Categories
Lajme

Dieta për fëmijën: Këto janë 3 lëndët ushqyese që s’duhet të mungojnë

Miratimi i një diete të duhur është çelësi për arritjen e zhvillimit optimal në fëmijëri. Në fund të fundit, një fëmijë që mëson që në moshë të re të hajë siç duhet, do të jetë në gjendje të ketë zakone të mira ushqimore në jetën e mëvonshme.

Tri lëndët ushqyese që nuk duhet të mungojnë në dietën e fëmijës janë vitamina D, vitamina C dhe vitamina A. Le t’i trajtojmë bashkë të trija për të bërë një shtjellim të secilës.

Vitamina D është një nga lëndët ushqyese që është në gjendje të rregullojë kushtet inflamatore në trup. Prandaj, mbajtja e këtij elementi në nivelin e duhur redukton ndjeshëm rrezikun e zhvillimit të sëmundjeve kronike.

Për të siguruar furnizim të vazhdueshëm me lëndë ushqyese, nuk ka asgjë më të mirë se ekspozimi ndaj rrezeve të diellit çdo ditë. Por duhet të sigurohet konsumimi i rregullt i peshkut yndyror, vezëve dhe produkteve të qumështit, të cilat janë të pasura me vitaminë D.

Vitamina C – Për të forcuar sistemin imunitar të fëmijës, është e rëndësishme marrja e vitaminës C pasi redukton ndjeshëm rrezikun e sëmundjeve infektive. Gjithashtu redukton ashpërsinë e simptomave dhe kohëzgjatjen e infeksioneve. Kivi, brokoli, luleshtrydhet, portokallet dhe lakrat e Brukselit janë disa burime të mira të vitaminës C.

Vitamina A – Kjo vitaminë është e rëndësishme për të siguruar zhvillimin muskulor të fëmijëve. Nga ana tjetër, kjo lëndë ushqyese është një faktor kyç në shërimin e plagëve. Karotat, spinaqi, kajsitë, specat e kuq, patatet e ëmbla janë burime të mira të vitaminës A.

Categories
Shëndeti

Anemia, stomaku dhe kockat: Zgjidhja e këtyre problemeve nis me brokolin

Brokoli është i pasur me vitamina dhe minerale. Besoj se e dini që përmban vitaminë A. Një brokoli e mesme përmban më shumë vitaminë C se një portokall.

Brokoli është burim i pasur i Vitaminës të grupit B si B1, B2, B3, B5, B6 B9 (acid folik). Në përmbajtjen e brokolit është e pranishme edhe vitamina K. Mineralet të cilat gjenden në sasi të madhe në brokoli janë: hekuri, kalciumi, kaliumi, magneziumi dhe zinku. Brokoli është i pasur edhe me fibra. Përse të hamë brokoli? Brokoli u takon perimeve që e ruajnë shëndetin tonë dhe lufton shumë sëmundje si janë:

Sëmundjet e zemrës: Përveç antioksidanteve të përmendura më lart, brokoli ka përmbajtje të lartë ne fibra, beta-karotene, acide yndyrore omega-3 dhe vitamina të tjera që ndihmojnë në uljen e kolesterolit të keq si dhe mbajne zemrën te funksionoje siç duhet duke rregulluar-presionin e gjakut.

Anemia: Anemia është e lidhur direkt me mungesën e hekurit dhe disa proteinave. brokoli është i pasur me të dyja dhe kështu formon një zgjidhje të shkëlqyer për anemi. Tani, le të kemi një vështrim në të gjithë përbërësit e pranishëm në brokoli. Ata janë karbohidratet, omega-3 acidet yndyrore, proteina, vitamina A, B kompleks, C dhe E, beta-karotenet, kalciumi, hekuri, magnezi, fosfori, kromi, kalium mangani, glucoraphanini, dindolylmethani, zeaxanthini, uji dhe fibrat.

Çrregullimet në stomak: brokoli është shumë i pasur me fibra dhe mund të kurojë pothuajse të gjitha çrregullimet e stomakut me shërimin e kapsllëkut sepse kapsllëku është rrënja e pothuajse të gjitha çrregullime ne stomak. Fibrat formojne pjesën më te madhe te ushqimit, ujit dhe ruajnë formën e zorrëve. Magnezi dhe vitaminat e pranishme në brokoli kurojnë aciditetin për të lehtësuar tretjen e duhur dhe thithjen e ushqyesve nga ushqimi dhe zbusin barkun me uljen e inflamacionit.

Efekt detoksikues: Prania e vitaminës C, sulfurit dhe disa aminoacideve e bëjnë brokolin një detoksikues shumë të mirë. Ai ndihmon në heqjen e radikaleve të lira dhe toksinave nga trupi si acidi urik duke pastruar gjakun dhe mbajtur larg probleme që lidhen me toksinat si skuqjen, artritin, reumatizmat, calculi i veshkave, sëmundje të lëkurës si ekzemë dhe acarime, etj .

Kujdesi i lekurës: Per mbajtjen e lëkurës tuaj të re dhe me shkëlqim merita i takon antioksidanteve si beta karoteni, vitaminës C dhe ndihmësave të tjerë si kompleksi i vitamines B, vitaminës E (vitamina E i jep shkelqim lëkurës tuaj, flokëve dhe ngjall indet e lëkurës), vitamines A & K, acideve yndyrore omega 3, aminoacideve dhe folateve te pranishëm në brokoli.

Kujdesi për sytë: Kryesisht Zeaxanthin dhe pastaj Beta-karotene, vitamina A, fosfori dhe vitamina të tjera të tilla si, C, B kompleks dhe E janë shumë të mira për shëndetin e syrit. Këto substanca mbrojnë sytë kundër perdes së syrit si dhe riparimin e dëmeve nga rrezatimet UV.

Shendeti i kockave: Duke qenë i pasur me kalcium dhe vitamina të tjera si zinku magnezi dhe fosfori, konsumimi i brokolit është shumë i dobishëm veçanërisht për fëmijët, të moshuarit dhe gratë shtatzëna ose nënat në gjidhënie, sepse këta njerëz janë më të prirur për osteoporozën, dobësimin e kockave, dhëmbëve, etj, nga mungesa e kalciumit.

Imuniteti: Substancat përgjegjëse per ngjyrën e gjelbër tek brokoli, vitamina C, beta-karoteni, si dhe vitaminat e mineralet tjera si seleni, bakri, zinku, fosfori etj, forcojnë sistemin imunitar si dhe na mbrojnë nga infeksionet e shumta.

Shtatzënia: brokoli është ushqim thelbesor për shtatzanat sepse është i pasur me proteina, kalcium, vitamina, anti-oksidant, detoksifikues, hekur, fosfor te cilët e bejnë një komponent ideale për dietat. Duke qenë i pasur me fibra, brokoli gjithashtu mban larg kapsllëkun i cili është shumë i zakonshem gjatë shtatëzënisë.

Categories
Lajme

Sekreti i fuqisë së trurit qëndron te vitaminat, ja cilat janë ato

Shëndeti i mendjes bazohet ndjeshëm në një regjim të pasur ushqimor me produkte që stimulojnë çdo qelizë të tij. Më poshtë do të gjeni një listë të 7 vitaminave më të mira që fuqizojnë trurin, përmirësojnë kujtesën dhe performancën mendore.

Vitamina A – Të gjithë i njohim vlerat e vitaminës A për shëndetin. Por kjo vitaminë është thelbësore për zhvillimin e shëndetshëm të trurit. Vitamina A zgjeron aftësitë e mendjes dhe të sistemit nervor. Ajo përmirëson ndërlidhjen mes zonës së kujtesës dhe mësimit dhe zonës së qelizave. Kjo vitaminë shërben si antioksidant, një mjet i fuqishëm kundër radikaleve të lira. Burimet më të mira të vitaminës A janë spinaqi, pjeshka, mëlçia dhe kajsitë.

Acidi folik – Është një nga format e vitaminës B9 dhe mban nën kontroll qelizat e trurit. Acidi folik forcon kujtesën afat shkurtër dhe vigjilencën dhe largon amullinë në veprime dhe letargjinë. Disa prej burimeve ushqimore më të pasura me acid folik janë barishtet, thjerrëzat, fasulet dhe bishtajoret.

Vitamina B6 – Është një nga vitaminat e kompleksit B e dobishme për një kujtesë të fortë. Disa nga burimet më të mira të kësaj vitamine janë pjepri, mishi, drithërat e pasuruar dhe fasulet.

Vitamina B12 – Kjo vitaminë është jetësore për shëndetin e qelizave nervore. Ajo mban të paprekur mielinën e cila mbulon fibrat nervorë dhe lëshon impulse elektrike në tru. Në këtë mënyrë, kjo vitaminë parandalon sëmundjet e trurit.

Vitamina B12 parandalon depresionin dhe luhatjet e humorit dhe rrit vigjilencën. Ajo parandalon humbjen e kujtesës. Disa nga burimet më të mira të kësaj vitamin janë peshku, mishi i derrit, shpendëve dhe viçit. Ju mund të përdorni edhe suplementë të vitaminës B12 në farmaci. Të dhënat tregojnë se spirulina është shumë e pasur me vitaminë B12.

Vitamina C – Radikalet e lira janë një rrezik madhor i qelizave të trurit. Mënyra më e mirë për të parandaluar dëmin e këtyre radikaleve është marrja e antioksidantëve. Vitamina C e luan këtë rol shkëlqyeshëm dhe siguron shëndetin jo vetëm të trurit por edhe të sistemit imunitar dhe zemrës. Burime të mira të vitaminës C janë agrumet dhe bishtajoret.

Vitamina D – Ndihmon shëndetin e qelizave të trurit dhe mirëmbajtjen e tyre. Burime të mira të vitaminës D janë shpendët, mishi i viçit, mëlçia, djathi, peshku, etj. Vegjetarianët mund të konsumojnë kërpudha që përmbajnë vitaminën D2, një formë e vitaminës D. Drita e diellit është gjithashtu një burim i mirë i kësaj vitamine.

Vitamina E – Kjo vitaminë mbron qelizat e trurit dhe nervave nga dëmet e shkaktuara prej radikaleve të lira. Ajo ndalon ose vonon progresin e sëmundjes së ALzheimerit tek të moshuarit. Patatja e ëmbël, barishtet, drithërat dhe arrorët janë burime shumë të mira të kësaj vitamine.

Categories
Lajme

Studimi: Ushqimet me proteinë nxisin bllokimin e enëve të gjakut

Studimet kanë treguar se njerëzit që konsumojnë ushqime të pasura me proteinë janë më të fortë, kanë muskuj më të shëndetshëm dhe imunitet më të fortë. Proteina është shumë e rëndësishme për organizmin sepse garanton mbarëvajtjen e shumë sistemeve të trupit por edhe një plakje më të shëndetshme.

Sasia e rekomanduar ditore e proteinës për një mashkull që nuk kryen aktivitet fizik është 56 gramë në ditë. Për gratë dhe vajzat që kanë një jetë jo aktive, kjo sasi është 46 gramë. Një studim ka ofruar pikëpamje të reja mbi një problematikë të rëndësishme të ushqimeve me proteinë. Bëhet fjalë për bllokimin e enëve të gjakut.

Sipas studimit në fjalë, ushqimet e pasura me proteinë kanë tendencën të nxisin formimin e pllakës arteriosklerotike. Kjo e fundit është krejt e paqëndrueshme dhe mund të shkaktojë jo vetëm bllokimin e enëve të gjakut, por edhe çarjen e tyre.

Akumulimi i pllakëzave të tilla të paqëndrueshme rrit ndjeshëm rrezikun e atakut në zemër, thonë ekspertët. Falë studimit, ekspertët zbuluan se ushqyerja e vazhdueshme me ushqime të yndyrshme dhe me proteinë rrit me 30 përqind sasinë e pllakës arteriosklerotike.

Më pas, kjo pllakë bëhet më e madhe falë qelizave të vdekura jo vetëm duke penguar qarkullimin e gjakut por edhe duke rritur tensionin e tij. Ekspertët identifikuan dy amino acide të veçanta tek ushqimet me proteinë, siç është mishi, të cilat janë shumë të fuqishme në aktivizimin e pllakës dhe shuarjen e aftësive të qelizave për pastrimin e saj.

Nëse qelizat nuk bëjnë dot detyrën e tyre, atëherë pllakëzat e yndyrës shtohen dhe zmadhohen duke përbërë kështu një pengesë serioze për qarkullimin e gjakut. Problemet me qarkullimin më pas nxisin shfaqjen e shumë sëmundjeve të ndryshme që dëmtojnë zemrën dhe vështirësojnë jetën.

Categories
Këshilla

Mungesa e kësaj vitamine është shkaku pse qindra njerëz ngelin të verbër

Mungesa e vitaminave është shkaku kryesor i shumë sëmundjeve, kështu që mbajtja nën kontroll duhet të jetë një prioritet shëndetësor.

Për shkak se trupi ynë prodhon vitamina nga disa lëndë ushqyese, ngrënia e një diete të ekuilibruar mund të mbulojë një spektër të gjerë nevojash shëndetësore. Megjithatë, kur trupi privohet nga disa lëndë ushqyese kyçe, funksioni i tij pengohet. Në fakt, disa mangësi mund të jenë aq të dëmshme saqë shikimi mund të humbet përfundimisht.

Sipas Organizatës Botërore të Shëndetësisë (OBSH), mungesa e vitaminës A kontribuon në verbëri duke e bërë kornenë shumë të thatë, duke dëmtuar kështu retinën dhe kornenë.

Hulumtimet tregojnë se nivelet e ulëta të vitaminës A ndërhyjnë jo vetëm në shikim, por janë gjithashtu një shkaktar kryesor i vdekshmërisë së fëmijëve. OBSH shpjegon: “Rreth 250 mijë deri në 500 mijë fëmijë që kanë mungesë të vitaminës A verbërohen çdo vit dhe gjysma e tyre vdesin brenda 12 muajve nga humbja e shikimit”.

Roli i vitaminës A në lidhje me shëndetin e syve është i dokumentuar mirë. Syri kërkon një sërë pigmentesh në mënyrë që retina të funksionojë dhe të perceptojë spektrin e plotë të dritës. Kur nivelet e vitaminës A bien shumë, prodhimi i këtyre pigmenteve pushon, duke shkaktuar verbëri natën.

Por kornea është një pjesë tjetër e syrit që mbështetet shumë në vitaminën A për ushqim. Në mungesë, sytë thahen herët sepse nuk janë në gjendje të prodhojnë lagështi të mjaftueshme për t’i mbajtur të lubrifikuar.

Categories
Lajme

Doni të humbni peshë? Kjo është vitamina që duhet konsumuar gjatë dimrit

Mes vitaminave, disa janë më të rëndësishmet në kohë të caktuara të vitit. Gjatë stinës së dimrit sidomos, vitaminat janë veçanërisht të rëndësishme pasi viruset e ndryshëm dhe mirëmbajtja e organizmit kërkojnë një kujdes të shtuar. Studime të reja tregojnë se konsumimi i ushqimeve dhe vitaminave të duhura në të gjithë stinët e ftohta, përveç shëndetit të mirë ju ndihmon edhe të humbisni në peshë.

Po flasim për vitaminën A e cila konsiderohet si një faktor kyç në mbrojtjen e organizmit dhe rënien në peshë. Në këtë artikull ju tregojmë çdo gjë që duhet të dini mbi këtë temë si dhe ushqimet ku ta merrni me shumicë këtë vitaminë.

Si të humbisni peshë? – Vitamina A njihet si një hero mes ushqyesve të tjerë, ajo përmban retinol dhe luan një rol kundra plakjes gjithashtu forcon sistemin imunitar. Ndër të tjera për vlerat e kësaj vitamine, një studim i kohëve të fundit publikuar në gazetën shkencore Molecular Metabolism, tregoi se vitamina A stimulon djegien e dhjamit të tepërt në trup.

Ky proces i djegies së dhjamit të keq duke e kthyer atë në një burim energjie për trupin është i njohur për mjekët. Kështu vitamina A, e kthen dhjamin që mbërthen barkun, kofshët apo krahët tuaj në burim energjie dhe force për të përballuar aktivitetet tuaja të përditshme.

Vitamina A dhe i ftohti – Drejtuesi shkencor i këtij studimi Dr, Florian Kiefernga Universiteti i Mjeksisë në Vienë, tregoi se ka një lidhje mes ekspozimit ndaj të ftohtit dhe veprimit të shtuar të kësaj vitamine. Mungesa e vitaminës A në përgjithësi lidhet me shtim në peshë ndërsa në këtë rast fokusi është tek efikasiteti i shtuar i saj kur është ftohtë.

Gjetjet e këtij studimit pritet të jenë pikënisja ndaj terapive dhe kurave të reja në luftën kundër obezitetit, një sëmundje që prek 395 të të rriturve në të gjithë botën. Në këtë pikë ekspertët këshillojnë që këtë vitaminë ta konsumoni shumë gjatë dimrit, si për të humbur në peshë ashtu edhe për shëndet më të mirë e organizmin më rezistent, shkruan AgroWeb.

Ushqimet e pasura me vitaminë A – Ndër burimet më të pasura me këtë vitaminë është mëlçia e viçit, pureja e kungullit, patatet e ëmbla, karotat, spinaqi, qumështi, brokoli apo pjepri gjatë verës. Mundohuni që këto ushqime t’i përfshini sa më shumë në dietën tuaj të përditshme për të parë rezultate të jashtme dhe të brendshme në trupin tuaj.

Categories
Lajme

Si të parandaloni shqetësimet e stomakut nga vitamina D

Vitamina D është thelbësore për një sërë funksionesh të trupit tuaj. Ajo ndihmon në forcimin e kockave dhe të muskujve, mbështet sistemin imunitar dhe atë nervor. Prandaj është e rëndësishme që të merrni mjaftueshëm nga kjo lëndë ushqyese. Një nga mënyrat më të thjeshta është duke qëndruar në diell dhe duke konsumuar ushqimet e duhura. Por nëse vazhdoni të keni ende mungesë të saj atëhere në ndihmë vijnë suplementet.

Duhet të dini se suplementet mund të shkaktojnë efekte anësore si të përziera dhe të vjella. Marrja e sasive të tepërta të kësaj vitamine mund të shkaktojë efekte anësore si: të vjella, dobësi, dehidratim, humbje oreksi, kofuzim, urinim i tepërt dhe gurë në veshka. Për të shmangur këto efekte është e rëndësishme të merrni dozën e rekomanduar ditore. Të rriturit nuk duhet të kalojnë kufirin ditor prej 100 mikrogramësh.

Si të parandaloni acarimin e stomakut nga vitamina D? – Ju njohim më poshtë me disa nga faktorët që shkaktojnë shqetësime në stomak dhe si t’i parandaloni ato.

Filloni me doza të vogla – Filloni marrjen e saj me doza më të vogla duke e rritur gradualisht sasinë derisa të arrini dozën e rekomanduar ditore. Kjo rritje graduale lejon stomakun tuaj të përshtatet me vitaminën D dhe mund të parandalojë të përzierat.

Zvogëloni dozën tuaj – Nëse konsumi ditor ju jep rregullisht shqetësime në stomak, ulni dozën derisa të gjeni një sasi që nuk shkakton të tilla shqetësime.

Merreni suplementin me ushqim – Kjo do të ndihmojë trupin tuaj të përthithë më mirë vitaminën, duke ulur kështu gjasat që të përjetoni shqetësime në organizëm. Ju mund ta merrni atë me vaktin e mëngjesit ose me vaktin e mbrëmjes për të ulur më tej shanset e efekteve anësore.

Shmangni marrjen e suplementeve përpara aktivitetit fizik – Kjo gjë që mund të çojë në mbi prodhim të acidit të stomakut, e cila mund të përkeqësojë urthin ose refluksin.

Konsumoni ushqime të pasura me vitaminë D – Nëse jeni duke pyetur veten nëse ka një lloj vitamine D që nuk do t’ju shqetësojë stomakun, përgjigja është ushqimi.Pavarësisht nëse suplementet e vitaminës D ju shkaktojnë dhimbje stomaku ose jo është gjithmonë një zgjedhje e mirë që pjesën më të madhe të dozës tuaj ditore ta merrni nga ushqimet natyrale. Ato mund të jenë: trofta, salmoni, kërpudhat apo qumështi i sojës.

Categories
Lajme

Marrja e vitaminës C shkakton alergji? Mësojeni një herë e mirë përgjigjen

Trupi ka nevoja të mëdha për vitaminën C sepse ajo forcon sistemin imunitar, përshpejton shërimin e plagëve, ushqen kockat dhe mirëmban funksionet e trurit. E pavarësisht këtyre vlerave, nëse kjo vitaminë merret pa kriter, mund të shkaktojë disa efekte anësore të padëshiruara, por ato mund të jenë edhe tregues të një alergjie të mundshme. Shqetësimet mund të shfaqen me kruarje ose skuqje të lëkurës, pas marrjes së një suplementi ose konsumimit të një ushqimi me vitaminë C.

Helmimi nga vitamina C – Në përgjithësi, kur vitamina C merret në sasinë e rekomanuar nuk shfaq efekte anësore. Por kur ajo merret në sasi të tepërta mund të shkaktojë efekte anësore, të tilla si diarre, të përziera, dhimbje dhe fryrje barku. Gjithashtu konsumi i sasive të mëdha të vitaminës C mund të ndikojnë edhe në përbërjen e urinës tuaj.

Kjo mund t’ju ekspozojnë ndaj rrezikut të formimit të gurëve në veshka. Tashmë dihet se vitamina C përmirëson përthithjen e hekurt në trup. Por nëse e teproni, ajo mund të rrisë ndjeshëm depozitat e hekurit në trup duke dëmtuar seriozisht zemrën, mëlçinë, pankreasin, tiroiden dhe sistemin qendror nervor.

Tepricat e kësaj vitamine dalin nga trupi pak orë pas marrjes së saj, ndaj përballja me këto efekte anësore është pak e vështirë të ndodhi. Thënë shkoqur, një njeri duhet të konsumojë 29 portokalle ose 13 speca që të tejkalojë limitin e lejuar të vitaminës C.

Nëse ju zgjidhni suplementë, sigurohuni që një pilulë të mos plotësojë më shumë se 100% të dozës së nevojshme ditore e cila është: 90 mg në ditë për meshkujt dhe 75 mg në ditë për grate.

Cilat janë shenjat e një alergjie nga vitamina C? Suplementet e vitaminës C ose ushqimet e pasura me këtë vitaminë mund të shkaktojnë alergji. Kruarjet dhe skuqja janë një nga simptomat e zakonshme të alergjisë ndaj një ushqimi ose suplementi. Dhe nëse ato shfaqen vazhdimisht pas marrjes së tyre kjo tregon për një reaksion alergjik. Nëse vëreni se ju shfaqen këto simptoma, duhet të ndaloni konsumimin e ushqimit ose suplementit dhe të flisni me mjekun tuaj.

Categories
Lajme

Vitamina D ndikon totalisht tek ju, problemet shëndetësore që shmangni prej saj

Vitamina D, e njohur ndryshe si vitamina e diellit, është një ndër vitaminat më të rëndësishme në trupin e njeriut. Në formën e saj aktive Vitamina D vepron në shumë organe dhe sisteme organesh duke mundësuar procese shumë të rëndësishme për organizmin tonë. Duke qenë esenciale për shëndetin, mungesa e saj, mund të sjellë pasioja serioze për shëndetin duke shkaktuar problemet e mëposhtme:

Ndikon në shfaqjen e depresionit: Prania e rrjeteve sociale dhe platformave digjitale të komunikimit apo shërbimeve po ndikon drejtpërdrejt në izolimin e njeriut modern, i cili tanimë është kthyer në kavien e smartphonë-ve apo kompjuterit duke e privuar jo vetëm nga kontakti me të tjerët, por edhe me natyrën. Mungesa e ekspozimit në diell, i cili është edhe burimi kryesor i vitaminës D ndikon drejtpërdrejt në mos-oksigjenimin e trurit dhe mund të jetë shkak për shfaqjen e problemeve me depresionin dhe çrregullimeve afektive sezonale (trishtimi dimëror).

Vitamina D luan një rol të rëndësishëm në rregullimin e adrenalinës, noradrenalinës dhe dopaminës në tru përmes receptorëve të tyre për Vitaminën D të vendosur në korteksin e gjëndrave mbi veshkore, si dhe efekti mbrojtës kundër rënies së serotoninës dhe dopaminës.

Ndikon në shfaqjen e kancerit kolorektal: Studimet e ndryshme kanë treguar se mungesa e vitaminës D mund të çojë në shfaqjen e kancerit kolerektal, njohur ndryshe si kanceri i zorrës së trashë ose rektumit.

Ndikon në shfaqjen e dhimbjeve të kockave dhe dobësisë muskulare:Vitamina D nxit përthithjen e kalciumit në lukth dhe mbajtjen e tij në nivele normale në gjak bashkë me parathormonin (PTH) duke mundësuar kështu mineralizimin normal të kockave. Kur Vitamina D mungon mund të çojë drejt miopatisë, e cila shoqërohet me dobësim dhe dhimbje të muskujve.

Duke qenë se vitamina D lehtëson përthithjen e fosfateve dhe kalciumit, mungesa e saj mund të çojë në deformime të strukturave kockore. Por, jo vetëm ndikon gjithashtu në shfaqjen e osteoporozës, artritit dhe inflamimit të gishtave të këmbës.

Categories
Lajme

3 vitaminat më të rëndësishme për të rritur sistemin tonë imunitar

Një dietë e mirë ushqimore është arma më e mirë në luftën kundër sëmundjeve. Konsumi i ushqimeve të pasura me vitaminat e duhura ndihmon sistemin tonë imunitar të luftojë sëmundjen dhe në periudhën që po jetojmë të paturit e një sistemi imunitar të mirë ndihmon të përballojmë më mirë situata të krijuara nga viruse të tilla si COVD-19. Ja cilat janë 3 vitaminat të cilat konsiderohen si shumë të rëndësishme për të rritur sistemin tonë imunitar:

Vitamina C- është një nga nxitësit më të mirë të sistemit tonë imunitar. Mungesa e vitaminës C në organizëm bën që trupi tonë të jetë më shumë i ekspozuar karshi sëmundjeve të ndryshme. Ushqimet e pasura me vitaminë C janë: portokallet, qitrot, mandarinat, luleshtrydhet, specat e kuqe, kale, brokoli, spinaqi. Konsumimi i ushqimeve që përmbajnë vitaminë C në bazë ditore është shumë i rëndësishëm duke qenë se organizmi ynë nuk e prodhon dhe as e ruan atë. Lajmi i mirë është që vitamina C është prezent në një numër të madh ushqimesh sa nuk kemi nevojë të marrim suplemente të vitaminës C, me përjashtim të rasteve kur përshkruhet nga mjeku.

Vitamina B6 – është jetësore që të mbështesim reaksionin biokimik të sistemit tonë imunitar. Ushqimet e pasura me vitaminë B6 përfshijnë mishin e pulës dhe peshkun e ujrave të ftohta si salmoni dhe tuna. Vitamina B6 e gjejmë edhe në perimet e gjelbra dhe qiqrat.

Vitamina E – është një antioksidant i fuqishëm që ndihmon trupin të luftojë infeksionet. Ushqimet e pasura me Vitaminë E përfshijnë arrat, farërat e ndryshme dhe spinaqin.

Si të zgjidhni ushqimet e duhura që ju ndihmojnë në forcimin e imunitetit tuaj: Një rregull shumë i thjeshtë është që kur shkoni në pazar të zgjidhni perimet dhe frutat e stinës dhe me ngjyra. Sa më shumë ngjyra të kenë aq më të mira janë për organizmin. Mundohuni të konsumoni fruta dhe perime të të gjitha ngjyrave, sepse vetëm në këtë mënyrë do t’i siguroni organizmit tuaj të gjitha vitaminat e duhura që ndihmojnë në rritjen e imunitetit.

E rëndësishme është të dini se një sistem i mirë imunitar ndërtohet duke mbajtur zakone të shëndetshme të të ushqyerit. Për shembull, nuk mund të konsumoni 4 portokalle për mëngjes dhe të mendoni që do t’ju mbrojnë nga viruset. Duhet ta edukoni veten në konsumin e një dietë të ekuilibruar dhe të larmishme ushqimore.

Po kështu, të qenit të hidratuar gjatë gjithë ditës ndihmon sistemin tonë imunitar prandaj mundohuni të pimi sa më shumë ujë gjatë ditës apo të konsumoni sa më shumë ushqime që kanë përmbajtje të lartë uji si: kastraveci, selinoja dhe limitoni pijet që ju dehidratojnë si kafeja.