Ushqimet me niseshte, të mira apo të këqija për trupin tonë?

Koha leximit:1 Minute, 20 Second

Shumica e karbohidrateve komplekse që ne konsumojmë zakonisht, si për shembull drithërat, makaronat dhe patatet, futen në grupimin e niseshtes që përbëhet nga molekula të shumta sheqeri të lidhura me njëra tjetrën.

Ky lloj karbohidrati ndahet në dy kategori: i tretshëm ose rezistent. Kategoria e dytë është ajo që i bën mirë organizmit tonë. Besoj se këtë e keni patur si informacion.

Niseshteja rezistente funksionon njësoj si fibra e tretshme. Ajo ushqen bakteret në stomak dhe rrit prodhimin e acideve yndyrore në formën e zingjirit të shkurtër, të cilët luajnë një rol thelbësor në shëndetin e tretjes.

Ushqimet me përmbajtje të lartë të këtij karbohidrati janë: Tërshëra me 3.6/100 gramë e pasur edhe me fibër, antioksidantë, vitamina dhe minerale. Orizi kaf, elbi e drithëra të tjera që ofrojnë jo vetëm fibër por edhe fosfor dhe magnez.

Fasulet që ofrojnë 1-5 gramë niseshte rezistente për çdo 100 gramë bishtajore. Patatet e gatuara, të cilat janë burim i pasur edhe i kaliumit dhe vitaminës C. Banania e papjekur dihet se përmban jo vetëm niseshte rezistente por edhe vitaminat B6, C si dhe fibër.

Deri më tani, nuk dihet një rekomandim zyrtar për sasinë e nevojshme të këtij karbohidrati. Studimet e derimëtanishme thonë se niseshteja rezistente ofron përfitime për shëndetin nëse merret në sasitë 20-45 gramë në ditë.

Në Amerikë, njerëzit konsumojnë sasi të pakëta të saj deri në 5gr në ditë, ndërsa në Europë konsumojnë akoma më pak se aq. Konsumi më i lartë i këtij ushqyesi vërehet në Kinë me 15gr në ditë dhe në Afrikën e Jugut me 38 gramë në ditë për njeri.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %