Categories
Lajme

A t’ju tregoj 5 ushqime që ju nevojiten për kocka të forta?

Perimet: Sigurisht, që bulmeti është shumë i rëndësishëm, por as perimet nuk mbeten mbrapa. Pse të mos i konsumojmë të dyja? Një zgjedhje e shkëlqyer: perime me gjethe si, lakra jeshile, sallata, rrepa etj. Për më tepër, perimet kanë gjithashtu vitaminë K, e cila mund të zvogëlojë rrezikun e osteoporozës.

Frutat: Shtoni një frut në mëngjesin tuaj. Frutat kanë vitaminë C, e cila është treguar se ndikon në shëndetin e kockave. Një frut i plotë ka rreth 88 miligramë vitaminë C, duke ju dhënë sasinë që ju nevojitet për gjithë ditën.

Fiqtë: Nëse jeni duke kërkuar për fruta që forcojnë kockat, fiqtë duhet të jenë në krye të listës suaj të blerjeve. Pesë fiq të freskët mesatarisht kanë rreth 90 miligramë kalcium dhe lëndë ushqyese të tjera si kaliumi dhe magnezi.

Salmoni: Ai dhe llojet e tjera të peshkut ofrojnë një sërë lëndësh ushqyese që forcojnë kockat. Ato përmbajnë vitaminë D, e cila ndihmon trupin të përdorë kalciumin, dhe acide yndyrore omega-3, të cilat gjithashtu mund të ndihmojnë kockat.

Kumbulla të thata: Duhet të hani kumbulla të thata. Hulumtimet kanë zbuluar se ngrënia e tyre çdo ditë, së bashku me kalciumin dhe vitaminën D, mund të ndihmojë në përmirësimin e densitetit të kockave.

Nëse keni ndonjë sugjerim apo vërejtje për artikujt e shkruar prej meje si dietologe klinike, ju lutem më shkruani në faqet e mia zyrtare në rrjetet sociale Fb dhe Instagram.

Categories
Shëndeti

Dhjamosja e mëlçisë, Anila Kalleshi tregon ushqimet që duhet të hani

Dhjamosja është një problem serioz që kërcënon shëndetin e mëlçisë. Ky organ rrethohet nga depozita të panumërta të yndyrës të cilat ndikojnë negativisht në funksionet bazë të mëlçisë dhe krijojnë inflamacion.

Një regjim i shëndetshëm ushqimor, i shoqëruar nga ndryshime të thjeshta në stilin e jetesës mund të rikthejnë mëlçinë në gjendjen e mëparshme. Njerëzit që vuajnë nga dhjamosja e mëlçisë duhet të tregojnë shumë kujdes për ushqimin, vaktet dhe veçanërisht atë të mëngjesit.

Frutat – Njerëzit që vuajnë nga dhjamosja e mëlçisë duhet të të paktën një racion me fruta në mëngjes. Ekspertët këshillojnë frutat që të ngopin lehtë për shkak të pranisë së fibrës. Ata mund të konsumojnë një banane ose gjysëm filxhani me boronica. Frutat mund të kombinohen dhe racioni nuk duhet tejkaluar. Ndër frutat më të shëndetshme për shëndetin e mëlçisë janë: dardha, limoni, shalqini dhe frutat e pyllit siç është luleshtrydhja.

Tërshëra – Eështë një drith shumë i shëndetshëm për njerëzit që vuajnë nga dhjamosja e mëlçisë. Ekspertët rekomandojnë që të blini tërshërë puro të cilën më pas mund ta pasuroni me produkte natyrale siç është mjalti apo fruta të freskëta. Tërshëra mund të kombinohet shumë mirë me qumështin me pak yndyrë dhe kosin dhe në këtë mënyrë ju mban të ngopur për shumë gjatë.

Kos me fryta pylli – Kosi është shumë i shëndetshëm për organizmin. Ai mund të kombinohet mjaft mirë me fruta pylli dhe nëse dëshironi të qëndroni të ngopur për më shumë gjatë mund të hani edhe një gjysëm fete buke me drith të plotë.

Perime të freskëta – Kjo ide mund të mos ju duket intersante, por nuk ka asgjë të gabuar të hash sallatë në mëngjes. Ju mund të mbushni një pjatë me copa kastraveci, domate, qepë dhe speca e djathë e të shijoni një mëngjes të shëndetshëm.

Categories
Lajme

Keni merak lëkurën? Hiqni menjëherë këto ushqime nga dieta ushqimore

Nuk është sekret të themi se për lëkurë të bukur nga jashtë ndikon organizmi nga brenda. Ajo që hamë ka një efekt masiv jo vetëm në peshën e trupit, shëndetin dhe gjendjen e përgjithshme, por edhe tek lëkura, flokët dhe thonjtë.

Lëkura nuk duhet kurrsesi të jetë e thatë, por as e tepër e yndyrshme, prandaj nëse lëkura prodhon më tepër vaj që çon dhe në krijimin e puçrrave atëherë duhet bërë kujdes me dietën ushqimore. Disa ushqime mund të shkaktojnë prodhimin e tepërt të sebumit(yndyrës) dhe sipas disa nutricionistëve dhe dermatologëve këto janë ushqimet që ndikojnë në vajin e tepërt të lëkurës tuaj.

1.Kripa – Konsumi i kripës së tepërt mund të shkaktojë dehidrim, mbajtje të ujit, ënjtje dhe rrathë poshtë syve. Por kjo gjithashtu mund të çojë në një rritje të niveleve të vajit, ndërsa lëkura përpiqet të luftojë dehidrimin e shkaktuar nga kripa.

2.Mishi i kuq – Mishi i kuq (të tilla si salçiëe, mish viçi, qengji dhe proshutë) mund të jenë të larta në yndyrna të ngopura të cilat mund të rrisin inflamacionin në lëkurë. Ky inflamacion i tepërt mund të shkaktojë prodhim të tepërt të vajit. Mishi i kuq mund të zëvendësohet me mish shpendësh ose peshk.

3.Sheqeri – Hulumtimet kanë treguar se ushqimet me nivel të lartë të sheqerit rritin prodhimin e IGF-1, një hormon peptid që stimulon rritjen, por gjithashtu mund të shkaktojë prodhimin e tepërt të yndyrës.

4.Karbohidratet e rafinuara – Ashtu si sheqeri, ushqimet me karbohidrate të rafinuara (buka e bardhë, makarona të bardha, oriz të bardhë) gjithashtu mund të rrisin prodhimin e IGF-1, gjë që mund të shkaktojë një mbiprodhim të yndyrës së lëkurës.

5.Bulmeti – Asnjëherë nuk duhet tepruar me konsumimin e qumështit, për shkak se produktet e qumështit me cilësi të lartë janë të lidhura me përfitime të tjera shëndetësore. Sipas disa kërkimeve, qumështi i skremuar mund të ketë një efekt më të madh në IGF-1 dhe mundëson rritjen e nivelit të yndyrës.

Natyrisht, vlen të përmendet se nuk është e nevojshme të hiqen plotësisht nga dieta këto grupe ushqimore, por të kufizohen për një periudhë kohe.

Categories
Lajme

A e dini se janë 5 ushqime që shkaktojnë akne në fytyrë? Mësojini tani

Produktet e qumështit – Qumështi nuk i bën mirë fytyrës! Një studim i fundit nga Akademia Amerikane e Dermatologjisë tregon se mund të ketë një lidhje midis konsumit të qumështit dhe daljes së akneve. Fajin e kanë hormonet tek produktet e qumështit.

Sheqeri – Ja një tjetër arsye pse duhet të hiqni dorë nga sheqeri. Ai shkakton shpërthime aknesh, sepse është pro-inflamator. Aknet konsiderohen si një inflamacion dhe dikush me një gjendje të tillë, duhet të ndjekë një dietë anti-inflamatore. Kjo nuk do të thotë që duhet të hiqni dorë nga ëmbëlsirat. Hani fruta dhe nëse doni patjetër diçka të ëmbël, zgjidhni mjaltin.

Buka – Nëse jeni të prirur të keni akne, buka, bagetat, kruasantët e përkeqësojnë situatën. Gruri shkakton inflamacion dhe për të larguar problemin e akneve, duhet të largoni inflamacionin nga trupi.

Vaji i kokosit – Vaji i kokosit bllokon poret rreth gojës dhe krijon një lloj inflamacioni përret faqeve dhe vijës së nofullës. Kjo vlen si për vajin e kokosit të aplikuar në lëkurë, ashtu edhe për atë që merret përmes ushqimit.

Kikirikët – Kikirikët përmbajnë një androgjen, i cili përkeqëson aknet duke rritur prodhimin e qelbit. Kikirikët e bëjnë përgjithësisht lëkurën më të yndyrshme. Përdorni në vend të tyre bajamet, të cilat nuk ndikojnë në nivelet e androgjenëve.

Çfarë mund të konsumoni pa frikë? Këshillohet zëvendësimi i ushqimeve të përpunuara me ushqime natyrale. Nuk mund të mos i hani kurrë këto ushqime, por pa i eleminuar nga dieta, nuk do ta kuptoni se çfarë shkakton aknet tek ju.

Categories
Shëndeti

A e dini pse ju dhemb shpatulla kur bën ftohtë? Ja si ta trajtoni

Rënia e temperaturave tek disa njerëz vjen e shoqëruar me dhimbje dhe therje të shpatullës. Temperaturat kanë një ndikim të fortë në organizëm e bashkë me to edhe punët e përditshme, barra e të cilave ndihet që në fillim tek pjesa e qafës apo shpatullës.

Nëse e keni vënë re, kur bën ftohtë tendenca për të mbledhur supet është krejt e natyrshme. Kontraktimi i muskujve e bën dhimbjen akute dhe të mprehtë. Nga ana tjetër, në ditët e ftohta, njeriu dëshiron të mblidhet e të mbështillet pa asnjë dëshirë për të lëvizur. Lëvizjet e kufizuara fizike shkaktojnë ngurtësim të muskujve. Nëse ju keni një ‘barrë të rëndë’ stresi mbi supe, atëherë dhimbja do të jetë edhe më e fortë.

Si mund të shmangni dhimbjet e dimrit? – Sipas të dhënave, aktiviteti i rregullt fizik edhe gjatë dimrit mirëmban qarkullimin e gjakut dhe largon dhimbjet. Ekspertët thonë se nuk është e nevojshme të ngrini pesha të rënda që të forconi muskujt dhe dendësinë kockore.

Aktiviteti i rregullt fizik, qoftë edhe ecja, ndihmon edhe kundër ngurtësimit të muskujve. Mundohuni të rrini sa më lirshëm. Vishuni mirie dhe çlironi muskujt kur dilni. Shtendosja e muskujve mundet gjithashtu t’ju ndihmojë kundër dhimbjeve të muskujve që nxiten nga rënia e temperaturave.

Kur duhet të kërkoni ndihmën e mjekut? Nëse nuk jeni të sigurtë për shkakun e dhimbjes së shpatullës atëherë AgroWeb.org rekomandon të kërkoni ndihmën e mjekut. Disa prej treguesve të një situate më problematike janë:

Vështirësia në mbajtjen e sendeve ose ngritjes së krahut. Dhimbja që vazhdon gjatë natës ose kur jeni duke pushuar. Dhimbja që vazhdon për shumë ditë. Enjtje ose nxirje përreth shpatullës ose krahut.

Temperaturë, skuqje të lëkurës dhe nxehtësi në zonën e dhimbjes. Çdo simptomë tjetër e pazakontë, siç është vështirësia në frymëmarrje. Nëse dhimbjet shtohen nga i ftohti, atëherë përpiquni të qëndroni në ambiente të ngrohta dhe lëvizni brenda shtëpisë suaj që të përmirësoni fleksibilitetin e gjymtyrëve.

Categories
Shëndeti

Anila Kalleshi: Këto janë 5 ushqimet ideale për tensionin e ulët

Tensioni i ulët i gjakut është një sëmundje shqetësuese por që merr një vëmendje të pamjaftueshme në krahasim me hipertensionin. Nivelet e duhura të tensionit duhet të jenë 120/80 mm Hg. Sipas të dhënave, tensioni është i ulët kur zbret në 90/60 mm Hg. Simptomat më të zakonshme të tensionit të ulët të gjakut përfshijnë: marramendjen, dobësinë, të përzierat dhe mjegullimin e shikimit.

Dehidratimi, ndryshimet në stilin e të ngrënit, aktiviteti i ashpër fizik, anemia, stresi, tiroidja, niveli i ulët i sheqerit në gjak janë disa prej shkaktarëve të uljes së tensionit. Ky i fundit mund të menaxhohet më mirë nëpërmjet disa ushqimeve të caktuara. Ushqimet dhe pijet më të mira kundër tensionit të ulët të gjakut

Kafeja – Njihet të ketë aftësinë e rritjes së menjëhershme të tensionit të gjakut. Nëse ky i fundit ka pësuar një rënie të menjëhershme, pini një filxhan kafeje ose çaji. Këto dy pije stimulojnë sistemin kardiovaskular dhe rrisin rrahjet e zemrës.

Çaji i jamballit – Pirja e këtij çaji ndihmon në rritjen e tensionit sepse ngadalëson ndikimin e aldosteronit. Ky i fundit është hormone që rregullon ndikimin e kripës në trup.

Ullinjtë – Ullinjtë janë të pasur me vitaminë E, hekur dhe bakër. Shija e tyre e kripur dhe ushqimet e kripura në përgjithësi rrisin tensionin e gjakut.

Ushqimet e pasura me vitaminë B-12 – Njerëzit që vuajnë nga tensioni i ulët i gjakut duhet të konsumojnë më shumë ushqime të pasura me vitaminën B-12. Sasitë e ulëta të kësaj vitamine mund të shkaktojnë anemi, e cila çon pashmangshmërisht në uljen e tensionit të gjakut. Vezët janë një burim shumë i pasur i vitaminës B-12. Ato mund t’i konsumoni të ziera, të skuqura apo të pjekura.

Uji – Dehidratimi lë pasoja të rënda në volumin e gjakut. Ulja e volumit të gjakut shkakton uljen e tensionit të gjakut, veçanërisht në momentet kur njeriu po kryen një aktivitet të caktuar fizik. Duhet të pini shumë ujë dhe bëjeni këtë rregullisht.

Categories
Lajme

Nga brokoli te selino: Ushqimet e duhura që duhen për të shmangur ftohjen

Gjatë muajve të dimrit kur temperaturat bien, shumë njerëz fillojnë të sëmuren. Edhe pse ftohja është më shumë diçka e bezdisshme sesa serioze, kur jetoni në mes të një pandemie, gjëja më e mirë që mund të bëni është të siguroheni të jeni sa më i shëndetshëm. Kjo fillon nga kuzhina juaj.

Një regjim ushqimor që bazohet në konsumimin e ushqimeve me aciditet të ulët dhe me bazë bimore alkaline do t’ju ndihmojnë të fitoni energji, të humbni peshë dhe të ulni nivelet e inflamacionit në trupin tuaj. Për t’ju ndihmuar, jun sjellim një listë të plotë të llojeve më të mira të ushqimeve që ju ndihmojnë të parandaloni ftohjen.

Ushqimet e pasura me vitaminë A – Vitamina A luan një rol të rëndësishëm në luftimin e infeksioneve. Burime të shkëlqyera të vitaminës A janë ushqimet si patatet e ëmbla, karotat dhe kungujt. Gjithashtu edhe perimet si spinaqi dhe brokoli përmbajnë sasi të konsiderueshme të vitaminës A.

Brokoli – Brokoli është i pasur me lënde ushqyese, veçanërisht sulforafan dhe izotiocianat, dy përbërje që kanë demonstruar veti anti-kanceroze dhe që forcojnë imunitetin. Gjithashtu brokoli përmban antioksidantë, të tillë si glukorafanina, që ndihmojnë trupin për të luftuar sëmundjet.

Ushqimet e pasura me vitaminë C – Vitamina C shërben si një antioksidant dhe stimulon prodhimin e qelizave imune. Disa nga ushqimet me përmbajtje të lartë të vitaminës C janë specat, brokolit, agrumet dhe manaferrat.

Ushqimet e pasura me vitaminë D – Vitamina D ka një rol të rëndësishëm në funksionin imunitar, por mungesa e saj është shumë e zakonshme. Për të ndihmuar në përmbushjen e nevojave tuaja për vitaminë D, konsumoni produktet e peshkut si salmoni dhe peshku ton.

Selinoja – Duke qenë se selinoja përmban kryesisht ujë është tepër hidratues. Megjithatë ajo përmban minerale dhe shumë fibra të tretshme e të patretshme, të cilat ndihmojnë në neutralizimin e acideve dhe toksinave. Gjithashtu selinoja përmban anti-inflamatorë, që ndihmojnë duke zvogëluar rrezikun e prekjes nga infeksione dhe sëmundje të ndryshme.

Ushqimet e pasura me vitaminë E – Vitamina E është një tjetër antioksidant, që ndihmon në rregullimin e sistemit imunitar. Arrat, farat dhe vajrat si ai i bajames, lajthitsë, vaji i lulediellit dhe farat e lulediellit sigurojnë një sasi të mirë të vitaminës E.

Avokado – Avokadot kanë përmbajtje të lartë të vitaminës A,C dhe E. Këto vitamina shërbejnë gjithashtu si antioksidantë, që forcojnë dhe mbrojnë imunitetin tuaj.

Ushqimet e pasura me zink – Zinku është një mineral i nevojshëm për zhvillimin dhe funksionimin e qelizave imune. Nëse jeni një adhurues i ushqimeve të detit, jeni me fat sepse gocat e detit përmbajnë më shumë zink se çdo ushqim tjetër. Gaforrja dhe karavidhet janë gjithashtu burime të mira të zinkut.

Categories
Dieta

Dieta fantastike me kos nga Anila Kalleshi, humbni 4 kile shumë shpejt

Dieta me kos është një nga dietat e forta javore, e cila realizon një rënie në peshë mbresëlënëse deri në 4 kg në javë. Dieta me kos është një dietë bashkëkohore, e cila bazohet në receta të pasura me proteina dhe të varfra me karbohidrate.

Ajo siguron elementët e nevojshëm ushqyes për organizmin nëpërmjet një ekuilibri ushqimor të përsosur dhe në të njëjtën kohë, pakëson ndjeshëm numrin e kalorive. Kjo bën që trupi për energjinë e nevojshme të sigurojë kaloritë nëpërmjet indeve dhjamore të depozituara, kryesisht në zonën e barkut, duke mundësuar në këtë mënyrë shkrirjen e yndyrave.

Dieta me kos përjashton ëmbëlsirat, duhanin, alkoolin dhe pijet e gazuara. Recetat e sallatave janë ndërtuar me shumë pak vaj ulliri. Rekomandohet që gjatë kësaj diete të konsumoni sa më shumë ujë, si dhe të kryeni aktivitete fizike për rezultate sa më të mira.

Dita e parë – Mëngjesi: 100 gr kos me tërshërë. Dreka: Sallatë jeshile me një kokërr patate të zier. Darka: 200 gr fileto pule. Para gjumit: Një gotë kos me një domate të grirë në mikser.

Dita e dytë – Mëngjesi: 100 gr kos me tërshërë. Dreka: 50 gr oriz të shoqëruar me sallatë me domate. Darka: Sallatë me perime mikse, e shoqëruar me një fetë buke të zezë, ose integrale. Para gjumit: Një gotë kos.

Dita e tretë – Mëngjesi: 100 gr kos me tërshërë. Dreka: Supë perimesh mikse e shoqëruar me sallatë perimesh mikse. Darka: 200 gr peshk i pjekur në zgarë e shoqëruar me sallatë jeshile. Para gjumit: Një banane.

Dita e katërt – Mëngjesi: 100 gr kos me tërshërë. Dreka: 200 gr fileto pule, e shoqëruar me sallatë greke (domate, ullinj, qepë, djath i bardhë). Darka: 2 kokrra patate të ziera, të regjura në uthull molle. Para gjumit: Një gotë kos me një domate të grirë në mikser.

Dita e pestë – Mëngjesi: 100 gr kos me tërshërë. Dreka: 50 gr oriz. Darka: 100 gr fileto pule e shoqëruar me sallatë perimesh mikse. Para gjumit: Një thelë shalqi.

Dita e gjashtë – Mëngjesi: 100 gr kos me tërshërë. Dreka: 200 gr peshk i pjekur në zgarë e shoqëruar me sallatë jeshile, ose me sallatë perimesh mikse, si dhe një fetë buke e zezë ose integrale. Darka: Perime të pjekura në zgarë. Para gjumit: Një thelë pjepër.

Kjo dietë rekomandohet të përsëritet jo më shumë se një herë në muaj. Pasi e realizuat dietën, kaloni gradualisht në recetat e personalizuara, duke pasur kujdes që të mos abuzoni me sasinë, pasi kilet që keni humbur mund t’i zëvendësoni sërish me shpejtë

Categories
Lajme

Studimi: Ushqimet me proteinë nxisin bllokimin e enëve të gjakut

Studimet kanë treguar se njerëzit që konsumojnë ushqime të pasura me proteinë janë më të fortë, kanë muskuj më të shëndetshëm dhe imunitet më të fortë. Proteina është shumë e rëndësishme për organizmin sepse garanton mbarëvajtjen e shumë sistemeve të trupit por edhe një plakje më të shëndetshme.

Sasia e rekomanduar ditore e proteinës për një mashkull që nuk kryen aktivitet fizik është 56 gramë në ditë. Për gratë dhe vajzat që kanë një jetë jo aktive, kjo sasi është 46 gramë. Një studim ka ofruar pikëpamje të reja mbi një problematikë të rëndësishme të ushqimeve me proteinë. Bëhet fjalë për bllokimin e enëve të gjakut.

Sipas studimit në fjalë, ushqimet e pasura me proteinë kanë tendencën të nxisin formimin e pllakës arteriosklerotike. Kjo e fundit është krejt e paqëndrueshme dhe mund të shkaktojë jo vetëm bllokimin e enëve të gjakut, por edhe çarjen e tyre.

Akumulimi i pllakëzave të tilla të paqëndrueshme rrit ndjeshëm rrezikun e atakut në zemër, thonë ekspertët. Falë studimit, ekspertët zbuluan se ushqyerja e vazhdueshme me ushqime të yndyrshme dhe me proteinë rrit me 30 përqind sasinë e pllakës arteriosklerotike.

Më pas, kjo pllakë bëhet më e madhe falë qelizave të vdekura jo vetëm duke penguar qarkullimin e gjakut por edhe duke rritur tensionin e tij. Ekspertët identifikuan dy amino acide të veçanta tek ushqimet me proteinë, siç është mishi, të cilat janë shumë të fuqishme në aktivizimin e pllakës dhe shuarjen e aftësive të qelizave për pastrimin e saj.

Nëse qelizat nuk bëjnë dot detyrën e tyre, atëherë pllakëzat e yndyrës shtohen dhe zmadhohen duke përbërë kështu një pengesë serioze për qarkullimin e gjakut. Problemet me qarkullimin më pas nxisin shfaqjen e shumë sëmundjeve të ndryshme që dëmtojnë zemrën dhe vështirësojnë jetën.

Categories
Shëndeti

Këshillat e Anila Kalleshit: Këto janë 7 ushqimet më efektive për djegien e dhjamit

Nëse jeni duke kërkuar një mënyrë se si të rrisni metabolizmin tuaj, ju mund ta arrini këtë edhe duke mos shkuar në palestër, por duke kontrolluar ushqimet që konsumoni. Disa produkte ushqimore që ne konsumojmë në dietën tonë të përditshme kanë disa enzima të cilat rrisin funksionin e tiroides duke nxitur sistemim e trupit tonë për të bërë një detox të natyrshëm.

Duke filluar nga avokadot, ushqimet të cilat rrisin metabolizmin tonë dhe shkrijnë dhjamin janë tepër të rëndësishme për ndërtimin e masës muskulore, reduktimin e dëshirës për të ngrënë dhe humbjen e peshës. Me këto ushqime ju do të digjni kalori edhe ndërkohë që jeni duke ngrënë. Këto ushqime përveçse largojnë dhjamin e tepërt në trupin tonë janë edhe të shijshme dhe të dëshirueshëme nga të gjithë ne. Konsumimi i tyre i përditshëm do të jap një rezultat befasues.

1-Avokado – Ajo është e pasur me yndyra të mira të cilat djegin dhjamin. Pikërisht këto yndyra djegin dhjamin, por në të njëjtën kohë shërbejnë si një burim i madh energjie për trupin tonë.

Avokadot përmban gjithashtu edhe një sheqer, i cili bën të mundur lirimin e insulinës dhe nxit absorbimin e kalciumit, dy funksione kryesore për humbjen e dhjamit. Gjithashtu ajo është e pasur me antioksidantë të dhe vitamina për të cilat trupi jonë ka nevojë.

Sipas një studimi të botuar në “Journal of Nutriton’, pjesëmarrësit që hëngrën vetëm gjysmën e një avokadoje në drekë, u raportua se 40% prej tyre kishin humbur dëshirën për të ngrënë për orë të tëra.

2-Çaji jeshil – Ju mund të përshpejtoni metabolizmin tuaj duke pirë çaj jeshil. I pasur me ushqyes të shumtë dhe me një përmbajtje të ulët kafeine, çaji jeshil rrit funksionin e trurit, uljen e dëshirës për ushqim dhe djegien natyrale të yndyrës. Çaji jeshil është provuar gjithashtu se mund të ulë rrezikun e kancerit. 4 gota çaji jeshil në ditë është e mjaftueshme për të rritur metabolizmin.

3-Veza – Ajo është e pasur me Omega-3 të cilat zvogëlojnë natyrshëm yndyrat e barkut. Një proteinë prekte, por gjithashtu vezët përmbajnë edhe 9 aminoacide thelbësore dhe yndyra të mira të cilat zvogëlojnë natyrshëm inflamacionin duke shtypur prodhimin e enzimave që shkaktojnë kërce në trup. Sigurohuni që jeni duke përzgjedhur vezë të mira dhe jo nën ndikimin hormoneve artificiale, perfekte janë vezët e freskëta të fermave.

4-Gjalpi indian – Gjalpi është në krye të listës sonë të ushqimeve të shëndetshme megjithëse kjo është e habitshme. Ai tretet shumë shpejt dhe përmban shuam vitamina A, D, E dhe K. Gjithashtu përmban edhe acid lionelik dhe omega-6, të cilat përmirësojnë masën e trupit tonë. Shtimi i gjalpit indian në rutinën tonë të përditshme mund të rrisë humbjen efektive të peshës. Ju kujtojmë se përveç të tjerave ai është edhe shumë i shijshëm.

5-Grejpfruti – Një dozë grejpfruit çdo ditë zvogëlon dëshirën tonë për të ngrënë. Ai rekomandon përdorimin e lëngut të grejpfruitit për të mbajtur të qëndrueshëm nivelin e sheqerit në gjak, duke kompensuar insulinën dhe duke ulur dëshirën për të ngrënë. Ky lëng është i pasur me fibra të tretshme dhe zvogëlon oreksin tonë nëse e konsumojmë para buke.

6-Bishtajoret – Prania e bishtajoreve në dietën tonë është një detox natyral për trupin tonë dhe djeg dhjamin e tepërt. Ato janë gjithashtu një burim i shkëlqyer fibrash distike dhe kanë përfitime të shumta shëndetësore. Janë të pasura me vitaminë A, B, C dhe E dhe përmbajnë minerale të fuqishme si kalciumi, kaliumi dhe hekuri. Ato janë gjithashtu dhe një burim i madh i vitaminës B2, që ndihmon në rritjen e fuqisë tretëse.

7-Patatja e ëmbël – Ato janë një nga ushqimet më të mira natyrore anti-inflamatore. Patatet e ëmbla janë të pasura me fibra dietike dhe me një përmbajtje të koncentruar të vitaminave dhe mineraleve. Ato përmbajnë vitaminën B6 dhe C së bashku me beta-karoten, si dhe mangan. Disa studime kanë arritur në përfundimin se patatet e ëmbla nxisin hormonet për të tretur yndyrën në trupin tonë.