Categories
Lajme

Shitësi i furrës bukës mashtron me peshën, nisin gjobat 1000 euro!

Drejtoria e Inspekcionit në Gjilan ka njoftuar se gjatë inspektimit në sektorin e bukës, në një furrë në qytet është konstatuar se pesha e bukës nuk përputhej me deklaracionin.

“Inspektorët kanë ndërmarrë veprimet e duhura ligjore dhe subjektit ekonomik i kanë shqiptuar një gjobë në shumë 1000 euro”.

“Arsyeja eshte se kanë vërtetuar se buka që shitej për 500 gramë peshonte 70 deri në 80 gramë më pak”, thuhet në një komunikatë për media”

Drejtoria e Inspekcionit komunal në Gjilan i siguron qytetarët se ankesat dhe kërkesat e tyre do të shqyrtohen me seriozitet të plotë dhe se nuk do të tolerojë mashtrime në dëm të konsumatorit, thuhet tutje në komunikatë.

Një market në Skenderaj është dënuar me 1000 euro për rritjen e çmimit të vajit. Këtë e ka bërë të ditur vet kryetari i Skenderajt, Fadil Nura, me anë të një postimi në Facebook, shkruan lajmi.net.

“Nuk do të lejojmë të shfrytëzohet rasti për përfitim të paligjshëm, siç është rasti i sotëm në një prej qendrave tregtare, ku 1 litër vaj është shitur me çmim prej 3.49 euro, pavarësisht çmimit shumë më të lirë të furnizimit”, ka thënë Nura.

Categories
Lajme

A po vjen kriza botërore e ushqimit? Nëse keni durim për të lexuar, ky artikull është për ju

Kjo që po ndodh në Ukrainë do të sjellë probleme të mëdha në furnizimin global dhe koston e ushqimit, ka thënë shefi i një prej kompanive më të mëdha të plehrave në botë.

Yara International, e cila operon në më shumë se 60 vende, blen sasi të konsiderueshme të lëndëve të para nga Rusia. Çmimet e plehrave tashmë ishin të larta, për shkak të rritjes së çmimeve të gazit me shumicë.

Shefi i Yara, Svein Tore Holsether, ka paralajmëruar se situata mund të bëhet edhe më e keqe. “Gjërat ndryshojnë nga ora në orë”, tha ai për BBC.

“Ne ishim tashmë në një situatë të vështirë para 18 shkurti dhe tani është një ndërprerje shtesë në zinxhirët e furnizimit dhe po i afrohemi pjesës më të rëndësishme të këtij sezoni për hemisferën veriore, ku duhet të lëvizin shumë plehra kimikë dhe Ukraina ka shumë të ngjarrë të ndikojë negativisht”.

Rusia dhe Ukraina janë dy nga prodhuesit më të mëdhenj të prodhimeve bujqësore dhe ushqimore në nivel global. Rusia prodhon gjithashtu sasi të mëdha të lëndëve ushqyese për bimët, si potasi dhe fosfati – përbërës kryesorë në plehra, të cilët u mundësojnë bimëve dhe kulturave të rriten.

“Gjysma e popullsisë së botës merr ushqim si rezultat i plehrave… dhe nëse kjo mungon për disa kultura, [rendimenti] do të bjerë me 50%,” tha Holsether. “Për mua, nuk është çështja nëse po kalojmë në një krizë globale ushqimore, pyetja është se sa e madhe do të jetë kriza.”

Kompania me bazë në Norvegji nuk është e prekur drejtpërdrejt nga sanksionet kundër Rusisë, por duhet të përballet me vështirësi. Përpjekja për të siguruar dërgesat është bërë më e vështirë për shkak të ndërprerjes në industrinë e transportit.

Vetëm disa orë pasi Holsether foli për BBC, qeveria ruse u kërkoi prodhuesve të saj të ndalonin eksportet e plehrave. Ai vuri në dukje se rreth një e katërta e lëndëve ushqyese kryesore të përdorura në prodhimin e ushqimit evropian vijnë nga Rusia.

“Në të njëjtën kohë ne po bëjmë gjithçka që mundemi të bëjmë në këtë moment për të gjetur gjithashtu burime shtesë. Por me afate kaq të shkurtra kohore është e kufizuar”, tha ai përpara se të dilte lajmi.

Analistët kanë paralajmëruar gjithashtu se masa do të nënkuptonte kosto më të larta për fermerët dhe rendimente më të ulëta të të korrave. Kjo mund të çojë në kosto edhe më të larta të ushqimit.

Ushqyesit nuk janë gjithashtu i vetmi faktor që duhet marrë parasysh. Sasi të mëdha gazi natyror nevojiten për të prodhuar amoniak, përbërësin kryesor në plehrat azotike. Yara International mbështetet në sasi të mëdha gazi rus për uzinat e saj evropiane.

Vitin e kaluar, ajo u detyrua të pezullojë përkohësisht prodhimin e rreth 40% të kapacitetit të saj në Evropë për shkak të rritjes së çmimit të gazit. Prodhuesit e tjerë gjithashtu shkurtuan furnizimet.

E kombinuar me tarifat më të larta të transportit, sanksionet ndaj Bjellorusisë (një tjetër furnizues i madh i potasit) dhe moti ekstrem – kjo shkaktoi një rritje të madhe të çmimeve të plehrave vitin e kaluar, duke shtuar një rritje të çmimeve të ushqimeve.

Kompania thotë se po bën vlerësime të përditshme se si të ruajë furnizimin dhe se është shumë herët për të thënë diçka fikse pasi nuk dihet me siguri se çfarë do të ndodhë ditën në vijim.

Ajo pranon se ka një “detyrim shumë të fortë” për të mbajtur prodhimin në punë në atë që e përshkruan si një pikë kritike. Por shefi i Yara thotë se bota duhet, në planin afatgjatë, të zvogëlojë varësinë e saj nga Rusia për prodhimin e ushqimit.

“Nga njëra anë, ne po përpiqemi të mbajmë të paprekur furnizimin për tek fermerët me plehra për të mbajtur të larta rendimentet bujqësore, në të njëjtën kohë…duhet të ketë një reagim të forte ndaj pushtimit ushtarak të Ukrainës”.

Ndryshimet klimatike dhe popullsia në rritje i kishin shtuar tashmë sfidat me të cilat përballet sistemi global i prodhimit të ushqimit. Shefi ekzekutiv i Yara International e përshkruan luftën si “një katastrofë mbi një katastrofë”, duke theksuar se sa i cenueshëm ndaj goditjeve është tani zinxhiri global i furnizimit me ushqime.

“Do të rrisë pasigurinë ushqimore në vendet më të varfra”, shton ai. “Duhet të kemi parasysh se në dy vitet e fundit, ka pasur një rritje prej 100 milionë më shumë njerëzve që shkojnë në shtrat të uritur… kështu që kjo të vijë në krye të saj është vërtet shqetësuese”.

Categories
Shëndeti

Nëse vuani nga anemia, këto janë ushqimet që ju vijnë në ndihmë

Mishi i kuq: Si ai i viçit dhe derrit, përmbajnë sasi të madhe hekuri heme, që përthithet më lehtë nga trupi se sa hekuri non-heme që përmbajnë bimët. Mëlçia është organi më i pasur në hekur dhe vitamina B. Mëlçia e vicit ka më shumë se 600% të nevojës ditore në hekur dhe vitaminë B-12.

Bimët bishtajore: fasulja, thjerrëzat (lentilet), bizelet. Por kini kujdes se bishtajoret kanë acid fitik që bllokon përthithjen e hekurit, prandaj këshillohet që ato të lihen në ujë gjithë natën para se të gatuhen.

Drithërat integrale: Buka e prodhuar me drithë integrale është burim i mirë hekuri non-heme, lloj hekuri që i duhet trupit në rast mungese të hekurit. Por me gjithë përmbajtjen e lartë në hekur, edhe drithërat përmbajnë acid fitik.

Prandaj këshillohet që bukën ta prodhoni vetë ose ta blini në një furrë ku buka prodhohet pasi është bërë fermentimi i brumit. Kjo është arsyeja kryesore përse njerëzit sot kanë probleme me drithërat. Një fetë bukë përmban 6% të kërkesës ditore për hekur.

Veza është e pasur në lëndë ushqimore:1 vezë e madhe përmban 1 mg hekur, dmth, 7% të nevojës ditore për hekur për femrat dhe 11% për meshkujt.

Vezët ndihmojnë edhe për forcimin e kockave dhe ndërtimin e kyçeve. Gjalpi i kikirikut është burim i mirë hekuri: Dy lugë gjelle gjalpë kikiriku përmbajnë 0.6 mg hekur.

Categories
Shëndeti

Studimi i vitit 2021: Pse kivi duhet ngrënë me gjithë lëkurë

Shumica e frutave duhet të qërohen përpara se të konsumohen, por ka disa fruta që mjafton t’i lani dhe mund t’i hani me gjithë lëkurë. Mund t’ju vijnë ndër mend fruta si molla, pjeshka apo rrushi, por do të habiteni kur të mësoni se në këtë list përfshihet dhe kivi.

Studimet e kohëve të fundit nga Nottingham University dhe Zespri International, kanë treguar se lëkura e kivit duhet ngrënë pasi na siguron më shumë vitamina dhe vlera ushqyese sesa vetë tuli.

Lëkura e ashpër është problemi dhe arsyeja kryesore pse njerëzit e qërojnë këtë frut, por shkencëtarët pohojnë se ka disa mënyra si të pastroni pushin e lëkurës së kivit dhe më pas të përfitoni prej saj.

Cilat janë përfitimet e të ngrënit kivi me gjithë lëkurë? Kaliumi që gjendet me shumicë te lëkura e kivit mund të rregullojë nivelin e hormoneve, presionin e gjakut dhe funksionin e enëve të gjakut.

Kivi dhe lëkura e tij janë të pasur me antioksidantë të fuqishëm dhe flavonoide të cilat janë substanca kimike me veti anti-alergjike, anti-kancer dhe anti-inflamatore.

Lëkura e kivit mund të përmirësojë shëndetin kardiovaskular dhe është e pasur me vitamina A, C dhe E Nëse ju duket e pamundur të hani lëkurën e kivit, mënyra më e mirë është që frutin ta shtrydhni me lëkurë. Epo nuk ju mbetet më asgjë tjetër veçse ta provoni një herë.

Categories
Shëndeti

Cila është arsyeja numër 1 që na nevojitet hudhra e zezë?

Hudhra është një nga antibiotikët më të mirë natyralë që i vjen në ndihmë njeriut. Ajo është e pasur me antioksidantë të cilët e bëjnë atë të mirë kundër kancerit, diabetit dhe inflamacionit.

Hudhra e zezë nga ana tjetër përmban dyfishin e antioksidantëve. Hudhra nxihet nëpërmjet një proçesi fermentimi, një teknikë që aplikohet prej mijëra vitesh.

Duke qenë se ajo përmban sheqerna dhe amino acide gjatë proçesit të fermentimit, këto elementë prodhojnë melanoidinën, një substancë me ngjyrë të zezë që është përgjegjëse për nxirjen e hudhrës. Zakonisht, fermentimi i hudhrës ndodh në një proçes të kontrolluar që shija dhe përmbajtja e saj të ruajnë vlerat.

Shija e hudhrës së zezë është më e ëmbël ndërsa përmbajtja e saj bëhet xhelatinoze. Studimet thonë se konsumi i hudhrës së zezë krahas kryerjes së aktivitetit fizik mund të ndihmojë në pakësimin e depozitave dhjamore, pastrimin e mëlçisë dhe kundër mbipeshës. Megjithatë, konsumi i hudhrës së zezë ofron tre përfitime kryesore shumë të rëndësishme.

Përmirëson shëndetin e zemrës – Hudhra e zezë përmirëson qarkullimin e gjakut, funksionet kardiake dhe shmang shumë sëmundje. Kjo aftësi i atribuohet faktit që hudhra e zezë përmban pesë herë më shumë polifenolë në krahasim me hudhrën e bardhë. Kjo e bën më efikase për të shmangur dëmet e shkaktuara prej radikaleve të lira.

I bën mirë trurit – Prania e lartë e antioksidantëve tek hudhra e zezë e bën atë një aleate të shëndetit të trurit dhe kujtesës. Antioksidantët pakësojnë dëmin e shkaktuar prej radikaleve të lira dhe stresit oksidues e kësisoj e mbrojnë trurin nga rreziku i shfaqjes së sëmundjes së Alzheimerit. Për më tepër, substancat përbërëse të hudhrës së zezë e mbrojnë trurin nga degjenerimi i aftësive të të nxënit.

Categories
Shëndeti

Sugjerim nga Anila Kalleshi: Dieta me uthull molle bën mrekulli

Me siguri ke lexuar disa herë se uthulla e mollës është shumë e mirë për shëndetin. E konfirmoj me bindje të plotë si dietologe klinike: uthulla e mollës bën vërtet mrekulli.

Jo vetëm që të ndihmon në humbjen e peshës dhe ul ndjeshëm procesin e plakjes, por gjithashtu ul presionin e gjakut, përmirëson shëndetin e zemrës dhe lehtëson dhimbjet e stomakut.

Duke pasur parasysh të gjitha benefitet shëndetësore, konsumimi i rregullt i uthullës së mollës duhet të jetë kusht për të gjithë, por ka një problem: nuk ka shije shumë të mirë në të vërtetë.

Ka edhe për këtë një zgjidhje, për fat të mirë. Një recetë e thjeshtë që e bën uthullën e mollës të shijshme, në mënyrë që të marrësh prej saj të gjitha vlerat shëndetësore.

Kombino 2 lugë çaji uthull molle me lëng limoni, ujë dhe mjaltë. Lëngu i limonit është i shkëlqyer për hidratim, mjalti shton sasinë e duhur të ëmbëlsirës për të balancuar shijen e hidhur të uthullës.

Nise ditën çdo mëngjes me këtë lëng të shijshëm dhe shumë shpejt do të ndihesh e rinuar dhe vitale. Jua sugjeroj pa merak dhe mund të më shkruani për sugjerimet apo vërejtjet tuaja të mëtejshme.

Categories
Shëndeti

Mbretëresha e Anglisë ka një mënyrë unike për të ngrënë bananen

Mbretëresha e Anglisë, Elizabeth, ka një mënyrë të sajën për të ngrënë bananen, një metodë disi të çuditshme, por elegante sidoqoftë dhe të pakontestueshme gjithsesi.

Ish-kuzhinieri i familjes mbretërore, Darren McGrady, foli për zakonet e çuditshme të të ngrënit të Madhërisë së Saj në një bisedë me Marie Clare.

Mbretëresha Elizabeth ka një mënyrë unike, por jo se e ka shpikur vetë. Eshtë thjesht një mënyrë për të mos u treguar vulgare në publik.

Ndryshe nga ne të tjerët, mbretëresha refuzon ta qërojë dhe ta hajë një banane me duar. Në vend të kësaj, përdor një thikë dhe pirun, në mënyrë që të mos shihet duke gëlltitur ushqimin “si një majmun”, thotë ai.

McGrady e zbuloi këtë fakt në librin e tij, “Eating Royally”, ku shpjegoi se ajo pret pjesën e sipërme dhe të poshtme të bananes përpara se ta presë lëkurën gjatë. Më pas, e pret frutin në copa të vogla dhe i ha me pirun.

Po ju, si e hani bananen? Pyesim se si veproni në publik, për shembull në një restorant shik apo në një vend me njerëz të rëndësishëm. A ndiheni rehat kur hani banane?

Categories
Shëndeti

Këto janë 4 vitaminat që duhet t’i marrin meshkujt

Nëse jeni një burrë që përpiqeni të kujdeseni për shëndetin tuaj të përgjithshëm, ka disa suplemente që mund të dëshironi t’i merrni. Ja katër vitaminat që të gjithë meshkujt duhet të marrin në konsideratë:

Vitamina D – NHS këshillon të gjithë burrat dhe gratë e rritur të marrin 10 mikrogramë suplemente të vitaminës D çdo ditë midis muajve tetor dhe mars. Në përgjithësi, vitamina D është e nevojshme për të mbajtur kockat, muskujt dhe dhëmbët tuaj të shëndetshëm (pa marrë parasysh se çfarë gjinie jeni). Megjithatë, mund të ketë një përfitim shtesë për burrat, me disa studime që sugjerojnë se vitamina D mund të rrisë nivelet e testosteronit. Testosteroni rregullon epshin, masën kockore, shpërndarjen e yndyrës, masën dhe forcën e muskujve, si dhe prodhimin e qelizave të kuqe të gjakut dhe spermës te meshkujt.

Magnezi – Magnezi është një mineral që ndihmon për të kthyer ushqimin tonë në energji dhe për të siguruar që gjëndrat tona paratiroide të punojnë normalisht. Këto gjëndra prodhojnë hormone që janë të rëndësishme për shëndetin e kockave. Magnezi gjithashtu rregullon funksionin e muskujve dhe nervave, nivelet e sheqerit në gjak, presionin e gjakut dhe ju ndihmon të bëni proteina.

Magnezi gjithashtu me sa duket mbështet prodhimin e testosteronit, me një studim kërkimor që tregon se rritja e marrjes mund të rrisë nivelet e testosteronit brenda një muaji. Siç u përmend, minerali e bën këtë duke siguruar që ushqimi që hamë të shndërrohet në energji.

Omega-3 – Omega-3 janë acide yndyrore të pangopura që na duhen për shumë gjëra të ndryshme, por veçanërisht për shëndetin e zemrës. Sipas ekspertëve në Take Care Of, shumica e meshkujve konsumojnë më shumë acide yndyrore inflamatore omega-6 sesa konsiderohen të shëndetshme. Kjo përfshin gjëra të tilla si vajra bimore të rafinuar, majonezë dhe arra specifike.

Në fakt, meshkujt shpesh konsumojnë deri në 15 herë më shumë Omega-6 se Omega-3 dhe kjo është e rrezikshme për shëndetin tuaj kardiovaskular. Nëse nuk merrni mjaftueshëm Omega-3, të cilat janë jashtëzakonisht anti-inflamatore dhe gjithashtu të dobishme për shëndetin e trurit, ju rritni rrezikun e sulmit në zemër dhe goditjes në tru.

Bori – Kjo mund të gjendet në gjëra të tilla si mollë, rrush të thatë, disa arra, kumbulla të thata, qiqra dhe kafe, por është gjithashtu e disponueshme në formë suplementi dhe mund të ndihmojë me prodhimin e testosteronit. Nëse nuk hani mjaftueshëm fruta dhe perime, me siguri keni nivele të ulëta të borit (dhe kjo është e vërtetë për shumë meshkuj).

Bori është një suplement popullor për meshkujt me disfunksion erektil ose me testosterone të ulët, por gjithmonë duhet të flisni me një mjek përpara se ta shtoni në dietën tuaj, sepse mund të ketë disa efekte anësore të pakëndshme.

Healthline sugjeron gjithashtu që suplementi mund të përmirësojë efektivitetin e vitaminës D, funksionet njohëse si koordinimi i syve dhe duarve dhe kujtesa, dhe sigurisht të përmirësojë funksionimin seksual. Një studim zbuloi gjithashtu se dietat e pasura me bor mbështesin shëndetin e prostatës.

Categories
Lajme

Ukrainasit zënë rob rusin dhe i japin për të ngrënë, kjo video tregon domethënien e fjalës njeri

Videoja që do të shihni më poshtë është një nga gjërat më të bukura që ju kanë parë sytë ndonjëherë. Ajo që po ndodh në Ukrainë këto ditë mund të jetë një nga javët më të dokumentuara, pasi falë teknologjisë, qytetarët nuk kanë reshtur së filmuari.

Së fundmi, në mediat sociale është publikuar një video në të cilën shfaqet një rus i dorëzuar. Mesa kuptohet nga pamjet, pasi është dorëzuar, qytetarët e Ukrainës i kanë dhënë ushqim dhe çaj të ngrohtë.

Jo vetëm kaq. Më pas ata i kanë krijuar edhe mundësitë që të telefonojë nënën në Rusi dhe ta njoftojë që është mirë. Rusi ka folur me video me të ëmën dhe e ka qetësuar.

 

View this post on Instagram

 

A post shared by Telemedia.al (@telemedia.al)

Pamjet tregojnë edhe një herë humanizmin e njerëzve në Ukrainë dhe dëshmojnë që vetë njerëzit nuk duan probleme me askënd, por të jetojnë të qetë.

Shihni mirë këto pamje dhe reflektoni gjithsecili për veten. Kjo video nuk ka lidhje vetëm me ngjarjet aktuale në Ukrainë, por edhe për jetën e përditshme, edhe në paqe.

Mirësjellja, përkujdesja dhe empatia për ata që të rrethojnë janë vlerat, me të cilat duhet të edukojmë brezat e rinj. Kështu duhet të sillemi edhe në ditë të mira, edhe në ditë të këqija. Jemi njerëz!

Categories
Shëndeti

Më në fund, fermerët shqiptarë kanë filluar të kultivojnë produktin perfekt për aneminë!

Në Shqipëri, disa fermerë po kultivojnë këtë kulturë ende të panjohur për tregun vendas, bazuar në disa porosi të limituara. Spinaqi i kuq është unik në shije dhe në vlera. Ndonëse i rrallë për t’u gjendur në tregjet e fruta-perimeve, krahas shijes së tij të lehtë dhe delikate, ai është një burim fantastik plot vlera kurative për shëndetin.

Deri më tani, kemi mësuar, dëgjuar dhe treguar për përfitimet që vijnë nga spinaqi jeshil, por edhe i kuqi ofron një sërë benefitesh shëndetsore sidomos në kurimin e anemisë. Gjethet dhe kërcenjtë e spinaqit të kuq lëshojnë lëng të kuq që ka një ëmbëlsi, aromë dhe shije po aq delikate sa ajo e spinaqit jeshil.

Sipas të dhënave në Shqipëri, disa fermerë po kultivojnë këtë kulturë të veçantë për të plotësuar kërkesat e limituara të disa restoranteve të shtrenjta në kryeqytet si dhe gjithashtu kërkesat e disa tregtarëve të huaj me qëllim eksportin e tyre.

Spinaqi i kuq është i pasur me hekur dhe i dobishëm kundër anemisë. Sugjeroj konsumimin e lëngut të kësaj perimeje ose ta kombinoni me vezë, lëng limoni dhe mjaltë. Kjo pije duhet konsumuar një herë në ditë për një javë dhe kuron aneminë.

Merrni dy tufa me spinaq të kuq. Lajini mirë me ujë të bollshëm. Shtypini dhe grijini deri sa të formoni një lloj salce, të cilës duhet t’i shtoni një lugë gjelle me lëng limoni, një lugë gjelle me mjaltë dhe një vezë. Përziejeni dhe kullojeni lëngun e formuar dhe pijeni një herë në ditë për një javë deri sa të arrini rezultatet e duhura. Ky lëng vjen në ndihmë edhe për të rritur qarkullimin e gjakut në trup.

Efektet e tjera kurative – Spinaqi i kuq përmban vitaminë C e cila përmirëson shikimin ndërsa i vjen në ndihmë sistemit imunitar. Gjethet e spinaqit të kuq përmbajnë disa proteina që ulin nivelet e insulinës në gjak. Spinaqi i kuq përmirëson tretjen. Ai përmban shumë fibër dhe është i dobishëm kundër diabetit, kolesterolit dhe mbipeshës. Gjithashtu, spinaqi i kuq ndihmon në përmirësimin e funksioneve të veshkave dhe pastron gjakun.

Shumë receta për t’i shijuar – Spinaqi i kuq mund të konsumohet në shumë mënyra të ndryshme. Atë mund ta hani të gjallë ose të gatuar. Gjethet e spinaqit mund t’i kavërdisni lehtë, t’i përdorni në sallata, t’i përzieni me perime, fruta, vezë, arrorë, makarona ose djathë.

Ky lloj spinaqi përdoret gjërësisht në shumë receta me bazë erëzash, xhenxhefili, hudhre, qepe, specash djegës dhe kremëra të ndryshëm. Gjethet e spinaqit të kuq mund të thahen dhe të mbahen në frigorifer për një deri në dy javë.