“Tani më në fund e kuptova…” Rrëfehet Pierre Kalulu për Milan TV!

Koha leximit:2 Minute, 27 Second

Mbërriti në Milano para 2 vitesh për vetëm 480 mijë euro që është edhe shifra për kontributin e rritjes që ka shkuar në arkat e Lyon…
Dhe u duk që në daljet e para se kishte brum, jo më kot Stefano Pioli këmbënguli për ta mbajtur në ekip dhe për t’i thënë drejtuesve se do të punonte me futbollistin dhe se një ditë do të bëhej titullar…

Dhe Pierre Kalulu e ka justifikuar këtë besim duke bërë sigurisht një rritje të vazhdueshme në çdo aspekt. Në forcë, teknikë, taktikë dhe shpejtësi. Vetë francezi, që në Napoli ishte ndër më të mirët, ka folur për kanalet zyrtare të klubit kuqezi.

Këto janë fjalët e tij duke nisur nga fitorja e së dielës së kaluar ndaj Napolit: “Ishte një ndeshje e vështirë ndaj një kundërshtari të fortë. Ata janë pranë nesh në renditje dhe kjo i jep një rëndësi shtesë fitores. Ishte shumë bukur që e arrita këtë sukses”.

Mbi Milanin dhe fanelën: “E kuptova shpejt rëndësinë e kësaj fanelle dhe të këtij ekipi, historinë e këtij klubi, të cilin e njihja, por jo plotësisht. Tani e di rëndësinë që ka ky klub në Itali dhe në botë. Kam mësuar se sa e rëndësishme është të punosh. Të gjitha ditët duhet të jemi vërtet konkurrues, në të gjitha ndeshjet të jemi gati.

A po mësoni tani të jeni një mbrojtës i plotë?
“Unë mendoja që në moshë të re se si të bëhesha një mbrojtës modern. Kur isha te Lyon, në fillim të karrierës sime, stili i menaxherit dhe i të gjithë klubit ishte i përqendruar në të qenit një lojtar i kompletuar: teknika, shpejtësia, duke luajtur me topin në këmbë dhe lexuar lojën. Gjithmonë ka qenë dëshira për të qenë edhe një futbollist i mirë në ekipin e të rinjve. Kështu e shoh rolin e mbrojtësit në përgjithësi.

Javët e fundit ke treguar edhe shumë personalitet…
Kur dal në fushë nuk kam ndonjë frikë të veçantë. Thjesht mendoj të luaj mirë. Ka lojëra me pak a shumë rëndësi, por për mua janë të gjitha njësoj. Kur stadiumi është i nxehtë të bllokon pak, por kur fillon ndeshja është gjithçka normale për mua. Mendoj vetëm të luaj si kur isha i vogël.

A mund të na i thoni karakteristikat tuaja?
Më parë nuk isha super i shpejtë, kam punuar për këtë që kur isha 15-17 vjeç. Tani po eci shpejt, por mund të punoj akoma në këtë drejtim. Mendoj se jam më i fortë në të gjitha aspektet mbrojtëse, por mund të përmirësohem akoma. Në përgjithësi përpiqem të jem në një nivel të mirë në gjithçka, në aspektin mbrojtës dhe gjithashtu sulmues, në shpejtësi dhe vizionin e lojës.

Tani është Empoli, çfarë ndeshjeje pret?
Do të jetë një ndeshje e vështirë. Luajmë në shtëpi, por e dimë se në Itali të gjitha ndeshjet mund të jenë të komplikuara. Do të punojmë gjatë javës për të qenë gati për të shtunën.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %