Categories
Shëndeti

Shqiptarë, ma dëgjoni këtë këshillë: Perimet duhen ngrënë në mëngjes

Mëngjesi i mirë është gjysma e punës, ndaj edhe perimet duhen ngrënë në mëngjes. Të dhënat shkencore provojnë që nëse shtoni perimet në mëngjes, do të keni plotësuar shumicën e rekomandimeve për një shëndet më të mirë.

A do të donit ta nisnit ditën plot ankth dhe stres? Me siguri jo! Po të marrim në konsideratë faktin që një përqindje mjaft e ulët e shqiptarëve hanë shumë pak perime, atëherë duhet të gjejmë motivimin e duhur që të shtojmë dozat e ushqimeve të shëndetshme.

Vlerat e perimeve për mëngjes – Ngrënia e perimeve në mëngjes është mjaft e thjeshtë, e lehtë dhe e shijshme. Vende të ndryshme të botës i kanë perimet pjesë të pandarë të mëngjesit. Francezët për shembull hanë rregullisht kastravecë, domate dhe ullinj në mëngjes. Në Spanjë, hanë sallatë perimesh në mëngjes. Më poshtë do të gjeni disa receta të cilat do t’ju vijnë në ndihmë për të ngrënë sa më shumë perime në mëngjes

Brokoli me vezë të skuqur – Në fillim zjejmë për 10 minuta brokolit e ndara në lule të vogla. Më pas në tigan hedhim dy lugë gjelle me vaj ulliri, e lëmë pak të nxehet dhe më pas hedhim vezët sy. U hedhim pak kripë dhe i lëmë të skuqen pak apo shumë sipas preferencës.

Krepa me miell misri me spinaq dhe djathë të bardhë – Brumin e krepave e përgatisni me miell misri në vend të miellit të grurit. Për mbushjen e nje krepe, në një tigan hidhni një grusht me spinaq. Lëreni në zjarr sa të avullojë uji, hidhini pak kripë, vaj ulliri dhe thërrime djathi dhe mbushni krepën.

Omletë me spinaq dhe avokado – Grini një grusht me spinaq, gjysmë avokado të prerë në kubikë. Hidhni në një tas dy vezë, pak kripë dhe rrihini fortë. Më pas shtoni spinaqin dhe avokadon dhe përzjejini bashkë. Vendosni një tigan në zjarr. Hidhni pak vaj ulliri dhe shtroni omletën në tigan. Lëreni të skuqet mirë nga njëra anë dhe më pas kthejeni nga ana tjetër.

Vezë dhe spinaq – Grini një grusht me spinaq. Vendosni një tigan në zjarr. Hidhni spinaqin e grirë hollë dhe lëreni sa të avullojë uji, hidhini më pas pak vaj ulliri, kripë dhe hidhni vezët sy që të skuqen.

Lulelakër të skuqur me vezë – Në fillim zjejmë për 10 minuta lulelakrat e ndara në lule të vogla. Më pas në tigan hedhim dy lugë gjelle me vaj ulliri, e lëmë pak të nxehet dhe më pas hedhim lulelakrat dhe vezët sy. U hedhim pak kripë dhe i lëmë të skuqen pak apo shumë sipas preferencës. Ju mund të përzieni të gjithë perimet që ju pëlqejnë dhe të angazhoheni në krijime të reja në kuzhinë.

Categories
Këshilla Lajme Shëndeti

Çfarë i ndodh trupit tuaj nëse konsumoni vezë të ziera përditë

Veza është padyshim përbërësi kryesor i një mëngjes të shëndetshëm. Një nga mënyrat më të zakonshme të konsumimit të vezës është sigurisht përgatitja e saj në formën e zier. Por cilat janë vlerat e vezës së zier dhe çfarë i ndodh organizmit kur ajo konsumohet e zier.

Më poshtë ju tregoj 3 përfitimet shëndetësore të vezës së zier dhe ndikimin e saj në organizëm. Veza përmban 210 miligramë kolesterol. Zierja konsiderohet mënyra më e sigurt për gatim sepse yndyrnat që përdorni në skuqje rrisin kolesterolin në organizëm.

Vezët janë të mira për shëndetin dhe një i rritur mund të hajë një vezë në ditë pa u shqetësuar shumë për kolesterolin. Sipas të dhënave, ngrënia e vezës në mëngjes si pjesë e një regjimi të kujdesshëm shëndetësor mund t’ju ndihmojë të humbisni në peshë.

Yndyrnat e mira – Vezët e ziera nxisin krijimin e yndyrnave të mira të cilat ndihmojnë në ruajtjen e nivelit të kolesterolit në gjak ndërsa ulin rrezikun e problemeve dhe sëmundjeve në zemër. Këto yndyrna të shëndetshme për shëndetin e zemrën ndikojnë gjithashtu në rregullimin e nivelit të insulinës në gjak, e për rrjedhojë nivelin e sheqerit në gjak.

Proteinat – Vezët e ziera natyralisht përmbajnë një nivel të lartë proteinash. Organizmi ka nevojë për proteina për forcimin e muskujve. Por mbi të gjitha proteinat ndihmojnë gjithë organet e trupit dhe mundësojnë një strukturë të posaçme mbrojtëse në muret e qelizave.

Shëndeti i syve – Një nga vitaminat më të rëndësishme tek veza është vitamina A. Kjo vitaminë është thelbësore në ndihmën që i ofron retinës së syve për thithjen e dritës, mbron membranat dhe ul riskun e prekjes nga dobësimi i shikimit apo verbëria.

Kocka të forta – Vezët e ziera janë të pasura me vitaminën D, vitaminë e cila është e rëndësishme për kocka dhe dhëmbë të fortë gjithashtu. Vitamina D u mundëson kockave përthithjen e kalçiumit dhe rregullon nivelin e kalçiumit në gjak. Ky proces garanton që skeleti i trupit të marrë sasinë e duhur të kalçiumit për të qenë i fortë.

Këshilla për vezët e ziera – Vezën e zier mund ta kombinoni në sallatat me spinaq, patate, pulë apo peshk si një element i domosdoshëm i ushqyerjes së shëndetshme.

Categories
Receta

Patate e zier, vezë dhe lakër: Sallatë me shije të shkëlqyer për familjen

Përbërësit e recetës: 5 patate, 3 vezë, 1 filxhan selino e copëtuar, 1/2 filxhan qepë e copëtuar, 1/2 filxhan turshi lakër, 1/4 lugë çaji hudhër pluhur, 1/4 filxhan majonezë, kripë, piper

Si ta përgatisim: Fillimisht, në një tenxhere me ujë dhe kripë vendosni për të zierë patatet. I lini të ziejnë për 15 minuta. Pasi të jenë gati, i lini pak në ujë të ftohtë dhe më pas i qëroni.

Po kështu duhet të veproni edhe me vezët. Pra, në fillim zieni dhe më pas u hiqni lëvozhgën. Në një tas të madh, kombinoni patatet, vezët, selinonë, qepën, kripë, hudhër, piper dhe majonezë.

Në fund, i përzieni mirë, i lini për pak minuta në frigorifer dhe më pas mund t’i shijoni. Do të kenë shije super, jua garantoj. I vetmi variant që mund të mos ju pëlqejë ndoshta është pjesa e majonezës, të cilën edhe mund të mos e përfshini në këtë recetë. Ju bëftë mirë!

Nëse keni ndonjë recetë tuajën personale që ju pëlqen ta ndani me ne, mirëpres komentet tuaja më poshtë. Do të ishte super, nëse na tregoni edhe ndonjë “sekret” të vogël gatimi, që mund ta keni mësuar nga nëna ose gjyshja.

Zakonisht këto gjëra i shprehni me mesazhe private, por do të doja t’i ndanit me të gjithë me komente.

Categories
Këshilla

Keni qejf peshk me djathë ose vezë? Ja çfarë mund të shkaktojë ky kombinim në trupin tuaj

Shumë argumentojnë se kombinimi i peshkut me djathë ose vezë është i ndaluar sepse mund të shkaktojë helmim nga ushqimi dhe reaksion alergjik. Megjithatë, hidheni lehtësisht poshtë këtë teori. Peshku, vezët dhe bulmeti janë ushqime të pasura me proteina. Megjithatë, proteinat që ato kanë ndryshojnë nga njëra-tjetra. Kështu, gjatë tretjes, prishja e tyre në stomak nga lëngjet e sekretuara nga mëlçia kërkon më shumë kohë. Kjo nuk do të thotë se kombinimi i peshkut me djathin mund të shkaktojë probleme shëndetësore, por se do të ngadalësojë tretjen. Prandaj, ngrënia e peshkut me djathë, vezë ose derivatet e tyre, si majoneza, është e sigurt për njerëzit e shëndetshëm.

Problemi mund të shfaqet vetëm tek njerëzit që kanë probleme me stomakun dhe mëlçinë. Nëse trupi nuk është në gjendje të metabolizojë ushqimin për ndonjë arsye, atëherë ka të ngjarë të shkaktojë të vjella. Në të njëjtën kohë, ata që kanë predispozicion alergjik duhet të shmangin kombinimin e ushqimeve të tilla. Trupi i tyre mund të reagojë. Por kjo varet edhe nga sasia që do të konsumohet.

Në mënyrë të ngjashme, ata do të kenë një problem kur janë alergjikë ndaj njërës prej tre kategorive ushqimore dhe nuk e dinë atë. Megjithatë, konsiderohet e rrallë që një i rritur të mos jetë në dijeni se ai ose ajo ka një alergji ushqimore. Për fëmijët, nëse janë ekzaminuar nga mjeku dhe nuk janë alergjikë ndaj asnjë ushqimi, atëherë nuk ka rrezik për kombinimin e tyre.

Alergji ushqimore – Në përgjithësi, alergjitë ushqimore ndodhin në më pak se 2% të popullsisë së rritur, ndërsa shkalla arrin në 5% tek fëmijët. Në shumë fëmijë, megjithatë, alergjitë ngadalësohen me kalimin e kohës. Shumica e reaksioneve alergjike tek fëmijët shkaktohen kryesisht nga qumështi, vezët, soja, arrat, peshku dhe drithërat. Thuhet se ky mit dietik lindi për shkak të ruajtjes së dobët të ushqimit në të kaluarën. Peshqit dhe djathrat zhvilluan më lehtë mikrobet, duke shkaktuar më shumë helmime nga ushqimi.

Categories
Lajme

Fshati më i shëndetshëm në botë gjendet në Itali: 7 zakonete një jete cilësore

Një mjek ka studiuar “fshatin më të shëndetshëm në botë” dhe ka zbuluar sekretin e jetëgjatësisë së banorëve të tij, ku shumica prej tyre kanë jetuar më shumë se 100 vjeç.

Kardiologu Aseem Malhotra ka zbuluar se shumë banorë në Pioppi, një fshat në Jug të Italisë, konsumojnë shumë pak sheqer, pavarësisht dietës së lartë në yndyra. Banorët rrallë vuajnë nga diabeti ose sëmundjet e zemrës. Përveç dietës, faktorë të tjerë kyç janë mungesa e stresit dhe fjetja më shumë se 7 orë në natë. Fshati Pioppi mbrohet nga UNESCO si shtëpia e dietës mesdhetare.

8 hapat që dr. Malhotra sugjeron për një jetë të gjatë:

Mos ju frikësoni yndyrave; Armiqtë janë sheqeri dhe karbohidratet e rafinuara. Vazhdoni të lëvizni – aktiviteti fizik nuk është vetëm për rënien në peshë (ecja është më mirë). Vaji i ullirit ekstra i virgjër është si një ilaç – ashtu si një grusht me fruta të thata – i konsumoni bashkë çdo ditë. Flini të paktën 7 orë në natë. Mjaft i numëruat kaloritë – jo të gjithë janë njësoj. Konsumoni 10 vezë në javë – përveçse ju ngopin, janë të pasura edhe në proteina.

Konsumoni dy racione me perime në të paktën 2 vakte në ditë. Agjëroni njëherë në javë për 24 orë – hani darkë, pastaj mos hani mëngjes ose drekë ditën tjetër. “Adoptimi i dietës mesdhetare të lartë në yndyra, heqja dorë nga duhani, aktiviteti fizik dhe reduktimi i stresit janë shumë më të fuqishëm se çdo ilaç në parandalimin dhe trajtimin e disa sëmundjeve kronike, përfshirë edhe sëmundjet zemrës”, thotë dr. Malhotra.

Categories
Lajme

Këto janë ushqimet me sulfur që kurojnë problemet e mëlçisë

Hudhra – Një nga produktet natyrale me më shumë vlera medicinale, siç është hudhra, përmban një përbërës aktiv me bazë sulfurin, i quajtur allicin, që ndihmon në detoksifikimin e mëlçisë. Ky përbërës ndihmon në eliminimin e mërkurit nga trupi, si dhe disa aditivëve të caktuar të ushqimeve.

Qepa, qepujkat dhe preshi – Ngjashëm me hudhrën, edhe këto bimë bulbore të familjes së qepës përmbajnë përbërës me bazë sulfurin që ndihmojnë mëlçinë në prodhimin e glutationes, përbërësi në çdo qelizë të trupit që neutralizon radikalet e lira.

Vezët – Vezët sigurojnë sasinë më të lartë të proteinave të cilësisë së lartë, si dhe përmbajnë të 8 aminoacidet esenciale dhe lëndën ushqyese të rëndësishme si choline. Këto aminoacide janë të nevojshme për procesin e detoksifikimit të mëlçisë. Choline, një enzimë e nevojshme për metabolizmin, gjendet tek e verdha e vezës dhe mbron mëlçinë nga një sërë substancash toksike, ndërkohë që detoksifikon metalet e rënda.

Argjinare – Dy substanca të gjendura tek angjinaret, si cynarin dhe silymarin, mund të ushqejnë mëlçinë, rrisin prodhimin e biles dhe parandalojnë formimin e gurëve në tëmth.

Kërpudhat medicinale – Kërpudhat janë të pasura me një sërë lëndësh ushqyese që forcojnë sistemin imunitar. Ato përmbajnë një antioksidues të fuqishëm, të quajtur L-ergothioneine, që neutralizon radikalet e lira. Kërpudhat janë gjithashtu të pasura në vitaminë D.

Categories
Këshilla

Këshillë nga Anila: Pse duhet të konsumoni vezë çdo mëngjes

Konsumi i vezëve është shumë i dobishëm për shëndetin e përgjithshëm. Përmban të gjitha lëndët ushqyese thelbësore që kërkon trupi. Për më tepër, vezët janë burimi potencial për të shtuar marrjen ditore të proteinave. Këto janë disa arsye pse duhet të konsumoni një vezë çdo ditë për mëngjes.

Ju mban të ngopur për një kohë më të gjatë – Konsumimi i vezës për mëngjes është i dobishëm në krahasim me bukën e thekur ose drithërat. Yndyra dhe proteina në vezë ruajnë nivelin e energjisë dhe ju mbajnë të ngopur për një kohë të gjatë.

Janë burim proteinash – Vezët konsiderohen si burimi më i mirë i proteinave. Konsumi i vezëve për mëngjes siguron të gjitha aminoacidet thelbësore që ne zakonisht marrim nga dieta e përditshme.

Ndihmon në humbjen e peshës – Vezët gjithashtu përshkallëzojnë procesin e humbjes së peshës. Nëse konsumoni vezë për mëngjes, atëherë veza siguron ndjesinë e ngopjes. Kjo do të zvogëlojë rrezikun e ngrënies së tepërt.

Forcon sistemin imunitar – Vezët përmbajnë gjithashtu një lëndë ushqyese selen që përmirëson sistemin imunitar dhe rregullon hormonin e tiroides. Për më tepër, konsumi i vezës për mëngjes parandalon infeksionet dhe ndërton një sistem të fortë imunitar.

Mbron trurin – Veza përmban lëndën ushqyese thelbësore të quajtur kolinë, e cila promovon shëndetin e trurit. Për më tepër, mungesa e kolinës rrit rrezikun e demencës.

Categories
Receta

RECETA: Vezë të skuqura me patëllxhanë për mëngjes

Përbërësit e kësaj recete janë: 4 kokrra vezë, 4 feta proshutë, 2 domate, 2 lugë gjelle gjalpë, 2 copë patëllxhanë, 4 thelpinj hudhra, 2 lugë gjelle vaj

Si ta përgatisim: Presim patëllxhanët në feta të holla dhe i kriposim. I lëmë 1 orë të kullojnë lëngun. I heqim lëkurën domateve, farat i shtypim dhe i hedhim në një tigan me pak vaj dhe gjalpë. Shtojmë hudhrën e shtypur dhe i skuqim në zjarr të ngadaltë.

Skuqim lehtë patëllxhanët me pak vaj dhe i shtojmë në një pjatë. 5.Njëkohësisht skuqim me gjalpë, proshutën të prerë në feta të holla dhe i kullojmë. Në yndyrë skuqim vezët sy, e kullojmë dhe e vendosim mbi patëllxhanët, ndërsa sipër hedhim në mënyrë të shpërndarë proshutën. Ju bëftë mirë!

Categories
Këshilla

Njerëzit me kolesterol të lartë nuk duhet të hanë vezë?! Kush e tha?

Për një kohë të gjatë është thënë se njerëzit me kolesterol të lartë nuk duhet të hanë disa produkte të caktuara. Vezët ishin një prej tyre. Po, është e vërtetë se të verdhat e vezëve përmbajnë më shumë yndyrë dhe kolesterol sesa të bardhat, por jo të gjitha yndyrnat janë të këqia.

Natyrisht, nuk është një ide e mirë për të ngrënë 3 vezë për mëngjes çdo ditë, por 1 vezë në ditë nuk do të të dëmtojë. Ata që vuajnë nga diabeti dhe sëmundjet kardiovaskulare duhet të jenë më të kujdesshëm dhe të hanë jo më shumë se 3 vezë në javë.

Pra, ky është një mit i vezëve, siç ka edhe shumë të tjerë që duhet t’i themi lamtumirë në shek XXI. Uroj që të mos e keni marrë parasysh. Edhe nëse e keni bërë, ja që ka ardhur koha të ndryshoni mendje.

Categories
Lajme

Mjaltë, kos dhe vezë – kjo është maska ideale për shëndetin e flokëve (si përgatitet)

Shëndeti i flokëve kërkon përkujdesje të vazhdueshme dhe ushqyerje të shëndetshme. Disa prej ushqimeve më të mira për shëndetin e flokut nga jashtë brenda janë veza, kosi dhe mjalti.

Mjalti – Mjalti ndihmon në ushqyerjen dhe zbutjen e flokut. Sa më i butë të jetë floku, aq më e vështirë do të jetë këputja e tij. Kjo e fundit ngadalëson rritjen e flokut. Mjalti është i pasur me antioksidantë të cilët mbrojnë shëndetin e flokut dhe skalpit. Për më tepër, mjalti ka efekt pastrues të flokëve.

Kosi – Acidi laktik tek kosi ndihmon në hidratimin e flokut. Për më tepër, gjatë shpëlarjes, kosi ndihmon në pastrimin e flokut prej qelizave të vdekura. Kosi ka vlera mjekësore dhe kozmetike që ndikojnë në shëndetin e rrënjëve, majave dhe skalpit. Vitamina B12 ndihmon në rritjen e flokut dhe parandalojnë rënien e tij.

Veza – Ushqyesit që gjenden tek veza janë të njëjtët që gjenden tek një flok i shëndetshëm dhe plot shkëlqim. E verdha e vezës ndihmon kundër rënies së flokut, flokëve të brishtë dhe për rritjen e tyre.

Për këtë maskë ju nevojiten: 2 vezë, 1 lugë gjelle me mjaltë, 2 lugë gjelle me kos.

Përgatitja e maskës – Rrihini vezët në një enë të thellë qelqi. Shtoni një lugë gjelle mjaltë dhe dy lugë gjelle me kos. Përziejini përbërësit mirë deri sa të formohet një masë kremoze dhe e butë. Maskën aplikojeni në skalpin e kokës dhe në të gjithë gjatësinë e flokut.

Atë duhet ta mbani për 20 minuta dhe më pas kokën duhet ta lani me ujë të ftohtë ose të vakët. Uji i nxehtë e mpik vezën dhe do ta keni të vështirë ta lani nga flokët. Kjo maskë do ketë një efekt zbutës për flokun. Ajo është perfekte për flokët që janë me yndyrë në zonën e rrënjës dhe të thatë në maja.