Categories
Këshilla

Për të ndërtuar muskuj ju duhen 8 perime kryesore, lexoni listën!

Dietat e zakonshme për ndërtimin e muskujve në trup konsistojnë gjithmonë një shumë të mishit, sepse mishi përmban shumë proteina dhe proteina që ndërtojnë muskujt. Por çfarë mund të konsumoni nëse nuk e pëlqeni mishin apo nuk e konsumoni atë për arsye etike apo mjedisore?

A do të thotë kjo që nuk jeni në gjendje të ndërtoni muskuj ashtu si doni? Absolutisht jo!

Një dietë e pasur me mish nuk është e vetmja mënyrë për të arritur masën e dëshiruar të muskujve. Janë të shumta mënyrat përmes të cilave mund të merrni ushqyesit e nevojshëm për ndërtimin e muskujve të fortë, të shëndetshëm dhe shumë prej tyre janë me bazë bimore. Nëse jeni duke kërkuar për disa ushqime që me të vërtetë do t’ju forcojnë muskujt, atëherë konsumoni perimet e mëposhtme.

1. Panxhari dhe perimet e familjes së tij

Përfitimet e panxharit dhe zarzavateve të familjes së tij janë të shumta, por mbase ju nuk e dini se përmbajnë shumë nitrate dietike dhe antioksidantë. Këta ushqyes luajnë një rol të veçantë për t’iu ndihmuar gjatë periudhave kur keni pak oksigjen në trup, si në momentet kur bëni stërvitje me intensitet të lartë.

Nitratet dietike konvertohen në oksid nitrik në trup, i cili ndihmon për të përmirësuar funksionin kardiovaskular, që nga ana tjetër ju ndihmon për të qenë në gjendje të trajnoheni më shumë dhe për më gjatë. Kjo është një mënyrë e sigurt për të ndërtuar inde muskujsh të shëndetshëm.

2. Jeshilllëqet dhe lakra e kuqe

Janë plot me fitonutrientë anti-inflamatorë dhe ndihmojnë organizmin për të absorbuar aminoacidet nga proteinat. Disa prej këtyre fitonutrientëve, duke përfshirë glukorafanin dhe sulforafanin, ndihmojnë për rimëkëmbjen e muskujve.

3. Spirulina

Është një ndër ushqimet që përmendet tepër së fundi. Një pluhur me ngjyrë të fortë të gjelbër, që cilësohet si ushqim i shëndetshëm, spirulina është një lloj alge në ngjyrë blu-jeshile që përmban disa aminoacide të rëndësishme për metabolizmin. Spirulina është gjithashtu një burim i madh i vitaminës B6, që së bashku me aminoacidet ndihmojnë në shpërbërjen e karbohidrateve, proteinave dhe yndyrnave, duke i kthyer në energji të përdorshme për trupin.

Diçka e tillë është e rëndësishme për ndërtimin e muskujve, sepse sa më shpejt trupi juaj t’i metabolizojë këto yndyrna, karbohidrate dhe proteina në energji, aq më shumë mund të shtyni veten për t’u trajnuar më shumë dhe për të ndërtuar më shumë muskuj.

4. Elbi dhe bari i grurit

Është koha që mbase elbin dhe grurin t’i provoni në formën e tyre si barishte. Këto zarzavate fibroze përmbajnë minerale esenciale, të tilla si kalciumi, hekuri dhe magnezi, si dhe karotenoide të fuqishme, të cilat janë antioksidantë që i mbajnë qelizat e indeve të shëndetshëm dhe të fortë. Këto minerale ndihmojnë në funksionimin e muskujve si dhe rrisin aftësinë e gjakut për të mbartur oksigjen drejt muskujve.

5. Bizelet

Bizelet ofrojnë disa përfitime të mahnitshme edhe për ndërtimin e masës muskulare. Ato janë një burim i mahnitshëm i proteinave bimore që treten lehtë. Ato janë gjithashtu një burim i shkëlqyer i disa aminoacideve plus glutaminës, që ndihmojnë në ndërtimin e muskujve.

6. Klorela

Nëse nuk keni dëgjuar më parë për klorelën, ajo është një mikroalgë japoneze e rritur në pellgje të ujërave të ëmbla, fillimisht në Japoni, por tani rritet edhe në Kinë, në Tajvan dhe në Kore, pasi kërkesat për të janë në rritje. Edhe pse klorela është e ngjashme me spirulinën, ajo ka disa veçanti.

Ajo përmban vitamina, aminoacide dhe acide nukleike, të cilat ndihmojnë në rigjenerimin e qelizave tona. Kjo është e rëndësishme për rritjen e muskujve dhe shërimin e tyre pas një stërvitjeje të lodhshme. Chlorella gjithashtu përmban të gjithë nëntë aminoacidet esenciale, duke e bërë atë një proteine ​​të plotë.

7. Spinaqi

Për vite me rradhë na është thënë se spinaqi ka hekur dhe na bën të fortë dhe pavarësisht ekzagjerimeve, në këto fjalë ka diçka të vërtetë! Spinaqi është i pasur në aminoacidin arginin, i cili stimulon hipofizën për të prodhuar hormonin e rritjes te njeriu. Spinaqi shërben në këtë mënyrë në ndërtimin e muskujve të fortë dhe në zhvillimin e tyre.

8. Majdanozi, preshtë, qepujkat jeshile

Barishtet janë të mënyrë shumë e mirë për shtuar aromë dhe shije në ushqimin tuaj, por disa prej tyre, si majdanozi, preshtë dhe bishtat jeshilë të qepëve kanë një dobi të madhe ushqyese. Ato janë një burim i madh i lysine, një aminoacid thelbësor që ndihmon me rritjen dhe shërimin e indeve lidhës në tendina dhe në kërc. Kjo do të thotë se lysine është shumë e dobishme për nyjet dhe i ndihmon të shërohen më shpejt.

Categories
Receta

Sarma me gjethe spinaqi, një recetë për gjithë familjen

Përbërësit: 0.5 kg mish të bluar, 30 gjethe spinaq, 3 kokë qepë, 1 gotë oriz, 250 gr gjalpë, 2 lugë piper i kuq, 2 gota ujë, 1 gotë ajkë, kripë, piper

Në një tigan vendosim qepët e copëtuara, mishin e bluar, orizin, kripën dhe piperin e zi, i skuqim për 5 minuta dhe shtojmë piperin e kuq. Vazhdojmë i skuqim edhe për 2 minuta të tjera.

Marrim gjethet e spinaqit dhe i vlojmë në ujë. Masën që kemi në tigan e mbështjellim me gjethet e spinaqit. Sarmat e mbështjellura i rendisim në tenxhere, dhe shtojmë 2 gota ujë në të. Hedhim pak yndyrë në një tigan bashkë me 1 lugë piper të kuq dhe pasi të jetë skuqur pak e shtojmë në tenxhere.

Sarmat i ziejmë në temperaturë mesatare për 1 orë. Pasi të jenë zier sarmat i heqim nga tenxherja, i rendisim në tavë, shtojmë 1 gotë ajkë sipër tyre dhe i pjekim në furrë për 15 minuta. Pas kësaj sarmat janë gati të serviren.

Categories
Këshilla

Popai nuk përdorte më kot spinaq, vlerat e jashtëzakonshme të tij

Kultivimi i spinaqit mendohet se origjinën e ka nga Persia, më pas përhapet në Nepal dhe nga shekulli 17, në Kinë, ku sërish quhet “perimja jeshile persiane”. Moors e prezantuan në Spanjë rreth shekullit 11 .

Spinaqi i freskët shpesh përdoret për sallata, ose në përgatitjen e recetave të ndryshme. Asnjë perime tjetër nuk e ka fituar famën që spinaqi mori në 1930 përmes personazhit Popei. Prindërit shpesh inkurajonin fëmijët e tyre të hanin spinaq pasi kur të rriteshin do të ishin të fortë si ai.

Benefitet shëndetësore të spinaqit – Vitamina K, A dhe C, si dhe folati, mangani, magnezi, hekuri, kaliumi dhe kalciumi. Gjithashtu është një burim i mirë i niacinës, zink, proteinë, fibra, vitaminë E, tiaminë, vitaminë B6, fosfor dhe bakër.

Me pak fjalë, ndihmon për një shëndet optimal dhe mbron trupin tuaj nga radikalët e lirë. Folati gjithashtu është i mirë për shëndetin kardiovaskular, ndërsa magnezi ndihmon në uljen e presionit të gjakut.

Studimet kanë treguar që spinaqi ndihmon në funksionimin e duhur të trurit, memories dhe qartësisë mendore. Që spinaqi të ruajë vlerat në gatim, shtoni pak lëng limoni ose uthull në gatimin tuaj.

Studimet mbi spinaqin – Për shkak të incidencës potencialisht të lartë të ndotjes nga kloroetan Dichlorodiphenyltri (DDT), sigurohuni që të blini vetëm varietetet organike të spinaqit sa më shumë që të jetë e mundur.

DTT është një shkak i njohur i kancerit, defekteve të lindjes dhe dëmtimit të riprodhimit, për këtë arsye DDT është ndaluar në SHBA që nga viti 1972, por akoma mund të prodhohet dhe eksportohet në vendet e tjera, ku më së shpeshti përdoret për të luftuar malarian që shkaktohet nga mushkonjat. Më e keqja, është që DDT-ja mund të qëndrojë në dheun e tokës për vite me rradhë.

Categories
Lajme

5 ushqimet që na bëjnë të lumtur

Ajo çfarë konsumoni vazhdimisht ndikon direkt në gjendjen tuaj shpirtërore dhe fizike. E thotë shkenca! Më poshtë, po ju rendis disa nga ushqimet që rrisin nivelin tuaj të lumturisë.

Spinaqi – Me elementet e veta anti-kanceroze dhe i pasur me fibra, spinaqi jo vetëm që është një ndër ushqimet më të shëndetshme, por edhe ju rrit energjitë. Spinaqi gjithashtu përmban Vitamin A e cila lufton rrudhat, aknet dhe problemet e tjera të lëkurës.

Avokado – Vlerat e tij ia tejkalojnë shijen. I pasur me karotenoide, konsumimi avokados ju mban larg sëmundjeve të syve dhe ju rrit sistemin imunitar.

Çaji jeshil – Ju ngre metabolizmin, për më tepër duke ju ndihmuar të bini në peshë dhe të merrni më pak kalori. Gjithashtu, ndihmon të stabilizoni nivelin e glukozës, gjë e cila ndihmon në parandalimin e diabetit dhe sëmundjeve të zemrës.

Çokollata e zezë – Gjithmonë është menduar si një ushqim i dëmshëm, por pak i njohin vlerat ushqimore të çokollatës së zezë. Jo vetëm që kontrollon sheqerin në gjak, por edhe ndihmon në rregullimin e presionit të gjakut.

Mjalti – Është e këshillueshme që të zëvendësoni sheqerin me mjaltin, sepse parandalon sëmundjet bakteriale dhe ato që vijnë prej kërpudhave. Përdorimi i mjaltit minimizon kollën dhe sëmundjet e tjera të fytit dhe duke qenë se është i pasur me antioksidantë, ndihmon në parandalimin e sëmundjeve të gjakut dhe atyre kanceroze.