Categories
Lajme

A po vjen kriza botërore e ushqimit? Nëse keni durim për të lexuar, ky artikull është për ju

Kjo që po ndodh në Ukrainë do të sjellë probleme të mëdha në furnizimin global dhe koston e ushqimit, ka thënë shefi i një prej kompanive më të mëdha të plehrave në botë.

Yara International, e cila operon në më shumë se 60 vende, blen sasi të konsiderueshme të lëndëve të para nga Rusia. Çmimet e plehrave tashmë ishin të larta, për shkak të rritjes së çmimeve të gazit me shumicë.

Shefi i Yara, Svein Tore Holsether, ka paralajmëruar se situata mund të bëhet edhe më e keqe. “Gjërat ndryshojnë nga ora në orë”, tha ai për BBC.

“Ne ishim tashmë në një situatë të vështirë para 18 shkurti dhe tani është një ndërprerje shtesë në zinxhirët e furnizimit dhe po i afrohemi pjesës më të rëndësishme të këtij sezoni për hemisferën veriore, ku duhet të lëvizin shumë plehra kimikë dhe Ukraina ka shumë të ngjarrë të ndikojë negativisht”.

Rusia dhe Ukraina janë dy nga prodhuesit më të mëdhenj të prodhimeve bujqësore dhe ushqimore në nivel global. Rusia prodhon gjithashtu sasi të mëdha të lëndëve ushqyese për bimët, si potasi dhe fosfati – përbërës kryesorë në plehra, të cilët u mundësojnë bimëve dhe kulturave të rriten.

“Gjysma e popullsisë së botës merr ushqim si rezultat i plehrave… dhe nëse kjo mungon për disa kultura, [rendimenti] do të bjerë me 50%,” tha Holsether. “Për mua, nuk është çështja nëse po kalojmë në një krizë globale ushqimore, pyetja është se sa e madhe do të jetë kriza.”

Kompania me bazë në Norvegji nuk është e prekur drejtpërdrejt nga sanksionet kundër Rusisë, por duhet të përballet me vështirësi. Përpjekja për të siguruar dërgesat është bërë më e vështirë për shkak të ndërprerjes në industrinë e transportit.

Vetëm disa orë pasi Holsether foli për BBC, qeveria ruse u kërkoi prodhuesve të saj të ndalonin eksportet e plehrave. Ai vuri në dukje se rreth një e katërta e lëndëve ushqyese kryesore të përdorura në prodhimin e ushqimit evropian vijnë nga Rusia.

“Në të njëjtën kohë ne po bëjmë gjithçka që mundemi të bëjmë në këtë moment për të gjetur gjithashtu burime shtesë. Por me afate kaq të shkurtra kohore është e kufizuar”, tha ai përpara se të dilte lajmi.

Analistët kanë paralajmëruar gjithashtu se masa do të nënkuptonte kosto më të larta për fermerët dhe rendimente më të ulëta të të korrave. Kjo mund të çojë në kosto edhe më të larta të ushqimit.

Ushqyesit nuk janë gjithashtu i vetmi faktor që duhet marrë parasysh. Sasi të mëdha gazi natyror nevojiten për të prodhuar amoniak, përbërësin kryesor në plehrat azotike. Yara International mbështetet në sasi të mëdha gazi rus për uzinat e saj evropiane.

Vitin e kaluar, ajo u detyrua të pezullojë përkohësisht prodhimin e rreth 40% të kapacitetit të saj në Evropë për shkak të rritjes së çmimit të gazit. Prodhuesit e tjerë gjithashtu shkurtuan furnizimet.

E kombinuar me tarifat më të larta të transportit, sanksionet ndaj Bjellorusisë (një tjetër furnizues i madh i potasit) dhe moti ekstrem – kjo shkaktoi një rritje të madhe të çmimeve të plehrave vitin e kaluar, duke shtuar një rritje të çmimeve të ushqimeve.

Kompania thotë se po bën vlerësime të përditshme se si të ruajë furnizimin dhe se është shumë herët për të thënë diçka fikse pasi nuk dihet me siguri se çfarë do të ndodhë ditën në vijim.

Ajo pranon se ka një “detyrim shumë të fortë” për të mbajtur prodhimin në punë në atë që e përshkruan si një pikë kritike. Por shefi i Yara thotë se bota duhet, në planin afatgjatë, të zvogëlojë varësinë e saj nga Rusia për prodhimin e ushqimit.

“Nga njëra anë, ne po përpiqemi të mbajmë të paprekur furnizimin për tek fermerët me plehra për të mbajtur të larta rendimentet bujqësore, në të njëjtën kohë…duhet të ketë një reagim të forte ndaj pushtimit ushtarak të Ukrainës”.

Ndryshimet klimatike dhe popullsia në rritje i kishin shtuar tashmë sfidat me të cilat përballet sistemi global i prodhimit të ushqimit. Shefi ekzekutiv i Yara International e përshkruan luftën si “një katastrofë mbi një katastrofë”, duke theksuar se sa i cenueshëm ndaj goditjeve është tani zinxhiri global i furnizimit me ushqime.

“Do të rrisë pasigurinë ushqimore në vendet më të varfra”, shton ai. “Duhet të kemi parasysh se në dy vitet e fundit, ka pasur një rritje prej 100 milionë më shumë njerëzve që shkojnë në shtrat të uritur… kështu që kjo të vijë në krye të saj është vërtet shqetësuese”.

Categories
Shëndeti

Nëse do të humbësh ca kile, kjo është receta ideale e mëngjesit

Është vakti më i rëndësishëm i ditës dhe shumë dietologë thonë se është edhe vakti që braktiset më tepër. Por të braktisësh mëngjesin nëse do të biesh nga pesha është vendimi më i gabuar që mund të marrësh. Metabolizmi ka nevojë për të djegur yndyrën dhe për të ushqyer muskujt dhe një ditë e mirë dhe e shëndetshme duhet të nisë me një mëngjes të shëndetshëm. Këtu janë disa arsye pse duhet ta nisësh mëngjesin me tërshërë.

Të mban të ngopur – Sipas një studimi nga Kolegji Amerikan i Nutricionistëve, tërshëra ishte e para në grupin e drithërave që krijonin një gjendje të ngopuri. Të gjithë njerëzit që hëngrën tërshërë në mëngjes ishin më pak të uritur se pjesa tjetër që hëngrën drithëra të tjera. Të dyja grupet kishin një mëngjes me 363 kalori, por grupi që hëngri tërshërë e shtynë më vonë vaktin e drekës, meqë nuk kishin uri.

Përmban më pak sheqer – Në krahasim me të gjitha drithërat, tërshëra ka një përmbajtje më të ulët të sheqerit. Megjithatë, tërshëra bëhet shumë e shijshme duke i shtuar kos dhe fruta për ta bërë mëngjesin edhe më të shëndetshëm dhe me përmbajtje sheqeri të ulët.

Është e pasur me fibra – Një dietë e pasur me fibra mund të të ndihmojë të biesh nga pesha, sepse të mban në gjendje të ngopur. Vetëm një gjysmë filxhani me tërshërë përmban katër gram fibra. Pra, një sasi e mjaftueshme që të mos të ndiesh uri deri në drekë.

Është një ushqim me pak kalori – Tërshëra është e njohur si një ushqim që ka pak kalori dhe yndyra. Mjafton vetëm një gjysmë filxhani çaji, i cili përmban 150 kalori dhe 3 gram yndyrë. Prandaj, edhe veten do ta ndiesh më të lehtë nëse çdo ditë e nis me tërshërë.

Është e pasur me proteina – Duke e përzier tërshërën me qumësht çdo mëngjes, mund t’i shtosh proteinat vaktit. Proteinat, janë një pjesë vitale nëse do të humbasësh peshë, sepse ato të ndihmojnë të ndihesh gjithmonë e ngopur.

Ndihmon diebetikët – Nëse do të biesh nga pesha, por ke ndjeshmëri të lartë ndaj glukozës, tërshëra është zgjedhja e duhur për dietën. Studimet thonë se njerëzit që vuajnë nga diabeti mund të hanë pa frikë tërshërë dhe të ndihen edhe më të shëndetshëm pa pasur probleme.

Të jep energji – Kjo është një ndër arsyet themelore pse njerëzit janë të dashuruar me tërshërën dhe e konsumojnë atë sidomos në mëngjes. E pasur me proteina dhe fibra, një mëngjes me tërshërë do të të japë të gjithë energjinë që do të të duhet përgjatë gjithë ditës.

Forcon sistemin imunitar – Nëse je e ndjeshme ndaj ndryshimeve të temperaturave, është e thjeshtë të ndërpresësh aktivitetin fizik dhe të fillosh të hash ushqime të pashëndetshme. Për fat të mirë, tërshëra përmban beta-gluten, mjaft i rëndësishëm për të forcuar sistemin imunitar, duke ndikuar në përmirësimin e shëndetit.

Ndihmon zemrën – Ushtrimet janë një pjesë shumë e rëndësishme nëse do të humbasësh peshë dhe është mirë që të ushtrohesh vazhdimisht nëse do një zemër të shëndetshme. Po ashtu, duke i shtuar dietës edhe tërshërën, mund të jesh e sigurt që zemra do të jetë e shëndetshme dhe në gjendje të mirë për të përballuar çdo lloj aktiviteti fizik. Sipas një studimi nga Universiteti i Harvardit, meshkujt që konsumojnë çdo ditë një tas me drithëra janë 29 për qind më pak të rrezikuar nga ataku kardiak.

Është e shijshme – Nëse je duke ndjekur një dietë dhe do të humbasësh kile, është shumë e rëndësishme të konsumosh ushqime të shijshme, përveç se të shëndetshme. Kjo do të të ndihmojë të jesh në rrugën e duhur për të humbur kile, si dhe ta shijosh çdo gjë që ha. Nuk ka rëndësi çfarë thonë të tjerët për tërshërën. Ajo është e shijshme.

Categories
Shëndeti

Nëse vuani nga anemia, këto janë ushqimet që ju vijnë në ndihmë

Mishi i kuq: Si ai i viçit dhe derrit, përmbajnë sasi të madhe hekuri heme, që përthithet më lehtë nga trupi se sa hekuri non-heme që përmbajnë bimët. Mëlçia është organi më i pasur në hekur dhe vitamina B. Mëlçia e vicit ka më shumë se 600% të nevojës ditore në hekur dhe vitaminë B-12.

Bimët bishtajore: fasulja, thjerrëzat (lentilet), bizelet. Por kini kujdes se bishtajoret kanë acid fitik që bllokon përthithjen e hekurit, prandaj këshillohet që ato të lihen në ujë gjithë natën para se të gatuhen.

Drithërat integrale: Buka e prodhuar me drithë integrale është burim i mirë hekuri non-heme, lloj hekuri që i duhet trupit në rast mungese të hekurit. Por me gjithë përmbajtjen e lartë në hekur, edhe drithërat përmbajnë acid fitik.

Prandaj këshillohet që bukën ta prodhoni vetë ose ta blini në një furrë ku buka prodhohet pasi është bërë fermentimi i brumit. Kjo është arsyeja kryesore përse njerëzit sot kanë probleme me drithërat. Një fetë bukë përmban 6% të kërkesës ditore për hekur.

Veza është e pasur në lëndë ushqimore:1 vezë e madhe përmban 1 mg hekur, dmth, 7% të nevojës ditore për hekur për femrat dhe 11% për meshkujt.

Vezët ndihmojnë edhe për forcimin e kockave dhe ndërtimin e kyçeve. Gjalpi i kikirikut është burim i mirë hekuri: Dy lugë gjelle gjalpë kikiriku përmbajnë 0.6 mg hekur.

Categories
Shëndeti

Pse vaji i palmës konsiderohet një problem për shëndetin?

Kur bëhet fjalë për problemet e zemrës, kolesterina e lartë mund të jetë një nga kërcënimet më të mëdha. Kjo është për shkak se kur nivelet e kolesterinës rriten shumë, trupi zhvillon depozita yndyrore që mund të bllokojnë rrjedhën e gjakut në enët e gjakut. Qendrat për Kontrollin e Sëmundjeve thotë se arteriet e bllokuara mund të rrisin ndjeshëm rrezikun për sëmundje të zemrës dhe goditje në tru, dy nga shkaktarë kryesor të vdekjeve në Shtetet e Bashkuara.

Kjo çështje serioze nuk është e pazakontë. Mes viteve 2015 dhe 2018, rreth 12 për qind e amerikanëve mbi moshën 20-vjeçare kishin nivele të larta të kolesterinës së keqe e njohur ndryshe si LDL, dhe nivele të ulëta të kolesterinës së mirë apo HDL. Kjo mund të jetë për shkak të një sërë faktorësh si dieta e varfër, mungesa e stërvitjes ose konsumimi i tepërt i alkoolit dhe pirja e duhanit.

Ndërsa të gjithë këta faktorë mund të kontribuojnë në rritjen e niveleve të kolesterinës, ne mund të përqendrohemi në atë që mund të bëjë ndryshime të vogla, e që është dieta juaj. Për shembull, edhe ndryshimi i llojit të vajit me të cilin gatuani është zbuluar se ndihmon në menaxhimin e niveleve të kolesterinës.

Sipas një studimi të publikuar në gazetën “The Journal of Nutrition”, vaji i palmës është prej vajrave më të dëmshme për njeriun sepse përmban shumë yndyra të ngopura. Sipas këtij hulumtimi, krahasuar me krahasuar me vajrat vegjetale më të ulëta në yndyra të ngopura, konsumimi i vajit të palmës rrit ndjeshëm nivelet e kolesterinës së keqe.

Po ashtu, yndyrat e ngopura që gjenden në vajin e palmës, vajin e kokosit, mishin e kuq, gjalpin dhe shumicën e akulloreve, janë të dëmshme për shëndetin tuaj të përgjithshëm dhe duhet të konsumohen gjithmonë me kujdes të shtuar. Dhe ndërsa teknikisht nuk janë aq të këqija sa yndyra trans, sërish është vërtetuar se rrisin nivelet e kolesterinë në gjak.

Zëvendësimi i vajit të palmës me yndyrë të pangopur mund t’ju ndihmojë të zvogëloni rrezikun e kolesterinë së lartë. Studiuesit zbuluan se vajrat e farave si vaji i lulediellit apo farave të lirit, janë më të mirat për uljen e niveleve të kolesterinës.

Pavarësisht nëse luftoni me kolesterinën aktualisht ose keni zbuluar se jeni në rrezik të lartë, zgjedhja e vajit me të cilin gatuani ose konsumoni rregullisht mund të bëjë një ndryshim të rëndësishëm në shëndetin e zemrës suaj. Nëse mundeni, provoni të zëvendësoni vajin ose gjalpin e palmës me vajra të farave, lulediellit ose ullirit.

Categories
Shëndeti

Studimi i vitit 2021: Pse kivi duhet ngrënë me gjithë lëkurë

Shumica e frutave duhet të qërohen përpara se të konsumohen, por ka disa fruta që mjafton t’i lani dhe mund t’i hani me gjithë lëkurë. Mund t’ju vijnë ndër mend fruta si molla, pjeshka apo rrushi, por do të habiteni kur të mësoni se në këtë list përfshihet dhe kivi.

Studimet e kohëve të fundit nga Nottingham University dhe Zespri International, kanë treguar se lëkura e kivit duhet ngrënë pasi na siguron më shumë vitamina dhe vlera ushqyese sesa vetë tuli.

Lëkura e ashpër është problemi dhe arsyeja kryesore pse njerëzit e qërojnë këtë frut, por shkencëtarët pohojnë se ka disa mënyra si të pastroni pushin e lëkurës së kivit dhe më pas të përfitoni prej saj.

Cilat janë përfitimet e të ngrënit kivi me gjithë lëkurë? Kaliumi që gjendet me shumicë te lëkura e kivit mund të rregullojë nivelin e hormoneve, presionin e gjakut dhe funksionin e enëve të gjakut.

Kivi dhe lëkura e tij janë të pasur me antioksidantë të fuqishëm dhe flavonoide të cilat janë substanca kimike me veti anti-alergjike, anti-kancer dhe anti-inflamatore.

Lëkura e kivit mund të përmirësojë shëndetin kardiovaskular dhe është e pasur me vitamina A, C dhe E Nëse ju duket e pamundur të hani lëkurën e kivit, mënyra më e mirë është që frutin ta shtrydhni me lëkurë. Epo nuk ju mbetet më asgjë tjetër veçse ta provoni një herë.

Categories
Shëndeti

Cila është arsyeja numër 1 që na nevojitet hudhra e zezë?

Hudhra është një nga antibiotikët më të mirë natyralë që i vjen në ndihmë njeriut. Ajo është e pasur me antioksidantë të cilët e bëjnë atë të mirë kundër kancerit, diabetit dhe inflamacionit.

Hudhra e zezë nga ana tjetër përmban dyfishin e antioksidantëve. Hudhra nxihet nëpërmjet një proçesi fermentimi, një teknikë që aplikohet prej mijëra vitesh.

Duke qenë se ajo përmban sheqerna dhe amino acide gjatë proçesit të fermentimit, këto elementë prodhojnë melanoidinën, një substancë me ngjyrë të zezë që është përgjegjëse për nxirjen e hudhrës. Zakonisht, fermentimi i hudhrës ndodh në një proçes të kontrolluar që shija dhe përmbajtja e saj të ruajnë vlerat.

Shija e hudhrës së zezë është më e ëmbël ndërsa përmbajtja e saj bëhet xhelatinoze. Studimet thonë se konsumi i hudhrës së zezë krahas kryerjes së aktivitetit fizik mund të ndihmojë në pakësimin e depozitave dhjamore, pastrimin e mëlçisë dhe kundër mbipeshës. Megjithatë, konsumi i hudhrës së zezë ofron tre përfitime kryesore shumë të rëndësishme.

Përmirëson shëndetin e zemrës – Hudhra e zezë përmirëson qarkullimin e gjakut, funksionet kardiake dhe shmang shumë sëmundje. Kjo aftësi i atribuohet faktit që hudhra e zezë përmban pesë herë më shumë polifenolë në krahasim me hudhrën e bardhë. Kjo e bën më efikase për të shmangur dëmet e shkaktuara prej radikaleve të lira.

I bën mirë trurit – Prania e lartë e antioksidantëve tek hudhra e zezë e bën atë një aleate të shëndetit të trurit dhe kujtesës. Antioksidantët pakësojnë dëmin e shkaktuar prej radikaleve të lira dhe stresit oksidues e kësisoj e mbrojnë trurin nga rreziku i shfaqjes së sëmundjes së Alzheimerit. Për më tepër, substancat përbërëse të hudhrës së zezë e mbrojnë trurin nga degjenerimi i aftësive të të nxënit.

Categories
Shëndeti

Pse disa njerëz nuk janë infektuar asnjëherë me Covid?

Mund të ndodhë që jo pak njerëz të njohin dikë që nuk është prekur me Covid, pavarësisht se të gjithë rreth tyre preken. Saktësisht se pse ndodh kjo mbetet mister, por shkencëtarët kanë filluar të gjejnë disa të dhëna.

Për momentin ekziston shpresa se identifikimi i këtyre mekanizmave mund të çojë në zhvillimin e barnave që jo vetëm i mbrojnë njerëzit nga prekja me Covid, por edhe i pengojnë ata që ta transmetojnë te të tjerët.

“Në studimet tona të mëparshme me viruse të tjera, ne kemi parë përgjigje të hershme imune në hundë që lidhen me rezistencën ndaj infeksionit,” tha për Guardian profesor Christopher Chiu në Imperial College London, i cili po udhëheq një studim në këtë fushë. “Së bashku, këto të dhëna nënkuptojnë se ekziston një garë midis virusit dhe pritësit, e cila te pjesëmarrësit tanë ‘të painfektuar’ rezulton në parandalimin e përhapjes së infeksionit.”

Disa prej tyre raportuan disa simptoma të buta, të tilla si hundë e bllokuar, lodhje, por edhe pse këto ndodhin zakonisht në jetën e përditshme, mund të mos kenë qenë të lidhura me ekspozimin ndaj virusit.

“Sido që të jetë, nivelet e virusit nuk u rritën aq sa të preknin nivelin e antitrupave, qelizave T ose faktorëve inflamatorë që zakonisht shoqërohen me simptoma,” tha Chiu.

Studime të tjera sugjerojnë gjithashtu se është e mundur që disa njerëz ta “bllokojnë” virusin gjatë fazave më të hershme të infeksionit, përpara se ai të krijojë një bazë të duhur për të shfaqur simptoma.

Ndoshta, qelizat T që lidhen me kujtesën për rastet e mëparshme të koronavirusit – dmth ato që janë përgjegjëse për ftohjet e zakonshme – reaguan me koronavirusin e ri dhe i mbrojtën këta njerëz nga Covid. Një pjesë e vogël e njerëzve madje mund të jenë gjenetikisht rezistentë ndaj Covid-19. Në tetor, një ekip ndërkombëtar studiuesish nisi një studim global për të gjetur disa prej tyre, me shpresën për të identifikuar gjenet mbrojtëse.

Categories
Shëndeti

Sugjerim nga Anila Kalleshi: Dieta me uthull molle bën mrekulli

Me siguri ke lexuar disa herë se uthulla e mollës është shumë e mirë për shëndetin. E konfirmoj me bindje të plotë si dietologe klinike: uthulla e mollës bën vërtet mrekulli.

Jo vetëm që të ndihmon në humbjen e peshës dhe ul ndjeshëm procesin e plakjes, por gjithashtu ul presionin e gjakut, përmirëson shëndetin e zemrës dhe lehtëson dhimbjet e stomakut.

Duke pasur parasysh të gjitha benefitet shëndetësore, konsumimi i rregullt i uthullës së mollës duhet të jetë kusht për të gjithë, por ka një problem: nuk ka shije shumë të mirë në të vërtetë.

Ka edhe për këtë një zgjidhje, për fat të mirë. Një recetë e thjeshtë që e bën uthullën e mollës të shijshme, në mënyrë që të marrësh prej saj të gjitha vlerat shëndetësore.

Kombino 2 lugë çaji uthull molle me lëng limoni, ujë dhe mjaltë. Lëngu i limonit është i shkëlqyer për hidratim, mjalti shton sasinë e duhur të ëmbëlsirës për të balancuar shijen e hidhur të uthullës.

Nise ditën çdo mëngjes me këtë lëng të shijshëm dhe shumë shpejt do të ndihesh e rinuar dhe vitale. Jua sugjeroj pa merak dhe mund të më shkruani për sugjerimet apo vërejtjet tuaja të mëtejshme.

Categories
Shëndeti

Më në fund, fermerët shqiptarë kanë filluar të kultivojnë produktin perfekt për aneminë!

Në Shqipëri, disa fermerë po kultivojnë këtë kulturë ende të panjohur për tregun vendas, bazuar në disa porosi të limituara. Spinaqi i kuq është unik në shije dhe në vlera. Ndonëse i rrallë për t’u gjendur në tregjet e fruta-perimeve, krahas shijes së tij të lehtë dhe delikate, ai është një burim fantastik plot vlera kurative për shëndetin.

Deri më tani, kemi mësuar, dëgjuar dhe treguar për përfitimet që vijnë nga spinaqi jeshil, por edhe i kuqi ofron një sërë benefitesh shëndetsore sidomos në kurimin e anemisë. Gjethet dhe kërcenjtë e spinaqit të kuq lëshojnë lëng të kuq që ka një ëmbëlsi, aromë dhe shije po aq delikate sa ajo e spinaqit jeshil.

Sipas të dhënave në Shqipëri, disa fermerë po kultivojnë këtë kulturë të veçantë për të plotësuar kërkesat e limituara të disa restoranteve të shtrenjta në kryeqytet si dhe gjithashtu kërkesat e disa tregtarëve të huaj me qëllim eksportin e tyre.

Spinaqi i kuq është i pasur me hekur dhe i dobishëm kundër anemisë. Sugjeroj konsumimin e lëngut të kësaj perimeje ose ta kombinoni me vezë, lëng limoni dhe mjaltë. Kjo pije duhet konsumuar një herë në ditë për një javë dhe kuron aneminë.

Merrni dy tufa me spinaq të kuq. Lajini mirë me ujë të bollshëm. Shtypini dhe grijini deri sa të formoni një lloj salce, të cilës duhet t’i shtoni një lugë gjelle me lëng limoni, një lugë gjelle me mjaltë dhe një vezë. Përziejeni dhe kullojeni lëngun e formuar dhe pijeni një herë në ditë për një javë deri sa të arrini rezultatet e duhura. Ky lëng vjen në ndihmë edhe për të rritur qarkullimin e gjakut në trup.

Efektet e tjera kurative – Spinaqi i kuq përmban vitaminë C e cila përmirëson shikimin ndërsa i vjen në ndihmë sistemit imunitar. Gjethet e spinaqit të kuq përmbajnë disa proteina që ulin nivelet e insulinës në gjak. Spinaqi i kuq përmirëson tretjen. Ai përmban shumë fibër dhe është i dobishëm kundër diabetit, kolesterolit dhe mbipeshës. Gjithashtu, spinaqi i kuq ndihmon në përmirësimin e funksioneve të veshkave dhe pastron gjakun.

Shumë receta për t’i shijuar – Spinaqi i kuq mund të konsumohet në shumë mënyra të ndryshme. Atë mund ta hani të gjallë ose të gatuar. Gjethet e spinaqit mund t’i kavërdisni lehtë, t’i përdorni në sallata, t’i përzieni me perime, fruta, vezë, arrorë, makarona ose djathë.

Ky lloj spinaqi përdoret gjërësisht në shumë receta me bazë erëzash, xhenxhefili, hudhre, qepe, specash djegës dhe kremëra të ndryshëm. Gjethet e spinaqit të kuq mund të thahen dhe të mbahen në frigorifer për një deri në dy javë.

Categories
Shëndeti

Pse duhet të shtoni kanellë në kafenë tuaj të përditshme?

Një numër i madh studimesh tregojnë se vërtet kafeja ka një numër të madh përfitimesh, por kur kalon në varësi duhet patur kujdes. Pra që të jemi të qartë, kafeja është e mirë për ju vetëm nëse konsumohet në mënyrën dhe sasinë e duhur!

Kafeja është një stimulant dhe kjo është arsyeja pse kjo pije është bërë kaq popullore. Këshillohet që të shmangni konsumin e kafes pas orës 14:00 ose 15:00.

Kjo është një lëvizje e zgjuar e cila do ju sigurojë një gjumë të mirë. Mundohuni që pas këtij orari të pini një çaj pasditeve për tu qetësuar akoma edhe më shumë.

Pse duhet të shtoni pak kakao ose kanellë në kafen tuaj? Kakao është jo vetëm i pasur në antioksidantë, por është gjithashtu i dobishëm për të ulur nivelin e sheqerit në kafenë tuaj.

E njëjta gjë vlen edhe për kanellën, supër ushqim i pasur me antioksidantë, që ndër të tjerash i shton shijen kafesë suaj. Është e rëndësishme që mëngjesi juaj të mos jetë vetëm një filxhan kafe.

Kjo, pasi konsumi i saj në stomak bosh mund të shkaktojë dhimbje koke apo probleme me tretjen. Gjithmonë hani diçka, sado të vogël, para se të konsumoni kafe