta pancetë proshutë, 1 qepë, 1 çerek koke lakër bardhë e grirë si për gjellë, 2 lugë gjelle vaj ulliri, 1 lugë gjelle gjalpe, pak fara finoku (opsionale), makarona tip fjongo ose guackash, kripë, piper i zi.

Në një tigan të madh me kapak, skuqni filimisht pançetën sa të bëhet disi kërce dhe pastaj e heqim nga tigani dhe e presim në copa të vogla.

Shtoni tek i njëjti tigan qepën e prerë për së gjati dhe skuqeni pak minuta me vajin e ullirit. Shtoni dhe e gatuani në zjarr mesatar duke e trazuar herë pas here derisa te zbutet. Nese gjella thahet shumë mund të shtoni pak ujë gjatë zierjes. Ideja është që copat e lakrës të karamelizohen pak.

Shtoni kripë e piper të zi.Kur të jetë pothuajse gati shtoni gjalpin. Ndërkohë që lakra gatuhet zieni makaronat. I kulloni dhe i bashkoni me lakrën, shtoni dhe pançetën.

Kur i shërbeni nëpër pjata mund të shtoni pak djathë kaçkavall. Urojmë që kjo recetë t’ju pëlqejë dhe ta provoni për familjet tuaja të paktën 1 herë në javë.

Nëse keni ndonjë sugjerim apo këshillë për këtë recetë që lexuat, bazuar te përvoja juaj, jeni të mirëpritur të komentoni. Mund edhe të shkruani mesazh në 2 faqet e mia zyrtare në rrjetet sociale Facebook dhe Instagram.

Categories
Receta

Kjo është receta më e mirë e lakrorit sipas amvisave nga Devolli

Lakrori është një recetë gatimi tradicionale shqiptare e Shqipërisë së mesme dhe të jugut. Në këtë recetë gatimi do mësoni si të përgatisni lakror Devolli (krahinë e Korçës). Kjo recetë shoqërohet me kos ose dhallë.

Përbërësit: 500 g miell, pak kripë, pak sodë buke, pak vaj, 2 qepë, 2 speca jeshilë dhe 3 domate mesatare. Mund të shtoni ndonjë detaj të vogël, sipas dëshirës.

Përgatitja: Zemë brumin dhe e lemë të pushojë 15 – 20 minuta. Bëjmë mbushjen sipas dëshirës ose si kam vepruar unë. Marim 2 qepë, 2 speca jeshilë, 3 domate mesatare.

I grijmë imët dhe skuqim qepën bashkë me to sa të fillojnë te zverdhen pastaj hedhim domatet, i skuqim dhe pak dhe i hedhim pak ujë, pak kripë dhe e lemë të ziejë rreth 20 minuta.

Marrim brumin, e ndajmë në dy pjesë, pjesa lart do pak më shumë brumë se do hapet peta më e madhe, hapim petën poshtë sa masa e tepsisë dhe e shtrojmë në tepsi të lyer me pak vaj, hedhim mbushjen pastaj hapim petën tjetër më të madhe në mënyrë që të mblidhet pak, e pjekim në furrë rreth 15 minuta.

Kur ta nxjerim nga furra ashtu të nxehtë e lyejm me gjalpë, pastaj e mbulojmë me një tepsi tjetër më të madhe në mënyrë qe avulli ta mbaj lakrorin të butë.

Categories
Receta

Receta: Patëllxhanë të mbushur me oriz dhe djathë, pjata perfekte për drekë

Përbërësit: 3 patëllxhanë (të mëdhenj), 100 gr salcë domatesh, 200 gr oriz, 2 gota ujë, 200 gr djathë i bardhë, 1 domate, kripë, piper, kopër, vaj ulliri, majdanoz.

Si fillim prisni përgjysmë patëllxhanët dhe u hiqni tulin. I vendosni në tavë pasi i keni lyer më parë me vaj ulliri, i rregulloni me kripë dhe i fusni në furrë.

Ndërkohë prisni tulin e patëllxhanëve në kubikë dhe i skuqni në tigan bashkë me qepën. Shtoni salcën e domateve, kripë dhe piper. I trazoni mirë. Tani shtoni orizin dhe ujin.

I lini për disa minuta dhe më pas i shtoni koprën dhe majdanozin. Mbushni patëllxhanët me masën që përgatitët dhe sipër i shtoni djathin e grirë dhe nga një fetë domate.

Vendosini në furrë për 30-40 minuta në temperaturë 180 gradë C. Uroj që kjo recetë t’ju pëlqejë. Nëse po, do isha shumë e lumtur nëse më dërgoni një foto ose përshtypje tuajën.

Nëse nuk ju pëlqen apo keni ndonjë kritikë, nuk ka problem. I mirëpres sugjerimet po vërejtjet tuaja, të cilat mund t’i bëni me koment ose me një mesazh privat në faqet e mia zyrtare.

Categories
Lajme

Mjaltë, uthull dhe limon: Receta perfekte e pastrimit nga toksinat

Toksinat na rrethojnë dhe na kërcënojnë rregullisht çdo ditë. Ato gjenden në ajër, ujin që pijmë dhe ushqimet që hamë dhe na rrezikojnë shëndetin në mënyrë të frikshme. Toksinat akumulohen në organizëm por kur arrijnë një nivel tepër të lartë, organizmi sëmuret.

Substancat ngjyruese, aromatike dhe ruajtëse të ushqimeve shkaktojnë shumë dëme dhe probleme si konstipacion, dhimbje muskulare, njolla në lëkurë, mjegullim të trurit, aroma e keqe e trupit, probleme me gjumin, mbipeshë, rënie të flokëve.

Në këtë artikull do të mësoni recetën e një lëngu krejt natyral me veti pastruese të gjakut dhe të gjithë organizmit nga toksinat. Përbërësit: 1 gotë ujë i vakët ose i ngrohtë, 2 lugë gjelle uthull molle, 2 lugë gjelle lëng limoni, 1 lugë çaji xhenxhefil të grirë, cerek luge çaji kanellë, 1 majë luge çaji spec djegës të kuq, 1 lugë çaji mjaltë.

Përgatitja: Hidhini të gjithë përbërësit në ujë dhe pijeni menjëherë. Përveç se pastron gjakun dhe organizmin nga toksinat, ky lëng ju jep gjallëri dhe energji të menjëhershme. Toksinat janë përgjegjëse jo vetëm për plogështinë, humorin e keq dhe fryrjen ndaj ky lëng ju shërben në disa fronte.

Uthulla e mollës ka aftësinë të përmirësojë metabolizmin dhe të pastrojë mëlçinë, gjakun dhe sistemin limfatik. Lëngu i limonit ka një efekt alkalin dhe rregullon nivelet e pehashit në organizëm. Ai luan jo vetëm një rol pastrues por i bën mirë edhe lëkurës për shkak të pranisë së vitaminës C.

Kanella, speci djegës dhe xhenxhefili, luftojnë inflamacionin dhe bëjnë mirë për rënien nga pesha. Mjalti nga ana tjetër shërben jo vetëm për ëmbëlsi por edhe e fuqizon trupin me antioksidantë që luajnë efekt mbrojtës afat-gjatë dhe të qëndrueshëm ndaj toksinave.

Categories
Receta

Supë e shëndetshme me avokado dhe shparguj – Receta për sot

1 lugë gjelle vaj ulliri ekstra të virgjër, 1 qepë të vogël të copëtuar imët, 200 gramë shparguj të copëtuar, 2 gota lëng perimesh, 1 avokado, lëngu i gjysmë limoni. Për dekor (opsionale): salcë kosi, barishte, shparguj.

Në një tigan të madh ngrohni vajin e ullirit. Shtoni qepën dhe gatuajeni atë mbi nxehtësi mesatare derisa të jetë e butë dhe e tejdukshme. Shtoni shpargujt dhe lëreni të gatuhet për 3 minuta.

Shtoni lëngun e perimeve dhë lërini të zihen edhe 10 minuta të tjera dhe më pas hiqeni tenxheren nga nxehtësia. Lejoni që supa të vijë në temperaturën e dhomës.

Shtoni supën, avokadon dhe lëngun e limonit në një blender dhe rrihini deri sa të bëhet një masë kremoze. Shtoni më shumë stok nëse është shumë i trashë.

Lëreni supën në frigorifer për të paktën një orë para se të shërbeni. Dekorojeni me salcë kosi, barishte sipas dëshirës. Uroj që kjo recetë t’ju pëlqejë.

Nëse keni sugjerime apo këshilla lidhur me këtë recetë apo receta të tjera të postuara në faqen time, i mirëpres me dëshirë. Mund të më shkruani edhe mesazhe në faqet e mia zyrtare.

Categories
Lajme

RECETA: Për mëngjes, bukë me vezë dhe perime në furrë

Përbërësit: 4-6 feta bukë të bardha, 6 kokrra vezë, 50 gram djathë i butë kaçkavall, 2 feta proshutë, 1 qepë të vogël, 50 gram mocarella, 1 spec i kuq, 1 tufë majdanoz i grirë imët, kripë dhe piper.

Në një tepsi shtrojmë letër pjekjeje dhe mbi tepsi vendosim fetat e bukës (pa kore) derisa të mbulojmë të gjithë bazën e tavës.

Në një tas vendosim 6 vezë të plota, shtojmë në të 1 qepë të vogël të prerë në kubikë të vegjël, 1 spec të kuq dhe 2 feta proshutë po ashtu në kubikë të vegjël.

Shtojmë 50 gramë mozzarella dhe 50 gram kackavall të butë që shkrin të grirë në rende hollë. Shtojmë në fund kripë dhe piper të zi. Të gjithë përbërësit në një tas i përziejmë mirë dhe i vendosim mbi bazën me bukë.

I nivelojmë mirë dhe vendosim tavën në furrë në temperaturë 180 gradë Celsius, për 45-50 minuta. Pasi e nxjerrim, nga furra e lëmë tavën t’i bjerë temperatura e lartë dhe e shëbejmë të vakët.

Ju bëftë mirë! Uroj që t’ju pëlqejë kjo recetë. Nëse keni ndonjë sugjerim apo këshillë, madje edhe kritikë, janë të gjitha të mirëpritura.