Categories
Këshilla

Shega është “mbretëresha e vjeshtës”, vlerat e jashtëzakonshme të saj

Janë të shumta vlerat e shegës. Ajo përmban taninë, sheqer, proteina, vitaminë C etj. Shega përmban pothuajse dy herë më shumë vitamin C se molla. Sipas Mjekësisë Kineze ngrënia e shegës në vjeshtë na ndihmon të ruajmë lëkurën nga i ftohti i dimrit.

Shega është një frut që është përdorur që nga koha e Hipokratit. Mjekësia tradicionale përdor lëkurën, gjethet dhe farat e saj për të luftuar diarrenë, dizenterinë kronike dhe plagët. Farat e pabëra përdoren për temperaturën, ndërsa të pjekurat për kollën.

Në Romën Antike, ajo ishte e njohur për cilësitë kozmetike të saj. Kleopatra përdorte lëngun e saj në fytyrë, në flokë dhe në thonj.
Shumë studime kanë vërtetuar se shega është një nga frutat më shëruese në botë për shkak të ndikimit të dobishëm në sistemin kardiovaskular, nervor dhe eshtëror.

Shkencëtarët konsiderojnë që ajo mund të reduktojë rrezikun nga sëmundjet e zemrës tek obezët me 17 për qind. Përveç dobive për zemrën dhe enët e gjakut, përbërësit e shegës pengojnë rritjen e kancerit të gjirit, prostatës, zorrës së trashë, leukemisë dhe parandalojnë ndryshimet të cilat nxisin rritjen e tumorit.

Shega është po ashtu e mbushur me vitaminë C dhe konsiderohet mjekim i shkëlqyeshëm kundër proceseve inflamatore. Shega i kthen elasticitetin lëkurës, duke luft uar njëkohësisht kundër ekzemave, psoriazës dhe lëkurës të djegur nga dielli.

Acidet yndyrore që përmban reduktojnë ënjtjet dhe dhimbjet e muskujve. Shega është e pasur me fitoestrogjene, të cilat lehtësojnë simptomat e menopauzës dhe paramenopauzës si djersitja gjatë natës.

Recete anti-plakje me shegë. Përbërësit: kokrrat e ½ shege. 1 lugë çaji me mjaltë. 4 lugë çaji me miell tërshëre. 2 lugë çaji vaj ulliri. Përgatitja:
Vendosini të gjithë përbërësit në blender dhe lërini të bëhet një masë kompakte. Këtë përbërje më pas vendoseni në fytyrë dhe lëreni të veprojë për 25 minuta. Në fund shpërlajeni fytyrën me ujë të ngrohtë.

Categories
Lajme

Shega, fruti i artë i vjeshtës që ndihmon për diabetin dhe zemrën

Shegët janë përdorur prej vitesh për përfitimet e tyre shëndetësore. Shkenca moderne ka gjetur se shegët mund të ndihmojnë në mirëqenien e zemrës dhe madje mund të parandalojë kancerin.

Shega është një frut i ëmbël, i thartë me lëkurë të trashë dhe të kuqe. Lëkura nuk është e ngrënshme, por ajo përmban qindra fara me lëng që mund t’i hani thjeshtë ose t’i shtrydhni. Shegët mund të kenë deri në tre herë më shumë antioksidantë sesa çaji jeshil ose vera e kuqe. Antioksidantët mbrojnë qelizat nga dëmtimet, parandalojnë sëmundjet, siç është kanceri dhe zvogëlojnë inflamacionin dhe efektet e plakjes. Për më tepër, përfitimet e tjera shëndetësore të shegëve përfshijnë sa vijon:

Shëndeti i zemrës: Studimet kanë sugjeruar se shegët mund të mbrojnë zemrën në shumë mënyra, duke përfshirë uljen e presionit të gjakut dhe uljen e niveleve të sheqerit në gjak.

Kontrolli i diabetit: Studimet fillestare kanë zbuluar se njerëzit me diabet të tipit 2 që filluan të pinë lëng shege treguan një përmirësim të rezistencës ndaj insulinës. Shegët gjithashtu mund të ndihmojnë njerëzit pa diabet të mbajnë një peshë të shëndetshme.

Ulja e rrezikut të kancerit: Shegët janë të pasura me antioksidantë dhe flavonoide, që të dy dihet se parandalojnë radikalet e lira që dëmtojnë qelizat. Në disa studime, shegët tregojnë potencialin të jenë efektive në parandalimin e kancerit të prostatës, gjirit, mushkërive dhe zorrës së trashë.

Për më tepër, studimet paraklinike mbi kafshët kanë treguar se ngrënia e shegës mund të pengojë rritjen e tumoreve të mushkërive, lëkurës, zorrës së trashë dhe prostatës. Por sigurisht, nevojiten më shumë kërkime për të kuptuar efektet tek njerëzit.

Categories
Lajme

Kura me lëkurën e shegës për gastritin dhe diarrenë (si përgatitet)

Me afrimin e stinëve të ftohta, organizmi është i pari që vëren ndryshimet. E në veçanti stomaku i cili ndjen menjëherë të ftohtin duke shkaktuar kështu dhimbje të mëdha. Personat që kanë probleme të vazhdueshme me këtë organ me siguri e kanë parasysh shtimin e dhimbjeve gjatë kësaj periudhe.

Në të gjithë morinë e kurave, mediakamenteve apo ushtrimeve masazhuese për të parandaluar këtë dhimbje, zgjidhjet natyrale janë më të dobishmet e të preferuarat. Për këtë arsye në këtë artikull ju shpjegojmë se si të kuroni dhimbjet e forta të stomakut me një frut shumë të dashur të vjeshtës. Shega mund të përdoret si një kurë natyrale mjekësore për të shpëtuar nga ky problem e veçanërisht lëkura e saj. Ndiqeni më poshtë përgatitjen e saj në shtëpitë tuaja sipas këshillave.

Si të përgatisni kurën – Megjithëse kur mendoni shegën e para që ju kujtohet është shija e mirë e kokrriza të saj apo ngjyra e mrekullueshme vishnje, edhe lëkura e saj nuk mbetet pas. Pavarësisht se konsiderohet një barrë për t’u hequr sa herë që doni të konsumoni një shegë, që sot shegën do ta përdorni me çdo pjesë të saj. Lëkura e shegës ju ndihmon me një sërë sëmundjesh dhe dhimbjesh duke filluar që nga diarreja deri tek dhimbjet e stomakut.

Për dhimbjet e stomakut – Nëse keni kriza të mëdha barku, vuani nga ulçera apo thjesht dhimbje stomaku, drejtohuni nga lëkurët e shegëve. Ato mund t’ju lirojnë nga të gjithë këto dhimbje shumë lehtë vetëm me disa përgatitje të vogla. Mjafton të zieni 200 ml ujë bashkë me 10-20 gr lëkurë shege të thatë e më pas hiqeni nga zjarri. Lëreni ashtu të pushojë për 30 minuta derisa të formohet një lloj lëngu dhe konsumojeni të ngrohtë. Këtë proces mund ta përsërisni disa herë radhas ose derisa dhimbjet e stomakut të pushojnë.

Për gastritin – Gastriti njihet si një nga sëmundjet më të bezdisshme të stomakut dhe gjithashtu si një nga më të përhapurat. Për t’i bërë ballë kësaj gjendje mund të përdorni kombinimet e çajrave me lëkurë shege. Mjafton të përgatisni sërish pak çaj me lëkurë shege, të kulloni ujin dhe ta konsumoni atë menjëherë.

Një mënyrë tjetër është edhe ajo e përzierjes së këtij çaji me pak qumësht apo mjaltë. Kështu stomaku juaj od të gjejë qetësi në një kohë fare të shkurtër. Të njëjtin trajtim mund ta përdorni edhe për dhimbje apo gjendje të tjera të stomakut në çdo kohë.

Për diarrenë – Pa dyshim një ndër dhimbjet më të zakonshme të stomakut që prek çdo moshë pa u kursyer nëse nuk jeni të kujdesshëm. Për të ndaluan diarrenë mjafton të grini 15 gr lëkurë shege dhe 10 gr arrë moskat dhe t’i zieni në formën e një çaji. Në një tenxhere hidhni dy gota ujë rreth 500 ml, bashkë me pluhurin e arrës moskat dhe lëkurën e grirë të shegës. Lërini të ziejnë për disa minuta derisa uji që ndodhet në tenxhere të shterojë deri në gjysmën e tij. Më pas kullojeni çajin tuaj dhe konsumojeni një herë në ditë në varësi të zgjatjes së problemit.

Categories
Lajme

Shurupi i shegës forcon imunitetin dhe lufton plakjen, mësoni si ta përgatisni

Shega është një frut që përputhet shumë mirë me gatime të ndryshme në kuzhinë. Përveç pasurisë së saj të vitaminave, mineraleve dhe antioksidantëve, kokrrat e saj të kuqe mund të jenë një element fantastik i sallatave të shëndetshme me perime.

Shega mund të shoqërojë tërshërën për mëngjes, ose të kombinohet me kos. Lëngu i saj ka vlera të jashtëzakonshme për organizmin e njeriut.

Si ta përgatisni në shtëpi – Shurupi i shegës është një mënyrë shumë e mirë për të marrë më të mirat e këtij fruti dhe për ta përdorur më lehtë në shumë receta gatimi. Shurupi është i trashë, i ëmbël dhe i jep aromë fantastike shumë recetave. Ngjyra e tij është e kuqe me nuancë të kafenjtë.

Shurupi shkon shumë në sallata dhe për marinimin e mishit dhe peshkut. Ky shurup përgatitet shumë lehtë në shtëpi. Mjafton të zieni lëngun e shegës me sheqer dhe lëng limoni për një orë.

Përbërësit: 4 filxhanë çaji lëng shege, 2 filxhanë çaji sheqer, lëngu i një limoni mesatar

Përgatitja: Qëroni shegët dhe nxirrni kokrrat e kuqe si rubini. Shtrydhini ato që të përfitoni 4 filxhanë çaji lëng. Kjo sasi përfitohet duke shtrydhur gjashtë deri në shtatë shegë. Vendoseni tenxheren në zjarr dhe në të hidhni lëngun e shegës, sheqerin dhe lëngun e limonit.

Kur lëngu të marrë valë, uleni zjarrin në nivel mesatar. Më pas lëreni shurupin të ziejë për rreth një orë pa e mbuluar tenxheren me kapak. Herë pas here përziejeni me lugë druri që të pengoni ngjitjen e sheqerit në fund të tenxheres. Kur lëngu të trashet mjaftueshëm, hiqeni tenxheren nga zjarri dhe lëreni të ftohet për 30 minuta. Shurupin futeni në një kavanoz qelqi dhe ruajeni në frigorifer për deri në 6 muaj.

Cilat janë përfitimet e lëngut të shegës pë organizmin tonë?

Lëngu i shegës përmirëson shëndetin e zemrës Lëngu i shegës ka një ndikim të jashtëzakonshëm në shëndetin e njeriut, por kur vjen puna tek zemra ai është i mrekullueshëm. Vitaminat dhe mineralet ndihmojnë elasticitetin e arterieve dhe ulin inflamacionin në enët e gjakut.

Lëngu i shegës zvogëlon impaktin e aterosklerozës, që është një nga shkaktarët kryesorë të sëmundjeve të zemrës. Ai ul rrezikun e bllokimit të arterieve që pengon qarkullimin e gjakut në zemër dhe në tru. Me fjalë të tjera, lëngu i shegës e mbron zemrën nga bllokime të padëshirueshme. Ai ul nivelin e kolesterolit të keq dhe rrit nivelin e atij të mirë.

Lëngu i shegës forcon imunitetin

Lëngu i shegës ka vlera të fuqishme kundër baktereve dhe mikrobeve që e bën atë një aleat të fortë të sistemit imunitar. Substancat fantastike që përmban lëngu i shegës luftojnë bakteret dhe mikrobet që kryesisht gjenden në gojë dhe shkaktojnë kavitet dhe infeksione të ndryshme.

Lëngu i shegës kundër plakjes

Një ushqimi i pasur me lëng shege ndihmon në ngadalësimin e proçesit të plakjes duke zvogëluar rrudhat të cilat shkaktohen nga ekspozimi i vazhdueshëm në diell. Lëngu i shegës gjithashtu ndihmon në rigjenerimin e qelizave të lëkurës dhe parandalon pigmentimin e tepërt dhe shfaqjen e njollave në lëkurë.

Lëngu i shegës përmirëson lëkurën

Lëngu i shegës rrit prodhimin e kolagjenit dhe elastinës që tendosin lëkurën dhe parandalojnë formimin e rrudhave në fytyrë. Kolagjeni dhe elastina janë të domosdoshme për një lëkurë të mirë, të pastër, të tendosur dhe pa rrudha. Sipas informacioneve të AgroWeb.org, kur fibrat e kolagjenit dhe elastinës dobësohen, lëkura varet dhe humbet forcën e saj. Nëse pini një lëng shege në ditë do të keni një tonalitet lëkure të jashtëzakonshëm.

Lëngu i shegës dhe shtatzënia

Lëngu i shegës është jashtëzakonisht me vlera për femrat shtatzëna. Është një burim i pashtershëm vitaminash dhe mineralesh, përfshirë acidin folik që është një element thelbësor për një dietë të pasur të nevojshme gjatë shtatzanisë. Vlerat anti-inflamatore të lëngut të shegës sigurojnë një qarkullim të mirë të gjakut që është thelbësor për zhvillimin e përgjithshëm të fetusit. Lëngu i shegës kundër rënies së flokëve Nëse pini lëng shege rregullisht, do të keni flokë të fortë dhe plot shkëlqim. Substancat që gjenden tek shega parandalojnë rënien e flokëve dhe u japin atyre shëndetin dhe shkëlqimin e munguar. Dhe mbi të gjitha, nëse konsumoni shegë dhe lëng shege, kujtohuni që po i bëni organizmit tuaj një nga mirësitë më të mëdha.

Categories
Lajme

Provojini një herë: Këto 5 lëngje do t’ju ndihmojnë të humbni peshë

Sa më i nxehtë të jetë moti, aq më shumë kërkojmë diçka freskuese. Ndryshe nga shumica e lëngjeve të paketuara, që përmbajnë sasi të mëdha sheqeri, shumë pije shtëpiake mund të t’ju ndihmojnë, dhe nëse ndiqni një dietë, atëherë do ta bëjnë procesin pak më të lehtë.

Lëngu i shegës – Shegët janë të pasura me polifenole dhe vitaminë C. Ky lëng jo vetëm që na ndihmon të kemi një sistem të fortë imunitar, por gjithashtu mund të na mbrojë nga pesha e tepërt. Sipas studimeve, shega rregullon sheqerin në gjak, i cili gjithashtu zvogëlon ndjenjën e urisë.

Lëng shalqini – Merrni shumë përfitime kur konsumoni shalqi: Nga rikuperimi më i shpejtë i trupit dhe muskujve pas ushtrimeve intensive, deri te hidratimi i thellë, pasi shalqini përbëhet nga 92 përqind ujë. Nëse konsumoni lëng shalqini, jo vetëm që do të ndiheni më të hidratuar por dhe më të ngopur.

Lakra dhe lëngu i mollës – Lakra kale gjen vend në sallata. Por nëse nuk iu pëlqen ta konsumoni në këtë formë, mund ta bëni lëng. Së bashku me një mollë, do të ruani një ekuilibër perfekt.

Lëngu i selinos – Dietologët pohojnë se lëngu i selinos ka shumë pak kaloi dhe është një zgjedhje ideale për dietat. Ky lëng është gjithasht ideale për smoothie-n gjallërues të përditshëm.

Lëngu i kumbullës së thatë – Nëse po kërkoni të largoni ndjenjën e fryrjes, ky lëng është zgjidhja. Një studim tregoi se kumbullat e thata ndihmuan njerëzit mbipeshë të humbnin kilogramë duke krijuar ndjesinë e ngopjes.

Categories
Këshilla

Shega e jashtëzakonshme, ka efekte të panumërta për shëndetin

Sheget jane nje nga frutat me te shendetshme ne Toke. Studimet kane treguar qe ato sjellin shume benefite shendetesore, sidomos ne reduktimin e rrezikut per shfaqjen e semundjeve te ndryshme.
Me poshte do te gjeni disa perfitimet shendetesore te shegeve:

-Sheget jane te pasura me vlera ushqyese shume te rendesishem. Por gjithashtu eshte nje frut shume i embel, pasi nje kupe permban 24 gr sheqer dhe 144 kalori. Sheget permbajne perberje me veti te fuqishme medicinale. Sheget kane ne permbajtje substanca unike qe jane pergjegjese per shume nga benefitet shendetesore qe shega sjell.

Sheget kane veti impresive anti-inflamtore – Inflamacioni kronik eshte nje nga shkaqet qe con ne shfaqjen e shume semundjeve kronike. Kjo perfshin: semundjet e zemres, kan cerin, tipin 2 te diabetit, semu ndjen Alzheimer dhe madje edhe obezitetin.

Sheget gjithashtu mund te sjellin benefite edhe per personat e prekur nga kan ceri i gjirit – Kan ceri i gjirit eshte nje llojet qe prek me se shumti femrat. Ekstrakti i sheges mund te ndaloje riprodhimin e qelizave kancerogjene. Megjithate, provat per momentin jane te limituara ne studimet laboratorike. Me shume studime jane te nevojshme.

Sheget mund te ulin presionin e gjakut – Presioni i larte i gjakut (Hipertensioni) eshte nje nga shkaqet qe con ne infarktet e zemres dhe goditjet. Ne nje studim, njerezit me hipertension kishin nje reduktim te dukshem te presionit te gjakut pasi kishin konsumuar 150 ml leng shege ( te fresket) cdo dite per dy jave. Studime te tjera kane gjetur efekte te ngjashme, sidomos per presionin sistolik te gjakut.

-Sheget ndihmojne për  artritin dhe dhim bjes se nyjeve
Artriti eshte nje nga problemet shendetesore me te perhapura ne shtetet perendimore. Ka shume lloje, por shumica perfshijne disa forma inflamacioni ne nyje.

Per shkak se perberjet bimore ne shege kane efekte anti-inflamatore, ato mund te ndihmojne ne trajtimin e artritit. Interesante eshte fakti qe ka disa studime laboratorike qe sugjerojne qe ekstrakti i sheges mund te bllokoje enzimat qe njihen qe demtojne nyjet te njerezit me osteoartrit. Ky estrakt ka treguar gjithashtu qe lehteson artritin te minjte, por provat e testuara te njerezit jane shume te limituara deri tani.

Lengu i sheges mund te ule rrez ikun per semu ndjen e zemres
Semu ndjet e zemres jane shkaku me i zakonshem per vde kjet e parakohshme kudo ne bote. Nje semundje e komplikuar, qe ka shume faktore te ndryshem.

Acidi Puninik, acidi yndyror kryesor te sheget , mund t’ju mbroje nga sem undjet e zemres ne shume hapa te procesit te shfaqjes se tyre. Ne nje studim 4-javor te 51 njerez me nivele te larta trigliceridesh treguan qe rreth 800 mg vaj te farave te sheges cdo dite, uli ne menyre te konsiderueshme trigliceridet dhe permiresoi raportin trigliceride-HDL.

Nje tjeter studim pa efektet e lengut te sheges te njerezit me tipin 2 te diabetit dhe kolesterolin e larte. Ata pane reduktim te dukshem ne kolesterolin e keq “LDL”, si dhe permiresime te tjera. Ne fund, nje analize kerkimore doli ne perfundimin qe lengu i sheges redukton presionin e larte te gjakut, i cili eshte nje nga faktoret kryesore qe cojne ne shfaqjen e semu ndjeve te zemres.

Sheget ndihmojne ne luf timin ndaj infeksioneve bakteriale dhe fungale
Perberjet bimore ne shege mund te ndihmojne ne luftimin e mikroorganizmave te demshem. Per shembull, ato kane treguar qe mund te “mposhtin” disa lloje bakteriesh si edhe majane e Candida albicans. Efektet anti-bakteriale dhe anti-fungale mund t’ju mbrojne kundrejt infeksioneve dhe inflamacioneve ne goje.

-Sheget mund t’ju ndihmojne ne permiresimin e memories
Ka disa prova qe sheget mund te permiresojne kujtesen. Nje studim te pacientet qe kishin bere operacion, zbuloi qe 2 gr ekstrakt shege parandalonte deficitet ne memorie pas kirurgjise. Nje tjeter studim te te rriturit 28 vjecar me ankesa lidhur me memorien zbuloi qe 237 ml leng shege cdo dite, permiresoi dukshem memorien verbale dhe vizuale.

Categories
Këshilla

Këshilla: Si të ruani shegën dhe lëngun e saj në ngrirje

Shega është një frut i mrekullueshëm dhe plot vlera për shëndetin e njeriut. Ajo duhet konsumuar rregullisht gjatë gjithë vitit por fatkeqësisht stina e shegës nuk zgjat shumë.

Mënyra më e mirë për të përfituar vlerat e shkëlqyera të shegës është që ta ruani atë në ngrirje. Metodën e duhur mund ta mësoni duke lexuar më poshtë në këtë artikull.

Si të ruani shegën në ngrirje – Në fillim duhet të zgjidhni frutat që kanë një lëkurë me ngjyrë të kuqe të errët dhe peshojnë. Ndajeni shegën në dysh dhe nxirrni kokrrat e saj si rubinë të kuq. Kokrrat e kuqe hidhini në një tas dhe më pas përgatituni për t’i futur në ngrirje.

Metoda e parë është të përdorni enën e akullit dhe t’i fusni kokrrat në kubikët e vegjël e më pas në ngrirje. Metoda e dytë është që të vendosni një shtresë me kokrra në një letër kuzhine dhe ta fusni në ngrirje. Pasi të jenë ngrirë kokrrizat, futini në qese plastike që mbyllen me zinxhir dhe më pas futini sërish në ngrirje. Këto metoda do të garantojnë që kokrrizat të mos ngjiten me njëra tjetrën.

Si të ruani lëngun e shegës në ngrirje

Shtrydheni shegën dhe lëngun hidheni në kubikët e akullit e më pas futeni në ngrirje. Copat e ngrira më pas futini në qese duke u siguruar se në të do të ketë sa më pak akull. Qesen futeni sërish në ngrirje. Kur të përgatisni lëngje të ndryshme frutash dhe perimesh mjafton të merrni një ose dy kubë me lëngun e ngrirë të shegës dhe të merrni lverat e duhura.

Për ata që janë të shqetësuar se ngrirja mund të ndikojë në përmbajtjen e antioksidantëve, ekspertët thonë se nivelet e tyre bien në total me 50 përqind si pasojë e ngrirjes. Kjo automatikisht nxjerr në pah rëndësinë e shegës së freskët, por fundja e fundit , sërish 50% antioksidantë është prapë më mirë se zero, ndaj përpiquni të ruani sa më shumë shegë për gjithë vitin.

Categories
Lajme

Frut i fertilitetit, lëngu i shegës bën mrekulli për shëndetin

Shega me farat e saj të kuqe si rubin është një frut shumë i vlefshëm për organizmin e njeriut. Ajo është konsideruar si frut i fertilitetit. Lëngu i shegës përmban mesatarisht 12% sheqer, acide organike, pektinë, vitaminë C etj. Lëngu dhe vaji i nxjerrë nga farat e shegës është një antioksidant i fuqishëm.

Vetëm 30 minuta pas marrjes së lëngut të shegës aktiviteti ynë rritet me 32%. Lëngu i shegës shuan etjen, nxit oreksin dhe përmirëson tretjen e ushqimeve. Ai përdoret me sukses në sëmundjet e stomakut dhe të zorrëve, është freskues dhe mënjanon helmet e organizmit. Lëngu i shegës jep rezultate në luftimin e parazitëve që zhvillohen në zorrë.

Lulet e shegës përmbajnë taninë dhe kanë veti rrudhëse e tonike; ato rekomandohen në dhimbjet e barkut, në hemorragji, në hemorroidet, si dhe për gargara të gojës, kundër ënjtjes së bajameve dhe acarimeve të mishrave të dhëmbëve.

Categories
Këshilla

Keni vendosur të lini duhanin? Këto ushqime ju ndihmojnë për të pastruar trupin nga nikotina

Keni vendosur të lini duhanin? E dimë që nuk është aq e thjeshtë, por këto ushqime mund t’ju ndihmojnë për të pastruar trupin tuaj nga nikotina.

1. Brokoli përmban nivel të lartë të vitaminës B5 dhe C. Vitamina B është përgjegjëse për rregullimin e shumë proceseve të rëndësishme të trupit të njeriut. Konsumimi i brokolit mban mushkëritë të mbrojtura nga toksina.

2. Portokalli përmban vitaminën C. Ky frutë mund të reduktojë stresin dhe ankthin e shkaktuar nga dëshira për nikotinë.

3. Spinaqi përmban acid folik dhe vitaminë B9, që janë të njohura për heqjen e nikotinës nga trupi. Acidi folik ndihmon për të luftuar simptomat e varësisë ndaj nikotinës dhe gjithashtu luan një rol jetik në mirëqenien emocionale dhe mendore.

4. Xhenxhefil ndihmon për të larguar shumë simptoma të padëshiruara, të cilat shkaktohen nga pirja e duhanit dhe nikotinës.

5. Boronica e kuqe – Acidi që përmban boronica e kuqe ndihmon nikotinën të zhduket nga gjaku juaj, më shpejt sesa mund të pastrohet normalisht. Nikotina rrit gjithashtu nivelin e sheqerit në gjak dhe konsumimi i boronicës mund të heqë dëshirën për të pirë duhan.

6. Limoni është një tjetër armë e fuqishme që lufton nikotinën. Qelizat e dëmtuara të lëkurës suaj dhe poreve mund të rikuperohen nga konsumimi i limonit.

7. Karotat përmbajnë vitaminë A dhe C dhe këto t’ju ndihmojnë të forconi trupin tuaj, për shkak se nikotina e dobëson atë.

8. Shega – Pirja e duhanit ngre rrahjet e zemrës, presionin e gjakut dhe zvogëlon nivelin e oksigjenit. Konsumimi i shegës ndihmon në përmirësimin e qarkullimit të gjakut dhe ndihmon trupin të prodhojë qeliza më të kuqe të gjakut.

9. Embrioni i grurit – Pirja e duhanit mund të shtrëngojë enët e gjakut. Për këtë arsye, nëse konsumoni embrionin e grurit, do të merrni mjaftueshëm vitamina E, për të përmirësuar elasticitetin e sistemit të qarkullimit. Gjithashtu ai zvogëlon rreziqet e zhvillimit të sëmundjeve të zemrës.

10. Lakra jeshile njihet si një ndër ushqimet më të shëndetshme dhe sa më shumë ta konsumoni aq më pak jeni të rrezikuar të prekeni nga kanceri. Lakra do t’ju ndihmojë të largoni gradualisht nikotinën nga trupi.

Categories
Shëndeti

Këshilla e doktorit. Forconi imunitetin tuaj duke konsumuar këto 3 gjëra çdo ditë

Gjithçka që është e nevojshme për ndërtimin e imunitetit të fortë gjendet në këto ushqime. Ekzistojnë lloje “të panumërta” të baktereve në sistemin tonë të tretjes, dhe nutricionistët thonë se duhet t’u kushtoni vëmendje të veçantë ushqimeve që i përshtaten njërit prej tyre, dhe ky është bakteri akkermansia muciniphila.

Ky bakter është shumë i rëndësishëm në ruajtjen e shëndetit të të gjithë organizmit, veçanërisht të shëndetit të mukozës, e cila është një pengesë midis sistemit tonë të tretjes dhe pjesës tjetër të organizmit. Kur mukoza është e shëndetshme, nuk ka rrezik nga bakteret dhe grimcat e patretura të ushqimit dhe nga arritja e tyre në gjak.

“Tre artikuj të cilët janë kryesorë për zhvillim të shëndetshëm të këtyre baktereve janë çaji i gjelbër, shega dhe belushi”, zbuloi Dr. Mark Hyman.

“Secili nga këta artikuj është i pasur me fitokimikate, përmbajnë tanin, flavonole, antocianinë, të cilat kanë veprim të shkëlqyeshëm antioksidues.

Shega gjithashtu përmban fibra probiotike, ndërsa çaji jeshil dhe boronicat përmbajnë antioksidantë”. Antioksidantët janë molekula të cilat gjenden në trupin tonë dhe janë linja e parë e mbrojtjes së organizmit, ndërsa kanë rol kryesor në mbrojtjen e trupit nga radikalet e lira.

Propozimi i mjekut është që për kafjall të hani qull tërshëre me shtesa belushi dhe shege dhe bashkë me të të pini një filxhan çaj jeshil. Në këtë mënyrë turpit do t’i siguroni të gjitha materiet e domosdoshme për forcim të sistemit të imunitetit.